|[ حـب صـآدق فـے زمـن گـذآب ]|

|[ حـب صـآدق فـے زمـن گـذآب ]|

~| روآيــہ گويتيـﮩ بدوييييـہ |~

للگــآتبتــآن :

...|[ مآعطيـت آلحب غيـرگ ]| ...
... |[ نــوؤر عينـے ]| ...

هـذي روآيـﮩ مستخلصـہ من قصـہ وآقعيـﮩ مـع تغييـر فـے الأسمـآء
و هـے مـن الروآيـآت إللتـے تستحـق القـرآءھ »

. / بسـم آللـﮩ آلرحمـن آلرحيـم / .

الجزء الأول :

راح تركي كالعاده متأخر للمدرسه على الحصه الثانيه
الإخصائي : هلا و الله يا تركي بدري كان ما داومت
تركي : راحت علي نومه
الإخصائي : إنت ماعندك أهل يقومونك ما عندك منبه كل يوم جايني والدوام الرسمي بادي صارله أكثر من ساعه و نص
تركي : أنا شذنبي إذا جرسكم يدق قبل لا أجي
الإخصائي : تنكت إنت وجهك أنا بعطيك إستدعاء ولي الأمر وأبي أهلك مايجوني نفس كل مره
تركي : ما عندي أهل
الإخصائي : كلامك هذا ما يمشي علي
خذ هالورقه و روح صفك يلا ولا تتمشي بالممر و أنا لي تصرف ثاني مع أهلك

و يطلع تركي من غرفة الإخصائي ويشق الإستدعاء كالعاده و يقطه عند الا**الةاللي بممر الإداره
كان يوم عادي من الأيام العاديه إللي تمر على تركي

في بيت تركي تحديدا في الصاله
الساعه ١٠.٠٠ص
جدة تركي : حسبي الله عليش من خدامه وش هالشاي الماصخ ماتعرفييين تحطيين سكر
ميري : ماما أنا فكر إنته في سكري لأن أنا كل بيت قبل يشتغل كله ماما كبير في سكري

الجده : بعد مرضيني غصب خليني أمرض غصب و بكره موتيني وأنا حيييه يلا طسي
الشرها مو عليش الشرها على تركي إللي جايبش


في ثانويه الصبيان
و في صف تركي بالذات

خالد : طااافك أمس السوق رهيييييب كله بنااات
تركي : خليتهم لك
خالد : شفيك نفسيه اليوم
تركي : مالي خلق أحد
خالد : أفا هذا و أنا صاحبك من واحد زائد واحد يساوي إثنين ومن أنا عبير أنا سالم من الإبتدائي لعنبوك لي الثانوي
تركي : أقول يا زينك ساكت
خالد : أفا شكلك متضايق فضفض ياإخوي شفييك
الإستاذ : تركي خالد أوقفو
خالد : هلا إستاذ شسووينا
الإستاذ : لا يا باشا فاتح ديوانيه إنت وإللي قمبك وتأوول شسوينا
تركي : إي فاتحين دوانيه أنا ويااه وسولفنا وخلصنا بتنقص عندك الدفتر نقص بتوقفني هذا أنا واقف وبتزف ترا والله يا إستاذ مالي خلق
الإستااذ : روح للإخصائي و ماني عاوز أشوف وشك يلي مافي وشك دم ماتحترمش إللي أكبر منك وبكره أبوك يقيني سامع


طلع تركي من صف وهو معصب وماكان وده يروح غرفة الإخصائي لأن توا زافه لأنه متأخر على الدواام راح يمشي بالممر وسمع واحد وراه يصارخ


تركي تركي أبو الترك وصمخ

تركي : هلا بوليد شفيك مطروود بعد
خالد : ماهان علي تنطرد لحالك خليته يطردني معاك
تركي : ههههه هذي الخوه ولا بلاش
خالد : إي إضحك ياولد شماخذين من الدنيا
تركي : أقولك شي بس أخاف تنصدم
خالد : الله يستر منك قول
تركي : نفسي أهرب
خالد : وليش أنصدم مو أول مره نهرب أنا وياك
تركي : بس ...
خالد : بس شنو
تركي : ودي نمر على ثانوية البنات
خالد : الله و أكبر تركي بيمر على ثانوية البناات الشمس من وييين طالعه اليوم
وييين إللي ما يحب هالسوالف وييين إللي يقوول يا خالد بسك ترقيم وبسك تكلم بنااات ويين رااح مطوعنااا
تركي : و أنا للحين عند كلمتي مابي أكلم بنات و لا أفكر أكلم لأن إذا كلمتك بنت إعرف إنها كلمت غيرك مليون
خالد : أوكي يامطوعنا بما إنك ما تكلم بنات ليش بتقول بروح ثانوية البنات
تركي : كذا أبي أشوف وين المتعه إللي يلقونها العيال لا راحو مدارس البنااات
خالد : أبشر بعزك ماطلبت شي
تركي : يلا مشينا ألحييين

نقزوا من السور وطبوا من المدرسه ومروا على ثانوية البنات طبعا كانت مسكره لأن كانت الحصه الثالثه

إلا و مره جايه تسوق سيااره
نزلت هي وبنت بجنطة المدرسه كانت البنت طويله و بيضه و مزيونه حييل

تنح خالد و صفر بصوت عاالي

لفت الأم : وجع يالي ما تستحي

وخزته من فوق لي تحت ومششت

وقالت : أحد له مزاج على هالصبح
قالت غرام : عطيهم طاف و إخذي يسار هذي الإداره
خالد : شفت هاذي المزيونه ترى للحييين ما شفت شي
تركي : شرايك نروح و نجي بالهده
خالد : ههههههههه والله وخربت يا تركي
تركي : أقول إسكت وتعال تقهوا عندنا


ووييين أوراق التحاليل

أي أوراق الله يعافيييس

الوكيله : أوراق التحاليل شلي يثبتلي إنها رايحه مسويه تحاليل و فوق هذا إنتي مو أمها

غرام : ملفي عندس ومكتوب فيه إني يتيمه و خالتي هي ولية أمري الوحيده و أنا أول مره أسمع إلي تسوي تحاليل لازم يكون معاها أوراق عشان تعطيها الوكيله

الوكيله : والله يا طالبه هذي القوانيييين وهذا نظام المدرسه

خالة غرام : خلاص الله يعافيس طوفينا هالمره و إنشاءالله مره ثانيه لا سوت تحليل البنت آخذ أوراق من الدكتور وأعطيس إياها

الوكيله : هالمره بس راح أطوفهاا

و تكتب الوكيله ورقه وتعطيها غرام عشان تدخل الصف

جده جده

الجده : ها ياوليدي شفيييك
تركي : يما خل الخدامه تزين لناا قهوه خالد عندي
الجده : والله يا الخدامه إللي جبتها إنها ماتعرف شي
تركي : جده هذي عاشر خدامه أجيبها لش ولا عجبتش تعبت وأنا أفر في مكاتب الخدم كل المكاتب إحفظو وجهي جده طلبتش إستحملي هذي بعيوبها ترا والله تعبت

ويلف وينادي ميري :

ميييييري مييييييري

ميري : ها بابا
تركي : سوي قهوه وشاي بسرعه وجيبيه الدوانيه
الجده : قولها تحطلك سكر تراهي ماتحط وعذرها خاف يطلع فيك سكري
تركي يكلم ميري : أبيش ماتحطين سكر وشوفي شراح يجيش

الجده : أقول يما أنت مو رايح المدرسه
تركي : ها لا مارحت
الجده : لييييش يما
تركي : ماكان لي مزاج ومريت خالد قعدت عنده
الجده : بس ياوليدي هذي دراستك و محد نافعك غيييرها وأنا يايما أبيك تشد حيلك لين توصل رابعه ثانوي وتخرج وتوظف لأنك تدري أنا معاش جدك إللي يمشيلنا يالله يكفينا

تضاايق تركي لأنه عارف هالشي و عارف إن معاش جده نص الشهر هو طاير عليه وعلى جدته وهو عارف نفسه فاشل دراسيا ولا راح يمشي بدراسه


بثانوية البنات بالفرصه الثانيه

رهف وأصايل وغرام قاعدين رهف وغرام كانواا حيل مع بعض من الإبتادئي وهم ربع واصايل توهم عارفينها هالسنه بس مو مرتاحين معاها لأنها مو مظبوطه بس أصايل هي إللي دايما تجيهم


أصايل : طاافكم بنات أمس واحد مزيون رقمني بسوق
غرام : إنتي ما تملين من هالسوالف
أصايل بقلبها : أووووف ياليتني ماقلت لها الموضوع هالمعقده

الله أكبــــــر الله أكبــــــر

أذن الأذان من مسجد المدرسه

رهف لفت على أصايل : يالله إمشي صلي معانا يمكن ربي يهديج
أصايل : روحو بس روحو وأنا بجيكم
ولفت أصايل على وحده وقالت لها : شوون إنطريني بروح معاج المقصف
رهف لفت على غرام : إمشي الله يهديها بس


في ديوانية تركي ..

خالد : إمش معاي أسدد فواتير تليفوني لأنها إنقطعت اليوم
تركي : ليش ؟
خالد : خبرك أكلم في اليوم سبع
تركي : الله يهدييك مشيينا


خالد كان رفيق تركي وكان بحسبة إخووه ومعاااه من الإبتدائي بس خالد أبوه طلق امه وهو بالمتوسطه والأم تزوجت و الأبو تزوج وخالد عايش عند إبوه ومرت إبوه
نوره إللي ماتواطنه ولا تحبه

ولما طلعوو من محل تسديد فواتييير

تركي : كم الساعه
خالد : ثنتيييين ونص
تركي : تغدى عندي
خالد : لا حياك أنت

طبعا نسو الهده وثانوية البنات

في غرفة تركي
الساعه ١١.٠٠م

تركي على سريره ما قدر ينام كان يفكر بشخص معيييين إنجذبله مايدري ليش

بثانوية الصبيان

مر ثاني يوم على تركي عادي وكالعاده هربو بس الحصه الأخيره وقعدوا عند ثانوية البنات لي الهده طبعاا كان خالد يطالع البنااات كلهم عكس تركي إللي كان تركيييز على شخص واحد أمس طول الليل يفكر فيييه

وين إللي زوله طول الليل مسهرني
أنا أشهد إن صورته في خيالي
طولن جمييل و حلا يفتن و زيني
وينك يلي شغلتن أمس يلي
إرتحتلك حيييل من داخلني

كانت عيون تركي يمين ويسار كان يدور على شخص معييين كان جاي عشانه تركي ماعنده هالسوالف بس مايدري شلي جذبه لهشخص يحس إنه إرتاح لها حيل مع إنه ما كان بينه وبينها نظرات حتى ما كان بينهم كلام


فجأه طاحت عين تركي على شخص وكان هو المطلوب

جات عيين تركي بغرام


أخيرآ شفت عينك على خييير
هذا هو مناي و مطلوبي

عرفت غرام هالشخصين وهم إللي جو أمس الصبح يوم نزلت المدرسه مع خالتها

تركي يوم شافها حس برااحه كبييره مايدري ليييش إرتاح لهالبنت
وبالوقت نفسه حس تركي إللي قاعد يسوي غلط و إن الشيطان قاعد يوسوسله لف على خالد وقال : إمش
خالد : لحظه بشوف البناات
تركي : أقول إمش بس إمش
خالد : أمداك قلبت توك منحررف
تركي : أقول إممش يا المراهق إخلص علي

وبنفس الوقت في بيت تركي

جدة تركي : شهالقهوه المره قسم بالله ماتقعدييين عندي يوووم
ميري : شنو ماما إنته دايمن سوي جنجال
الجده : أقول طسي عن وجهي

يدخل تركي البيت على صياح جدته و ميري

تركي : ها شفي صيااحكم واصل آخر الشارع
الجده : تردها يعني تردها
تركي : ليش شفيها
الجده : قلت لك تردها يعني تردها يلا روحي إخذي أغراضش و طسي المكتب

طبعا تركي تضاايق لأنه زهق من مكاتب الخدم لكن ماحب يبين لجدته وخذا ميري وراح المكتب

ركب سيارة جده إللي مودييل ٢٠٠٤
وكانت رايحه فيها لكن ماعنده غيرها

وصل عمارة المكاتب ودخلها ضغط دقمة اللفت بالنفس الوقت إللي تحلطم فيييه ميري تبطل باب اللفت وكانت الصدمه أقوى من مشكلة ميري والجده

صدفه

ومن بين كل الناس علقني
علقني
من يوم شفته وعيني جات في عينه
عينه
حسيت شي بعيونه حيييييل يجذبني
يجذبني


لأنه اللي شايفها قدامه هو نفس الزول اللي كان سهران عليه أمس وينطره اليوم الصبح كان منصدم ويفكر قطع عليه تفكيره

صوت وحده وهي تقول : الله يعافيك بتصعد ولا لأ ....

