صباح الخير بنات شلونكم يابنات بقولكم موضوع يعور القلب صار لوحدة اعرفها وهي موظفة بالتربية ومتزوجة بس ريلها مايعامله عدل ودايم يفشلها وزميلاتها بالدوام يعرفون بمعاملة ريلها لها ووحدة من زميلاتها تحب ودايم تفشلها فبيوم من الايام وهم قاعدين بالدوام طرت فبال هالوحدة فكرة خبيثة عشان تفشل رفيجتها وقالت يابنات خلونا نتفق اتفاق ان كل وحدة فينا تقط قطية 50 دينار ويكون المبلغ300 وصاحبة النصيب تاخذه والفكرة اهي كل وحدة فينا تقوم ادق على ريلها وتبطل السبيكر وتسمعه كلام حلو وتقولة حبيبي انا مضايقة من الدوام شرايك تمرني نروح انتريق ونشرب عصير وتردني وافقوا البنات وكل وحدة قامت ودقت على ريلها البعض اللي قالها تعبان واللي قالها اطلعج العصر واللي قالها المدير مايرضى يطلعني اطلعج بالليل طبعا ياه دور اللي ريلها مايعاملها عدل دقت وكان الرد روحي زين انتي شايفة ويهج بالمنظرة تبيني اطلع وسكر الخط وقاموا يضحكون عليها رفيجاتها ويطنزون وبالاخير ياه دور رفيجتها الشماتة ودقت على ريلها وكان الاستقبال حار وقالها هلا بنور عيني هلا حبيبتي امري وقالت له ضايق خلقي من الدوام ودي اروح اشرب عصير معاك فرد عليها بس جذي حاضر من عيوني الحين استاذن واييج من شدة وناستها عبالها انها سكرت الخط ولااطلعت مسكرة السبيكر وسمعها واهي تقول شفتوا كاهو الحين اييني مثل الحمار ياخذني ويردني بعد مامرت 10 دقايق دق عليها وقالها طلعيلي انا برة وعقب ماطلعت ركبت بالسيارة طقها طق وطلقها وقالها روحي بشري رفيجاتج بشربة العصير وقطها عند باب الدوام ومرت فترة بسيطة وتعدلت معاملة ريل الموظفة اللي كان ريلها يعاملها معاملة خايسة وصار احسن من اول سبحان الله يمهل ولايهمل الله يكون بعون رفيجتها على الحركة اللي سوتها خسرت ريلها بسبة شماتة الله يصلحها انشاالله
الله أكبر بيض الله وجهك يعل ايدك ماتجيها النار تستاهل عساها من هالحال واردا والله ينصر هالمدرسة الضعيفة ويسخرلها زوجها دوم مو يوم يارب
استغفر الله زين يسوي فيها وبعض الحريم مو كفو اذا الريال حبهم وخدمهم قالو عنه حمار بس زين ربج ماقصر فيها يعطيج العافيه حبيبتي
استغفر الله اللهم لاشماته سبحان الله من حفر حفرتا لاخيه وقع فيهااا واااااااااااي عليهم هالحريم صج انه كيدهن عظيم الله يعطيج العافيه حبوووبه ان شاء الله هالحريم يتعضون ويعتبروون
الله يسهل ولاتج يارب ويقومج بالسلامه وتشوفين احفادج انشالله 00000000000000 جزاها واقل من جزاها مساكين الرياييل ان حطو المره على راسهم قالت انه مثل الخروف وحمار وان طنشها ومالبالها اللي تبيه قومت الدنيا عليه وقعدتها حسبي الله ونعم الوكيل
الله يسهل ولاتج يارب ويقومج بالسلامه وتشوفين احفادج انشالله 00000000000000 جزاها واقل من جزاها مساكين الرياييل ان حطو المره على راسهم قالت انه مثل الخروف وحمار وان طنشها ومالبالها اللي تبيه قومت الدنيا عليه وقعدتها حسبي الله ونعم الوكيل حبيبتي اللة يسلمج ومشكورة عالمرور اي والله صح كلامج اللهم لاشماتة يارب يخليلنا رياييلنا
ياحياتي الله يسهل عليج ولاتج وتقومين بالسلامه والله يرزقج بالضني البار المعافي ويكون من ائمة الاسلام والله عن جد قصه روووووووووووووووعه تستاهلين الدعاوي بظهر الغيب عليها اللهم لاشماته والله يبعد كل شمااات وحاسد عنا وعن المسلمين اجمعين
سبحان الله فعلا الله يمهل ولا يهمل رجع كيدها في نحرها اللهم لا شماااتهـ والضعيف دايما ربي ينصرهـ والله يسهل عليج ولادتج حبيبتي وتقومينـ بالسلامه ان شاءالله .......
