بنات اشلونكم انا عرسي بشهر 9 وابي نفنوف عروس بسيييييييييييييييييييييييييييييييييط جدا جدا جدا قياس ميديم او لارج والسعر من خمسين لي ال80 واخر الشهر اسلم الفلوس مو مشكله اذا كان مستعمل بس نظيف الله يخليكم وما ابيه كلوش ابيه عادي ونص جم او جم طويل
ان شاء الله البنات مايقصرون وياك مووووووفقه بطلبك ياقلبي الله يهنيك ويسعدكم ويتمم لكم على خيييييييييييير
تقدرين تفصلينه احسن لج لا تضيعين وقتج صدقيني لان طلبج صعب تحصلينه بهالسهوله نصحيه مني لج لا تعطلين روحج بالردود روحي خياط تحسين انه شاطر ويفصل لج اللي تبينه وبأقل من هالسعر بعد وعلى مزاجج انا اعرف خياط شغله حلووو اذا تبين رقمه ادزه لج ...
البدله هذي عجبتني بس شوفي ركبي عليها اكمام دانتيل فرنسي نفس اللي على البدله راح تطلع رووعه وخففي من الجيبون او الغيه مره وحده راح تطلع روووعه وانتي براحتج
انا مع كلام اختي حبووووووووووووووووبه لا تضيعين وقتج فصلي احسن ويمديج الوقت لا تقولين ما يمدي تو الناس والله يوفقج ان شاء الله
مبرووووك حبوبه انا مع حبوبه فصلي لج نفنوف ابيض محتشم وانتي ماعليج الا تعطين الخياط الموديل والخام والفصال ارخص من الجاهز
الف مبروك الحين الدراعة فوق 50 بدلة عروس مو اقل من 200 حتى لو تخيطينها عند هندي وخام ردي مايسويها ب50 زيدي المبلغ انشاللة تلاقين ترى مافي وقت عشان تفكرين اخذي قرارج الحين اللة يوفقج ويرزقج بنت حلال تاجرها لج ب50
حبوبه اذا تقدرين روحي لخياط الجمال في الفحيحيل راح تلاقين اكثر من عشرين مشغل وكل واحد عنده موديلات جاهزه معروضة على 50 و 60 و 70 واكثر انتي عليج تنقين اي موديل وكاسري فيه بعدين طلبي من الخياط يغير لون الخام ويحطه ابيض وانتهت المشكله
حبيبتي انتي مو محتاجة تاجرين انتي تبين شي ناااااااااااااااااااااعم اي خياط يسسوي لج بسسسسسس لا تقولين انج عروووووس لانه راح يغلي عليج وعلى فكرة في بقسم الملابس المستعملة وحده تبيع نفنوف ابيض حلو ب 100 ويصلح لعروس ركبيله كموم وخذيه والله يبارك لج ويتمم على خير
انا عندي بدلتي واااااااااااااااااااااايد ناعمه اذا تبينها ببيعها ب 250 والله ان طالبينها لي من فرنساااا وااااااااااااايد بسيطه لاني ماسويت عرس
