حبيت اشارك وياكم بصراحه انا قبل 6 اشهر كان وزني 105 والحين تبارك الرحمن وزني 75 كانت امنيت حياتي اني اصل الى هدفي 75 لانه متناسق مع طولي وانا الحمدلله جسمي شوي شاد يعني مو مترهل الا منطقه البطن لاني ولدت عمليه قيصريه وخربطت كل جسمي وطولي 160 وحابه ان شاء الله اكمل جايناا رمضان وانا مسويه 3 قروبات في منتدى نسائي ثاني وتبارك الرحمن حققت النجاح فيه والحين باديه تخفيف لي رمضان اذا ربي عطانا عمر ابي اوصل لي 70 ان شاء الله
نظامي كنت مع دكتوره تغذيه بس بصراحه غاليه وايد ولكن نزلت عندهاا وايد ماشاء الله الحين سويت لي رجيم فيني يعني طلعت من عندها من زمان الصبح على الريج اشرب 2 كوب ماي عادي مو دافي ولا بارد مع 2 حبوب ميباكو سلم بعدها اسوي لي ريوق اذا قاعده الصبح اسوي 2 الى 3 بيض مسلوق مع رشه كمون عليها +نسكافيه لاتيه اذا ماقعدت الصبح يعني على الغدا اكل كله مشاوي همبرغر 3 حبات مشويه لحم او دجاج او 2 كباب خزان طبعا كله مشوي العشا اذا مشتيه اكل اكلت سويت لي روب خالي الدسم مع بذره الكتان مع نعناع مجفف مع ليمون طبعاا مشي نص ساعه اما على الجهاز او بالممشى
سلام يارشيقات حابه اشارك معاكم يمكن اتحمس اول مره اشارك بقروب اختكم جربت كل شى تقريبا انزل وصعد بلوزن بس من سنتين تقريبا دشيت عالم التسعينات موقادره اطلع يمكن معاكم ترداراتى طولى 160وزنى96ببدا بسوبرتريم==رياظه ==دعواتكم
احب اشارك طولي 156 وزني قبل اسبوع 73 الان 70 اتبع نظام عبدالله المطوع منوع وايد حلو ابي تشجييييييييييييييييييييييع وانا معاكم
هلا بنات اقد ادش القروب وياكم ؟؟؟ ادري اسمي ما يشجع على الرجيم بس ميخالف وزني 114 يارب اوصل ميه على العيد وطولي 160 وعمري 28 وزني زاد حيل عقب علاج الحمل ... ادعولي بالذرية الصالحة يارب امين وقرفانه وحايمه جبدي وكارهه جسمي وابي ارد مثل اول بس مشكلتي ما ينزل وزني يموتني واخر شي نص كيلو ورجيمي قاطعة الخبز والعيوش فطوري حليب وشاي بيضة بملعقة وحبة فاكهة الغدا اكل اكل البيت بس كمية اقل وبدون نشوبات العشا سلطة وزبادي المغرب كوب حليب وطبعا شاي اخضر وزنجبيل بجرب ودعواتكم
اختي أحلى عيون اشلون نزلتي بست شهور ماشالله تبارك الله من 105 الي 75 صراحة تجربة ناجحة اسدحيها لنا خلينا نتشجع ---------- خصوصا اصحاب الاوزان الثقلية ودي تعطيني رجيميج واذا كنتي تسوين رياضة اعشاب زينة ساعدتج ومشكورة
انا الحين بعد نزلت 2 كيلو بس مادري ليش وزني قام ينزل بطييئ مونفس قبل يمكن عشان ماقمت العب رياضه يمكن المهم الحين رجيمي عيش ماكو ولاباستات ولاخبز بس صايره جني صخله اعلج بهالخضره
