السلام عليكم اهي مشكله و مومشكله انا زوجي بيتوتي و انا احب اطلع بس مو وايد يعني مرتين ثلاث بالاسبوع مو شرط الا مكان كشخه وترزز المهم اكون معاه طبعا انا اللي اروح الجمعية واذا في اي شي للبيت انسي يروح حتى اذا البيت يبيله تصليح او نحتاج عامل انا اللي اييب صارلنا سنه متزوجين و للحين ما حملت و استغفر الله احس ما ابي الحين ما اقدر اعتمد عليه بشي قمت احس انه سلبي ووجوده وعدمه واحد واذا قعد معاي امل منه تخيلوا اذا يبي عشا من برا عادي يقولي قومي ييبيلي طبعا قبل كنت غبية اييب الحين قمت احقر وحتي دشاديشه انا اوديهم واييبهم من الكواي هذا اشلون اتصرف معاه احس انه مايحبني مو مهتم فيني والله لما اطلع حق الجمعية والا مكان يتحرشون فيني واتضايق بس شسوي ارد اقوله؟ لا والله اهي مو مشكله اهي مشكله ونص ساعات احس اني خذيت عله على قلبي بدال ما يصير عون صار فرعون واذا قلتله امش نطلع يقولي دقي على رفيجاتج هذا شقوله بالله ؟؟ واذا طلعت معاهم قام يحن يا ابي قهوة او يوعان يبيني ارد البيت خو انا بيبي ستر حقه بس باقي ادخله ال....... عزكم الله قمت امل منه
حبيبتي زوجك مو بيتوتي زوجك غاسل ايده من مسؤليته كزوج وكرجل وانتي اللي جبتي هالشي لنفسك واتوقع بالبداية انك تبغي تكسبيه او تدلليه بس للأسف الموضوع انقلب رأساً على عقب وخليتيه يتعود على عدم تحمل مسؤلية بيته وزوجته وهذا وهو لحد الحين ماعنده يهال كيف اجل لا جاه أطفال ******************* ودامك مو راضية عن اللي يصير وحابه تغيري هالوضع الذي لا يطاق فهنا بديتي في الطريق الصح كل الأشياء اللي كنتي تسويها قبل اتركيها مثل: تروحين للجمعية وتجيبي اغراض للبيت،تجيبي عامل يصلح اي عطل او خراب بالبيت ،تودي ملابسه للكواي........إلخ كل الاشياء اللي تعتبر من واجبتاه هو يعملها. وإذا سألك ليش ماجبتي ملابسي من الكواي ،او ليه ماجبتي عامل ............. فقولي انت الرجال،وانت اللي مفروض تسوي هالاشياء وانتي لا تقصرين عليه بحقوقه عليك كزوج.
مشكورين وما قصرتوا انا سويت جذي غصب لان عادي اذا ما رحت ما يروح كنت اخلي الشي خربان او متعطل شهر شهرين عادي ولا في البال انا اقولج شنو المشكلة انا زوجي مطلق واللي كان ماخذها لاغية شخصيته مادري هرمونات الذكوره مرتفعا عندها ولا شسالفتها مادري المهم ما كانت تقوله واهي تحب تسوي جذي عمال وتروح شويخ لدرجة انه كل ما أسأل عن شغله من اثاث شقته القديمه يقولي مادري انا ما رحت اهي اللي راحت حتى الشقه اهي اللي اجرتها مو اهو والله يقول انا دشيت الشقه خالصة اهو اصغر منها واهي دايما تقوله انا مو محتاجتك بشي بس همها تسحب منه فلوس لانها كانت تبي تعيش بروحها و تطلع من بيت اهلها فكانت تخطط حق الشي هذا انها تزوج وتييب عيال وتطلق وتسكن بروحها عاد انا المقروده اللي صارت السالفه براسي كل ما قلته سو جذي يقولي هذا شغل حريم انا بس شغلتي اروح الدوام واكد عليج للعلم انا ما اشتغل الحين فيقولي اذا ما سويتي جذي شنو تسوين تقعدين فاضية فأقوله انا علي هدومك نظيفه بيتك نظيف اكلك زاهب يقولي انتي ما تطبخين امج تطبخ هذا شقوله بالله والله انا احس اني احتاج اراجع مستشار تأهيل اسري يعلمني اشلون اتعامل معاه اللي تعرف الله يخليكم تقولي
