اللي تعرف وتقدر تفيد اختي تدش بسرعة....

السلام عليكم
شلونكم يابنات احلى منتدى؟؟
اختي موظفة بوزارة التربية صارلها 3 سنين وخريجة دورات خاصة تخصص خدمات ادارية ودها تكمل دراستها بس تبي تعرف يصير والا مايصير ووين تدرس وكم سنة وشنو تقدر تصير بعدين؟؟
اللي تعرف ياليت تفيدها...

..............................................................................................................................................................................

هلا وغلا بالاخت ريوم ... من شروط التفرغ الدراسي أن يكون المتقدم قد مضى على خدمته 5 سنوات ... وان يكون حاصل على تقدير امتياز في السنتين الاخيرتين ... كتاب موافقة من مركز العمل ... وللعلم دايما خلال شهر 3 وأحيانا شهر 12 من كل سنة تظهر نشرة في المدارس للراغبات في تكمله الدراسة سواء معلمة او ادارية مع وجود الشروط والتخصصات المطروحة للدراسة فعلى اختك مراجعة النشرات والتأكد منها في العام القادم .. ومراجعة المنطقة أول بأول خلال هذه الأشهر للاطلاع على مثل هذه النشرات ...

وبالتوفيق مقدمااااااااااا

مشكوووورة حبيبتي ع الرد
بس في موظفة معاهم متخرجة من التجاري صارلها 4 سنين متوظفة والحين تبي تكمل دراستها ما ادري يعني اذا تجاري غير عن الدورات الخاصة؟؟
وكم مدة الدراسة؟؟

واختي ما تشتغل بمدرسة وما يعطونهم نشرات للي تبي تكمل دراسة

اتمنى الأخت الامل فادتج في هالموضوع لانها الأقدر من واقع عملها وخبرتها إنها تفيدج أكثر عن تساؤلاتج

بالنسبة لرفيجة أختك يمكن إنها ماخذت تفرغ من الوزارة وتدرس على حسابها ومضبطة أمورها ويا مركز العمل

لان بنات أختي موظفات وكانوا يدرسون في الجامعة المفتوحة . . .

نعم ... أكيد رفيجه اختك ماخذه تفرغ دراسي من الوزارة ومضبطه أمورها بمركز عملها ... حتى اذا ما خذت من المدرسة النشرات تقدر تاخذها من المنطقة وبالتالي المنطقة ما تمانع اي شخص في مراجعتها والسؤال عن أي شي ...

اتمنى إني قدرت أفيدج وجاوبت على تساؤلاتج

طيب شنو الفرق بين المنطقة والوزارة يعني قصدكم تروح ومعاها فيتامين و ؟؟؟!!!

ريوم .... نقصد إن الوزارة الكل بالكل ... وهناك راح يفيدون اختج أكثر .. وكل النشرات وكل الأسئلة اللي تبيها تلاقي جوابها عند الوزارة ...

يسلمو حبايبي ماتقصرون ... وان شالله ربي يسهل وويوفق الجميع

بالتوفيــــــــــــــــق انشالله,,,,,