ممن وحده تفيدني كيف اسوي لوشنات معطره تركيز قوي ومخلطات ؟؟؟؟؟؟؟ الله يخليكم .. شريت كريم لوشن من السوق وزيوت مركزه وخبصت فيها وطلعت مالها اي قيمه ابغا تساعدوني لو سمحتو .. الي شريته راح كله خساره علي :frown::frown::frown:
حبوبه لازم قبل لاتسوين اي شي تستشيرين اللي بالمجال نفسه .. يعني العطور المركزة اللي يسمونها الخام لازم تنخلط مع كحول صافي لتكوين العطر ... و نفس الطريقة للوشنات عطر مركز مع كريم بس ماني عارفة اي كريم ؟؟؟؟؟؟؟ و انشالله تلقين طلبج و البنات ماراح يقصرون معاج ....
اول شي انا بطمع فيج وابي منج دعوه من قلبج حقي وحق امي وريلي وولدي .. مو طماعه حيل صح ؛) اولا لعمل عطر مركز .. 1- كحول الماني تشترينه من سوق السلاح 2- زيت عطري تشترينه من سوق السلاح تخلطين حق كل زجاجة عطر حجمها 50 مل 15 ملي زيت والباجي كلا كحول ..يحفظ يوم في الفريزر وبعدين بمكان مظلم عشان التركيز.. اللوشن تسوينه جذي... تشترين لوشن المسك الكبيرالاسطواني تلاقينه بمركز سلطان وتخلطين معاه الزيت العطري بس مو وايد ليمن تحسين ريحة العطر بينت خلاص .. ها شرايج استاهل دعوه حلوه صح تحياتي وموفقه ياربي بنات انا اشتغل بمجال العطور واحب لكم اللي احبه لنفسي اللي عندها اي استفسار تسأل وراح اجاوبها __________________________________
ربي يوفقك دنيا واخره ويعطيك كل خير تتمنينه لكن اختي انا من السعوديه لكن عندي استفسار .. وش هو لوشن المسك ؟؟ اول مره اسمع فيه انا شريت لوشن في علبه بلاستك .. وغطاها احمر .. زي السطل وياليت لو تكرمتي .. تذكرين لي .. 1000 جرام لوشن .. كم يكفيه زيت عطري وكيف اعرف الزيوت العطريه الاصليه من المغشوشه .. وهل ماء الورد يخلط مع اللوشن علشان يخففه ويصلح ينرش على الجلد ؟؟ يقلت عليك .. بس اتمنى استفيد منك بما انك ماشاء الله تبارك الله خبيرة في العطور .. الله يوفقك ويسعدك ويخلي لك كل غالي
يابنات .. أبغا شي يثبت ريحة اللوشن اطول مده فيه وحده من الاخوات ذكرت زيت الشاي الاخضر في اللوشن .. لكن ممكن اعرف وش فايدته ؟؟
