السلام عليكم,, شفت هالموضوع والصرااحه عجبني قلت انقله لكم .. بعد ماشفت المشاكل عندنا بالمنتدى ومنها تؤدي الى الطلاق حسيت أنه في نسبه من المطلقات في المنتدى ففكرت لو نخلي هالموضوع فرصه لكل وحده تفضفض بالي في خاطرها وترتاح خاصه إذا كانت من نوعية الي ماتحب تتكلم مع ناس ويعرفون عن مشاكلها . شاركينا بمشكلتج أو حتى نصيحتج أو أكثر شي مضايقج بعد الطلاق وأكون طماعه لو طلبت قصتج علشان نستفيد وتستفيدين ؟ أهم الأسئله ؟؟؟ كم دام زواجج؟ هل تظنين أنج غلطتي وأنج سبب الطلاق؟ حاسه بالظلم ؟ شنو أكثر شي مضايقج بعد الطلاق؟ تشتاقين له وتتمنين تردين له ؟ شنو أكثر شي ندمتي عليه وعطي نصيحتج لنا؟ وأترك لكم المجال تختارين السؤال الي في بالج وتجاوبين عليه بصوت عالي ؟ وتأكدي انه موبس المطلقات بيستفيدون من الموضوع حتى المتزوجات ممكن يتجنبون أخطاءنا ويتعلمون من تجربتنا.. اتمنى تشااااركونااا في ارائكم ,,
