السلام عليكم شخباركم ؟؟؟ بنات الي عندها حل مبسط تفيدني انا اختي اصغر مني بسنه متزوجه وعندها 4 الله يخليهم لها زوجها وظيفته بالجيش واهي تستلم معاااش دعم العماله وماكان عندها خدامه لما نزل معاااشها جابت لها خدااامه وثلات ارباااع مصروف البيت عليها حيل مضايقه نفسها وحالتها حاله مدلعه زوجها مادري على شنو لايصرف ولايحط واهي بطبيعتها ماشالله عليها كشيخه وكووول حدها تحب تلبس عيالها من سنتر بوينت وماكي والافنيوز يعني ماركات وشغل عدل وازوجها مايجيب الا الماجله وبعض المرات اهي الي تشتر الحفاظات والحليب وبعض المراات والله تبجي تبي سلف حدها مفقره اهي وعيالها حيل تعبتنا وامي دايما تحاتيها وزوجها ثلج مايحس الله يهديه علمونا شلون نخلي زوجها يصرف ويقط عليهم
إختج نفس إختي زوجها بالجيش وماعليه قاصر وإهي بالأشغال ومسكينه معاشها كله على عيالها والخدامه والسايق وحتى ملابسهم شي يقهر وكلما نصحناها ماكو فايده حبيبتي المره إذا عودت زوجها على شي خلاص الزوج عمره ماراح يتسنع ولا راح يصرف إختي مسكينه حارمه نفسها من كل شي وكل معاشها على عيالها لا تلبس ولا تكشج الله يعينهم
خليهاا تكلمه ... اشهل زوج هذا اللي ما يهتم بس ماجله ماجله قولي 100 ... ووبااجي معااشه ... وين يوديه خليهاا تكلمه ... على الاقل فلوس عياله 200 دينار بالشهرر خليها تكلمه ... مافيها شي هذيلا عياله يصرف عليهم ... الله يهديه يارب وان شاء الله يحس اذا كلمته
صراحة واللة ماقط ولا فلس مو لازم يلبسون مو لازم ياكلون انتي بتحترين بس تظغط على عمرها امانة الاربع عيالي وحدي ونت شايل ايدك عنهم الي اعرفة الرجال مكلوف بعيالة عمر المرا ماتكفل بشي لو شنو معاشها تكلم عيالها اي شي تبونة روحو لابوكم انا ماعندي انا تزوجتك عشان امي تكد علي واللة فشلة رجال على الفاضي اوكي اساعد بحد المعقول انا وراي التزامات كل يوم قاطة وجهي لفلانة وفلنتانة شوفلي حل ولا اقولك 200 الحكومة عطنياهم واذا في مناسبة تزيدهم الحكومة تمشيلهم معاش مابي منتك مسوي شي اجيب الماجلة بعد تمن باكل عيالك هذا من حقهم واللة اذا اشتهو السفر انشاللة ماعندة وضيفة يدبر ويسافر لاتسكتلة اقل شي يعطيها 200 الحكومة واللة افجر مخة هذا الي باقي اذا انا واللة وباللة اني اصرف لي بس بروحي اقسم باللة بالشهر 180 ومنه اطلع الحريم اسويلي كم دراعة اشتري اشياءء ناقصتني من غير الكروت وولدي والخدامة وانا مو موضفة واللة نص الشهر ماعندي شي ومعاشة ضعيف اللة يعينها لاقالو انا اجيب وانا احط اوكي شنو الجديد من عرفنا الدنيا والرجال يجيب مو شي جديد هذا رايي بس لاتسكتلة
اااااااااخ والله ما لي خلق اتكلم بالموضوع شبعانه من اختي نفس الحال لا واكثر لان اختي مدرسه عسا ما جاها فلس قال ادفعي علي العموم الله يهديهم اجمعين
اختج اسمحيلي خبلة حريمتة مايشوف الفلس لو انة شنو انا بكيفي فلوسي احرقهم اصرفهم اورثهم مالة شغل اساعد بشي بسيط بس لانها عطتة وجة قام يتمادى ماتوضفت عشان اتكفل فيك معاشي ياللة يلبسني
انا زوجي بالجيش والله معاشهم يهبل وماعليهم قااصر خل تشيل ايدهاا ولاتعوده عليهااا لا وازيدكم من الشعر بيت رااح تجيهم زيااده طيبه بعد وترى الزوج اذا صرف على زوجته وعياله والبيت والخدامه مو من طيبه لا هذا حق من حقوق الزوجه والاولاد عليه واذا الزوجه صرفت تعتبر صدقه واجر لهااا اما الزوج هذي من حقوووووووووووووقه ..
