ابى احسن صالون مكياج وتسريحه فى المنطقه العاشرة مكياج راقى مو لطيخ لبنانى عندى عرس حماى بعد اسبوعين ابى اكشخ وشرايكم فى لمسة فن اللى فى المنقف نفس شغل اللى فى الرقعى ولا لا واروح عند اى وحده ادرى مصختها بس شسوى ما اروح عروس وايد ما اعرف واشرايكم بمكياج خلود الى فى لمسة فن بالرقعى وسامحونى طولتها عليكم
هاي انشالله اكون مساعدتج مدام عرس حماج انتي جنة وحلاته تصيرين احلي وحدة لان انا جنة واحب اكون مميزة شوفي مكياج لمسة خايس اللي في بوحليفة خلو مرت حماي ينية اللي طلعت من العرس مبجر روحي صالون تايجر بصباح السالم عجيب وايد حلو ونور السيد في الجابرية ويمدحون صالون المنتجع بس ما جربتة صراحة بس مدام تبين بالمنطقة العاشرة روحي تايجر يصير بعماير المسيلة علي الشارع وانتي نازلة من الجسر مال صباح السالم وانشالله فدتج وفي بعد صالون كل ديور حل ورخيص تسريحاتهم عجيييييييييبة وطلبي هبة
زيونه تبين صالون مكياج روعه وتسريحات حلوه صالون بالشعب يهبل وراقي وعلى كييف كييفج صالون كلير رقم تلفونه25617712 جربيه وان شاءالله ماتندمين
