سلااااااااااااام بنااااااااااااات شخبااركم؟؟؟؟؟؟؟؟؟ بدون مقدمااات الكتاب مبين من عنوااانه انا وحده من البنااات حدي زهقت من روتيني مع زوجي حييل ممل بشكل مو طبيعي مافي اي تجديد اقزرها على عياالي العب معاااهم او ارتب غرفتي وبعض المرات من الزهقه اسولف مع خدااامتي او اشغل الدف دي وارقص وتعااالوا شوفوا الحركاات والخباال عياالي يطالعوني يقولون هذي اكيد جنية امي هههههههههههههههههههههههههه ادري بتقولون افتحي كتاب ربي واقري جم صفحه والله ادري بس عندي عياال الله بالخير ماقدر اقري الا اذا ناااموا واهلى ماروح لهم الا يوم الجمعه اذا اجتمعوا خواتي المتزوجات.........وحمواتي 2متزوجات مايجون الا من وين لوين وزوجي كله بالديوانيه افيدوني انصحوني شلووون اغير من روتين حياااتي الله يوفقكم دنيا واخره
حبيبتي الرجال لو تموتين ماتغيرينة او تقيدينة بربعة والديوانية عشت نفس التجربة كل خميس وجمعة وسبت ينام بالشالية مرة قاعدة ادرس واللة خنقتني العبرة بسرعة يبين علي وهوا بيروح تخيلي انا روتيني دوام انام الضهر اقعد ماشوفة الا الساعة وحدة قولي 24 ساعة اشوفة 3 ساعات والعطلة مو عندي هني تكدرت ضاقت الدنيا فيني قالي بروح قتلة ماتشوف شر مع عبرة تذبح قالي فيج شي قتلة سلامتك كل هذا وماشوفة منزلة راسي بكيت وصر علي بعد نص ساعة الا تقوليلي شفيج وبطيت الي بقلبي انت ماتحس فيني حتى بالعطلة انحرم منك كلا ربعي وربعي لو ادري جان زوجتك ربعك اكلك شربك سهراتك عندهم انا شنو ذنبي انصدم من ردة الفعل واللة يمر ب3 شهور مانطلع عادي عندة من عقب الموقف تغير بس بيرضيني كل احد لي طلعة وحدك لي 12 بالديوانية واجهي لاتقهرين عمرج قوليلة حاولت اشغل وقتي ماقدرت يرضيك اشغلة بالحرام انا محتاجتك بسولف معاك ابي استشيرك عيالك يبونك حولهم تحرمهم من البوة وانت عايش غيرك يتمناهم بطي كل شي بس على فكرة صارلي يمكن 7ايام وخاطري متكدر خل يلاحظ ان فيج شي بس ماتبي توضحيلة يعني لاتسولفين نامي مبكر حاولي مايشوفك لاتدقين علية خل يفقدج كان لايعة جبدج منة وبعدين سوي الفلم وعطينا لخبار ناطرتج اللة يهديهم
الحمد لله انا مقزرتها على الاخر صيري نفسي يوم اطلع لهلي يوم اروح لرفيجاتي طبعا احلى شي بيوتهم قريبه مني مو بعيده يوم اهم يجوني ويسيرون علي الليل طوله بعرضه سماعتة التلفون ما طيح من اذني اشبك انا وخواتي او انا ورفيجاتي شوفي الضحك وياذن الفجر ونصلي وننام هذي حياتي وهذا روتيني ومرات اقعد على النت ومرات اترقص كاني مجنونه ومرات العب مع عيالي ومرات ومرات ولا تخلص المرات ههههههههههههههههههههههه
واللة ياعليا موكل الريايل ينفع هالاسلوب معاهم تخيلي يرد عليج ويقولج عاجبج اهلا موعاجبج سهلا بيت اهلج ينطرج حاولي تكسبينة بهدوء وبحركات العشا الرومنسي والليلة الرومنسية مثل اسويلة مساج وازهب الحمام الرومنسي--وهالسوالف حاولي اذا كان مشغول ---شنو الهواية اللي عندج وطوريها او الرياضة وااااااااايد تعطيج الهدوء ومفيدة للجسم
شنسوي بعد هذا الواقع حال الكل جذي مافيه وحده زوجها مجابلها اربعه وعشرين ساعه وحدهم اربع ساعات من الاربعه وعشرين ساعه انا مثل حالتج احس اني بمووت من الملل بس على الاقل انتي عندج عيالج الله يخليهم لج يونسونج انا معلقه كل املي على البيبي لما يشرف بعد جم شهر جوود يونسني وتقر عيني بشوفته بصحه وعافيه
انا والله نفس (ام عيالى الحلوين ) اصلا اموت اذا قعدت بالبيت يومين وراء بعض احب الجمعه والوناسه مع رفيجاتى وخواتى .
منتهى الرقه الله يقومج يالسلامه ويرزقج بالطفل المعافى السليم البار والصااالح ياحي ياقيوووم وللمسلمااات اجمعين
حبيبتي أغلب الرياييل جذيه عندنا وعندج خير أنا اللي عندي 24 ساعه يا بالديوانيه والا عند ربعه والا مجابل الكمبيوتر قبل كنت أهاوش وأعصب ليش ما تجابلني وليش ماتطلعني وماتحس فيني وليش وليش وليش بعدين فكرت فيها قلت أنا ليش ذابحه عمري مايبي كيفه خليني أونس نفسي أجابل اللاب توب أروح لأهلي أروح السوق أزور رفيجاتي وأهو كيفه مايشوف شر وقمت ما اهتم واحقره ليش ذابحه عمري على شي مايسوى جذيه والا جذيه الحياة ماشيه ومرات بيني وبين نفسي لمن أمل من الروتين أقول خلاص بيني وبين نفسي بكلمه بعدين أتردد أقول لأ مابي أكلمه وألهي نفسي بأي شي والله يعين
بسمة حبيبي انا معاج اذا كل اسبوع نعاملهم بطيب ومساج وتغير ديكور وتغير بالبس وهوا لا مبالاة انا صج متفقة معاة باشياء كثيرة الا هالشغلة وانتي عليج تكلمينة طبعا بنبرة حزن مو تلعلعين بصوتج راح يحس انة ظالمج اذا شافج ساكتة بيقول عاجبها الوضع على الاقل تفرغلي نص يوم اطلع معاك اشم هوى انا مالي الا اللة ثم انت انت سندي بهالدنيا البنات حولي كل يوم الي تسولف عن المطعم او السينما اووووو واللة اشيل نفسي عنهم واقوم احس قاصديني بها الشي واذا قالي عاجبج ولا مو عاجبج بيت اهلج عقب ماكلمتية هني قوليلة اهلي ماعجزو عني وانا صغيرة عشان يعجزون عني الحين انا الي علي قلتة واذا طلعت من البيت لو تموت مالي ردة لك اهم شي كرامتج شنو لازعلو قالو بيت اهلج بدل الخروف الف خروف وانتي على حق لاطولتي لسانج او اسلوبج خايس واللة مااحرضج علية انا اشوف موقفج بموقفي لاحظي اني قلت مطبقتها يعني مو تاليف الكلام واذا رحتي لهلج ودرو عن السالفة شي طبيعي بيوفقون معاج وصدقيني راح يمشي وراج اذا شافج جادة بكلامج وقوليلة مابي الامور توصل اني اروح لهلي على شي تافة هذا حقي ولا كلامي غلط تزوجتك عشان تحسسني بانك زوج لي مو لربعك اللة يخليهم لك بس انا لي حق عليك وعطيني رايج بصراحة
