موضوعج وطرحج راقي فعلا هذول فيهم نقص وحقد علي الكويت بس مانقول الله يحفظ ديرتنا من كل شر ويحفظها من الفتن احنا لو ناخذ قناعاتنا من نفسنا جان ماصار حالنا جذية بس المشكلة انا نسمع قنوات وناس قاعدة تعيد تزيد بسطوانة مشروخة
يا حلو ديرتنا والله يحفظها من كل شر ومشكورة وايد على الموضوع الحلو والله يعطيج العافية اختي وكلنا ايد وحدة ومستحيل نترك ديرتنا حق الي يغلط عليها والله لا يحرمنا منها ومن استقرارها ..................... قولوا آمين
السلام مشكورة على الكلام الاكثر من رائع قبل اشوي دخلت على منتدى كويتية صراحة انذهلت لقيت كلام فضضضيييع مكتوب عن الكويت مع ان الموقع كويتي صراحه ذهلت وصعقت مادري شنو صاير فاللي تعرف شي توضحلي رجاءا
صح لسانج يالغاليه و الله اني سافرت شرق وغرب وشفت وسألت لقيت ما في احسن من هالديره الغاليه معطى شعبها حقوق ورفاهيه وراحه والله يا بنات ان حفيدي عمره سنتين ويموت على بابا صباح الله يحفظه كل يوم افتح الجريده يبسط معاي يدور صوره حق ابونا صباح وما يخليني اقلب الصفحه يظل يبوس بالصور عاد شسويت قمت وديته للمصور اللي حوالينا وخليته يدبلج صورته مع بابا صباح وكاهي مكبرينها وحاطتها بالصاله لازم نعود عيالنا على حب الوطن والامير هذول اجيال المستقبل
مشكوره اختي على الموضوع ...بس عندي ملاحظات وتعليقات....لاتعممين على الكل الحقد اللي ذكرتيه يمكن يوجد عند قله قليله جدا عند بعض ضعفاء النفوس اما اغلب الشعوب العربيه والخليجيه يحبون الكويت ويموتون فيها خصوصا الخليجيين ومالومهم الكويت بلد تنحب وبعدين ليش الحسد وهم معينين خير ودولهم مو مقصره معاهم خاصة دول الخليج كلها من مستوى الكويت واحسن ومستو معيشة الفرد فيها مثل الكويتي وافضل مااعتقد ان فيه احد يعيش بنعمه يحقد على احد في مثل مستوى معيشته او اقل الشي الذي تميزة به دولتنا الحبيبه عن باقي الدول انها غرست حبها في قلوب مواطنيها منذ الطفوله. برياض الاطفال يعلمونهم حب الوطن لمدة سنتين ويجعلونه ينمو معاهم طيلة مراحلهم الدراسيه وبمناهجهم الدراسيه ماده التربيه الوطنيه ماده اساسيه عكس بعض الدول اللي مو موجوده عندهم هالماده بالمناهج الدراسيه وان وجدت فيها جديده وغير اساسيه انا مع حب الوطن وليس المبالغه فيه التي تصل احيانا لشرك بالله ...
تظل الكويت درة الخليج وقلب العرب النابض وشريان الاسلام مهما تكلموووووا هؤلاء المتخلفووووون ونبحوا كالكلاب لاينبح إلا من يغار من خير هذه البلاد الذي غطى مشارق الارض ومغاااربهاااااااا بفضل من الله ومنة منه وهنالك مثل تذكرته الآن يقول فيما معناه دع القافلة تسير والكلاااااااااااااااااااااااب تنبح ودمتي ياعزة العرب وفخر الاسلام بخير وسلام
تسلمين حبيبتي هذا من طيب اصلج حبوبه وبالنسبة لصاحبة الموضوع صح كلامج بس والله حياتي الكويت تبقى درة باهلها وتاريخها وهي تاج يزين راس كل كويتي يحب الكويت الحمد الله ربي خلقني كويتية والله يرحم اجدادنا لانهم هاجروا واسكنوا في الارض الكريمة اللي ما تبخل على عيالها احب الكويت وما أسوى من دونها
يعطيج العافيه علي طرح مثل هالموضيع وانا في بيت احب دايم اقوله حق كل واحد حاقد (لا شفت ضيم الناس في كل ديره***اسجد لربي اللي خلقني كويتي)
أقولهم روحوا الله ييسرلكم لو تقعدوووون 1000 سنة ما راح توصلووون لعقلية الكويتي المثقفة والززينة موووووووتوووووا حرررررررررررة