صعد وتقدم وكان تفكيره كله بغرام اللي ماتوقع انه الصدفه بتجمعهم خارج حدود المدرسه كان سرحان فيها ويحس إنها أحلى بواجد من مريول المدرسه

و قطع عليه تفكيره

صوت ميري : بابه انت مريض باب انفتح

طلع من اللفت وهو يقول في نفسه : أي أنا مريض بس مرض غيير مرض نص عالم حايشهم وبدا يحوشني لا إلا حاشني وخلص آآآآه مرض بس حلوو حييل

مرض الحب
أي أي أنا حبيتها
حبيتهاا

لاا أنا وش أقول ما حبيتهاا بس ليش أفكر فيها وش معنى الصدفه جمعتني فيها

كان يمشي ويحس رجوله ثقيله

دخل مكتب ميري وردها و ما كان له خلق يفر بالمكاتب مع إن الشخص إللي يبيه موجود بس في شي داخل إمنعه وقال تعوذ من إبليس

و راح البيت

دخل على جدته إللي يحس إنه من غيرها ما يقدر يعيش لأن هي إلي ربته من هو صغيير وماله سند غيرها

الجده : ها وييين الخدامه الجديده
تركي : أنا رديت ميري وماكان لي مزااج أفر على المكاتب و أوعدش بكره أنا أوديش

الجزء الثاني :

غرام كانت عارفه هالشخص وقابلته ثلاث مررات وكانت تحس وراه شي

والخاله ما لاحظت أي شي

أما تركي فكان يحس إنه مستانس مايدري لييش يمكن لأنه شاف غرام مرتين باليوم

كان في داخله شعورين متضاربين الأول يقول كمل بهالطريق إنت تحبها
والشعور الثاني يقول تعوذ من إبليس و إرجع تركي الأولاني


في بيت أبو خالد
وفي غرفة خالد بالضبط


فديتش وربي أحبش
لحظه ياقلبي معي إنتظار
هلاا واللله بعمرري كله فديييتش صدقيني كنت بدق علييييش

طبعا كان خالد مشغول حييل مع البنات لأن توه مسدد فواتييره

ويجييه إنتظار ثالث
هاا تركي شبغيييت إنت أوقاتك دايييم غلط

تركي : شفت البنت إللي شفناها ذاك اليوم
خالد : أي وحده
تركي : البنت إللي كانت جايه متأخر يوم طردنا الإستاذ
خالد : أي أي عرفتها شفيها
تركي : أنا حبيتها و أبيها
خالد : ههههه شقالولك خطابه
تركي : جب بس جب أبي أوصلها بس مو عارف شلون
خالد : أفا عليك ولي يجيبلك رقمها
تركي : صدق !
إي والله طلبتك ياولد جيبه بس شلون؟
خالد : خلاص أنت مو تبيها أبشر بلي يجيبلك إياها

تكميلت الروايا
قام خالد وتعرف على بنت من ثانوية البنات اللي يجونها بالهده طلعت منهي البنيه أصايل رفيقة البنيه اللي يبيها تركي

قام خالد وسألها عن البنيه اللي يبيها تركي وقامت اصايل وقالت لخالد انه اسمها غرام وقالتله انه بنت يتيمه وعايشه عند خالتها

طبعا قام خالد و قال لتركي : البنت اللي تبيها اسمها غرام ويتيمه والمره اللي شفناها معها هذي خالتها مو أمها ..
تركي : طيب وين رقمها ؟
خالد: إصبر يا رجال لاحق على رزقك
خلني حبه حبه

ثاني يوم الصبح

تكميله

أصايل : قوه حبيبي
خالد : هلا يابعد طوايف حبيبش
أصايل : شخبارك
خالد : الله يسلمش إنتي شخبارش ياقلبي
أصايل : دامك بخير فأنا بألف خير .... أقول حبيبي ودي أطلب طلب بس مستحيه
خالد : أفاا مستحييه مني آمريني
أصايل : ودي أشوفك
خالد ماصدق إللي سمعه و يقول في قلبه جاك يا مهنا ما تمنى
خالد : أخسي أردش إنتي تامرييين آمر
أصايل : متى تكون فاضي
خالد : أفا عليش لو تبيني ألحين أجيش
أصايل : ههههه لا شدعوه
خالد : طلبتش خليها ألحين
أصايل : أوكي حبيبي ليش لأ
خالد : وييين تبيين
أصايل : ما أبي مكان عام
خالد : شرايش بسيارتي
أصايل : خلااص أوكي
خالد : عطيني عنوان بيتكم
أصايل : لييش ؟
خالد : عشان أمرش
أصايل : بس أخاف يشوفنا أحد وإنت واقف عند بيتنا
خالد : عندكم باب خلفي
أصايل : إي
خالد : خلاص ياقلبي أنا بجيكم من الباب الخلفي و سيارتي بغيمها إركبي ونروح شوي بعيد ساعه ونرد بيتكم
أصايل : صاار حياتي

لبس خالد ودق على إبوه

أبو خالد : ها شتبي
خالد : فلووس
أبو خالد : وإنت مادق إلا تبي فلوس
خالد : يبا محتاج ومالي غيرك أطلب منه
أبو خالد : طيب إنت وينك
خالد : بالبيت
أبو خالد : إخذ من الفلوس إللي بالجنطه السوده إللي بكبتي من فوق
خالد : ماشي مع السلامه

خالد منو تكلم ؟

خالد : يهمش تعرفي
مرت ابوه : لا مايهمني
خالد : أجل ليش تسأليين
مرت ابوه : مجرد فضول
خالد : أكرره شي إسمه فضول سمعتي
مرت ابوه: قوم طقني بعد
خالد : مهو بالرجال إللي يضرب المره
نوره : كلمني عدل أن حسبة أمك
خالد : كم مره أقولش لا تجيبين طاري أمي على لسانش
نوره : خوويلد تكلم عدل لا أعلم إبوك بسلوبك وبسوالفك
خالد : أولا إسمي خالد ثانيا علمي إبوي شبسوي يعني بيضربني متعود على الضرب بيحرمني المصروف الله والمصروف في الإسبوع عشرين دينار ولا بيحرمني المدرسه هذا بالنسبه لي عيد مو عقاب
ويقوم خالد يدز مرت إبوه نوره و يصعد فووق غرفة إبوه

نوره : أقسم بالله ياخويلد إن ماحترمتني
لاأعلم أبوك عن بنات الناس إللي تكلمهم وتواعدهم يلي ما تخاف ربك
خالد : هههههه حلوه منش ضحكتيني وأنا مالي خلق أضحك
نوره : تهديدي لك يضحك !
خالد : ويين الدلييل ؟
نوره : كل يوم أسمعك تكلمهم
خالد وهو رافع حاجب : أوكي حبيبتي و أنا بعد بروح أقول لإبوي ترى مرتك تكلم لها رياجيل وتطلع معهم إللي ماتخاف ربها
نوره : شنو ويين دليلك يالكذاب
خالد بإستهزاء : بقول كل يوم أسمعها
نوره : يالحقيير
خالد : ماني حقير وحده بوحده

صعد خالد وأخذ الفلوس وراح غيم سيارته و طرش لأصايل مسج

طرشي لي عنوان بيتكم ؟

وطرشت أصايل العنوان


في بيت تركي

تركي: شرايش يما اوديش سوق الحريم تختارين كم دراعه وسراويل تكشخين فيها عند شياب شارعنا
الجده : عزاه يا وقتن مضى كنت اطلع أنا وجدك سوق الجمعه على السياره اللي انقرضت وكان يشتريلي دراريع تجيب الهم و أنا كنت أجامله لأن وظيفته ما كانت تساعد بس أنا أشهد إنها خووووش وظيفه
تركي : شنهي وظيفته ؟
الجده : حارس مدرسه
تركي : ههههههه
الجده : على شنو تضحك ؟
تركي : على وظيفة جدي الله يرحمه

إكفخت الجده تركي بالعصايا وقالتله طس عني يلي ما تستحي


فتحت أصايل باب السياره عقب ما طلعت من الباب الخلفي لبيتهم وهي بكامل زينتهاا

أصايل بدلع : مسااااء الخير حبيبي
خالد : ياهلا غلا

سكرت أصايل الباب وقالت : حياتي إمش بالسيااره بعييد من البيت عشان محد يشوفنا

خالد إللي ما نزل عينه منهاا : ياا غالي والطلب رخييص

حرك خالد وصفط في مصافط الجمعيه بنفس المنطقه

أصايل بكل جرأه ووقاحه : فديتك ما أحلاك

كان خالد جماله عادي بس يميزه سماره بعكس تركي إللي كاان مزيون بدرجه كبييره

خالد : فديتش والله قربي ليش مبعده
أصايل بحيااا مصطنع : لا المسافه زيينه بيني وبينك
خالد : إقربي شدعووه

وتقرب أصايل من خالد

مسك خالد إيدهااا بكل تهوور وجرأه

وغااصو في بحر الحب الغلط والعشق الضايع والهيااام إللي مفسرينه غلط
ورااحوا في عالم الحب الكااذب

الجزء الثالث :

تركي جاله مسج من خالد يوم فتح الرساله اللي فيه رقم غريب

عرف تركي انه رقم غرام بس تردد يدق عليها

في بيت غرام

اسفه انا ما افكر بالموضوع لين غرام اتخرج و إتزوج

ام عبدالرحمن : بس انتي كبرتي و مارد غرام تزوج وبتروح لزوجها وترى غرام مراح دوملج
خالة غرام: سكري الموضوع وانا بصراحه ما افكر فيه الحين لانه غرام امانه برقبتي وانتي تدرين انه اهلها ماتو بمرض معدي وخطير وإنها مقطوعه من شجره وإنه محد عندها غيري
ام عبد الرحمن : على راحتج بس اعرفي انه الرجال شاريج

كانت خالة غرام رافضه فكرة الزوااج أو أي فكره تبعدها عن غرام لأن غرام مقطوعه من شجره وأهلها ماتوا بمرض ومالها إلا خالتها وخالتها ضحت بكل شي عشانها ضحت بالزواج و الإستقراره و المستقبل وضحت بالعيال وبتكوين الأسره وبكل شي عشان غرام مع إن إللي كبر خالتها كلهم عليهم عياال و غرام من غيير خالتها ماتسوى تعيش يوم لأنها صدق بتضيع


في بيت تركي

قام تركي واتصل على خالد
تركي : خالد انت شلون جبت الرقم ؟
خالد : شفت أصايل رفيقة غرام واعدتها واخذت تليفونها بدون لاتدري وطلعت رقم غرام وجبته لك ... ها ما كلمتها ؟
تركي: لا والله متردد
خالد : أبكيييييك أجل ليه مخليني أجيبلك الرقم
تركي : يا أخي إنت مو فاهمني أنا أحس إللي أسوييه غلط بغلط وأصلا بحيااتي ماكلمت بنت إلا وحده
خالد : منو غرام
تركي : لا جدتي ههههه
خالد : أقول أقلب وجهك
تركي : أي صفحه
خالد : ياااسخفك يلا يلا أشوفك بكره ولاتنسى سلملي على البنت
تركي : أي بنت غرام
خالد : لا جدتك ههههه


كان في شي يصييح داخل تركي و يقول إنت تحبها لا تنكر هالشي سو إللي برااسك وكلمهاا

وما كان يدري تركي شنو هالشي هل هو الشيطان أو شي إسمه الحب

تركي بحياااته ما كلم بنت ولا فكر في هالموضوع لأن من هو صغيير و الهموم تجيييه من كل صوب أول ما فتح عينه على هالدنيا بمده قصيره فقد أهله و ماعاش طفولته حاله حال غيره خذته جدته وربته وتصرف عليييه من معاش زوجها
وكان يالله يكفيهم

كبر ودخل الثانويه وعاش مراهقته
مع رفيق عمره خالد
خالد كان منحرف و عنده سوالف بس تركي كان يحبه مع إنه مضبوط و كان يدري إنه يوم من الأياام راح يتوب بس مايدري متى


إن ماتجرأت أدق رقمك وأحاكيك
أعيد في راسي خيالك و غلاك ..
وإن ماقدرت أشوف زولك وألاقيك
أدورك في داخل القلب و ألقاك ..
هذا هو الموجز من أخبار مغليك
يعني ماعاد أطيق يوم بلياك ..


