مرحبا بكم جميعا ,,,,,,, أنا خبيرة في فرنسا وباريس تحديدا فأي إستفسار أو طلب أي معلومة من فرنسا راح أجاوب عليها فهنا سنلتقي للرد على إستفساراتكم .
ماي لف مشكورة لطرحك هالموضوع/قبل هالمرة نزلت باريس لمدة يومين فقط من خلال المانيا زرت خلالها برج ايفل ومتحف اللوفر وشارع شانزليزيه فقط/وعندي نية بنزلها ياليت تفيديني بأفضل المولات اللي اسعارها مناسبة وأفضل المطاعم العربية هناك والكوفيات والاماكن السياحية في باريس والمناطق القريبة منها.....
اخيتي الغالية انا نفسي اروح لفرنسا لكن ما معي للغة وكذلك الحجاب السعودي ممنوع عندهم واسعارهم في الصيف كيف تكون
يعطيج الف عآفية يالغلا عالموضوع يستحق التثبيت عشان الكل يستفيد.. يعطيج الف عافية يالغلا اذا بغيت اسافر رجعتلج واستفسرت منج..
باريس جميلة وتفوق الوصف وبالنسبة للحجاب والنقاب عادي جدا مع ان فية قرار يحظر النقاب احتمال يطبقونة السنة القادمة . الاسعار بباريس غالية شوي والمطاعم الحلال كثيرة جدا والافضل تأجرون شقق أرخص وأشرح بمعدل 150 الى 200 يورو واي استفسار أنا حاضرة فسري مقطوع هناك بالسنة مو أقل من ثلاث مرات توني رادة منها والحين انا بتونس .
حتى انا ماي لاف ودي اسافر مع ولدي وبنتي عادي بدون ريال عود مو خطر لاني خوافه واحب السفر وريلي ما يحب غير العمره ولدي 19 وبنتي10سنين عادي ماكو خطر كم ميزانيه تكفي للسفر والتسوق حبيبتي ما عليه كلفنا عليج لاني اول مره بروح اوربا وخايفه وتسلميييي
حبيبتي اذا تبين شقة فراح أساعدج بهالشي أنا اخر هالشهر هناك وبرد ليلة رمضان وبرد مرة ثانية بالعيد لغاية شهر 9 والشقق وايد واسعارها على حسب المكان فزوجي شبة مقيم هناك وعندة معرفة تامة بالاسعار لأن أغلب ربعة سماسرة شقق بس حددي الوقت والمدة والمكان اللي تبينة .
ياهلا وغلا ببنت السليل باريس أمااان لدرجة ماتتصورينها كلش ماتخوف وماشالله ولدج ريال الله يحفظة لكم باريس غير التذاكر والسكن احسبي حسابكم يوميتكم يالثلاثة 70 دينار تمشية وسياحة وأكل وقهوة السكن والتذاكر والتسوق مو محسوبة
حبيبتي بغيت اسألج شلون الفيزا اذا انا بروح هاليومين ,,, يعني جم يوم عشان تطلع.. لان اول مره اروح اوربا مو عافه الاجراءات
الفيزا تاخذينها شينغين بموجبها تسافرين لأغلب دول اوروبا الا بريطانيا لها فيزا بروحها وطبعا قبل كل شي لازم تسوين هالاشياء 1- عمل تأمين سفر 2- حجز فندق 3- تذكرة السفر 4- 2 صورة خلفيتها بيضاء 5- رسوم 30 دينار تذهبون الى مكتب القبس وهو الوكيل الحصري الذي يعمل الفيزا الفرنسية وهذا رقمهم 22477788 وكنت عندهم يوم الخميس مواعديني قبل 10 ايام تخلص بس متوقعة يتصلون الخميس يعطونيها .
مرحبا ماي لف>>>>ماجاوبتي بالنسبة للمولات >>>ممكن تكتبين اساميهم وبالنسبة لسوق الأحد قريب من الشانز لاني في باريس اسكن بفندق4ستارز وقريب جدآ من الشانز
هلا وغلا بغلا دبي ,,,, انا ان شاء الله بكون عندج الخميس العصر والاسواق هي جاليري لافييت في شارع هوسمان ومكانة سهل من الشانز تقدرين تروحين مشي موقعة خلف الاوبرا مباشرة واذا انتي فالشانز افضل روحي على المترو من محطة franklin rosevelt اللي في نهاية الشانز بعد قهوة المادريغال الحمراء ويكون بظهرك قوس النصر تلقين المترو تاخذين مترو رقم 9 لونة زيتي فاتح تنزلين في المحطة الرابعة اسمها havre caumartin وهي بإتجاة mirie de montreull عندج بعد سان لازار كلها اسواق وقريبة من الجاليري لافييت saint-lazare