السلام عليكم ورحمة الله وبركاتة بقولكم سالفتي ........................... شعندها ( حبابة ) ماعلينا طولي 150 حلو وزني 77 موحلو اكيد قبل فترة بسيطة زدت بشكل خيالي لين وصلت 77 طبعا ماقول ولادة ولا غيرة لاني ضعفت عقب الولادة بس الضاهر نفسياااااااااااا عموما بحط حرتي بشي ثاني غير الاكل مني ورايح ............ شجعتوني الله يجزاكم خير إنشالله ببلش الصبح لازم حبوب زين الاتات عقبها حليب خالي الدسم وكورن فليكس فيتنس الغدا سلطة وهمبرجر مشوي وعصير وانا ماتعشى الا روب بين الوجبات اذا حسيت بيوع دايجستف لايت و موكا ترروبيكانا دايت ادعولي بنات نسيت انا مشتركة بنادي طبعا من شهر 2 مارحتة الا 3 مرات شكلي برد لة ................................ وسلامتكم
بسم الله انا قبل اسبوع ونص كان وزني 63 والحين هو60 ويااااااااااااااااااااااااااااااااااااااااااااااااااااااااااااااااااارب يوصل ل55 عشان ابي افاجئ ناس معينة ههههههههههههه
هلا بنات انا وزنت اليوم ونزلت كيلو نص عن اخر مره وزنت وااااااااااااااااااااااااااااو باركولي يعني 112.5
عفيه عليكم بنات وانا بأسبوع نزلت7كيلوات وايد ادري بس تقريبا كنت شبه صايمه ههههه يعني يومي كله تفاحه و3تمرات وغير شاي الاعشاب من شاي اخضر وشمر ورجل الاسد وزنجبيل وميراميه والله كريم
بنات اناااا طبعاا كنت بسوي رجيم معاكم جت عندي حماتي لموسه ونامت عندي 4ايام الله لايوريكم مافي شي ماكليناااه هي خربتني تعرفونهاا لمووسه وزني زاااااااااااااااايد كيلوووو ابجووو معاي وساندووني بالبجي اهئ اهئ اهئ المهم بس من اليوم لا االاكل لاااااااا نعم لرياضة والرجيم
وانا صارلي اربع اياام مبلشه بالنادي وان شاء الله اضعف لاني انصدمت خلاااص وصلت حدي شوي وانفجر ههههههههههههههه فقلت خل الحق نفسي قبل لاانفجر والحمدلله احس فيه تقدم مع ان في بناات اهنااك يحبطووون اللي تقول مانزلت ولا كيلو من اشتركت صارلهاا شهر والا تقول 10 كيلو باربع اشهر واللي تقول 3 كيلوو بشهر .. بس وحده شجعتني وقالت مالج شغل فيهم خليج بالرياااضه تحت الماااي وبتشوفين النتيجه وان شاء الله نضعف ونصير رشيقااات .. واقولج ياكويتيه قلبج بريطاني موزين عليج جذي تجيج مضاعفااات لازم تسوين لج برنامج غذاائي وان شاء الله توصلين للوزن اللي تبينه .. ممرضه انا مستعده ابجي ويااج دقيني سلف وانا ابجي ولا يهمج دمعتي بمخبااي انااا هههههههههه
اقولكم اليوم شنووو ريجيمي المهم ريوقي قلاصين ماي غداي برغر دجاج مشوي مع مرتدلا وتوست اسمر والعشااا الله يستر
اكمل لكم عشااي امس مصيبه ههههههه محشي بس مو وااجد شوي حبة كووسه وشووي بس وبعدهاا قمت ارقص ارقص ارقص يعني اهضم يعني اليوم الريوق قهوه عربيه وتمره الغداااا بسكووت وبطااط شبس وعصير العشااا بطاطا مسلوقه مع جبن موزلااا بس والحين جوعااانه شنو اكل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
السلام عليكم .. انا ساره عمري 20 سنه وزني 85 وطولي 155 هدفي الاول 70 والثاني 60 انا مشتركه بنادي صارلي شهر والله يثبتني انشالله ماطوفت ولا يوم الحمدلله بس مشكلتي مو عارفه اضبط اكلي مو مستقره برجيم ويا النادي عشان اخذ نتيجه حلوه مع السباحه والمشي وعرس اخوي شهر 9 عقب العيد لازم اضعف حتى لو شوي