طرش تركي هالمسج حق غرام
كان يحس إنه على الجرح


في الجمعيه
في ركن دجاج السندويج


شرايس ناخذ النوع هذاا
غرام : لا خالتي خذيناااه الشهر إللي طاف مو شي جربي نوع ثاني
خالة غرام : أوكي هذا نوع ثاني نادي العامل هذاك تلقينه عند المحاسب
غرام : إنشاءالله

ومشت غرام للمحاسب وجاها صوت المسج فتحته ولا هو رقم غريب ومطرش قصييده

فكان عبالها وحده من رفيقاتها شاريه خط جديد أو بتسوي فيها مقلب
فردت بمسج



إنصدم تركي يوم سمع صوت مسج بتلفونه ماتوقعها ترد بهالسرعه

إلا و جدته تصاارخ :

تـركـي تــركــي

تخرع تركي على جدته و فز من مكانه وركض لجدته وحذف تليفوون


جاها يرركض : هاا يماا شفييش

الجده : لعنبوك إنت ماوعدتني إنروح أنا وياك مكتب الخدم اليووم
تركي : خرعتيني يمااا كل هالصراااخ وجايش أركض وآخر شي مكتب خدم
الجده : تعال فديتك طقني بعد
و يحب تركي راس جدته ويقول : آسسف ماكان قصدي بس كان عبالي إحترقتي ولا فيش شي
الجده : فاال الله ولا فااالك صكييت على ميري إنت وجهك يلا فارقني

طلع تركي يركض لأن إذا قعد بس ثانيه راح تجييه العصا على راس


في الجمعيه

غرام : لو سمحت تعال شوي عند رف دجاج الساندويج
العامل : إنشاءالله ماما


مشت غرام والعامل عند الرف عند خالتها
وكانت غرام مستغربه إن للحين مارد المسج


دخل تركي غرفته يبي يشوف مسج غرام و إنصدم من إللي شافه

إستخف لأن كان ينطر هاللحظه من زمان بس ما حصلت لأنه لقا التليفون مكسور

وتذكر إنه يوم حذفه طلع صوت بس ما كان يدري إنه صوت التيلفون إنكسر
إنقهرر حيييل وخذا التيلفون لقا شاشته مكسوره حاول يشغله بس ما أشتغل لبس غترته وركض لمحل التيلفونات
لكن جدته يوم شاافته قالت له : وقف يما بروح معاك مكتب الخدم

تركي : يما بس دقيقه وجايش
الجده : تعااال ترووووك

وطلع تركي وراح شغل سيارة جده

جدة تركي : حسبي الله عليييه من ولد مطييور


شغل تركي السياره ولقى البنزين شبه فاضي بطل بوكه مالقى فيه إلا دينااار
كان مصروفه اليوم لأنه ما داوم

نزل لجدته وقال لها :

فديتش أبي فلوس بانزييين

و طلعت جدته بوكها وتعطيييه فلووس و قالت له : هاك هالفلوس بس متى بنروح مكتب الخدم
تركي : عندي مشوار صغيير أقضييه وأجيش

الجزء الرابع :

كم حساابك ؟

الكاشييير : خمس وعشرين دينااار وسبع ميه وخميس فلس

وطلعت خالة غرام الفلوس من بوكها وتمدها للكاشير

غرااام كانت مستغربه إن محد رد عليييهااا
بطلت تليفونها دخلت الرساييل وبطلت صندوق الحفظ شافت إن تم التسليم
إستغربت أكثر و سكرت تليفونها

في محل التليفونات

تركي : طيب يعني أمرك بعد ساعه يكون خالص
راعي المحل : إنشاءالله

طلع تركي من المحل التليفونات وخذا جدته وراحوا مكتب الخدم





خالد : هذاا شفييييه مسكر جهازه و لا يرد على البيييت ليكوون فيييه شي


كان خالد يحاتي تركي وكان تركي ميت يبي يشوف مسج غرام وكانت غرام تنطر الرد




الجده طلبت لها إندنيسيه راح تجي بعد شهر إسمها عايشه


وطلعوا من المكتب ومر تركي محل التليفونات
وقف تركي بمكان ممنوع الوقوف
وراح بسرعه المحل وخذا تليفونه إللي تصلحت شاشته وبسرعه دخل الرسايل وطلع من المحل و هو سرحان بغرام


قطع عليه سرحانه صوت واحد يقوول

إخوي لو سمحت

الحسااااااب


تركي : آوه السموحه يالطيب كم حسابك
راعي المحل : سبع دنانيييير


دفع تركي و طلع من المحل
بطل الرسايل لكن إنصدم إن مالقى و لا رسااله
دخل الإستديو هم مالقى و لا شي و عرف إن راعي محل سوا لتليفونه فورمات عشان يصلحه
فتضااااايق حييييييل و إنقهر


في غرفة تركي
الساعه ١٢,٠٠م

دق تلفون تركي

إنصدم كانت غرام داقه علييييه

و بسرعه رد

تركي : أ أ ألوووو

غرام إنصدمت كانت عبالها وحده من رفيقاتها تستعبط عليهاا ويوم ماردت على مسج إللي كان

( منووو معاااي ؟ )

دقت عليهاااا لكن آخر شي كانت تتوقعه إن يرد عليهاااا ولد

فإرتبكت وقالت : منووو
أقصد مطرشين مسج
تركي : أي اسفين بالغلط
غرام : أوكي مع السلامه


سكرت غرام وتمنى تركي إنها ماتسكر
كااان صوتهااا عذب حيييييييل ولايق على شكلهاااا تخدر تركي من صوتهااا وإنسدح على السرير و كااان وده يشوفهاااا وقرر إنه يروح بكره المدرسه


متى نتلاقى يا الغالي على خييير
الله يصبرني لي بكره على حرقة الشوق



يوم تأكدت غرام إن المسج إلي جاها من الولد بالغلط إمسحت المسج وإمسحت رقمه من سجل المكالماات

خالد : هلاااا ترووووك وييينك جهااازك مسكر عسى ماشر
تركي : طاح و إنكسرت شاشته و وديته أصلحه بس قهرني سواله فورمات وإنمسح كل شي
خالد : هههههههه وليش منقهر إخذ تليفوني و دز المقااااطع والصووور كلها لتليفونك
تركي : مو عن مقاااطع ياولد رسايلي كلهااا راحت
خالد : أحسبن عندك سالفه
أقووول بكره أنا مسوي عشاا لمبارك راد من علاج أبييييك أول الحاضرييين
تركي : إطيب
خالد : فديييتك والله يلا بأدق على الربع أعزمهم
تركي : فمااان الله



في ثانوية البنات

ترررررررررن تررررررررررن

دق جرس الهده


طلعوا البنات وطلعت غرام ورهف


وكان تركي موجود على سيارة جده القديييييمه و كان يدور على غرام كان حافظ وجهاا ويدوره بين البنات


أصايل: شوفي شوفي هذااك المزيوووون والله حرام يركب هالسيااره المقربعه
شجون : إي والله يجنن

كانت تقصد تركي

و تركي كان يدور غرام و مالقاها

فرد البييييت بدل وراح يلحق على غدا خاااالد

و هو على غدا طرش مسج لغرام

ودي بشوفك تدري وش معنى أبي أشوفك
يعني أمووت من القهر لا رحتلك و مالقييييتك
إستغربت غراام من المسج إنه من نفس رقم الولد مع إنه قالها إنه دز بالغلط فحقرته


و يوم ما ردت عليييه طرش لهاا

لا تهملني تراني بك بديت أتعلق
لأنك أول حب في حياتي وبتبقى الأخييير

قامت غراام وردت بمسج :

خيييير إخوووي تراك أزعجتني و إحترم نفسك لا يجيك شي ما يعجبك تراني مو من البنات إللي بالك


رد عليهااا

حبيتك غصب عني و ما كان ودي أحبك
وماكان ودي أدخل طريق مدري وش آخرته
حبيتك من أول ما شفتك وربي و ربك
إني رجالن مضبوط و ماقد خربت أو أحد خربته


طنشته غراااام و ماردت عليييه


في بيت تركي
الساعه ٥,٤٥ م


تعبت جدة تركي وإرتفع عندها الضغط و خاف تركي عليهاا و أخذ سياارته وساق بسرررعه للمستشفى



كانت الإشاره حمراء وطاف الإشااره بأسرعه وكانت في سياره طالعه من الصوب ثاني ودعمهااا



خالة غرام : عسى ماشر إخوووي ماتشووووف
تركي : السموحه وربي مستعجل العجوز تعبانه
خالة غرام : شوف سيارتي ؟؟


فتح تركي بوكه وعطاها كل إللي فيها كلها وكانت خمسين ديناار وقال لها : إذا إنقصت الفلوس هذا رقم تليفوني و دقي علي

وركب السياره بسرعه وراح المستشفى

و نوموا جدته أربع وعشرين ساعه تحت الملاحظه و إطر تركي ينام عندها و لا قدر يروح ثاني يوم عند غرام في المدرسه

و بعد يوم كامل

دق تليفون تركي و كان رقم غريييب

تركي : الوو
...... : مرحباا..
تركي : هلا والله منو معاي
...... : أنا إللي دعمتني أمس و ....
تركي : إي إي عرفتش هلا والله ها علوم السياره ؟
خالة غرام : لا تصليحها ما كان غالي وباقي فلوس ....
تركي : زييييين أشوه أهم شي سلامتش يا خاله و باقي الفلوس حلال عليييش
خالة غرام : لا قسم بالله إن تاخذها هذي فلوسك وحقك
تركي : لا يا خاله أنا وياش واااحد و لا تهمني الفلوس
خالة غرام : لا لازم تاخذها و إذا ماجييت أنا بجيييك
تركي : وييين تجيني الله يهديش أنا في المستشفى ألحييين
خالة غرام : إي صح شخباار امك إللي تعبانه
تركي : مو أمي جدتي إرتفع عندها الضغط
خالة غرام : ماتشوف شر
تركي : الشر مايجيش

حست خالة غرام إن الوقت هذا غلط خاصتن وإن تركي بالمستشفى فقالت : خلاص إنشاء الله اتصل عليك بوقت ثاني ونتفاهم على الباقي وطمني عن جدتك
تركي : الله ويااش



