امي عيال عمها كويتيين وهي سعودية ودايم تحكي لنا عن طبخ الكويت وتمممممدح وخصوصا الدقوووووس وتسوي لنا دقوس بس تقول هم يضبطونه اكثر وانا ابي اعرف الدقوس ع اصوله .......ياليت تفرحوني :teeth_smile: وتشكرااااااااااااااااات مقدما من بلاد الحرمين
هلا والله ببلاد الحرمين كلهم شوفي حبيبتي حتى عندنا بالكويت في كذا طريقه الأولى : تحطين الطماط الطازج مع ماي بالخلاط وتحمسيله بالجدر ثوم وكزبره وشوية بهارات وملح وتكتين عليه خلطة الطماط وتضيفين معجون الطماط الثانيه : تحمسي الثوم والطماط والكزبره لين يذبل الطماط وتصبين فوقه ماي وملح وشوية بهارات والمعجون الثالثه : تقشرين الطماط وتحمسيله ثوم وكزبره وبقدونس وتحطين فوقه الطماط المقشر وماي شوييييييييييييييييييه خليه مثل الصلصه الثقييييييله بس اللي دارجه اكثر شي الأولى وعواااااااااااااااااااااااااااااااااااافي
هلا حبيبتى طريقه الدقوس تحطين طماط والثوم والبصل مع اشوي ماء بالخلاط وبعدين تحطين طماط صلصه بالجدر مع الكزبره واللومي اسود وتضيفين لها الطماط المخلوط واشويت ملح وبالعافيه
يالهه حيها من دار بو متعب انا بعلمج طريقه دقوس تدوووخ اول شي الزيت و الثوم تحمسين و اول ما تطلع ريحه الثوم قبل لا يسر بني تحطين الكزبره و المعجون ا م ك خلي على النار لين يصعد الدهن فوق المعجون ضيفي طماطه مبشوره + ملح و فلفل اسود و كمون و اخر شي حطي عليه شوي ماي الدجاج و تمتعي بالريحه حتى جيرانكم يجون ياكلون عندكم لوول
أمي اموت على دقوسها بس للاسف ماعرف طريقتها ان شاء الله البنات قدروا يفيدونج فدييييييت السعوديه واهلها الطيبين
الله يعطيكم العافية ويبارك لكم بكويتكم الغالية ياكيكة وريح الصباح وام الخير وبقايا انسانة والله ماقصرتوا بس ياليت تقلطون معاي ..........
طريقة عمل الدقوس/ 4حبات من الطماط الكبيره؛تقطع وتوضع بالخلاط مع قليل من ا لماء ؛نضع فصين من الثوم بعد هرسهم في الجدر مع قليل من الزيت حتي يتغير لونه ونضع عليه الطماط المهروس بالخلاط ونضع قليل من معجون الطماط ونخلطه ونزيد عليه قليل من الماء والملح ويطبخ قليلا / وفيه اظافه اذا حابه ملعقة طعام خل وبالعافيه
دقوسي غيييررر ذوقية بصل ناعم شوي ملعقة مع 2 فص ثوم مدقوق عادي احمسيها لين يتغير لونها بالخلاط 4 عادي تزيدين طماط مخلوط حطي فوق البصل وانطري لين يتسبك شوي يثقل وزيدي شوي ماي ونص علبة معجون طماط وخلية يقلب مع بعض يصير شوي ثقيل حلاتة وعندج شوي فلفل اسود وقليل ملح بسسسس واخذي فلفل هندي اخضر حاااارررر صغار قبل لاطفين الشولة قطية فيه لاتقصينة وذوقي امممم وانا مو معزومه
صج مالكم بالطبخ شكو دقوس يحطون فيه بصل وبقدونس وحمسه أي شيء غلطانين مرق مو دقوس , هذا مو دقوس كويتي هذا تأليف من عندكم .
هلا واللة باهل السعودية كل واحد يختلف دقوسة احنا نقص الطماط ونحطة بالجدر ليمن يذوب وندقة عشان يذوب زيادة وبعدين كيفج تحطين ثوم حبات 2او ثلاث وبعدين تحطين الملح بدون بهارات وتصبين شوية ماى على الطماط وخلية يطبخ وحطى المعجون علية وعلوب فلفل اخضر 2وخلية يطبخ ليمن يثقل وطلعية بالهنا والشفا انا احيانا اضيف بطاط وبامية او قرع عشان اغير حلو جربيى
