العنود العبدلله إبداع يأسر القلوب

من يومين كنت أقرا في مدونات الأخوات
و في مدونه إختنا الأميره بشاير قريت
شعر جميل جدا كلماته بسيطه لكن معانيه حلوه للغايه و هذا جزء منه

شفت البحر لاضاق صدره .. على الفُلْك
...نفسه شعوري لاجتك "لحظة الضعْف"..!!

لاضاق صدرك ..اعتبرني مْـن آهَلْك
...تعااال فضفضلي عن همومك .. وشف

اصير لَك مثل )السحابه(..وابلّلْك
...مع ان جوفي من)مطر ضيقتك(..جف..!!

ماكان قصدي إني.. بهمي اشغلْك
...بس حولنا اشياء ..في (قمممة السُخف)


بحثت عن الشاعر و وجدت إنها شاعره إسمها العنود العبدالله

و الشاعره عندها أعمال أخرى جميله أيضا إخترت لكم منها هذي القصيده
و اللي حازت فيها الشاعره على جائزه في إحدى المسابقات
أتمنى إنها تعجبكم



محتاج(هـ) لك .. والحاجة أم الاختراع
ياللي تسافر كل ما .. إحتجت لك



ماقلت لك إني مـ أتحمل وداع
وداع ما أتحمله .. ما قلت لك ؟


الطير بين الغيم واطراف الشراع
والموج . والورد الندي اللي جبت لك


كل حاجة تردد وراي بـ إنصياع
اشتقت لك .. اشتقت لك .. اشتقت لك


ياللي حضورك قوت .. وعيوني جياع
تبي الصراحه ؟ .. كل أبوني جعتِ لك


ضي .. وعليها ..آع ... تعطينا ضياع
وانا انطفى ضيّي كذا .. من ضعتِ لكـ


اشعلت لك قلبي من اللهفه .. وماع
ليته مَ ماع ..وليتني ..مَـ اشعلتِ لكـ


في وقت صار الكل .. لبّيسة قناع
مع إني جدًا واضحة .. وضّحتِ لكـ


ان المطر ينزل عشان .. الإرتفآع
واني على شان ارتفع .. نزلتِ لكـ


وان ضيقتي لابد معها .. اتساع
وان اتساعي يْزيد .. كلْ ماضقتِ لكـ



كلْ ما افوق ..يموت في عيني .. شجاع
وكلْ ما اموت شوي قمت .. و فقتِ لكـ


امتع خطايا حبي ..لك .. الاندفاع
واخطى مُتَع حبك .. ليا فضفتِ لكـ


رددت لك .. سافر وضيعني وضاع
وانا اختنق بشويش .. لا رددتِ لكـ


ياللي ذبل تشرين .. من قلت : الوداع
لا تْقول بعـــدين : انْ انا ما قلتِ لكـ


إما لجِل اوصَلْك .. بَعْمَل اختراع
والا لا عاد تسافر.. اذا احتجتِ لكـ ​

محتاج(هـ) لك .. والحاجة أم الاختراع
ياللي تسافر كل ما .. إحتجت لك



ماقلت لك إني مـ أتحمل وداع
وداع ما أتحمله .. ما قلت لك ؟


تسسلم الايادي غلاتي عالاختيار ..