غرام : خالتي منو قاعده تكلمين ؟
خالة غرام : قاعده اكلم واحد امس دعمني مسكين كان مستعجل معاها جدته و من كثر ما كان مستعجل دعمني بس الحمدالله ماكانت الدعمه قويه وجت سليمه
غرام : وعسى ماصار فيس شي؟
خالة غرام : لا الحمدالله وهو بعد الولد ما قصر وعطاني تصليحة السياره ويوم سويت السياره بقى فلوس زايده وتوه قاعدين نتفاهم وين اشوفه
غرام : أها خرعتيني على بالي صاير فيس شي
خالة غرام : لا الحمد لله مافيني الا العافيه




اليوم الثاني
في بيت خالد

اتصل خالد على تركي

خالد : ها يا ولد ماتبينه نروح لثانوية البنات ؟
تركي : يارجال انا توني طالع من المستشفى ؟
خالد : ليه عسى ما شر ؟
تركي : لابس جدتي تعبت شوي ورحنا للمستشفى و رقدوها يوم تحت الملاحظه والحين مافيها إلا العافيه
خالد : خلاااص أجل تامر على شي ؟
تركي : لا سلامتك نفداك



بعد ربع ساعه
في بيت خالة غرام


قامت خالة غرام واتصلت على تركي


تركي : يا هلا و مرحبااا خاله
خالة غرام : هلا فيك إخوي
تركي : شلونش عساش بخييير
خالة غرام : والله بخييير الحمدالله إنت شخبارك وشخبار جدتك
تركي : والله رخصوها اليوم و ماعليهااا طيبه وأنا دامهاا بخيرر فأنا بألف خيير يا خاله
خالة غرام : تقدر تقولي مشاعل بدال خاله

إستحى تركي من ردها وقال :

عااشت الأسامي يا مشاااعل

مشاعل : عاشت أيامك أنا ألحيين طالعه من البيت وين تبينا نتلاقى
تركي : المكان إللي يريحش
مشاعل : أنا أقول عطني عنوان بيتكم أمر عليك أعطيك باقي فلوسك وأشوف أخبار جدتك
تركي : بيتنا !!
مشاعل : إذا يضايقك عادي نغير المكان
تركي : ها لا شدعوه حيااااش


كان تركي مرتبك لأن أول مره بنت بدش بيتهم بس عطاها العنوان وتوكل على الله


الجزء الخامس :


على ويييين يا الغاليييييه ؟

مشاعل : شفتي الولد إللي قلت لس دعمني
غرام : إي شفيييه
مشاعل : بروح أردله باقي فلوسه
غرام : وييين تروحيله
مشاعل : بيتهم
غرام : من صدقس ؟
مشاعل : إي ليييش الولد أصلا صغييير و شكله محترم و عشان بالمره أسلم على جدته
غرام : تعرفييين جدته ؟
مشاعل : لا ولا قد شفتهااا بس يقول إنها تعبااانه تروحييين معاااي ؟
غرام : لا شوديني
مشاعل : أحسن من قعدتس بروحس بالبيت
غرام : مادري


و لا أقول إنطريني ببدل



خالد : هاااا بشر إعلووم جدتك
تركي : بخير ما عليهااا
خالد : ما تشوف شر إنشاءالله ما ودك تمرني
تركي : ألحييين ما أقدر بجيني ضييف خلها بعد ساعه أوكي
خالد : ضيييف ؟؟
تركي : وحده دعمتهاا وعطيتهاا فلوس تصلح سيارتها و بتجي ترد الباااقي
خالد : مزيوووووونه
تركي : عاديه بس مو بنت مره كبيييره
خالد : حساااافه أجل فمااان الله
تركي : هههههههه فمان الكريم



في بيت تركي

تركي : يماااا ترى في ضيف جاينا
الجده : منو فديتك ؟
تركي : شفت إللي دعمتها وين موديش الطبيب
الجده : إي شفيهااا ليكون هي إللي بتجي
تركي : إي عطيتها فلوس تصلح سيارتها وزادت عليها و بتجي تردها و بتسلم عليييش
الجده : والله إنهاا أصيييله


بعد ساعه


حيااااااش حياااااش

مشاعل : أدخل
تركي : إي حياااش البيت بيتش

تركي ما شاف مشاعل عدل لأن فتح لها الباب ومشى قدامها لين وصل الصاله و قامت جدته تسلم على مشاعل وقعدت مشاعل تحمد لها بالسلامه
تركي كان مستحي من مشاعل كان أول مره إدش بيتهم مره و ضيفها

صبلها الفنجال ومده لها

لكنه إنصدم من إللي شافه


شاف غرااااام


شهق من الصدمه


شلون دخلت البييييت هالبنت

آخر شي كان يتوقعه يشوف غرام بيتهم


غرام شافته عرفت هالشخص هو نفسه إللي يجي بالهده و هو إللي شافته بلفت

معقووله هو نفسه إللي دعمته خالتي

لكن شي الأكبر و الأهم إللي ما كانت تعرفه غراام إنه نفس الشخص إللي يطرش مسجااات


تركي : م مشاااعل
مشاعل : هلا تركي
تركي : ھ هذ هذي بنتش
مشاعل : لا هذي بنت إختي


تذكر تركي خالد يوم قاله إن غرام يتيمه وساكنه مع خالتها و درى إن إللي دعمها خالة غرااام


لكن ما كان مستوعب إن هو و غرام بييت واااحد


كانت مشاعل تسولف مع جدة تركي


وكان تركي طووول وقت سرحااان في غرااام

قطع عليه سرحانه صوت الجده

الجده : يااا محااسن الصدف حتى تركي يتييييم

تركي تضااايق يوم سمع هالكلمه من جدته
ما كان يحب إن أحد يقوله إنه يتييييم لكن بنفس الوقت إستانس لأن حتى غراام يتييمه

فحب يكلمهااا

تركي : أ أهلش شلووون توفوا ب بحادث ؟
غرام : لأ ...

غرام كانت تبي تكمل و تقول شلون توفوا أهلها لكن إللي منعها إتكلم إن صوته مار عليهاا بس

وييين ؟

ويييييين ؟؟

ويييييييييييين ؟؟؟



إي هوووو ماغييييره


هو إللي يزعجهااا بمسجاااته

لا لا مستحييييل يكون هو هذا شكله محترررم

وإحتاارت هو أو لأ

و عشان إتأكد طلعت نقالها و دقت على الرقم و كانت الصدمه إن تلفوون تركي دق


طووووط طووووط

شااف تركي تلفوونه

الحب المستحييييل
يتصل بك

و على طول شاف غراام وتأكدت غرااام إن هوو بس كانت محتاااره

شيبي فيهااا و من ويييين جاب رقمهااا و ليش هالمسجااات


قطع عليهااا تفكيرره صوت خالتها

يلا يما غرااام مشينااا

الجده : تو الناس خلش والله إنش ونستيني
مشاعل : والله إن القعده معاس ماتنمل بس عندنا إرتباطات و أوعدس بجياااات ثااانيه
الجده : ياهلا ومرحبااا حياااش الله في أي وقت



طلعت مشاعل قبل غرام السيااره ولفت غرام على تركي وقالت له : ممكن أعرف ليش كل هالمسجااات
تركي : بدق عليش اليوم بليل و ردي وبعلمش
غرام : آسفه ماراح أرد عليك و لا يطري عليك إدق
تركي : على رااحتش إنتي قلتي ممكن أعرف قلت لش ردي على إتصالي و بتعرفييين وإنتي رفضتي مراح أجبرش على شي ما تبييينه


عصبت غرااام لأنه قام يتكلم ببروود


و مشت وعند الباب قالت :
لو سمحت ما أبي أشوفك بالهده مره ثااانيه


وطلعت لسيااارة خالتهااا


إستاانس تركي لأنه درى إنها عرفت إنه يجي المدرسه عشااانهااا وحلف إنه يرروح بكره ثانويية البنات بالهده

تكميلة الروااياا

دق تركي على غرام بالليل ماردت دق أكثر من ثلاث مرات ما ردت


بعديين غراام طرشت له مسج


خيييير شتبي ؟

رد عليها بمسج طويييييل :

غرااام يرحم أمش أنا بدق عليش وردي علي وطلبتش لا تكلميييين ولا أبي أسمع صوتش بس إسمعي إللي بقوله لأن إللي راح أقوله لش قسم بالله ما يصلح أقوله بمسج طلبتش لا ترديني


قرت غرام المسج و حز بخاطرهاا تركي و قررت ترد عليييه بس ما تكلم


دق تركي و كان حاط أمل إنها بترد

وردت عليييه


تركي : مرحبااا غرام
غرام : .......
تركي : أنا بقولش كلمتين
و يشهد الله علي إن بكل كلمه أقولها صادق فيها غرااااام أنا رجااال مضبوط وماعندي خرااابيط ولا عندي سواااالف بنااات و بحياتي ما كلمت بنت و في يوم من الأيام قص علي الشيطان و أول مره أرووح لثانوية البنااات و أول بنت أشوفها فيها إنتي ودخلتي قلبي شلون مدري

غرام أنا

أنا

أ

أ



أ أحبش من كل قلبي وتقدرين تقولين حب من أول مره

وأنا يا غرام ماعندي خوات ولا أعرف شلون أتعامل مع البنات لأني ماعشت مع بنات عشت مع وحده بس أكبر مني بخمسين سنه وتفكيرها مو نفس تفكيري

غرام أنا ما أدري إللي قاعد أسويه صح ولا غلط لكن إللي أنا متأكد منه إني بديت أميلش وأ أ أحبش


وراح تأكدين من كلامي هذا بكره


و سكر التليفون وهو مرتبك



غرام إنصدمت من الكلام اللي قاله وجاها إحساااس كبييير انه صادق وإحساس ثاني وأكبر إنه كذاااب وكانت محتاره أي إحساس تصدق وكانت حييييل متوتره ومرتبكه وكانت تحاتي وش اللي بسويه تركي بكره وبسرعه دقت على رهف وقالت له كل شي


رهف : ماعليييج منه كذااااب كل العيال نفس الشي كلهم طينه وحده عطيييه طاف وبس

غرام إقتنعت بكلام رهف وسكرت منها وهي مرتاحه



بليل في ديوانية خالد
الساعه ١٠,٠٠م

خالد : طاافك يا تركي رقمت ثلااث بنات على كيف كيفك
تركي: الله يهديك
خالد : اقووول إسكت يا بو غرام
تركي : أنا حبيتها والله يعلم إني صادق
إلا ما دريت وش صااار يا خوووي
خالد : وش صااار !!
تركي : تخيل شفت يوم قتلك المره اللي جايه تعطيني فلوس السياره الباقيه
خالد : إي شفيها
تركي : تخيل طلعت منهي ؟
خالد : منهي ممثله ولا مذيعه
تركي : لاااااا خالة غراام
خالد : يارجال من صدقك
تركي : أي والله و جات هي وغرام بيتنا
خالد منصدم : في ذذذذذمتك
تركي : قسم بالله و كلمت غرااااام و قلت لها أنا رجااال مضبوط و ماعندي خرااابيط و بحياتي ما كلمت بنت و في يوم من الأيام قص علي الشيطان ورحت لثانوية البنااات وكانت أول مره و أول بنت اشوفها انتي ودخلتي قلبي شلون مدري
وقلت لها إني حبيييتها من كل قلبي وراح تأكدين من كلامي هذا بكره
خالد : طيب وش بتسوي بكره ؟
تركي : بطب المدرسه و بكتب قصايد
وأبيك معي لأنك تعرف أنت أقرب واحد لي
خالد : إبوووووك يا الرومانسي


ثاني يوم الفجر

طب تركي وخالد المدرسه وكتبو قصايد
على طوفة المدرسه من براا

أبيك في درب المحبه تخاويني
ما أبيك في زحمة الأحباب تنساني
//
أبتسم لامن ذكرتك و أطلب الله /حاجتين/
يحفظك من كل شر
و يسعدك دنيا ودين
//
إن بغيت آخر شعوري مع العلم الوكاد
و الله انك في عيوني وفي قلبي مقيم
//
من عرفتك و أنت يتزايد غلاك
و صار قلبي بالمشاعر يحتويك
//
و كتب آخر شي