والله زمنا حده عجيب وغريب الرياييل صايرين أبدا ما يتحملون المسئوليه ويمكن احنا قاعدين نساعدهم على الخطأ ،خل تحاول انها تلزمه تحمله وتلزمه بمسئوليات بيته أو تطلب نفقه منه وادا مارضى تلزمه بالناحيه القانونبه لاتتنازل تصدقين أنا أعرف وحده نفس حالة اخت وأخس وهم عسكري لا يصرف ولا ملتزم بدوامه وساعه عند معاش وساعات ماعنده تدرين ليش للأن شايف المرا تسوي كل شىء فالشاب اللطيف فكر قال ليش يداوم هو يتغيب عن دوامه بالأشهر وينخصم من معاشه أو يظل كدا شهر بدون معاش ومريح بالبيت وهي تسوي كل شىء(للعلم عنده رصيد اجازات ولا خداهم حضرته ماله خلق يقطع نومته ويسوي اجازه فعادي ما يداوم ويظل بدون معاش طول ماعند بنك التسليف وياليت بعد تسليف)كان المرا عندها نفط مايخلص من جدي عادي يستغني عن معاشه، وانتو لا تساعدونهم ازواجكم على الخطا لزموهم قصب عليهم (والله ترى احنا قاعدين نهدم حياتنا بايدنا بدون لا نحس )
الله يعينها بس هي اللي عودته حبيبتي الزوج على ماتعودينه خلاص طاااااااح الراس بالفاس وانا خواتي نفس حالة اختج وازود الله يعينهم بسسسس
الريال على ماتعودينه انا الحمدالله ريلي يدفع الاجار واييب الماجله والخدامه والكروت والطلعات والسفرات من جيبه حتى لبسي اهو يشتريلي اياه والله وانا من معاشي اساهم بكيفي مايلزمني بمبلغ اذا شي نقص البيت اييبه من كيفي حتى الصالون لمن اروح قبل لااطلع من البيت يعطيني فلوس مع انه متزوج قبلي يعني نفقه وعمات عين بس الحمدالله عمره ماقصر
انا لو مكان اختج ادوس على قلبي شوي واقوله مابي عيالك انت متكفل فيهم هالفلوس لي سند اخش منهم شوي اصرف منهم محد له شغل وانا الي ربي يقدرني عليه بحط بالبيت شنو دعم العماله كلهم 390 حق شنو بيكفون وشنو بيسوون
ارتال رفعتي ضغطي شنو البطاقة معاة دليل ماخذج لمعاشج بس مااقدر ارد بس يعطيج مصروفج اليومي ولا لا وذا عندج مناسبة جمعي من مصروفج واذا بتطلعين لاتدفعين عشان المصروف مايكفي تدرين شنو اسوي قدامة ادق على ابوي قدامة اصدم حياتة واقول يبا ابي 300 ويكون نزلة معاشات بيقول ليش قوليلة زوجي ماخذ بطاقتي ومايصرف علي وكاهو اعندي يسمع من وين اجيب اطر لحظة كلمة لاامسح كرامتة القاع اعرفة شلون ياخذ البطاقة اخلي يكرة اليوم الي يقول ابي سلف
دراريع هدي اعصااااابج ... يااامعوده اشوى اني ورى الشاااشه ههههه جان طقيتيني ... لا موحلوه بحقه يمكن محتااج وانت تساعدينه و اهوا يساعدج ... وصدقيني راح يحس فيج و اول ماتطلبينه راح يعطييج بس لا تعصبيييين :emoticon_U::teeth_smile: انتي متزوجه ؟؟؟؟؟
ارتال لاتزعلين ترى مو قصدي اجرحج واللة العظيم لايكون زعلتي حبوبة ردة فعلي بعصبية لان يحر الشي وانا واللة عصبت لان صدمني برودج ياخذ البطاقة وانتي من وين تصرفين هذا قصدي يعني حالة اذا بخاطري شي لازم استاذن منة وعمر المرا ماتكفل بشي بالبيت وهوا شنو لزمتة اساعد بحد المعقول اقري ردي الي قبل بس اما الماجلة الخدامة العيال مالي شغل فيهم ترى الحكومة تمشيلهم معاش ومن غير بدل الاجار وغيرها لاتفهميني غلط اشوا انج مو عندي وقبالي جان طقيتج ترى ماعرف اجامل انا متزوجة مو موضفة بس واللة مايقصر بشي لا بحقي ولا بولدة ولا بالبيت انا رديت على الي حاطة الموضوع ولي تبي شور لاتزعلون من اي رد ترى امون عليكم حسبت خواتي يشهد ربي لو ماامون عليكم اعطيكم بس رايي بالموضوع بس واللة لو اختي تقولي جذي اموتها طققققق اوكي
حسيتج بريئة من الصورة الي حاطتها قلت هذي ماتعرف شي تصدقين مادري ليش انفعل مع انة راي بس اذا احتريت مااسكت اللة يعينكم على الجاي
ويييي انا قبل مثل اختج واردة بعد كان كل شي علي انا اشتري الماجلة وهدوم لي واليهال حتي بالعيد بس الحين لا عقب ما تنطقين علي راسج تصحين الحين ما اقد ولا عود معاشي حقي وحق مصاريفي بس وتري الريال مايبين بعينة شي مهما تعطينة وتسويلة
