السلام عليكم حبيباتي بغيت فستان لي بلبسه بعرس اختي يكون حلو ومرتب لاني تعبت من كثر ما اطرش الرسايل الخاصة للبنات ف اللي عندها شي يناسبني (وزني 58) ما ادري بس يمكن البس الميديم سايز اطرش لي رسالة ع الخاص او العام فيها الصور والقياس والسعر ملاحظه: انا من الامارات وبكون في الكويت باذن الله نهاية الاسبوع القادم واسمحوا لي ع الاطالة
حياج شوفي الصور ابملفي الشخصي بالالبومات و هذا رقمي65919138 بس توصلين الكويت بلغيني علشان اقوم بالواجب حبيبتي
حياج الله بعد عمري تنووورين اذا كلش روحي الحمرا مول هناك فساتينهم روووعه بس اسعارهم غاليه شويه وشوفي المول ان شاء الله تحصلين طلبج
هلا بالمشرفه ورده الغالية بما اج مشرفه ساعديني اني القى طلبي ولو تشوفين لنا دراريع بعد بتسوين خير وبغيت بعد لبس القرقيعان للبنات 10-12سنة ادري اني طلبت منج وايد امور بس والله كلهم ثلاثة وما يكفونا علشان نلف وندور باسواقكم اللي الكل يمدحها واتمنى من الكل انهم يساعدوني
السلام عليكم مشكورات خواتي اللي ردوا علي سواء ع العام او الخاص وجزاكم الله خيرماقصرتوا باذن الله راح انزل لكم موضوع كامل عن رحلتي لبلادي الثانية....الكويت وايد استانسنا بالرغم من المدة القصيره اللي تمينا فيها عندكم لكم محبتي ومودتي اختكم.............ام شويخ
تسلميــن ام شويخ ونورتي الديره وان شاء الله تكونين استانستي وناطرين الموضوع اللي وعدتينا فيه وعسى زرتينا في معرض افكاري!!
الله يسلمج الغاليه هيه نعم زرت المعرض يوم الجمعه تقريبا الساعه 5 او5,30 وخذت منكم اغراض حلوه بس للاسف كان في كم محل مب فاتحين بعدهم......
