[السلام عليكم ورحمه الله وبركاته معلمات أرجوا دلوني والله يجزي من دلني خير والله بدعيلها من قلبي بس أرتاح وأحد ياخذ بيدي. أنا ادارية توني متعينه وراح أحول معلمه( شهر9 /2008)معلمة رياضيات أناحيل مرتاحه بدوامي ومعاشي 620دينار والحمدلله . المهم لماأحول راح يصير معاشي800يعني الفرق 200 دينا غيرهذا العطله من نص 6 إلي آخر شهر8 .هذي المميزات غير هذا العيوب الي أتوقع تواجهني صيحة الطالبات وأنا ماعرف شلون نضام المدارس واشلون التعامل مع ستاف المدرسه مثل المديرة والوكيلة وغيرهم وأصلا حتى التدريس نفسة اشلون صاير وبطلب خدمه أناتبع منطقة الأحمدي أبي مدرسة ابتدائي زينه قريبة من جابرالعلي للي تعرف. وشاكرة للي يرد مقدما وغيرهم مايشوفون شر ههههه:هههههههههههه[/b][/b]
مرحبا اختي بما اني طالبة بالجامعة ادرس ادب انجليزي وعندي ماشالله خواتي اربعة مدرسات طبعا كلهم ابتدائي ماعدا وحدة متوسط وكلكم لغة عربية ماعدا وحدة اجتماعيات ووحدة طال عمرج من خواتي بتحول ادارية بالمجلس الوطني للثقافة والفنون والاداب تقول قلعة الميتين دينار اهم شي راحتي واقدر امشي مع العالم اطلع اروح اسير اتجمع مع خلق الله ولا هواش اولياء الامور ووحدة طال عمرج تبي تحول دار قرآن عشان العربي يصير اخف وودوامهم بسرعة ينتهي لانها ماتبي ادارة عشان ماينقدون عليها العالم وازيدج من الشعر بيت بنت خالتي كانت مدرسة رياضيات ابتدائي وقدمت استقالتها وقعدت بالبيت وخالتي ادب انجليزي يعني مثلي والله تخرجت وقعدت ماتبي ادرس وانا لما اتخرج راح اصير مترجمة يعني انسي ادش تدريس والله على ما اقول شهيد اتمنى اني اكون افدج <<<<<<< عقب شنو لووووووووول تحياتي
لا والله مو قصدي احطمج هههههههه بس هذا الصج وربي وانتي لا تحطمين ابسرعه اذا انتي انسانه محتاجة ال 200 دينار لا والله دشي اما اذا مو محتاجه ارتاحي بلا عوار راس صدقيني وعلى قولتهم راي واحد ما يكفي
والله نصيحة انا مدرسة وزهقت مه اني صار لي 3 سنين صار فيني قولون عصبي وصرت عصبية مالي خلق حتى عيالي غير الكراف للمشرفة والناظرة والموجه غير باقي البلاوي وخرابيط ماتخدم الطلاب بس زيادة شغل على المدرسات
والله صدقتي هذي 3سنوات سوت فيج جذي عيل لو قاعدة مثلي 19 سنة ونص شقلتييييييي هههههههههههههه بس الحين مرتاحة متقاعدة وداشة بزنس فظيع وقاعدة اطلع اللي ماطلعته كل هالسنين تخيلي! ليش ما تيين ويانا في ناس تركوا وظايفهم واتجهوا للعمل الحر
ترك الوظيفة صعب خصوصا ان علي التزامات شهرية بس شوقتيني شنو هالبزنس ؟ لا يكون مثل اللي هابين فيه البنات سجلي معانا واحضري محاضرات وشركات عالمية ومن هالحجي ههههههههههههه
بصراحه مادري تقصدين شنو بالضبط بس انصحج بجد دشي هالبزنس بتتعبين بالبدايه شوي بس مو مثل تعب المدرسة هلااااااك ومافي تقدير لكن معانا تصيرين بحرية مالية ونفسية واجتماعية جربي تيين وتسمعين يمكن تسمعين شي ماتتوقعينه
ماقصرتو كفيتو وفيتو بنسبه للفلوس لاعادي بس أنا فكرت إني برتاح بالتدريس مادريت بإلي تقولونه بعديين شكو الناظره والوكيله أسويلهم شغل المهم الله يكتبلي الخيره وين مانويت ويجزاكم عني خير الجزاء ويوفقكم ويرزقكم الرزق الحلال ويسعدكم .أما بنسبه للمحاظرات أنا وحده قالتلي أحضر إجتماع بس خفت بصراحه وترددت لايكون فيه كدى ولاكدى يعني المهم لماقلت لزميلاتي بالدوام قالو نصير مثل المندوبات لشركات ونكون إحنا وكلاءها ونوزع البضاعة عن طريق نجيب بنات يشترون ويوزعون ولهم نسب والله أعلم إذا هي نفس الشي مأدري بس محد كلمني بصريح العباره عن الموضوع كل ماطلبت معلومات توضح العمليه يقولون حضري محاضرات وأنا خوافه .
مرحبا انا اول مره اشارك في هالمنتدى بس شدني مو ضوعج و حبيك اعلق... شوفي حبيبتي انا مدرسة انجليزي و صارلي 6 سنين ادرس و بكل صراحه اقولج... لا تدرسين بلييييييييز!!! ترا التدريس حلو بس كراف وايد ...انتي راح ادرسين ماده اساسيه يعني شرح وايد و كلام وايد و تصليح وايد غير الشغل اللي راح اتسوينه بالبيت...وغير هذا تخيلي ان محد راح اقدرج صدقيني ترا المدرسات مأكول حقهم! انا وحده اصلاً قاعده اقدم على وظيفه ثانيه وانشالله يقبلوني... انا ماودي اكسر مجاديفج بس ما ابيج تروحين وتنصدمين! سوري و اتمنى ان كلامي خفيف عليج
حبيبتى المدرسة كلها كراف وشغل وما فى تقدير حتى مشكورة ما يقولنها لو سويتلهم العجب صارلى بالميدان 12 سنة وصارلى القلون العصبى والربو اللى يقولون مو من الامراض الى تستحق التقاعد لانها ما تتعب صاحبها وصار موقف طحت فى الدوام ازمة ربو والوكيلة تبى نعطينى مراقبة امتحانات يعنى هذى موانسانة مكينة والة تخدم المجتمع والمدرسة حد الموت وافتكى منها و لا تفكرين فيها لللابد ومشكوررة .ز
السلام عليكم خواتي انا مدرسة فنيه وماصارلي بس سنه وقاعده افكر اني استقيل او اشوفلي شغله ثانيه على بو اني مدرسة فنيه يعطوني 20 حصه بالاسبوع ولما اشتكي يقولون ماراح يروحلج شي كل عليه فلوس انا ماتهمني الفلوس ابي راااااااااااااااااااااااااحتي بس او يعطوني بالمعقول الحصص
نصيحه من قلبي اشتري راحتج وال200 طقهم مرض-كله عوار راس وتعب ياخذج التدريس من اللي حواليج-وحرق أعصاب بين المدرسه الاولى والموجهه والمديره-اسأل مجرب والله يوفقج-واستخيري حياتي
النحشه اننننننننننننننننننننننننننننننننننننننننننننننننننننننننننننننننننننننننننننننننننننننننحش عن التدريس والله والله والله تعب في تعب واذا صرتي معلمة:49_49: راح تفقدين انوثتج ما عندج مجال تهتمين في نفسج وبيصير لج قولون عصبي:48_48: ومزاج زفت في جميع الاحوال:1:
