يابنات والله تعبااانه ابي حل يشيل جبل الهم الي بصدري ابوي ابوي توفى وماشفته واندفن وانا بعيده عنه وهو طالب يشوفني ويبيني وماقدرت اجي تأخرت عليه وراااح عني والله اني ابي اشم ريحته اضمه فيني غصه ودي اطلعها موقادره مابقالي منه الا غترته واعقاله اشم ريحته فيهم والله تعبت ابي ارتاح
اذا حلمانة في ابوج يبيج يمكن الموت اعوذبالله لان مرت عمي طلبت عمي ومات بشهر لان هم مريض مابي اخرعج بس هم مو شرط .. الله يرحم ابوج يارب ..
الله يرحمه ويغفرله ويجعل مثواه الجنه مع الانبياء والرسل والمؤمنين يارب .. ان من الجنه يشوفج يارب .. حبيبتي لاتنسينه من دعائج وصالح الاعمال والصدقه وختم القرآن .. عوضيه شوفتج باحلى هديه تنفعه بقبره وباخرته الحين مايبي غير هالاعمال الصالحه اللي تنجيه وتسهل عليه الحساب
الله يرحمة ويغفرلة ويتجاوز عنة يارب حبيبتي ادعيلة وتصدقي عنة وثقي بالله لوسويتي شنو عشان تشوفينة ماكنتي راح تقدرين لان ربج موكاتبلج انج تشوفينة لاكن هذا من عمل الشيطان عشان يحزنج زيادة وهذا شي يفرح الشياطين تعوذي بالله من الشيطان واكثري من الاستغفار ودعي للوالد بالرحمة
هلا اختي . . . الله يرحمه ويغمد روجه الجنة انقطع ابوج كل شي من هالدنيا الا دعائج وصدقتج له فلا تبخلين عليه بالشي اللي اهو فيه حاجة له . . . ماراح اقولج لا تبجين ولا تحزنين عطي نفسج فترة حزن عليه . . . شعورج طبيعي لا تكتمينه فرغي شحنات حزنج بالبكاء بيريحج . . . من سنة 89لغاية 2010 لاتزال عيوني تبكي والدي- الله يرحمه - وربي يرحمهم بواسع رحمته
الله يرحمه ويغمد روحه الجنه يا قلبي ترى دموعش تعذبه أنتي كل ايلي عليش تستغفرين وتقرين القران والصدقه طبعا بنية للمرحوم خلاص ايلي راح راح والمرحوم يطالبك الان بتذكيره مو للتعب الله يصبرك غاليتي
ياقلبي موب مكتوب لك انك تشوفينه تشوفينه بالجنه يارب الله يرحمه ويصبرك ربي كل ماتذكرتيه ادعيله وتصدقيه عنه راح ترتاحين انافقدته ابوي من 10 سنوات ماانساه بس ادعيله واتصدق عنه ارتاح الله يجمعنا معهم بالجنه يارب