والله شغله _________________ صرنا بزمن الريال صار مره والمره ريال وحسب ما اعتقد ان العله مو بالمره الاوليه لا العله بامه اهي اللي ربته بهلطريقه .......اتكالي او مثل ما يسمونه بعلم النفس طفيلي يعني يعيش على ظهر غيره مو مهم بس المهم انه يعيش بس اقولج شي .....كل مرض وله دوا وان شاء الله دواه عندي اول شي طلعي من الدار اللي ينام فيها وشيلي كل اغراضج واذا سال لا تردين عليه وبعدين شيلي ايدج من اغراضه لا غسيل ولا تنظيف بعد اليوم واذا اخترب شي شيليه وكوديه بداره ثم بعد ذلك لااااااااااااااااااااااااااااااااااااااااااااااااااااااااااااااااااااا ( شوفي اشكبرها) لا تطبخين واذا يعتي شيلي قشج وروحي بيت ابوج واكلي وردي بيتج والاهم من كل هذا اسلوب الحوار يعني لاوم يكون بالشكل التالي - وين الغدا -ما فيه - ليش - الثلاجه فاضيه -ليش -ما رحت الجمعيه -ليش -ما ادل طريجها حاشني فقدان ذاكره!!!!!!!!!!!!!!!!! او الحوار التالي الشي الفلاني خربان - ادري - ليش ما صلحتيه - ما اعرف ياني فقدان ذاكره علشان جذي حطيته لك بالدار يمكن تدل تروح تصلحه او الحوار الاتي -ليش شلتي اغراضج من الدار -ريحة ملابسك خايسه وتارسه الدار ما اقدر انام -وديهم المصبغه -شنو المصبغه هذي ما اعرفها ؟ يعني الله يخليك حبيبي اذا تعرفها بسرعه ود هدومك قبل لا نختنق من الريحه ونموت . انا حلوه وصغيره مابي اموت ها فهمتي بسرعه احتلي انتي دوره بالبيت وصيري مكانه ومثله وان شاء الله ما يكون مشترك بالمنتدى باسم نسائي ويقرا الرد ويسويه قبلج
ماعليه صبري وأجلي شوي موضوع الاطفال حاولي شوي شوي تسحبين ايدج من امور البيت يعني لما تبين تروحين الجمعية خليها وقت متأخر يعني 9 أو 10 بالليل وقوليله ودني الجمعية في شغلات ضرورية لازم اجيبها بيتهرب بيتملل اصري بطريقة انثوية وطووووووووولي بالج وحدة وحدة خلج على هالطريقة مدة بعدها هو بيتعود ويعرف يشتري الشغلات بروحه ترى اغلب عيالنا لي تزوجوا مايعرفون يشترون اغراض البيت والسبب انهم ما تعودوا على هالشي وربي يوفقكم بحياتكم ويهديه لج
هلا اختي الصراحة الله المستعان على ما ابتليتي فية موضوعج حلة بسيط جدا بس اللي فهمتة من كلامج انك مرة ماتحبين تعطلين امورج ولك بال قصير في التعامل مع الحياة بس الحل اهو :::::::::::::: طنش تعش تنتعش ::::::::::: طبعا القصد من هذة الحكمة الرائعة طنشي امور التصليح والجمعية ..........والخ بس امورك وامور زوجك (( طبعا فاهمة )) لا باشريها حتى ما تقام عليج الحجة وطولي بالج من باب الخبرة انتي توج يبيلج عمر على ما تعدلين ريلج وطبعة بس الحياة حلوة لما تكافحين وتصبرين وتشوفين في النهاية انج غيرتي طبع انسان هذا بحد ذاته اكبر انجاز وفي الختام ادري طولت عليج اقول انتي غيري طبعج وصدقيني اهو راح يتغير
صباح الخير الله يعينج بس انا رايي من راي بسمه صبري عليه شوي نص حريم الكويت جذيه مشكله الحين رجال اخر زمن يبي لهم تطنشين وحطي له جدول وخليه يشوفه اشياء اهو ملزوم فيها وانتي بس شغل البيت شي يخرب مسؤوليته مو انتي وصدقيني بيشوف ويطبق الجدول شكله ماينفع معه الحجي حطي جدول وريحي نفسج ماسوى الشي الي عليه وسال قولي مو شغلي اخرتها بيقوم ويسويه والله قلبي عورني عليج ربي يوفقج والحمل اجليه شوي عشان يتغير على الاقل ويتحمل مسؤوليته عيال
لا حبيبتي انتي ما يبيلج خبرة اذا الحين ما عدلتي الي فية ما راح تقدرين بعدين وبعدين الريال مثل العجينة بايدج انتي تشكلينة بشطارتج ولا تقلبين الدور عليج خلية يمارس دورة واذا ما قدرتي بصراحة لازم تروحين حق الاستشارات الاسرية عشان اتساعدج لان يظل بالمنتدى ما تقدرين تقولين شي خاص بالتوفييييييق