( فـديـتــgـش‏ )‏




تركي : توقع يا خالد انه بعد القصايد هذي بدق علي
خالد : والله اذا البنت حييل متدينه ما توقع انه بدق علييك يمكن طواعتها تأثر عليها وماتخليها إدق خلااص يا ابن الحلاال دور لك على بنت ثانيه
تركي : ياولد أنا أحبها وما عاد أبي غيرها

في بيت تركي

تررررررن ترررررررن


الجده : الوو
المكتب : السلام عليكم ماما انتو يطلب خدامه اندنيسيه
الجده : اي
المكتب: ماما ترى خدامه يوصل اذا يقدر يجي تعالي تري إحنا الظهر يسكر
الجده : لا لا انا ماعندي احد يجيبني الحين العصر بجي انزين
المكتب : أوكي مع السلامه


طبعا كل عاده تركي وخالد مهربين من المدرسه ورايحين ثانوية البنات


طبعا غرام داومت المدرسه والبنات ما عندهم سالفه إلا الكلام اللي مكتوب على الطوفه شافت غرام الكلام المكتوب واستغربت وانصدمت بس من كثر ما غرام ماتحب السوالف هذي وتخاف من الله عطته الكلام هذا طاااااااااف عاشت يومها عادي ومحد كان فاهم سالفة القصايد إللي على المدرسه إلا غرام و رهف

إرجعت البيت غرام ودزت مسج لتركي

(( ترى الحب مو كذاا ))



كانت مشاعل تفكر بتركي إنه ماله حظ بالدنيا هذي و إنه يذكرها بغرام لأنهم يتاما بس تركي كان يكسر خاطرها اكثر لانه عايش مع مره كبيره ماتفهمه وتفكيرها مو نفس تفكيره

أصعب من الهم إنك تعآند الهم
تمشي وجرحك مآ توقف نزيفه
تبكي بلآ دمعه وتصرخ بلآ فم
وتكحل أهداب العيون آلكفيفه
يا مادعيت آلحظ مآ قآل لي سم
جآني على كيفه وغآدر بكيفه





لما قرا تركي مسج غرام إللي إهو

(( ترى الحب مو كذاا ))

تضاييق و جاته حالة إحبااط و درا إنه ما وراها فاايده فقال مافي غيير يكلم خالتها بس ما عرف شلون يفتح الموضوع



طلع من غرفته راح يتغدى مع جدته و فتحت الجده موضوع الخدامه وقالت ودني العصر لأن راااح توصل

تركي : على خشمي فديتش
الجده : والله انك خووش ولد الله لايحرمني منك
تركي : أقول يما قد حبيتي
الجده : ليه تسأل ليكون تحب
تركي : إن جاوبتيني بجاوبش
الجده : والله ياوليدي أنا صارلي سته وستين سنه عايشه ولا حبيت إلا إثنين
تركي : صدق !!
الجده : إي نفداك حبيت ولد جيرانا كنت ألعب معاه يوم كنا صغار و الثاني ...
تركي : لا يمه ما أبي يوم كنتي صغيره
ما قد حبيتي وإنتي كبري
الجده : لا يوم كنت مراهقه مثلك ماقد حبيت لأنه ما كان عندي وقت كنا نخم البيت ونطبخ ونغسل ما كان عندنا وقت نحب أحد
تركي : ههههههههههههه كنتي طول مراهقتش مشغوله
الجده : إي ما كان عندي وقت فراغ عشان أحب
تركي : طيب الأول كنتي صغيره وتلعبين معه و الثاني ؟
الجده : الثاني جدك يوم خذيته ما كنت أعرفه و مع الأيام حبييته
تركي : إيه الله يرحمه
الجده : لييه أنت تحبلك أحد
تركي : ها أنا لأ
الجده : أجل ليش تسأل ؟
تركي : كنت أبي أشوف شلون عشتي مراهقتش بس طلعتي طول مراهقتش ماعندش وقت ومشغوله هههههههه




جا العصر وراحو يجيبون الخدامه وصلت البيت وافرحت الجده حييييل لانه الخدامه إعجبتها

تركي : يما انا بروح اتمشى تامرين على شي ؟
الجده : لاسلامتك فدييتك



راح تركي يدور حل لموضوع غرام ويبي يعرف شلون يوصل لخالة غرام


قام تركي وقف عند البحر ونزل يقعد على الشاطىء

صدفه شاف مشاعل قاعده مع وحده

وطاحت عينه بمشاعل وقامت مشاعل تسلم عليه


غاليه : ويين بتروحين
مشاعل : بسلم على هذاك الولد وبجييس
غاليه : تعالي يا الخبله تعرفينه ؟
مشاعل : إي أعرفه



راحت مشاعل لتركي


مشاعل : شهالصدفه الحلوه تصدق توني كنت بتصل عليك اتطمن على جدتك
تركي : تسلمين يالغالييه أووه آسف ما كان قصدي
مشاعل : لا عادي ترا أنا حسبت امك
إشفيك يا تركي شكلك متضايق !
تركي : لا مافيني شي
مشاعل : قول يا إبن الحلال وفضفضلي ترى الدنيا ماتسوى
تركي : والله سالفه طويله
مشاعل : أفاا ياتركي حتى لو السالفه تاخذ يوم كامل قول بسمعك ولا راح أزهق وحتى لو مشغوله بفضالك يشهد الله علي ياتركي إنك حسبة ولدي
تركي : يسلم راسش بصراحه يا مشاعل أنا رجال ما عندي خرابيط وحبيتلي وحده شفتها صدفه بثانويتها و بعدها شفتها صدفه كذا مره و حاولت أوصلها بس ماقدرت وقلت لرفيقي تجيب رقمها و هو كلم خويتها و واعدها وخذا تليفونها بدون لا تدري وشاف رقم البنت وانا والله اني احبها وشاريها وكم مره ادزلها قصايد لكن هي بنت مظبوطه ولا عندها خرابيط و أنا أبيها وشاريها ولا أدري شسوي ؟

مشاعل : شرايك انا أكلمها ... بس أنت أكيد تحبها ؟
تركي : أقسم بالله شاريها وأبي قربها بس لا كلمتيها وش بتقولين لها
مشاعل : أكلمها واقولها انه الولد شاريس و يحبس واعطيها من نظام الحريم


قام تركي يفكر ها أعطيها الرقم ولا لا
بس أخاف تعصب على غرام بس انا فهمتها المووضوع

وبعد التفكير

وصل حق الجواب النهائي وعطاها الرقم


انصدمت مشااعل حييييييييل لما شافت الرقم لأنه كان رقم غرام بس بنفس الوقت افرحت لأنه تركي صدق رجال شكله شاريها ونعم فيييه و هم واحد ينحب


تظاهرت إنه ماتعرف الرقم وخذته وقالت له: لا كلمتها أعطيييك خبر



راحت مشاعل لرفيقتها غاليه وهي محتاره و ماتدري شتسوي فقالت لغاليه الموضوع كله من أول ما دعمها تركي لي ألحين

غاليه : والله ما أدري شقولس بس أنا أشوف إن الرجال ما عرفتيه الفتره الكافيه عشان تثقين فيه
مشاعل : يا غاليه في ناس من أول ماتقعدين معاهم وتسولفين تحبينهم وترتاحين لهم و في ناس لو تعرفينهم بعد سنه يالله تعرفين أطباعهم و سلوكهم لأنهم غامضين وأنا أشوف تركي من النوع الأول إنسان طيب وشفاف و ينحب من أول مره ولو ما يحب غرام صدق كان ما فاتحني بموضوعها وأنا خالتها
غاليه : والله ما أدري
سوي إللي تبينه و توكلي على الله



و قررت مشاعل إنها تفاتح غرام بالموضوع بس مو ألحين بعدين

الجزء السادس :

في بيت تركي

ياااازييين هالطعم هذي القهوه و لا بلاش
والله ربي عوضني بخدامتن سنعه

كانت الجده مستانسه من الخدامه الجديده و كانت حيييييل مكيفه عليهاا

الله يخليلي تركي فديييييييته



في بيت غرام
٤,٠٠ م

مشاعل : لا والله يا تركي ما كلمتها
تركي : أفاااا لييييه
مشاعل : ما حصل وقت بس والله أوعدك أكلمها بأقرب وقت
تركي : خلاص أوكي ردي لي خبر ضروري تراني أنطرش على أحر من جمر
مشاعل : إنشاءالله


سكر تركي من مشاعل وكان تفكير مشاعل شلون تكلم غراام


و كان تركي يفكر شلون ما كلمتها و هي معاها بنفس البيت


قامت مشاعل وتوكلت على الله و كلمت غرام


مشاعل: غرام ممكن اسألس سؤال وتجاوبيني بكل صراحه
غرام : إي خالتي تفضلي
مشاعل : في واحد يدزلس مسجات وقصايد ؟
غرام : ها خالتي !
مشاعل : من غير لف ودوران صارحيني
غرام : بصراحه إي
مشاعل : طيب منو
غرام : تركي
مشاعل : شوفي فديتس ترى تركي كلمني وفهمني الموضوع وهو لو ما يحبس كان قال أوصلها بطريقتي الخاصه ما قال أروح أكلم خالتها انا ما اقولس كلميه و إخذي راحتس وياه لا كلميه بحدود وانتي عارفه شنو يعني بحدود وكل مايصير بينس وبينه شي تعلميني بالتفاصيل واذا ماعلمتيني ترى إنتي أمانه برقبتي وبتحمليني ذنب مراح انساه طول حياتي وانا واثقة فيس طلبتس لاتخيبين ثقتي فيس أنا الرجال واثقه فيه وعارفه نيته والله لو إني مو عارفه نيته كان ماعلمتس بالموضوع وانتي كيفس

في ديوانية تركي

خالد : ها شنهي آخر مستجداتك إنت و غرام ؟
تركي : صادفت خالتها صدفه في البحر وكلمتها عن موضوع غرام
خالد : ياحمار شلون تجرأت !
تركي : الحب ومايسوي

قال تركي لخالد عن الموضوع كله

خالد : انا اشهد انك جيت لغرام من باب طول عمرها مراااح تقدر تسكره



وبنفس الوقت في بيت غرام


راحت غرام لغرفتها وتأكدت انه تركي صادق بكلامه وهو لو مايحبها كان ما فاتح خالتها بهالموضوع الجريء



في بيت تركي
تحديدا بالصاله
الساعه ١٠,٠٠م


الجده : تعال يما تركي تعشى معي عيش أبيض وروب
تركي : لا يما شبعاان تعشيت برا
الجده: أفااا يطاوعك قلبك تعشى مو معي !
تركي : لا والله ما يطاوعني فديتش انتي الخير و البركه ونذرآ علي ماتعشى مره ثانيه إلا و إنتي معي شتبين اكثر من كذا يا الغاليه
الجده : لا عاد تعودها تفهم
تركي : أبشري لبى عينش يلا تامرين علي شي بروح أرقد
الجده: لاسلامتك يما



يوم دخل غرفته تركي
جاله مسج من غرام


( قررت أمشي معك بدربك )


طبعااا ماصدق إللي قراها

وحلف إنه يقحص بكره عند ثانوية البناااات

وليلتهااا مانام سهراان و يغني والله وتحقق مناااي

غرام كانت ماتدري إللي سوته صح ولا غلط

ومن كثر التفكييير ناامت





عند ثانوية البنات قبل لا يدق جرس الهده بساعه كان تركي صافط بالشارع ينطر الهده عشان يوفي بوعده
وكان يشوف القصايد إللي كتبها هو و خالد على ثانوية البنااات و كان يبتسم


دق جرس الهده و شغل السياااره وتلثم بالغتره و بدع بالشاااارع و قحص لين إفتر مخه



ها ... شهالكلااام من صدقك إللي تقوله

الإخصائي : إي خاله صار له أكثر من إسبوع ما داوم و الأيام إللي كان يداوم فيها كان يطلع من المدرسه عن طريييق السور
الجده : مستحيييل تركي ولدي و أنا أعرفه عدل و كل يوم يجيني الظهر بلبس المدرسه
الإخصائي : والله يا خاله إلا علينااا سويناها و بلغناكم و إذا إستمر على هالحال راح ينفصل إذا ما جاب أعذار طبيه للأيام إللي غاب فيها ...





