اللي ثانويه عامه قسم علمي النظام القديم تتفضل !!!!!

السلام عليكم ورحمة الله وبركاته
انا بدش بالموضوع على طوول
انا هذي السنه الرابعه لي بالثانويه العامه والله زهقت والسنه اللي طافت لما رسبت اخذت كل
كتبي وقطيتهم بالزباله وماقعد عندي اي شي ادرس منه لاني ماكنت مقرره اني ادرس
وباخر تسجيل للمنازل سجلت وقلت بدش بس ماراح اعلم احد حتى امي وخواتي واهل زوجي ماعلمتهم عشان اذا رسبت بعد مااتفشل والمشكله ان بس بالفيزيا ارسب ونسبتي دايم زينه
وحلفت هالسنه مااجيب مدرسين ولا اتعب نفسي حييل بس لما قربت الامتحانات خفت ورحت اليوم لمكتبه العجيري وماحصلت مذكرات للنظام القديم بس الجديد موجود وبعدها رديت لمكتبة المشاعل ولقيت عندهم مذكره فيها جميع المواد اسئله امتحانات سنه2006 و2007و2005
بس هذا ولما شفتهم احس انه مايكفي وانا احس اني ناسيه كل شي :frown::cry_smile:
اللي تعرف مكان القىى فيه اهم المعادلات الكيميا وشرح المسائل للفيزيا وشرح للرياضيات واهم تعاليل الاحياء .
العربي والدين والقراءن ما منه خووف والانجليزي اطقطق فيه مع اني ماافهم منه شي:confused_smile:
بس ابي احد يذكرني بمنهج القران سورة الحشر وسورة المجادله وابي سورة ال عمران من الايه كم لي كم وربي نسيه واحس اني متوهقه حدي وخاايفه :confused_smile:
تكفوون بنااات اللي تدش موضوعي تدعي لي من ظهر القلب ان الله يوفقني واجيب نسبه ترفع الراااس ومشرفه عشاان افرح زوجي وامي :cry_smile:
تكفوون لاتنسوني بالدعااء..:cry_smile:

تحصلين مذكرات النظام القديم بمكتبة المواهب
رقمهم
99676318
ورا سوق الوافي
مقابل حلويات الروماني
بالجهرا
انا كلمتهم من يومين
وعندهم مذكرات النظام القديم كلها ومحلوله وبخط واضح
وموفقه يااااااااارب

تسلميييييييييين
والله يوفقج يارب وتجيبين النسبه اللي ببالج

شدي الهمة أختي عسولة وماعليه إن شاء الله محاولاتج تثمر بنسبة مشرفة

لكن لا تيأسين وتحبطين عمرج انتي قادرة على النجاح اقنعي نفسج بهالجملة

وربي يوفقج يارب واتمنى الاخت نوارة فادتج بخصوص الكتب

الله يوفقج حبوبه

ويسهل علييج

وشدي حيلج

الله يسلمج يا قلبي
انا بالجامعه خلااااص
انشالله تصيرين معااااااااااااااي
واسمع انشالله خبر قبولج معانا واباركلج واجيب لج هديه بعد تستاهلين
ولاتياسين مافي شي مستحيل

الله يوفقج يارب ويسهل عليج الامتحانات بس ركزي شوي وشدي الهمه ودعواتنا لج والله ويااج

الله يوفقكم ان شاء الله
يعطيك العافيه

نورتي صفحتي ام عبدالله ورفعتي معنوياتي
ونواره الكويت ان شاء الله ابشرج وابشر المنتدى واللي يحبوني
وبنت الشيخ يعطيييييج الف عااااااافيه على الدعوه الحلوه
وانامل ناعمه الله لايحرمنا من مرورج
عسوله سعوديه الله يعااافيج يارب