مساء الخير يا حلومين بدش بالموضوع دغري . . انا متينه وودي اسوي رجيم وهتم بنفس بس ريلي الله يهداه ويخليه لي ويخليلكم ازواجكم يقولي لا لتسوين رجيم جسمج عاجبني وحاولت فيه اكثر من مره وموراضي يقولي انا ما حب انج تضعفين لان جسمج حلو وكله يقولي شوفي ليله علوي وشوفي الهام شاهين مو احسن من الضعاف وبنات الموضه وانا عاد مو بطه بطه وسط ويقولي يكفيني لي لبستي الستان بس بنات والله ملين من المتن ابي الحل يا حبيباتي ................................:52_52:
هههههههه حبيبة قلبي عادي.. هذا هاجس كل حرمه.. اخاف اكون متينة بعدين ريلي مايحبني.. ياعمري مدام ريلج راضي وعاجبة خلاص.. صدقيني لو تأملتي روحج لفتره راح تشوفين ان جسمج حلو.. في حريم ياقلبي متنهم ملحوظ حيل.. هذول يبيلهم يضعفون ويخافون اما انتي فما اعتقد والدليل ان زوجج مقتنع.. ريحي بالج وخذيلج هوليدي وريييييييحيييييي راسج من هالتفكير.. عيل انا ابي امتن ههههههههه جلد على عظم وممشية حالي موفقة ياعمري
والله ياحبيبتي نفس حالي انا توني والده وزني بداية عرسي 74 وكان جسمي حيل حلووو علي طولي مو ضعيفه زينه منسقه المهم الحين 79 يعني زااايده ودي اضعف بس زوجي رااااافض يقول جذي جسمج وبس اقووله ارد نفس اول مو رااضي بس انااا مققلله من الاكل اكل سلطه مع خل التفااح اشرب شاي اخضر جذي يعني من غير لايدري يعني علي الاقل لوكم كيلوو بس سوي نفسي من غير لايدري وبس بس مو زياده
أنا رايي إنج تهتمين بجسمج عشان نفسج ومظهرج مو عشان زوجج ولا تنسين أهم شي عشان صحتك أنا أعرف حريم متان حيييييييل بس أزواجهم يقولون لهم لا تضعفون ؟؟؟؟؟؟؟ وإهي مظهرها لوعة قوليلي إشلون ترتاح نفسيا . يبة صدقيني أهم شي نفسج فقطططططططط
يابطوطة الحلوة مدام عاجب ريلج هذا اهم شي حلو ع المرة // البنت انها تكون متروسة يعني مو يلد ع عظم جذي مو حلو حلاتة انوثة فيها شويه لحم والله يوفقكم ويسعدكم انشالله
والله نفس الحااااااااااااااااله ومو رااضي وبالطالع وبالنازل جايبلي اكل وياه هههههههههههههه بس والله قررت ادش ناادي بأذن الله وماعلي منه ماادري يمكن يجاملني واكيد ماراح اصير عصله بس اضعف شوي واذا ماعجبه الله يخلي الوجباات تردنا الدبل خخخخخخخخخخخ
احمدي ربج ناس يدورون المتن الحمد لله واذا على صحة قوووووووووووووووووولي الحمد لله وانتي مو مريضة بس على قولة خواتي خففي بس مو تحرمين عمرج عاااااااااااااااد والصراحة اذا زوجج عاجبه لا تزعلينه ولا تزيدين اكثر
حبوبه انا نفس قصتج بس ظعفت انهبل اهم شى صحتج بلظعف شوفى الياقه شلون تصير يكفى لوك يديد ومحتار بلبسى وتقبلى مرورى
والله إذا كان الجسم حلو ومليان مو مشكله آخذ بكلامه وما أضعف أما إذا كنت حيل متينه لا والله ما راح أرد عليه أكيد بضعف ألزم ما علي صحتي وشكلي يكون حلو باللبس عالأقل يساعد حتى شكلج يصير أصغر من عمرج
انا اقول سوووووووووووووووي رجيم خليج من زوجج لان انا كنت نفسج بعد ولدي ربربت وقلت ابي اضعف وخفف كم كيلو قبل لا يزيدون قالي لا جذي حلو ولا تضعفين ومن هذا الكلام واقنعني مع الوقت ان كل شي اوكي ...بس مع الوقت الكيلوات زادت وانا اللي توهقت لان من الاول مالقيته مشجعني والحين يقول ضعفي ياويلتي ويلتاااه الله يعيني وضعف يااااااارب ..
