مرحبااااااااااااا فديتكم أبي منكم خدمه جزاكم الله خير الي سافرت فرنسا وسويسرا والنمسا ابي معلومات عنهم لاني مسافره هذي دول ع شهر 7 وما تقصرون.
هاي قلبو انا قد رحت فرنسا وسويسرا اول فرنسا أنسي مدينة جميله وهي قريبه جدا من جنيف (نصف ساعة) وكذلك شاموني ولا ننسى نيس على البحر الابيض المتوسط وعند برووج في بلجيكا ......... جدا جميله وقريب منها أيضا بروكسل ............ ساعة بالقطار من باريس شاطئ مدينة كان الفرنسيه متحف اللوفر ..من اشهر المتاحف في العالم وموقعه خلف ساحة الكونكورد اللي في نهاية الشانزاليزيه .. وفيه اشهر لوحه .. اللي هي الموناليزا .. الملاهي : ديزني لاند باريس Disny Land Paris وهي تبعد 25 كيلومتر عن وسط باريس .. وتقدر تروح لها بالسيارة او بالقطار او بالباص .. منطقة الديزني عبارة عن منتجع كامل .. يعني تلقى فيها فنادق وحدائق وملاهي ومطاعم مثل بلانيت هوليوود.. وبالنسبة للملاهي اول ماتدخلها تلقى مكاين تبيع كروت اسمها فاست باس Fast Pass الحدائق : حدائق باريس كثر شعر راسي بس بنذكر اشهر الحائق الموجوده فيها جاردان دو شام دو مار Jardin du Champ de Mars غابة بولونيا Bois de Boulogne الغابة هذي ولا مخطط المطار !! هههههههههه( ياعيني على التشبيه ) الغابة هذي في وسطها حدائق وبحيرات ...
زالتنقل في باريس اما عن طريق المترو او التاكسي .. المترو اول شي تشوف خط سيرك والمحطة اللي تبي تمشيلها وبعدين تقص تذكره سعرها تقريباً 1ونص يورو وتوصلك للمكان اللي تبيه ... وانتبه ترمي التذكرة اذا دخلت .. لان الشرطة احيانا دير حملات تفتيش على التذاكر واذا مالقوا التذكرة دخلت في سين وجيم .. وانتبه من النشالين .. اساليبهم كثيره ... والتاكسي من 7 الصباح الى 7 المساء تختلف تسعيرته عن بعد الساعة 7 في المساء .. طبعاً في المساء تكون اغلى !!وممنوع انك توقفه من اي مكان .. لازم تاخذه من عند موقف التكاسي وتلقى لوحه مكتوب عليها taxi اوقف تحتها وبيجيك التاكسي ..
اختي انا رحت فينا حلوه كثير واحلي شي فيها زلمسي وانا سكنت بكابرون تبعد عن زلمسي 5 دقايق سياره قمه جنت الارض وبارده وتنسين الدنيا واحلي من فرنسا فرنسا حلو فيها المشتريات والماركات وتقبلي مروووووووووووووووووري
مرحبا إختي أنا زرت جنيف بصراحة مدينه ما فيها شي غير البحيره.. تقدرين اتروحين زيورخ عن طريق جنيف بالقطار والمده تقريبا ساعتين ونص وزيورخ مدينه جميله جدا... ومن جنيف تقدرين اتروحين إلى مدينة ميلان الإيطاليه وما أذكر بالضبط كم ساعه.. ولا تنسين تأخذين رحله سياحيه للأرياف السويسريه وخاصه قرية قشتاد عن طريق جنيف قريه حلوه بصراحه... وعلى العموم شعب سويسرا طيبيين لأبعد الحدود... وأتمنالج رحله سعيده إنشاء الله...
