السلام عليكم ورحمة الله وركاته الموضوع ومافيه تبادل خبرات وبصراحه الموضوع يخص الي ساكنين بشقق صغيره يعني 3 غرف وصاله وحمامين عزكم الله ومطبخ ابي كل وحده تقولي طريقتها الخاصه بترتيب الشقه وتوزيع الغرف والي عندهم اطفال صغار شلون حاطين اغراضهم والعابهم ووين ينامون لاني بصراحه بنتقل بشقه جديده وابي اغير كل شي فيني وبيتي لاني مومترتبه نهائيا تعبت ومرضت فتره طويله واهملت كل شي وخدامتي مخليتها بس لولدي واهي موسنعه بس شسوي مضطره اسكت على خمالها عشان ضروفي والحين بتمشي يعني بفتك منها ههه:shades_smile::wink_smile:وبروح شقه ثانيه وبعيد تأهيل كل شي بحياتي فأبي منكم تخدموني بهالشغله واكون لكم من الشاكرين ومنها نستفيد كلنا وناخذ الي يعجبنا من طريقة كل وحده تكتب لنا طريقتها وفي شغله مهمه بعد اغراض ملوت التخزين شلون طريقتج معاهم والاوراق الرسميه ومادراك ما الاوراق الرسميه شمسوين فيهم وشلون محافظين عليهم يله عاد خلونا نشوف نسعكم وكل وحده وطريقتها ببيتها ونستفيد ومشكورين على سعة صدوركم وآسفه عالاطاله &&&&&&&&&&& والي مالها خلق تكتب بس تدعيلي بالسعاده وراحت البال والاستقرار لاني بجد محتاجتهم
هلا بالغاليه ام جرووووووح اول شي الله يشافيج ويخليلج عيالج وبيتج وزوجج00 ثاني شي يالغاليه بالنسبه لترتيب البيت وطريقتي: الصبح معلمه خدامتي تغسل الحمامات(وانتم بكرامه) تخم البيت كله وتمسحه بديتول وكلونيااا (لفيدور<===مدري جذيه اسمهااا المهم كلونيااا تشغل الغساله وتغسل الملابس انا اكون عال11 قاعده اطبخ غداي <--لانه زوج مايحب الخدامه تمسك الاكل ولدي يكون عال12 قاعد الا كل شغلي جاهز وطبعا شقتي من 3غرف حمامين مطبخ وصاله00 000000000000000000 بالنسبه لج انتي تقدرين تتحكمين بنومتهم وبترتيب غرفهم والله شغل البيت مايبيله شي وماياخذ وقت طويل الا اذا انتي ناقله اكيد اول يومين لويه واغراض بس انتي اللي ماتبينه قطي الملابس عيالج صغرووو ودي لجنه خيريه احسن لج اوراقج المهمه بملف وخشيهم بمكان محد يوصله عساني افدتج غلاتي 000ومنزل مبارك يارب000
ماقصرتي ام نواف الغاليه بس مافهمتي سوالي ابي توزيع الغرف شلون مقسمتهم ؟ غرفه لج طبعا والباجي شلون فهمتيني وانتي موظفه ولا قاعده بالبيت
لا انا قاعد بالبيت مو موظفه بالنسبه لتوزيع الغرف غرفه لي وغرفه للخدامه حاطه فيها كبت ولدي وغرفه حاطه فيها جلسه ارضيه بس مفكره اسويهاا لولدي غرفه لانه اسم الله عليه كبر وقام يفهم؛) وصاله وحمامين ومطبخ
هلا اختي ام جروح . . . عندج بإيكيا بوكسااات للتخزين شكلها حلو وذرب واحجام متنوعة . . . والاوراااق المهمة اشتري جنطة تتسكر بقفل ارقااام وحطيهم فيها في كبتج من تحت . . . والصالة عندج لا تستخدمين كبت تلفزيون ثبتي التلفزيون ع الطوفة ويكون بشاشة مسطحة . . . وافتكي من الكبت لانه بياخذ مساحة + استخدمي زوايا بسيطة بتحصلينهم بإيكيا بعد . . .
موفقه اانا بشقه اقولج شلون ترتيب عيالي في غرفه لي وغرفه حاطه فيهم بناتى وغرفه العيال وغرفه ثانيه شوى كبيره فيها الخدامه كانت ومنها تكوى الملابس وكبت تعلق فيه والملابس اشرهم فيها والصاله قسمين مسويتها نص غنفات ونص قعده ارضيه وترا ماعندي خدامه لانى مااحب اول شي وكانت عندي بس قلت مايحتاج لاموظفه ولاشي نصهم قالو ياكثر عيالج وماعندي رديت بجيب الخدامه وتصير مثل عيالي المهم انا اغسل ملابسي بليل اكثر شي والصبح كوي ع طول والغدا ازهب اغراضي بليل والظهر ابدي اطبخ
تسلمين متوهقه عساج عالقوه ويخليج لعيالج بس يعني شقتج اكثر من 3غرف عدل والخدامه والله لابدمنها شبنسوي تعودناااااااااااااا
انا فكرتي انك اي شي ماتستخدمينه من اشهر زي الملابس والاواني انك تحطينهم في كيس وعلى الجمعيه الخيريه منها تكسبين اجر ومنها تنظيم قسمي الغرف وخلي وحده فيها دولاب كبير يكون كله ارفف لتخزين ويكون تفصاك لدلاوب على زاويه لانو راح تستفدين من الزاويه في تخزين المفارش والبطانيات والقدور اذا كان مطبخ صغير وسوي في الدلاب صندوق صغير لااوراق المهمه واهم شي يكون له مفاتيح علشان مـــــــــــــــااحد يفتحه الا انتي استخدمي اكياس الضغط يوفرن عليك في المكان لملابس والبطنيات
اعتقد يا ام جروح البنات ماقصروا ههههه تبارك الرحمن ماخلوا لنا شي نضيفه ربي يسعدج ويهنـيج ويبارك لج بشقتج اليديده والفال للبيت يارب
