مرحبا بنات حبيت اكتب عن اللي مسافرين تايلند اي شهر 6 وانعرف الفنادق والاماكن اهناك ونتعرف علي بعض اكثر ونستفيد ونفيد وشاكره لكم وانا عن نفسي ابي اروح انا والعيالي شهر 24-6-2010 لما يخلصون امتحانات والله يوفقهم وينجحون ان شاء الله
تروحون وتردوون بالسلامه وسفره موفقه وسعيده وانشالله الله ينجح عيالج كان بودي اساعدج بس معمري رحتلها ان شالله البنات يفيدونكم..
هلا اختى انا من عشاق تايلند لان تايلند بلد الجمال والطبيعة اما فنادقها عندج امارى بوليفارد بشارع العرب وفندق ارنوما واااايد حلووووووو ونظيف اما اسواقها عندج ام بى كى وطوكيو بلازا والبتونام وسوق الليل اسمه سلووووووووم بلازا واسواق البرغون ومطاعمها تلقينها بشارع العرب كل المطاعم المصرى والهندى والكويتى والعراقى وكلة حلال الاماكن السياحية حديقة الافاعى والازهور وسفرى والمدينة المائية وفى سوق باالنهر يونس واااايد حلووووو ولاتنسين تركبين التوكتوك وروحى حق بوكت وجزيرة بى بى وجمس بوند وشنغ مااااى حللوووووووة تروحين وتردين بسلامة ادعيلى
الله ينجح اولادج ويوفقهم وتروحين واتردين بالسلامه الاخت اسرار الكويت ماقصرت وضحت كل شي باين عليها خبره وعاشقه لتايلد اكيد بتكون الاعرف فينا بس عموما بلد صج حلو وصج يعتبر رخيص بس الوحده طالعه اهي وعيالها وتبي اتصيف واتريح من الجو اللي بالكويت ماتصلح تايلد لان جوها حار .... اما انا انصحج دامج رايحه رايحه نصيحة الاخت اسرار انج اتروحين جزيرة بوكت حلوه اما من اجمل ماسكنت بالفنادق في بانكوك هو فندق شنغريلا عجيب بس هذا الكلام من زمان اخاف انصحج فيه والا هو اللي يطلع مو شي بس على ايامي مسكت وسفره سعيده
مشكورة اختى كفانى عذاب اهى دوله استوائيه المناخ يعنى دوله رطبه بس رطوبتها وايد حلوووووووووه وفندق شنغريلا على حطة ايدج ماتغير شى بس صارت غالية كل سنه اغلى من السنه الى وراها
انا رايحه تايلند تاريخ 6.24 .2010 وباسكن في اماري الي في سوق العرب الان وايد نرتاح فيه كلشي قريب منك اتلاقى معاج ان شاء الله
مرحبا إختي.. بخصوص السكن أنصحج بفندق ( أماري بوليفارد ) في العربي وكل شي بيكون قريب عليج من محطة القطار والمطاعم العربيه على بعد خطوات... وبخصوص الأسواق الشعبيه الرخيصه يفتحون من الساعه ( 10 ) الصبح إلى الساعه ( 6 ) المغرب وأهمها 1- باتونام 2- بوبي ماركت ( يبيع 90 % بالجمله ) يعني من ثلاث قطع وأكثر وبضائعه رخيصه جدا 3- السوق الصيني ( china town ) وفيه بتلاقين أشياء رخيصه جدا من الشنط والإكسوارات والأدوات المكتبيه المميزة والرخيصه 4- سوق الأحد ( sunday market ) ورخيص جدا ويفتح يوم الأحد فقط وزحمه عليه وأسهل طريقه للذهاب إليه عن طريق القطار بس حاولوا تسألون الجماعه اللي في المحطه لأنه بتحتاجون اتغيرون القطار خلال التوقف الثاني على ما أظن. 4- عندج سوق الليل اللي يفتح من الساعه ( 12 ) الليل. ويسمونه ( بات بونق ).. أما مراكز التسوق عندج 1- روبنسون سنتر وهو للنساء والأطفال بس غالي شوي 2- طوكيو سنتر 3- world center 4- الميلينيوم وأتمنى إني قدرت أساعدج بشي اتروحين وترجعين بالسلامه إنشاء الله.. ( بس لا تنسين اتكاسرين بشكل كبير في الأسواق الشعبيه يعني لو قالوا 1000 بات قولي 300 بات عقبها بتعرفين سعره الحقيقي )..
اللة يردج بالسلامة عمري مافكر اروحلها اروح القمر ولا اجيها شعب حدة خايس يموتون على ريحة الرجال شوفيها من 7 باليل ورى تنقلب الديرة فوق تحت واللة مو صج الي شفتة عند حماتي حلفت ماعاد تلروحلها دشي يو تيوب وشوفي نصيحة روحي ماليزيا امان ديرة مسلمة شعب ستير الحال وفوق هذا السوق تشترين وتردين بفلوس فيها بوكيت جنتنج العاب وجوها باااارد يعني جاكيتات بيننغ وافا موسى نفس الاكوابارك ةواللة ماشفت ولا وحدة لابسة مايو كلهم اسلامي صن واي لاجون سوق في تزلج تحت حتى عيالج يستانسون والبرجين التوامين سوق ماركات وغيرةوالمناضر بلا تايلند بلا ارف والسكن في برجايا تايم سكوير هذا بروحة مايخليج تطلعين سوق وفوق شقق وعطينا رايج
