بسم الله الرحمن الرحيم السلام عليكم ورحمة الله وبركاته شلونكم بنات بقولكم اللي صار معاي رفيج ريلي مدرب سابق لأحد الاندية بالديرة سأله ريلي عن حبوب تخسيس وريجيم طبعا زوجي ما يحب هالسوالف يخاف منهم بس حسيت انه يايبة لي لأنه يقط نغزات يقول وايد حبوب زينة وايد يمدحونهم ويقول حسافة قطيت فلوس مالي خلق اخذهم جنه يقول جربي منتي خسرانة لأنه هو مو متين وايد من اسبوع تقريبا وانا اخذهم وماشية على الريجيم معاهم هذا الريجيم نتيجتهم للحين قطيت 3.5 كيلو الاسبوع اللي طاف بصراحة بكمل اذا تبون تبلشون معاي يلا بنات نشجع بعض ولأن كويتيات ما قصرو معاي بموضوعي اللي طاف بنزلكم الريجيم يمكن نقعد من النوم على يوم ما نشوف هالكرش الريجيم كالاتي : يوم الأحد : يكون الريوق . اكلات ناشفة مثل صفار البيظ و جبن ابيض مالح من غير خبز ولا صمون ولا توست وهل اشياء الكيماويه.... يكون الغداء . اشياء مفيوحه ومن غير عيش وهل سوالف الي ترفع الكرش....يكون العشاء . سلطات او فاكها بس يفضل اذا تحبين التفاح يفضل يكون تفاح اخضر الحامض . _______ يوم الأثنين : يكون الريوق . كورن فلكس ابو الديج و تشربين وراه قلاص ماي .... يكون الغداء . شوربات .... يكون العشاء . هم صلطات او تفاح عامتاً العشى يكون نفس الجدول لأن بعد العشاء في نوم وهل نوم راح يخلي الأكل مايتهضم. _______ يوم الثلاثاء : يكون الريوق . اجبان وأكلات ناشفه خلي وجبت الريوق تكون نفس باجي الجدول بس بيوم وترك على شان تغيرين شوي .... يكون الغداء . اشياء مشويه بس لاتكثرين منها وبعد ماتخلصين الغداء تضربيلج قلاص ليمون فرش ليمون ناشف ادري انه وايد حامض بس وايد زين .... يكون العشاء . هم صلطات او فاكها . _______ يوم الأربعاء : يكون الريوق . كورن فلكس ابو ديج ووراه قلاص ماي .... يكون الغداء . صلطة سيزر مالت ماكدونالدز بس سويها شغل بيت لأن اهم مايضبطونها عدل ومن غير الصوص مالهم .... ومايكون في عشاء نامي وبطنج فاضيه على شان وقت النوم هرمون جسمج ياكل شوي من الشحم ويحرقه . _______ يوم الخميس : يكون الريوق . اجبان ومأكولات ناشفه .... يكون الغداء . دياي مفيوح وهل سوالف الي مافيها دهوون موليه بس بعد الغداء اكلي معلبات اناناس .... يكون العشاء . صلطات او فواكه . _______ يوم اليمعه نفس يووم الأحد : يكون الريوق . اكلات ناشفة مثل صفار البيظ و جبن ابيض مالح من غير خبز ولا صمون ولا توست وهل اشياء الكيماويه.... يكون الغداء . اشياء مفيوحه ومن غير عيش وهل سوالف الي ترفع الكرش....يكون العشاء . صلطات او فاكها بس يفضل اذا تحبين التفاح يفضل يكون تفاح اخضر الحامض . _______ يوم السبت : خليه هل يوم مفتوح على شان لاتتعبين وتحسين بدوخات وهل سوالف وعلى شان جسمج يرد قوته ويستعد حق الرجيم بس بعد الغدا يفضل قلاص ليموون طبيعي . _______ ملاحظه : أذا كنتي من عشاق القهوه والجاي قطعي من القهوه وخلج على الجاي ومو اي جاي الجاي الأخضر على قولتهم قرين تي لوول وأن شاء الله بالأسبوع بينزل وزنج من اربعه إلى سته كيلو . بس اول اسبوع احتمال ينزل كيلو إلى 3كيلو على شان يكون هل نضام يديد عليه ومو متعود بس من ثاني اسبوع راح يبين كل شيء طبعا مع الحبوب اللي خذاهم لكن ما اقدر اقول اسم الحبوب اخاف يحسبونه موضوع تجاري والله القصد منفعتكم بس عفية بنات جربو وادعولي الله يهدي سري مع زوجي ويسخره لي
الله يهدي زوجج لج ويهديكم لبعض -آمين يااارب- والله يوصلج للوزن اللي تبينه بصحة وعااافية . . . ودي اسوي رجيم لكن عند مشروووووووع
ماشالله انا تونى والدة من 5شهور الحمدالله ضعفت بس موللوزن الى ابية ودى اجرب رجيمج مترددة اعرف عمرى ماالتزم يالله موفقة ان شالله
