السلاااام عليكمشلونكم تكفون ابي منكم المساعده انا في حيرة ؟؟ صارلي شهرين عند اهلي زوجي الله يهديه زعلان علي لان قبل شهرين كنت رايحه عند اهلي زواره طبعا كل جمعه اروحلهم؟ زين يوم جى يوووم الثاني السبت دقيييت عليه ابستاذن اروووح عند جيرانه مارد علي ؟فانا رحت وقلت بدق علي يوم دق قلت انا رايحه عند جيرانه هاوش وعصب علي وقالي ارجعي البيت ؟قلت؟ليش؟ماراح اطول قالي ارجعي تفهمين والا لا قلت زين؟سلمت عليها وتعذرت منها؟وانا قاعده دق قال وينج قلت الحيييييييين ابطلع ؟؟وعصب علي ويهاوشني ويقولي خلي اهلج ينفعونج؟؟:sad_smile::sad_smile: وانا الحين عند اهلي مادق ولايسال بس يجي ياخذ اولده؟وانا عندي ولد واحد؟وصارلي متزوجه5 سنين؟ ابي حل ؟ارجوكم؟
الحل ياطويلة العمر انج ترجعين بيتج وتسوين له مفاجأه وتتعذرين عن اللي سويتيه لانج طلعتي بدوون علمه وهذا بحد ذاته اكبر غلط وتدرين لما تطلعين من دون شوره تلعنج الملائكه لين مايسمح لج فأرجعي لبيتج ولاتقولين كرامتي ومدري شنو ترى بين الازواج اللي يحبون بعض وهاديهم الله مافي كرامه وفي تنازلات وانا من رايي انج ترجعين لبيتج وتغيرين في نظام الشقه وهو يكون في الدوام ولما يرجع وتعبان راح يلقاج جدامه ومسويه البيت ومبخرته من احسن مايكون . ترى بعض الرجال يجوون بالراحه والكلمه الطيبه وانتي زوجج وانتي ابخص فيه من وين تدخلين له . اتمنىى اكوون فدتج وتقبلي مروري وبشريننا عنج .
اختي سعادتك في بيتك لا تضلي عند اهلك ابدا تفاهمي معه في بيتك حتى لما قال لك خليكي عند اهلك كان المفروض ما تضلك هناك لان بيتك هو مملكتك وزوجك هو اغلى ما في حياتك يسعدك ربي
طمنينا عنك الله يسعدك شوفي انا حضرت دورة عند المدربة فاطمة الغرياني صلحت حياتي وعلمتني حاجات خلتني ملكة في حياة زوجي فكري تنضمي لهيك دورات والله اتضح لي ان الدورات احلى كتير من قراية الكتب ربي يوفقك
حبيبتي انتي غلطتي ومن حقه يحصلج بالبيت مفاجأه ومعاج بوكيه ورد وقوليله هالورد لاحلى ورده ومن هالكلام الطيب والله يوفقج وترجعين له ويخليكم لبعض وتقبلي مروري
الله يهديج 5سنين ما تعرفين طبعه طيب اهوجذي ولا توه صار حكر مو فاهمه وضعكم شلون انا اقول رجعي بيتج يزعل ويرضى لا تحاتين
شفتي لو يطلعني زوجي من البيت والله لحب رجوله وأدخل غصب وأحايله يالغاليه أهلك مودايمين لك باكر تتسلط عليك مرت أخوك وعاد شوفي مشاكل الحريم وإنتي عندك ولد وماينفع لتربيه الولد غير أبوه أنا أقول دوسي على كرامتك عشان مصلحتك إنتي ووليدك وعترفي بغلطتك جدامه وقوليله أنا ما أسوا شي من دونك وعاد بالكلام الحلو تقدرين تذوبينه وتاخذينه لصفك بس بعد كل هذا بقولك ترى أنتي غلطانه بأمكانك تحلين هالمشكله بنفس وقتها والله يوفقكم يالغاليه
الله يعطيكم العافية؟ ماقصرتوا؟ وانشاءالله اذا رجعت لزوجي راااح اطمنكم؟ شيكولاته؟؟ ابي عنوان المدربه فاطمة الله يعافيج
ام تركي؟ انا اعرف طبع زوجي عدل اول ما اخذته اول سنتين ماحملت كان فيه مشاكل بس خفيفه ونلرد لبعضنا؟الحيييييييييين صار عندي ولد تغيرت نفسيته وعصبيته ؟يعصب بسرعة واي شئ يصير بينا يطلعني انا الغلطانه ويقول كل جمعه تروحين عند اهلج قبل يخليني اروح خميس وجمعه؟حست انه متغير؟ زبـــــــــدة الكلام صدته انه يكلم بنات ويتشيطر علي بقوته؟وقعدت معاه ما اعترف ؟نكر؟شسوي؟ احس اني مليت بس انا برجع عشان اولدي موعشانه؟وانا صراحه مومقصره بحقه مو موظفه كل قاعدة فالبيت مهتمه في نفسي وبيتي وزوجي عشانهم؟ الحمدالله على كل حااااااال؟
