بناااات حبيت استفسر منكم انا مو اول مره اعالج اسناني وخذيت ابر وايد لكن من اربع ايام رحت لعيادة خاصة وسوتلي علاج عصب وخلع ضرس بنفس الوقت وبابره وحدة لكن للحين تأثير البنج ماراح نص شفايفي مخدر وحنجي وحييييييييل متضايقه وحاسه انه الدكتوره مسويه شي غلط وخصوصا انها قعدت ساعه:emoticon_U: تخلع ضرسي وفوق هذا اكتشفت انها ما خلعت الضرس كامل وحدي متضايقه اللي عندها معلومه وتعرف اي شي بخصوص تأثير البنج لا تبخل علي بالرد !!!!
لا مو ضرس العقل اللي قبله ,, صدى الصمت حبيت استفسر منج طول البنج اشكثر لاني للحين تعبانه وما راح البنج وقالولي احتمال انه الابره قطعت او حاشت العصب الرئيسي اللي نازل من المخ والله يعينا على اخطاء الاطبة
البنج قالي الدكتور اول ماتطلعين مني اشربي ماي كثر ماتقدرين عشاان يروح مفعوول البنج وماتتاثر الكليه .. هذا كلام الدكتور اللي انا اسوي اسناني عنده والله يعينا ع الاسنان ومشاااكلهم
يعطيكم العافية على مروركم .. للاسف للحين قاعدة اراجع وما تحسنت والسبب غلطت الدكتورة وصلت الابرة للعصب الرئيسي اللي نازل من المخ واكثر الاطبة قالولي ممكن يكون جرح اذا تشافيت بعد 6 شهور واذا طالت المدة يعني قطعت العصب .. والله المستعان..
ماتشوفين شر ان شاء الله وعسى نفتك من الأخطاء الطبية اللي ماتخلص لان انا مجربه بس مو نفسج منو دكتورتج؟؟ وأي عيادة إذا ممكن؟؟
مشكورة حبيبتي عالجت عند عيادة الحكمة بالفحيحيل اول مرة اراجع عندهم والدكتورة اسمها انوار حدها عليمية الله لا يوفقها وشكلي برفع عليها قضية لان احتمال يكون تخدير مدى الحياة عندي اشاعه مقطعية وبعدها الله يستر بيبين كل شي والله كريم ان شاء الله
الله يشافيج أختي والمفروض تتخذين الحذر وماتروحين الا اللي مجربتهم وسامعه عنهم هذيل اسنان مافي مجال للمجازفه والتجربة
مشكورين على مروركم العطر بس اتعرفون عوار الاسنان حدني اروح لهم لانه دكتوري اللي متعودة علية كان مسافر قدر الله وما شاء فعل والحمدلله على كل حال
