االسلام عليكم أتمنى تفسرين حلمين لي وأنا ألحين حمال والحمدلله,, الأول بدايه حملي ,, حلمت أني توني والده وجبت بنت والبنت حلووووووووه وبيضه وشعرها أسود وتشابهني وأنا صغيره ,, وكان زوجي يمي وقلت له فلان شنو تبي نسميها ,, طالعني وبتسم ورد طالعها وهوا يبتسم مع أن بالصج مختارين الأسامي اذا كان بنت أو ولد وهوا ألي مختارهم والحلم الثاني قبل جم أسبوع .. حلمت أني لقيت بيضه بغرفه الجلوس أبيت أهلي ولا مسكتها وانا مستغربه شجاب هالبيضه هني ولا تتحرك كأنها بتفقس ويطلع منها كتكوت وانا خفت وقطيتها على الأرض ولا تبطلت وطلع منها جنين داخل مشيمه لونها أزرق وطلع من المشيمه وقط نفسه وهوا يضحك وعنده ضروس وانا خفت منه لأن طلع بطريقه غريبه من البيضه ولا أبعد راسي عنه بعد مامسكته وأقول لشخص عندي ماذكر منو وقلت (( هذا أكبر من عمره )) وانا خايفه لأن بالحلم كان أكبر من عمره شكله بالأشهر وأتمنى تفسرينهم لي لأني تعبت من التفكير وجزاج الله خير
ليش خايفه ان شاءالله خير الحلم الاول والله اعلم البنت الدنيا والحلم الثاني انج تجيبين ولد والله واعلم بس اذا جبتي ولد لي الحلاوه
اختي الغالية الرؤية ترمز فعلا لولادة بنت لان البيضة بنت لقوله تعالى (( كانهم بيض مكنون )) اي النساء ولكن الرؤية تدل على انه هالبنت ستكون بالمستقبل فيها اختلاف عمن حولها وستتميز بامورها سواء بالعلم والارتفاع وسيكون لها شأن بمكانها وسيرفعها الله وسيبارك لكي فيها مستقبلا فهي اشارة للخير فيمابعد لكي ولها والله اعلم
