السلام عليكمـ اليوم حبيت أكتب لكمـ طريقة وحدة الخوات بطريقة كيكة الشوكلاتة وصرت أعتمدها في كل وقت لسهولتها وطعهمها اللذيذ المقادير والطريقة .. كأس سكر (( ناعم مثل سكر الاسرة )) كأس زيت (( أي زيت خفيف )) كأس ماء 4 ملاعق شكولاته بودره 4ملاعق حليب بودره هذه الاشياء توضع بالخلاط (خلاط الطماطم) بعد ماتخلطينها كويس خوذي من هذه الخلطه ربعها وخليهم على جنب .بعدين اضيفي الى الباقي بالخلاط 2 بيضه وقليل من الفانيليا.اخلطيهم جيدا ثم صبي هذا الخليط على 1كأس دقيق ((ويفضل دقيق الكويت )) وملعقه كبيره bp. ((بكنج باود)) ثم ادخليها الفرن من تحت لحد ماتستوي الكيكه.وبعد ماتخلص ونخرجها من الفرن.صبي الخلطه اللي انتي رفعتيها على جنب ((صوص الشوكلاتة )) على الكيكة وأهي حارة ودعيها تبرد ثم تذوقييييييييييها . تقدرين تشكلينها بأي صينية عندك وراح تضبط معاك من أول مرة والصوص بصراحة ألذ من اللذيذ وصرت أسوي الصوص بلحاله واحطة مع أي حلى كانة جاهز وأستغني عن الهيرشي وصرت أتفنن بالكيكة مره احط على وجهها الفستق ومرة احط (( 8 حبات جبن كيري وفنجال سكر وفنجال حليب واخلطها بالخلاط واحطها على الوجة واخليها تحمر بالفرن شوي ثم احط صوص الشوكلاته فوقها )) وأتمنى تعجبكمـ
سهله وان شاء الله تكون لذيذه وما أتوقّع تاخذ وقت وايد بس شكثر نخليها بالفرن؟؟ وعلى أي درجة حراره؟؟ يعني نخليها تستوي 100 % والا نطلعها لينه عشان الصوص؟؟ ومشكوره
ماتأخذ معاك ساعة الاربع مع وقت الخبز.. ونخليها بالفرن 25 دقيقة بعدين شيكي عليها بالسكين اذا طلعت السكين بدون عجين فهي استوت وشغلي الفرن من فوق شوي أذا حبيتي ونخليها على حرارة متوسطة بالفرن.. جربيها وماراح تندمين
تسلم ايدج ياقلبي وانشالله بجربها واقولج.. وانشالله تضبط معاي لان ماضيي اسود مع الكيك عمره ماضبط معاي..