و على دخلة تركي للبيت


تركي : يماااا أبي فلووس
الجده : فلس الله راااسك
تركي : أفااا لييييه
الجده : أنت ورااك ماداوم ؟
تركي : أنا ؟
الجده : أي أنت
تركي : منو قال ؟
الجده : مالك شغل من إللي قالي أنت ليييه ما داوم ترا هذي دراستك و مستقبلك أقسم بالله إنك بتمرضني غصب
تركي : المدرسه داقييين علييش صح ؟
الجده : قسم بالله ياترووووك إن ماداومت نفس النااس و درست عدل ونجحت لا أكسر العصايه على ظهرك سااامع
تركي : تراني كبرت ولاني بزر عشان أنضررب
الجده : لا بزززر و لانت بكابر لين إتخرج
تركي : إنزيين علميني المدرسه دااقه
الجده : وش يهمك لا عرفت
تركي : عشان إذا هم داقيين أعرف شلون أتصرف معاهم
الجده : وش بتسوي إنشاءالله بتذبح الناظر و لا بتحرق الوكيييل ولا بتفجر بالمدرسه
تركي : لا بس أعرف شلون أتصرف معهم




دخل تركي غرفته و دق على غرام


غرام شافت رقمه بس ماردت عليييه
في شي داخلهاا منعهاا

بعدييين في شي داخلهااا قالها شوفي شعنده

فردت عليه : خيييير

إنصدم تركي و ماعرف شيرد عليها

تركي : أ أ ألخير بوجهش
غرام : آمرني
تركي : ما ما يامر عليش عدو
غرام : شبغيييت
تركي : بغيت أسمع صوتش
غرام : هذا أنت سمعته في شي ثاني
تركي : لااا
غرام : فمان الله
تركي : لحظه
غرام : شنو بعد
تركي : خالتش كلمتش بالموضوع
غرام : أي موضوع ؟
تركي : آممم موضوعي
غرام : إي
تركي : طيب وش رايش فديتش
غرام : عفواا
تركي : قصدي وش شرايش
غرام : شنو وش راي خطبه هي
يلا أكلمك بعدييين مع السلامه
تركي : مشغوله ؟
غرام : إي مع السلامه
تركي : طيب متى بدقين ؟
غرام : منو قال راح أدق ؟
تركي : يعني شنوو
غرام : يعني مع السلامه



سكرت غرااام من تركي
و حست إن إللي سوته صح و قررت إنها من اليوم تعطيييه طاف


عرف تركي إن البنت ماتبيييه فقرر يناساها
و طرش لها مسج

( إللــي نبـيــgـه عيــا البخــت لا يجبيــه )


قرت غراام المسج حز في خاطرها تركي و تأكدت إنه شااريها بس هي ماتحب هالطرييق ولا تبي تمشي فييه وماتقدر تجبر نفسها على شي ماتبيييه

فرديت عليييه

( إللـي يبينـtـا عيــت النفــس تبغيــه )


ودقت غرام على رهف وقالت لها كل شي وقالت لها رهف زييين سويتي خليه يولي تراه يلعب وبس



ثاني يوم الصبح داوم تركي ودخل على الإخصائي و قاله :

لو سمحت حنا غيرنا أرقامنا و بعطيك أرقامنا الجديده و إمسح القديمه
الإخصائي : إسمك و صفك
تركي : تركي جاسم ... عاشر / أول


طلع الإخصائي ملف الطالب و قرا الأرقام الموجوده

تركي : إي هذي غيرناهم و إخذ الأرقام الجديده
الإخصائي : و كم الأرقام الجديده


عطا تركي الإخصائي أرقام غلط عشان ماعاد يدقون على جدته


مشاعل : شرايس الخميس الجاي نطلع نحجز شاليييه
غرام : إي طلبتس من زمان عن الشاليهات
مشاعل : نحجز الخميس والجمعه والسبت راديييين
غرام : قداااااااااااام


حجزت مشاعل شاليه ثلاث أيام

تركي : ياهلااا و مرحبااا
مشاعل : شلونك تركي عساك طيب
تركي : طيب جعلش طييييبه
مشاعل : عسى عسى
تركي : إنتي شخبارش أربش طييييبه
مشاعل : بخير الحمدالله شخباار جدتك
تركي : طييييبه و تسأل عنش
مشاعل : إسألت عنها العافييه أقول تركي
أنا حاجزه شاليه الخميس الجاي ثلاث أيام
و ياليييت لو تجينااا إنت و جدتك
تركي : على خشمي بس جدتي ماتحب هالسوالف
مشاعل : خلاص أنت كلمها وإذا مارضت أنا أكلمها
تركي : صار
مشاعل : أوكي عطني خبر
تركي : ماشي فمان الله
مشاعل : فمان الكريييم


غراام : ليش عزمتيهم ؟
مشاعل : وليش ما أعزمهم
غرام : ما كان له داعي
مشاعل : والله أنا الولد مرتاحتله و حابه جدته و إنتي تعرفيني أحب الحريم الكبار
غرام : إنتي واثقه بالولد
مشاعل : ثقه عميااا
غرام : وشلي يخليس تأكديييين
مشاعل: لأنه لو الرجال مو محترم كان ماكلمني عنس كان قال اوصلها بالخش والدس و آخذه منها إللي أبيه و أحذفها ما أكلم خالتها عنها صح و لا لا يابنت الحلال لو إنه بعد مو محترم كان ما دخلني بيتهم وخلاني اسلم على جدته
غرام : كيفس ياخالتي سوي اللي تبينه




تركي : يارجال المره إعزمتني شراايك أرووح و لا لأ
خالد : رووووح و أخذ جدتك بعد ترى الفرصه بالعمر مره
تركي : شورك و إهداية الله



راحت مشاعل و غرام الشالييه



تركي : يمااا طلبتش لا ترديني
جده : فلووس بانزيين صح
تركي : هههههه لا
جده : ها شنوو ؟
تركي : في عرب حاجزييين شاليه و عازمينا عليييه و بنروح اليوم نسير عليهم و نعود
جده : أقول صب فنجال قهوه و أنت ساكت
تركي : أفااا يما ترديني أنا تركي مالي غيرش و لا لش غيري
الجده : طيب يلي مالك غيري ولالي غيرك إقلب وجهك
تركي : طيييب خلاص لا تكلميني أنا زعلااان عليش
الجده : زعلااان ؟
يلف تركي وجه عن جدته : وحييييييل بعد
الجده : إزعل مردك جايني بكره تحب راسي وتطلب يا فلوس رصيد ولا فلوس بانزين
ويقوم تركي ويحب راس جدته و قال :
أنا هالراس أحبه حتى ولو مالي حاجه
الجده : إلا ما قلت لي من هالضيوف
تركي : مشاااعل وبنت اختهاا
الجده : يحليلها لا خلاص إزهلها متى تبينه نروح
تركي : أفا ألحين أكلمش مو راضيه و عشان مشاعل رضيتي يعني في أغلى مني
الجده : لا تخليني أهوون
تركي : لا خلااص يرحم آمش مشيناا




تركي: بو وليييد انا الحين طالع من البيت رايح الشاليه ومعي جدتي تامرني بشي
خالد : زيييين والله قام حظك شوي روووح والقلب داعيلك واذا طلعت من عندهم بشرني شصاار يابو غرام
تركي : هههههههه يلا فمان الله


أتصلت مشاعل على تركي


مشاعل : وينك ؟
تركي : قرريب
مشاعل : أوكي ناطرينك


بعد عشر دقايق دق تركي على مشاعل
و قالها : إفتحي الباب انا برا ومعي جدتي





غرام : إشفيس وين رايحه ؟
مشاعل : أفتح الباب لتركي وجدته



مشاعل : ياهلا و يامرحبا توه مانور الشاليه
تركي : منور بوجودش
مشاعل :شلوونس يا خاله ؟
الجده : بخير عساش بخير وانتي ؟
مشاعل : بخير الحمدالله يالله حيهااا
الجده : الله يحيش
مشاعل : تو ما نور الشاليه والله حياااااس داخل
الجده : الله يحيش
مشاعل : ها خاله شرايس بالمكان ؟
الجده : لونه عشه ... يكفي إنكم فييه ومحلينه
مشاعل : فديتس والله يا خاله



طبعا عين تركي طول الوقت ماطاحت من عين غرام


غرام : خالتي بروح أطلع الأكل من السياره
تركي : تبين مساعده ؟
غرام : لا مشكور
تركي : براحتش


راحت غرام إطلع الإكل إلا تسمع صووت كلب طبعا غراام تخااف حيييل فقالت أطلع الأغراض بسرعه قبل لا يقرب الكلب التفتت ورا إلا الكلب قدامها ركضت ركضت وتصارخ بس محد سمعها ظل الكلب ورااها ووقفت ورا طوفة شاليه ولاتدري شاليه منو راح تركي يتمشى برا و يخلي الحريم بروحهم ولا درى عن غرام


غرام ظلت ورا الطوفه ما حست إلا واحد ساحبها ودخلها الشاليه

شافها تركي من بعيييد وطاحت عين غرام بعين تركي والرجال قاعده يسحب غرام بس الرجال ما شاف تركي لأنه كان الممر ظلمه دخلت غرام الشاليه


و كانو داخل الشالييييه شلة شبااب

ناصر : الله شهالجمال هذا ؟
محمد : أمووووت انا على الشفه
سالم : أنا اتعذب على البنات المزايين
فهد : شهالذووووق يجنن

متعب وهو إللي كان ساحبها : لقيتها على الباب الظاهر واحد من الشباب مطرشها لنا


غرام من الصدمه إنقلب وجها أصفر
ومو قادره تكلم و لا تحرك رجلها لإنها تحسهاا حيييييييييل ثقيييييييييله



تركي عبر الممر و دخل الشاليه إللي فيه غرام و سمع أصوات الشباب لأن أصواتهم وضحكهم و صراخ غرام كان عالي فحقد عليهم و دخل إنصدمت غرام يوم شافته


حست برااحه كبييييييييييييره لأن تركي موجود


تركي : ياكلاب يا الخمه ماتستحون ماعندكم خوات ما تخافوون ربكم

إنصدموا الشباب من إللي دخل علييهم

ناصر : و إنت شكو
محمد : أي والله
سالم رد شعره ورا و قال : يبا خلنا نعيش حياتنا
فهد بطل زراير بلوزته و قال : مثل ما أنت تبيها حتى حنا نبيييها


و كانت قدام تركي طاوله كبيره قزاز كان عليهااا زقاااير وقشر حب رفسها بأقوى ما عنده لين إنكسرت و سحب غرام من إيدها
و طلعها برا الشاليه و مشى معاها لين وصل شاليهم و طول الوقت غرام منصدمه
من إللي صار و مو مستوعبه شي بس الشي الوحييد إللي كانت مستوعبته إن إيدها عورتهااا حييل من مسكة تركي


دخلها تركي الشاليه و هو معصب و قالها : لاعااد اشوفش متعديه عتبت الشاليه سامعه


الجزء السابع :


