ام قبوله محتاجه فزعتكم لا تردونها

خواتي أنا اليوم في صدمه مايعلما إلا الله متزوجه من 9 سنين وعندي 4 اسم الله عليهم عمري ماشكيت في زوجي هو يصلي ويصوم ويخاف ربه ولاعمري مسكت عليه شي والحمد لله حياتي كلها حلوه معاه عمره ما خبا تلفونه عني عادي يحطه بين إيديني مشكلي البارح أتصفح برسايله لقيت 2 من ربعه دازين له نكت ومسجات بأسلوب قذر والله ما أقدر أقول ولأا كلمه عن المسجات أنا حسيت الأيام هذي باله مشغول مادري ليش مونفس أول المهم خذيت الأرقام وأتصلت بتأكد قلت يمكن حريم بس طلعولي ربعه والله لو تشوفون شكله برئ ماتوقعت يطلع منه هالسوالف صج صج طاح من عيني ماقدرت أستشير خواتي بهالموضوع خفت أنه يطيح من عينهم مثل ماطاح من عيني وهو شخصيته وهيئته كل أهلي يحبونه حيل محترم وبعدين المسجات إلي قريتها يسألونه عن أشياء وصخه أستغفر الله المهم شنوا تنصحوني فيه أواجهه بهالمسجات لأني دزيتهم حق جهازي وكل دقيقه قاعده أطالعها ماني مصدقه تكفون إلي تلقالي حل لاتبخل علي الله يخليكم؟؟؟؟؟؟؟ وإذا واجهته شقوله ؟؟؟؟
مع أني أقسم بالله مومقصره فيه بالمره وكل من يشهد علي بس حسبي الله ونعم الوكيل

ولا رد لييييييييييش

أم قبولة الله يتمم عليكم سعادتكم

لكن شنو المشكلة أنا مو شايفه برسائله الخاصة أي مشكلة

تدرين احنا الحريم لما نجتمع ويكون بينا ميانة سوالفنا تكون غير فهمتي قصدي

هالشي نفس الشي ويا زوجج هذيلا ربعه مايقدر يفرض عليهم شنو يرسلوله او مايرسلون واستشارتهم له بامور معينة ما تخليه

بقفص الاتهام بنظرج

يعني الامور سهالة اختي وماتحتاج كل هالتعصيب

روقي وهوني الامور

زوجج مصلي وعارف ربه قعدي وياه وسأليه بس عن الاستشارات اللي مش ولابد من ربعه تأكدي أنه بيعصب لكن بترتاحين لما

تقوليله لكن ترى هالشي ما يقلل من قدر زوجج في نظر اى شخص

مرررحبا اختى

يعتمد على الرسايل ونوعيتها.. هل اهيا قشمرة بينه وبين ربعه..ولاحسيتى انهم يعرفون اشياء عنه ماتسر..

مرحبا ام قبوله

الله يهنيج ويسعدج ويوفقج مع ابو عيالج
حبيبتي لايطيح من عينج قبل لاتفهمين شنو السالفه

انا اقول يمكن ربعه مقبلين على الزواج وحابين يعرفون بعض الامور عن الحياه الزوجيه ترى عادي اذا كان رفيجه من عمر وطايحه الميانه بينهم عادي يسألون بعض مثلهم مثل الحريم

وحبيبتي لاتخربين حياتج بيدينج وانتي عندج عيال منه حاولي تراقبين تصرفاته ولا تخلينه يقعد بروحه وشوفي واحكمي

الله يوفقج....

هلا حبيبتي الله يتم سعادتكم الحين انا من رايي لاتقولين له اي شي وخليج عاديه صدقيني لكل رجال حياته الخاصه واذا تبين زوجج يحبج ولاتخسرينه لاتكلمينه باي شي وبعدين لو كانت الارقام حق بنات انا اقولج ايه كلميه وواجهيه بالمسجات لكن رسايل وان بعض الظن اثم ولاتستعجلين وصدقيني عن تجربه لاتكلمين معه عادي الرجال كلهم جذيه فيهم فيهم

الله يعينا على هالرياجيل مادري نتابعهم وإلا نتابع هالجهال وإلا هالخدم الله يعين بس

هلا ام قبوووله والله رايي من راي خواتي مافي شي يستاهل الزعل احنا واحنا حريم اذا قعدنا مع بعض سوالفنا بكل شي نتكلم فيه وازواجنا مايدرون اننا نسولف جذي يعني اهم مثلنا والرسايل هذي دامها من ربعه مافيها شي يخص كرامتج وعادي جدا اهم شي ماتكون له علاقات مع بنات هذا الخوف بس اما غيره صدقيني سهالات والله يتمم عليج سعادتج ويخلي زوجج لج ويسخره لج يارب .

ليش لا يمكن عنده رفيجات والله إن صج إلي قال السكوتي لوتي

الله يعينج وانا مع أم عبد الله
موفقة