حبيايبي الله يعطيكم العافيه بصراحه انا توني قاعده اعدل بالبيت واخذ حلالي كله بس حبيت اعرف تعرفون احد مصممت ديكور تأثثلي وتحطلي الاكسسوارات واللازم وابي اسال عن المطابخ والمظلات الخارجيه يعني بالزبده اي وحده تعاملت مع ناس جذي للبيت ولبيتها تقولي وتطرشلي رقمهم وشغلهم زين والا موزين وجم اسعارهم بس يارب مايكونون غاليين مع الشكر
انا توني بعد مشطبه بيتي ومايحتاج تييبين لج مصممه تاخذ منج فلوس بس جدذي انت اخذي افكار من النت وصور وطبقيهم على بيتج بصراحه انا قسيمتي الكل يسولف فيها من ناحيه الجمال والذرابه وكله من افكاري وعندي ارقام بعطيج اياهم تستفيدين منهم الحمامات من البانيو اللي بالشويخ 66561756 طبعا هذول اسعارهم غاليا بس تلاقين بنفس الشارع محلات للحمامات هم حلوين البردات والتنجيد اللي بالطوف سويته عند الخالد99608612 طبعا اسعارهم هم غاليا تقدرين تاخذين منهم افكار وتسووينها برةمثل الضجيج اسعارهم ارخص ورق الجدران انا خذيت من الصراف وتقدرين تروحين حولي عندهم ورق يهبل وهم اسعارهم روعه طبعا الصراف احلى اللي بصن ستي بس طلبيه وشوي غالي واذا تبين اي مساعدة من عيوني
حبيبتي انا توني جديدة على سوالف البيت والأثاث ان شاء الله لما استلم بيتي راح افيدكم وتفيدوني بس تصدقون اذا رحت مجمع الأفنيوز اطالع ديكورات المحلات عجيبه والمطاعم احاول اخذ افكار منهم الصراحة يعجبني ونسيت بعد الفنادق روووووووعة ديكوراتهم
مشكوره داليا حبيبتي عسى عمرج اطويل ان شاء الله بس عفيه الاثاث من وين خذتيه ولو مافيها تكلفه تقدرين تصوريلي صالتج والمعيشه ومشكوره ياعمري
والله ما اعرف لهالسوالف يالغلا ان شالله البنات يساعدونج موفقه خيير ياقلبي ومبرووك عليج الستايل اليديد