إستانست مشاعل يوم شافت غرام وتركي داخلين مع بعض وقالت بقلبها الله يجمعكم على خير

قال تركي و هو معصب : يما مشيناا
مشاعل : وين تو الناس بكره لا في دواامات و لا في شي
الجده طالعت تركي : إشدعوه حتى لو في دوامات هو يداوم
تركي بنفسيه : يما ماله داعي فضايح
ولف على مشاعل و قال : أكرمكم الله يلا ماتشوفون شر
مشاعل : الشر مايجيك ياهلا و مرحبا



لفت مشاعل على غرام : شصار بينس وبين تركي ليه كذاا معصب

غرام : خالتي بصراحه أثبتلي تركي انه يحبني
مشاعل : شلون
غرام : هاا ... لا بس إحسااس
مشااعل: ليكوون لمسس!
غرام : لااااااا
مشاعل : إي دربالس


قامت غرام ودزت مسج لتركي

الغلا رغم بعدك عن عيوني يزيد
تحت ظل الغياب ورغم كل الظـروف


رد عليها تركي

فديت إللي لها بقلبي غلا ماينحكى به
لو حكيته للعقول العاقله ماصدقتني

حست غرام إنه صااااادق في كل حرف قاله
و لو ماكان يحبهاا كان ماطلعها من إيد هالرياااجييل كان خذا إللي يبيه و حذفها عليهم


و حست إنه حيييييل طيب لأنه لو مو طيب كان مارد علييها و هو معصب و قررت إدق عليييه بعد ربع ساعه عشان تشوفه وصل أو لأ


ودقت على رهف لأنها ماتقدر تخش عنها شي وقالت لها السالفه رهف إنصدمت ماتتوقعت إن في رياجيل للحين يحبون من قلبهم


رهف : معقووووله أنا توقعت الرجال مايحب إلا خواته ومرته وامه مادريت إن في رياجيل من صدقهم يحبون بنات
غرام : أصابعس مو سوا
رهف : جايز الله يوفقكم بس دربالس
غرام : إنشاءالله


في بيت تركي

الجده : إسمع بكره بروح معاك المدرسه
تركي : شتسويييين هناك ليكون عينوش ناظره عندنا ولا موجها
الجده : أقوول يازينك ساكت بروح معك عشان اتأكد إنك دخلت المدرسه
تركي : طيب ورحتي معي وتأكدتي إني دخلت من بردش البيت و أنا بصفط السياره
في مصافط المدرسه
الجده : من قالك إني برد البيت بقعد أنطرك
تركي ببرود : لا يماا أنا بطفي السياره وبيطفي المكيف فشراايش تنزليين عندنا مدرسييين شياااب بس عز الطلب مزاايييين سولفي لش مع واحدن منهم كود يخطبش
الجده : الخلاا
تركي : ههههههههههه ليه ترى توش بنت
الجده : آآآه أشهدن الشباب أقفى و خلاني
تركي : ههههههههههه هالله هالله
الجده : تتنطز
تركي : لا حشا فديتش قوولي آمييييين
الجده : آميييييين
تركي : الله لا يحرمني منش و جعلش تشوفين عيال عيالي
الجده : آمييييييين و أزوجهم إنشاءالله




كانت الجده بالنسبه لتركي شي كبيييييير
كان مايقدر يعييش بدونها لأنه من فتح عيينه وهي إللي ربته و يغليها أكثر من أمه وإبووه لأنه ما عاش معااهم وااجد



غرام : ألوووو
تركي : ياهلا
غرام : شلونك تركي
تركي : طيب
غرام : وصلت
تركي : يهمش
غرام : شلون مايهمني
تركي إللي إستانس من ردها وحس إنه أسعد إنسان وقال بكل كبرياء : إي وصلت
غرام : طيب بس كنت بطمن عليك و أشوف إذا وصلت أو لأ يلا تبي شي
تركي : إي
غرام : آمرني
تركي : لاتحرميني من هالصوت
إنحرجت غرام و قالت : ماااشي

لحظة صمت قطعها صوت غرام : طيب مضطره أسكر ألحين فمااان الله
تركي : دربالش على نفسش ولا تطلعيين من شالييه إلا معش خالتش سامعه
غرام : من عيوني
تركي : الله يسلمش
غرام: مع السلاامه
تركي : ياهلا



فديييييييييييييييته

هذي آخر كلمه قالتها غرام بعد ماسكرت من تركي وإنسدحت على السريييير



منووو هذاا ؟

غرام : هاا منو
مشاعل : حق منو فديييييته
غرام : ها يتهيألس خالتي ما قلت فدييييته


إبتسمت الخاله و قالت : إي صح أنا كنت مشبها

طلعت الخاله من الغرفه و تأكدت إن غرام بدت تمييييل لتركي



خالد : لا لا من صدقك
تركي : قسم بالله هذا كل إللي صار معي
خالد : طيب وش الإحساس إللي جاك يوم مسكت إيدهاا بقوه
تركي : هههههههه تصدق ما حسييت بشي
خالد : طيب الفلم الهندي إللي سويته من صدقك ولا عشان تجيب راسها
تركي : إنت شفيك ما تفهم
خالد : هااا
تركي : لو ما أبييييها ما قلت لك جييب رقمها لو ما أبييها ما كلمتهاا وقلت لها إني شاريها لو ما أبيها ما كلمت خالتها تكلمها لو ما أبيها
ما رحتلهم الشاليه لو ما أبيييها مادخلت على الشباب و طلعتها منهم كان خليتهم ياخذون منها إللي يبون و يحذفونهاا كل هذا و تسألين إنت تحبها ولا بس بتجيب راسها
خالد : والله أحسبنك تبي تسلى بس
تركي : أنت خابرني ماعندي هالسوالف أنا أبييها على سنة الله ورسوله
خالد : شقصدك زواااج وأنت بثااانيه ثاانوي
تركي : لا بس بكلمهاا و أول ما أتوظف بتملكها
خالد : يعني بعد أكثر من أربع أوو خمس سنيييين
تركي : ثانيه ثانوي وثالثه ورابعه بس و أتخرج
خالد : والوظيفه بتجيك أول ما إتخرج
تركي : لا بدرس سنتين شهادة دبلوم وأتوظف
خالد : يعني بعد خمس اسنين بتزوجها
تركي : تقريبا
خالد : و هي موافقه تصبر عليك خمس سنيين
تركي : ما كلمتها بالموضوع بكلمهاا بعدين
خالد : طيب أنت تدري كم عمرهاا
تركي : إي كبري


ثاني يوم المغرب



طوووووط طووووووط

حبيتها غصب عني
يتصل بك


كانت غرام إدق على تركي و ماكان يرد


الجده : ياااااتررركي تعاااال تلفونك يدق
تركي : منو يماا ؟
الجده : و من إللي قاص عليك و قايلك إن معاي شهاده عشان أعرف أقرأ
تركي : ههههههه طيب طيب جااي



دخل تركي الصاله و أخذ تلفونه وشاف رقم غرام طلع من الصاله عشان يرد عليها
بس سكرت و مالحق عليها
قام و دق عليهااا

( رصيييدك الحالي لا يكفي لإتمام هذي المكالمه )

إنقهر ورد الصاله

تركي : طلبتششش
الجده : يالييييل ياطلبااتك
تركي : طلبتش يماااا رصييييد
الجده : و أنت يا بنزين يا رصييد
تركي : خلاص حولي خطي فواتير ولاني بطالب منش


شوي و لادق تلفوون تركي ورد بسسسرعه

تركي : هلا والله
غرام : السلام عليكم
تركي : و عليكم السلام
غرام : شلونك عساك طيب
تركي : بخير إنت شلونش
غرام : زينه أنا غرام
تركي : أدري والله أدري لو تحط صوتك بين مية صوت أطلعه
غرام : أجل ليش تكلمني بصيغة ولد
تركي : الجوو ما يساااعد
غرام : ههههههه شكلك مشغوول
تركي : يالبييييه طلبتك إضحك مره ثانييييه
غرام حست إن عندها أحد فقالت : شراايك أدق عليك وقت ثااني عشان تكون فااضي
تركي : لعنبوووك قسم بالله أفضاالك

الجده : من تكلم أنت ؟
تركي : أكلم خالد

غرام : فديتهاا سلم لي عليهاا
تركي : ههههه ليه مجنون عشان قسم بالله أنام اليوم في الشارع
غرام : ليييه شدعوه
تركي : قسم بالله لو تدري إني أكلمك إعلووووم
غرام : أفا عليك بيتناا مفتوح
تركي : لا أنا ما أقدر أنام بيت هي مو فييييه
حتى لو أتزوج باخذهاا معاي شهر العسل و أخليها تسكن معاي أنا و زوجتي بس بقولها أول يوم تسكر إذنهاا و عيونهاا عشان أتجرأ و آخذ راحتي
غرام : ههههههههههههه من صدقك
تركي : لا أمزح معش لا تزوجت وحده بجيبها تسكن عندي أنا وجدتي
غرام : الله يخلييييييه لك

وطلع تركي من الصاله و قعد يسولف مع غرام أكثر من ثلآث ساعات عرف عنها أشياء واجد و أهم شي إنها شاطره عكسه طبعاا

بعد شهر بالضبط


خالد : ألوووو
تركي : تخاويني
خالد : المكتبه
تركي : ليييييييه
خالد : نبرشم
تركي : وليه علينا إختبااار
خالد : إي بكره إختبارنا كيمياء
تركي : متى صار هالكلام و متى عطونا الجدول
خالد : أنا دقوا المدرسه على إبوي و قالوله إن ولدك ما يداوم و الإختبارات تبدا بكره و إبوي سألهم شنو أول إختبار
تركي : أها أنا معطيهم أرقامي غلط خلاص خلاص مرني على ما أخذ فلوس و أجيبلك الجدول
خالد : شلون بتجيبه
تركي : أدبر عمري يلا فمان الله




غرام : ياهلا و غلا
تركي : هلا فيييش شخبارش
غرام : بخير الحمدالله
تركي : ليش ما قلتي إن الإختبارات تبدأ بكره
غرام : أي إختبارات
تركي : إختبارات الفتره
غرام : ليش إنت ماتدري
تركي : شدراني أنا إنتي تدرين إني ما أداوم ولا أدل مدرستنااا ويييين وتدرين إني أكذب على جدتي وأقولها أداوم وأنا ما أداوم و كل يوم أقوم الصبح ألبس ملابس المدرسه وأتريق مع جدتي وأطلع أكمل نومتي بالسياره عشان آمشي عليها إني أداوم كل هذا و تقوليلي ليييش إنت ماتدري إن الإختبارات بكره
غرام : مادري والله هقيتك تدري ...
تركي : خلااااص خلاص طرشيلي الجدول مسج
غرام : لحظه ...
تركي : مع السلامه

و سكر


غرام : هذاا شفييييه
و أنا شدراني إنه ماعنده الجدول

طرشت غرام مسج بالجدول كامل و كتبت تحت
( مره ثاانيه لا تحملني ذنب أنا مالي شغل فيييه ولاحتى وصيتني علييييه )

تركي سمع صوت المسج درى إنه من غرام ولا فتحه ونزل لجدته



الجده : توني معطيتك أمس فلوس
تركي : رااااحت
الجده : و إللي اليوم الصبح
تركي : هم راااحوااا
الجده : بتقعدنا على صخره أنت
تركي : يمااا ضروري
الجده : و الفلوس إللي كل يوم وييين تروح
تركي : يما بانزيييين ورصيييد
الجده : خلاص خلاص

تفتح الجده بوكها و تعطيييه فلوس

الجده : تكفي
تركي : تسلمين يا بعدي خشمش

و يحب راسها ويطلع


وطلع من عندها إلا خالد يدق هرن وركب معاه

خالد : جبت الجدول
تركي : إي جبته

بطل تلفونه و قرا الجدول كامل لخالد و إنصدم من الكلام إللي تحت


طرش لها مسج


( إنسي الموضوع و الشرها علي معتمد عليش في كل شي يخص حياتي و مالت علي إللي معطيش قلب منتي كفون له )


