السلام عليكم اشحالكم يا احبابي انا عندي مشكله صغيره مشكلتي انه كانت اتيلي الدورة مرتين في شهر وعقب رحت اتعالج ومن عقبها كنت اكل دوا عشان ينظم الدورة عشان احمل وعقب من يوم شربت ها الحبوب وانا دورتي تكون كل 24 من كل شهر ها التاريخ ايلي الدورة وانا ما اعرف شو اسوي رحت لمستشفى الامريكي وقالولي ما فيني شي يا جماعه هل تشوفون انه ها التاريخ من كل شهر مناسب يعني انا ااعرف انه كل شهر لازم اتيلي الدورة وسؤال ثاني ناس تقولي انه المتن هو يسبب تاخر الحمل بس انا مو وايد متينه لين هناك واحس في نفس الوقت اني متينه قولولي شو اسوي خويتكم : ام شخبوط
حبيبتي انا ماعندي خبره كبيره بس افيدج باللي اعرفه شوفي اتوقع دورتج عاديه وطبيعيه وفيه دورات تجي كل 28 او كل 26 او كل 24 يوم ......وسالفة المتن لا مو صج الا اذا كنتي متينه حيل عندج مثلا الفنانه المرحومه مريم الغضبان متينه حيل ومع هذا عندها عيال .......والله يرزقج ان شاءالله عاجلا غير آجلا ........
حبيبتي موعدها عادي يعني طبيعي اما بخصوص المتن نعم المتن له علاقه اكيدة لانه يسبب اضرابات الهرمونات واكياس عالمبايض اذا كان عودج متين من قبل الزواج فالمتن هنيه ما يؤثروالعكس صحيح ........... هذا كلام دكتوري حبيبتي
حبيبتي امر طبيعي المساله بس تلغبط هرمونات يمكن عشان صاري تغير فجاه لنظام اكلج لا اكثر واذا علىالحمل ياريت تدشين موضوعي وانشالله تستفيدين
