أبنشدك عن نور القمر وشلون نورة‎

قصة حقيقية

في قمة الروعة



حصلت في قرية قريبة من مدينة الرياض في السعودية قبل أن تسمى الرياض..

كان هناك شاب اسمه عايش يعيش في هذه القرية وكان يحب بنت اسمها نورة , في يوم

من الأيام ذهب عايش لكي يخطب نورة ولكن أبو نورة رفض لانه عايش كان على

قد حاله وماعنده حلال ولا عنده فلوس كثيرة فشاف عايش نورة عقب ماطلع

من عند أبوها وقالها نورة انا راح يصير عندي فلوس وراح اشتغل وراح ارجع واخطبك

واتزوجج .. ونورة كانت تحب عايش فوافقت انها تنتظره , سافر عايش إلى منطقة

مرموقة في السعودية وصار يشتغل في التجارة ومرت الأيااااام وصار عنده فلوس

ورجع لقريته عشان يطلب يد نورة من جديد ويتزوجها ولكن لما رجع القرية

تفاااجئ ان نورة تزوجت لانه ابوها أصر عليها انها تتزوج

وقبل كان عندهم البنيه لازم تتزوج اذا جاها شاب قادر ع الزواج ..

وتفاجئ أيضا انه مب بس تزوجت بل هاجرت الا مكان ثاني مع رجلها ولا احد من

القرية يعرف المكان ..

فقام صاحبنا عايش وقال بيت شعر (( أبنشدكـ عن نور القمر وشلون نورة ))

وقرر يسافر ويدور على نورة .. ومر ع القرية الاولى وراح وسلم على أمير القرية

وقاله : أنا عندي لغز واللي يجاوب عليه بعطيه كل حلالي ..

فقاله الأمير : وشنو اللغز ؟ .. قال عايش (( أبنشدك عن نور القمر وشلون نورة ))

أحد الجالسين قال له : أبيض .. وواحد ثاني قال له : أصفر ..

وكل الأجوبة غلط .. محد عرف اللغز .!

فسافر الى قرية ثانية وطرح عليهم نفس اللغز ومحد عرف الجواب ..

راح للقرية الثالثة وكان تعبان من السفر فقالهم : أنا عندي لغز واللي يعرف يحله

بعطيه كل حلالي قالهم : (( أبنشدك عن نور القمر وشلون نورة ..؟ ))

محد عرف الجواب فقالهم : لاني تعبان بقوم انام واللي يعرف الجواب يقوله لي الصبح ..

ومن بين الحضور كان زوج نورة موجود فرجع للبيت وقالها : نورة ,

قالت : سم , قال : جانا اليوم واحد خبل يقول عندي لغز واللي يحله بعطيه مالي وحلالي كله ..

فـ قالت له : قولي شنو هو اللغز ؟ يمكن احله !

قال لها : (( أبنشدك عن نور القمر وشلون نورة ..؟ ))

فبتسمت نورة وقالت له عرفت الجوابj

قال لها : صدق وشنو الجواب ؟

قالت له : (( مثل السمك في البحر وشلون عايش ؟ ))

فقام الصبح زوج نورة وراح وقال لعايش : أنا عرفت الجواب

فـ قال له عايش : شنو هو الجواب ؟

قاله زوج نورة : ((مثل السمك في البحر وشلون عايش ؟ ))

فبتسم عايش j

وقال له : هذا مالي وحلالي وسلم لي على نورة l

حلووووووه واااايد ...

يا عيني عالحب هذا الحب والا بلاش

اي هذي القصه امي كانت قاصتها لي وانا صغيره حييييل حلوه يقولون صج صايره .
مشكوره اختي على القصه.

الله الله
ياعيييييني على الحب
يسلموا على القصه تجنن
يعطيك العافيه ياقلبي

مرع حلو يسلمو صراحع قصه ولا روع

وينقل للقسم المناسب

قصه روووووعه وقمه بالرومانسيه ..تسلم الانامل اللي نقلت هالقصه يااارب

تسلم ايداللي كتبت هالقصة لان صج محتاجين نسمع مثل هالروايات والمعاني الحلوة في هالزمن القاسي

تجنن والله وااايد حلوة

روووووعه
صج هذا الحب

يعطيج العافيهـ قصهـ روووعهـ,,,