السلام عليكم.. شخباركم؟ بنات انا خايفة انا حامل بالشهر الخامس وولدي عمره سنة و10 شهور وماكنت ادري ان فيه عنقز (جديري ) بس لمن دريت وخروه عني.. بس الحين شلون هل راح يأثر علي او على البيبي؟ وشلون اعقم البيت والا شنو اسوي؟.. بليز فيدوني :sad_smile: :cry_smile:
هلا أختي . . . لاتحاتين ما في الا العافية انتي عنقزتي وانتي صغيرة؟ اذا اي عندج مناعة لا تحاتين انا بنتي عنقزت وكنت حامل والحمدلله الامور سهالة . . . اهم شي لا تسبحين الولد واخذيله من الصيدليه دوا العنقز الابيض مال المستوصف مو شي وحطي منه ع جسم ولدج كله يعني بيطلع كانه مصبوغ العدوى من النقز بتكون لما تبدأ الحبوب تتقشر انيه العنقز بينتشر . . .وسالي الوالدة انتي عنقزتي او لا ؟ وما تشوفون شر
لا والله حيل مضر روحي الطبيب وهووو يقوولج لان بنت عمتي بصراحه تعب البيبي بسبب العنقز الي صار بناتهااا صار بالبيبي مااي العنقز سبحان الله انعداا مو كل وحده تسلم نصيحتي ودي ولدج بيت اهلج لين يطيب مرة وحده لانه بنهايته يعدي العنقز ويضر الحامل روحي طبيبج احسلج والله يعين وموفقه
ماعندي فكره بس نصيحه مني لاتسبحينه ولاتغيرين ملابسه اللي لابسهم والدوا الابيض مال العنقز حطي في مره خليها تختلط مع الدوا 3ايام باذن الله عقب ماتحطيله الدوا راح يتشافى وتتقشر الحبوب وروحي سألي طبيبج اذا يأثر ولا لأ
مشكورين وايد على الرد وما قصرتوا.. وبالنسبة حق سؤالكم اي انا عنقزت وانا صغيرة وولدي الحين فبيت أهلي من اول ما اكتشفنا انه فيه..بس حدي مشتاقتله:cry_smile:.. مشكورين مرة ثانية عالرد
هلا اختي من واقع خبرة الجكن بوكس ( الجدري المائي ) ما يصيب الانسان الا مرة وحدة . . . انا عنقزت وانا صغيرة وكنت حامل وبنتي عنقزت ولله الحمد ما صار الا العافية اعقليها وتوكلي وسالي طبيبج بعد
