مرحباااا حبايبي الاسبوع اللي طاف عندي مراجعه سكري ورحت للدكتور السكر جان يقولي ليش سمنانه جذي قلت له الشهيه مفتوحه وماقدر اسوي رجيم انا اخذ علاج انسولين للسكر وقالي بكتب لج حبوب تنظم السكر عندج وتخسس بنفس الوقت اسمها جلوكوفاج ولما سويت سيرج عليها بقوقل لقيتها صج تخسس وفيه بنات كثار يمدحونها وفيه البعض يذمها للي مافيها سكر وانتوا شرايكم في احد مجربها او يعرف احد جربها لاتنسوني بالردود ياحبيباتي
والله ماجربتها وان شاء الله البنات يفيدوونج بس في موضوع للدكتور العنزي بقسم الطب والصحه تقدرين تسألينه عنهم وعلى مااضن جنه متكلم عنهم ..
والله حتى انا سويت سيرج ماشاء الله المدح كثير عليهاا بس اتوقع لمرضى السكر بس لانهاااا تحرق السكر بالدم للمرضى واللي مو مرضى تلعب بالهرمونات
والله انا وايد قريت عنهم لان شفت مرت اخوي ضعفت حيل عليهم ولمى سالت الدكتور قالي انتي مو راعية سكر لا تاخذينهم لان راح يصير عندج هبوط بالسكر وعقب تدخلين بغيبوبه ديري بالج منهم
حبيبتي انا جربتهم يوم كنت اعالج الهرمونات بس متعبه وايد كانت معدتي وايد تعورني منهم وللعلم ما نزلت وزني ولا شي واهي اساسا تزيد نسبه الانسولين بالجسم فديري بالج ترى الشي اذا زاد عن حده ينقلب ضده وللعلم ترى تميت 3 سنوات اكل العلاج هذا حق الهرمونات وما ضعفني ولا شي ولا عالج الهرمونات بعد
السلام عليكم هذي الحبوب خذتها امي لانها مريضة سكر وتعبتها حيل بمعدتها وقولونها واختي خذتها لانها تعالج الغدة ومانزلت وزنها وانا اخذتها وعورتني بمعدتي وقولوني وسوت لي غازات اذا انتي تاكلين اكل مليان دهون ما تستفيدين منها لانها للسكريات بس واخذي 500 جرام مو اكثر وجربيها فتره يمكن تستفيدين منها ويمكن لا
انا صارلي عليهم تقريبا سنه علشان تكيس المبايض ماينزلون الوزن الا شي بسيط حيل لازم معاهم رجيم وفعلا يتعبون المعده وغثيان واسهال عزكم الله بس لما تتعودين تروح الاعراض بنات اللي تبي تاخذهم علشان التخسيس ديروبالكم اختي مافيها شي لا سكري ولا هرمونات خذتهم صار فيها هبوووط
