السلام عليكم ورحمة الله وبركاته اليوم بحط لكم طريقه سهله 0 يلا تعالوا بسم الله هالمره يايبتلكم ربيان عجييييييب كل من بيذوقه بيدعيلي... وايد سهل وسريع و طعمه رهيييييب المقادير وايد سهله : انا ماذكر الكميه عدل بس كانت راهيه... اتوقع بحدود 2-3 كيلو 2 م ك ك**ره ناعمه 2 م ك بهار ارجنتيني من ماركه عبيدو او بهار ماجيك مال الفاهيتا المتوفر استخدموه 3 م ك بصل مبشور 3 م ك بقدونس مفروم 2/1 كوب زيت زيتون ( لا تقولون وايد ترا كان زين على الكميه) 2/1 كوب عصير ليمون 2 م ص ثوم بودر 2 م ك ريحان مجفف او أي اعشاب مجففه تحبونها مع الربيان 1 2/1 – 2 م ك اوريجانو مجفف او اخضر 4/1 م ص فلفل احمر حار 4/1 م ص فلفل اسود 2/1 -4/3 م ص بابريكا 2 م ص كمون 1- 1 2/1 م ك ملح او حسب الذوق الطريقه : اخذو مقادير التتبيله خلطوها مع بعض عدل ونقعو فيها الربيان المنظف والمغسول انا اقصه من صوب الظهر وواشيل الخيط الاسود واحتفظ بالقشره عشان لا تصغر وايد اثناء الشوي تبلو الربيان فيها ساعه تقريبا او اقل طبعا يفضل يكون عندكم صحن الفاهيتا عشان لا يبرد الربيان عند التقديم وهم يطلع شكل وايد حلو تقدرون تقدمونه مع سوتيه فلفل وبصل يطلع يهبللل وتنثرون عليه بقدونس مفروم وعند التقديم عصرو شوي ليمون يطلع لكم صوت تشششششششششش يونس ويقدم مع طبق من الارز والخضرااا المسلوقه يمي يمي بالعافيه
هلا حياتي السهم الجريح000 سياخ الشوي تلقينهاااا بجميع الجمعيات والاسواق قسم الاواني المنزليه حياج يا الغاليه00
يعطيج الف عافية على هذا الطبخة شكلها ينن بس حبيت اسالج تطلع حامضة لأن ودي مرة اسوي ربيان مشوي حامض ومشكورة