كان ماوده يطرش هالمسج لكن قهره مسجها و ضغط إرساال


كان يكاااابر بس من داخل يحبهااا


إنصدمت غراام من المسج ماتوقعت تركي كذا وطاحت على الفرااش تبكي تبكي لأنها حبته بكل مافيها بالأشهر إللي طافت


نزل تركي المكتبه هو خالد خلصو شغلهم و طلعوو


الجزء الثامن :


مشاعل : ألووو
تركي : مرحبااا
مشاعل : كيف الحال
تركي : الله يسلمش
مشاعل : عساك طيب
تركي : بخير جعلش بخير
مشاعل : تركي فاضي ولا مشغول
تركي : آمريني
مشاعل : بغيتك بموضوع
تركي : أفضالش آمري
مشاعل : تقدر تمرني على سيارتك أبيك توديني مشوار
تركي : أنا ؟
مشاعل : والله يا تركي مادري شقولك أنا ما أعرف رجال إلا أنت و لو إني منحرجه منك بس بغيتك توديني الصناعيه أطلع سيارتي أركب فيها و أروح و إنت رد بسيارتك
بدال لا أروح مع تا*** ماني واثقه فييه أنت أولى
تركي : أبشري بعزش بس أروح البيت آخذ سيارتي و أجيش




خالد : هذي غرام
تركي : لا خالتها تبيني أطلع سيارتها
خالد : آمششش صرت واحد من العائله
تركي : هههههههه لا تقول ما تعرف أحد واثقه فيييه غيري
خالد : ليه هم ما في رياجيل في عائلتهم
تركي : لا مقطوعييين من الشجره
خالد : أهاا ... ألا شخبااار عمك فهد
تركي : سكر الموضوووع
خالد : على راااحتك



وصل تركي البيت بدل و طلع

تركي : يمااا تبيين شي
الجده : بسم الله ويين بتروح توك جاي
تركي : مشوار صغير و بجي
الجده : الله يحفظك


مشاعل كانت منقهره من حال غرام طول الوقت مسكره عليها الغرفه و تبكي ودقت عليها الباب وماردت فما حبت تزعجها
فقالت : تاخذ السالفه من تركي



تركي : أنا برا
مشاعل : يلا ألحين طالعه مع السلامه


طلعت مشاعل برا و ركبت السياره

مشاعل : السلام عليكم
تركي : و عليكم السلام غرام موجوده
مشاعل : إي
تركي : عادي أنزلها
مشاعل : شبغيت فيها
تركي : بقولها شغله
مشاعل : أوكي بنزل بناديها لك في الصاله
تركي : لا ماله داعي دقيقه بس بقولها شغله و بجي
مشاعل : أنا أقول أناديها بالصاله أحسن لأن هي بغرفتها
تركي : أفاا مافي ثقه
مشاعل : لا شدعوه لو مافي ثقه مادقيت عليك نروح أنا وياك نطلع سيارتي
تركي : يعني أنزل و لا لأ
مشاعل : ماشي بس لا تأخر

نزل تركي من السياره
بس نادته مشاعل

ترررركي تررررركي

لف تركي عليها : هلا
مشاعل : إنطرني بجي معك

عصب تركي وصعد السياره و قال : خلااص ماعادني بنازل منتي واثقه فيني قولي لا عادي ترى إن قلتي لا ماني بزعلان ترى كل مافي الموضوع إنها زعلانه وبكلمها بس لأني ما أحب أحد يزعل علي ولا احب أزعل أحد لأني ما أضمن متى يومي
وماودي أموت وفي ناس زعلانين علي


حست مشاعل إنه تركي تضايق منها
فقالت : خلاص بس لا تأخر علي
تركي : عقب شنوو
و شغل السيااره و حرك

حست مشاعل إن الجو متكهررب فحبت تلطفه : شخباار جدتك
تركي : زينه
مشاعل : عسى و شلون الدراسه معك
تركي : زينه

حست إن تركي ماوده يتكلم
مشاعل : تركي شفيك
تركي : مافيني شي
مشاعل : ليش معصب
تركي : أنا لا طلبت شي ما أحب أحد يلف ويدور أبي إللي قدامي إذا كان راضي على الشي يقول إي وإذا كان مو راضي يقول لأ و بس ماله داعي اللف و دوران كله

حست مشاعل إنها المقصوده
مشاعل : طيب آسفه
تركي : حصل خيير
مشاعل : ولا رديناا حياك تقهوى عندي أبيك بموضوع و إذا تبي تكلم غرام كلمها
تركي : هونت
مشاعل : على راحتك بس أنا أبيك بموضوع
تركي : يصير خير



وصلو الصناعيه نزلت مشاعل ونزل تركي وراها وطلعت مشاعل سيارتها يوم جت مشاعل تركب السياره

مشاعل : تركي ترى أبيك بموضوع ضروري إلحقني البيت إذا ماعندك مانع
تركي : الموضوع مهم
مشاعل : إي حيييل
تركي : ماااشي
بعد ربع ساعه طريق

وصلو البيت ...

مشاعل : إدخل حياااك

قعد تركي على الغنفه

تركي : هلا آمريني شنو الموضووع
مشاعل : يوم قلت لي بالسياره إن غرام زعلانه شلي مزعلها لا يكون إنت لأن شكلها متضايقه حييل تركي ترى غرام شاطره حييل وما أبي التفكير يوديها ويجيبها وتلهي عن دراستها وبكره امتحانها كيمياء دق عليها وكلمها ولا أنا أطرش عليها الخدامه وتنزل
تركي : طيب ممكن أصعدلها فووق
مشاعل : هااا
طيب بس طلبتك لا تطول
تركي : أبشري بس دليني وين الغرفه
مشاعل : إصعد الدرج و إخذ يسار الغرفه قدامك


طق تركي الباب

غرام : منوووو
تركي : أنا

إنصدمت غراااام الصوت مو غريب عليها

غرام : منو إنت
تركي : حرامي
غرام : تستعبط
تركي : شدراني عنش إفتحي الباب أنا تركي
غرام : شجاييبك
تركي : باكلش
غرام : لا صدق تركي شبغييت
تركي : لاحووول بتفتحيين ولا أنزل


وقامت غرام لبست عبايتها ولفت الشيله وهي مرتبكه و فتحت الباب

تركي : أدري إنش زعلانه علي

قامت غرام ونزلت دمعتها

قام تركي وأول مره يحط ايده على خد غرام و يمسح دمعتها

تركي : ماااعاااش منو ينزل دمعتش وأنا حي
غرام : تركي بصراحه إنصدمت حيل منك ماتوقعتك كذاا والله انا حبيتك من كل قلبي وآخر شي تحملني ذنب انا مالي شغل فيه ولا حتى وصيتني عليييه وداق معصب ليه ماعلمتيني يلا مع السلامه كأنك إدور الزله علي
تركي : إنتي تدرين إني ما ادرس ولا اداوم بالمدرسه و ما أدري ويين كتبي أصلا
و يوم دريتي إن بكره تبدا الإمتحاانات ما كلفتي عمرش إدقيين علي تقوليلي أو على الأقل إطرشين مسج ماياخذ منش عشرين فلس
غرام : بس ..
تركي : خلااص يابنت إنسي الموضوع أنا إللي ابيه منش ألحين تفتحين كتاب الكيمياء و تدرسين عني وعنش
غرام تبتسم بحزن: لا إنت رااح ترروح وتفتح الكتاب و تدرس
تركي : إنطريني
غرام : وإذا قلت عشاني
تركي : غصبن عني أنزل مستواي للكتاب و أدرس
غرام : هههههههههه
تركي : يلا تامرين على شي
غرام : لاسلامتك بس دير بالك على نفسك بالطريق و مثل ماوصيتك إدرس
تركي : أبشري لبى عينش ولو إني زعلان عليش
غرام : ليييييش
تركي : واقف على الباب حتى ماضيفتيني
غرام : هههههههههه غرفتي عفسه ما أبيك تشوفها
تركي : ماشي ماشي أول مره مسموحه ثاني مره لا تعودينها يلا روحي إدرسي
غرام : ماشي

تركي وهو نازل من الدرج

غرام : تركي

لف تركي على غرام : عيونه

قالت غرام : أحبك

ودخلت بسرعه غرفتها

تركي : يالبييييييه عيديهاا

و يلحق غرام ويبطل الباب و لقااه مسكره الباب ويدق البااب
تركي : غرااام بطلي
غرام وهي متسنده على الباب من الجهه الثانيه ومغمضه عينهاا ورايحه في عالم ثاني عالم تركي
تركي : ماااااشي يا غرام وييين بتروحيين مني مردش بتعيدييين لي الكلمه


طبعا تركي ما لمس غرام لأنه يحبها من كل قلبه وهي تأكدت من هالشي



طلع تركي من بيت غرام وقال للمشاعل :يلا ماتشوفين شر
مشااعل : الشر ما يجيك ... رضت ؟
تركي : إي رضت الأميره الناعسه


راحت مشااعل عند غرام
مشاعل : شصاااار بينس وبينه !
غرام : ماصار شي بس كلمني عن الدرااسه وقالي شدي حيلس وادرسي عدل
مشاعل : اها ترى انا ما صعدت فووق إلا وأنا عارفته عدل واثقه فييه
غرام : و أنا واثقة بعد ياخالتي لانه صدق اليوم أثبتلي إنه يحبني
مشاعل : اها الله يكتب إللي فيه الخيييييير


كانت مشاعل ماتعرف رجال بالعائله إلا تركي و وااثقه فيييه حيييييل وكان ودهااا ربي يجمع بيت تركي وغرام بيت واااحد ويتزوجون لأنها تبي غرام تروح لواااحد ثقه
لأن غرام ما تضمن متى يومهاا

بس هل رااح يتحقق حلمهاا
أو الظروف تفرق بينهم


الجزء التاسع :

قام تركي ورد البيت و أول مره يدرس
بس زهق وحذف الكتاب لأنه مو متعود يدرس وطلع راح دوانية خالد


كانوا الربع مجتمعييين ويلعبون جنجفه
ولا كأن بكره أول يوم إختبارات

و دخل عليهم

تركي : السلاااام عليكم
خالد : أرررحب يالله حييييييييييييه
تركي : الله يحيييك تبقى
عبدالله : وييينك يا القااطع
تركي : مووجود بس إنشغلت شوي
فارس : لك وحششه يابو جسووم
تركي : تسلم لي والله

وقعد تركي معاهم و لعب جنجفه ودق تليفونه ورد

غرام وهي منحرجه : ألووو
تركي : هلاا
غرام : وين وصلت بالكتاب
تركي : أكلمك بعدين
غرام : مشغول
تركي : إي
غرام : ويييين إللي تفقنا عليييه
تركي : إي إتفاق
غرام : إنك تدرس
تركي : يصير خييير
غرام : هذي أولها تبي تسقط إنت
تركي : ياولد قلت لك خلاص أكلمك بعدييين
غرام : ماشي ماشي مع السلامه


سكر تركي و كمل لعبه مع العيااال


عصبت غرام و قالت أنا أعرف شلون أتصرف معاه

غرام : مافي غيير أعلم الجده تأدبه و تمسكه عشان يدرس


طرشت غرام لتركي مسج


( كم رقم بيتكم خالتي تبي تكلم جدتك )


مارد عليييها كان مشغول باللعب


يوم مارد دقت غرام


تركي : لحووول أنا شقايلك فديتك
غرام : عطني رقم بيتك
تركي : شوووي وأكلمك
غرام : و منو قال أبي أكلمك عطني الرقم و خلاص
تركي : لا تقفل علي قلت لك خلاااااص عاد
غرام : إنت إللي معقد السالفه عطني رقم و خلاص
تركي : خلاص بطرشه مسج بس سكر أنت
غرام : مع السلامه



وصل المسج لغرام و دقت على الجده




الجده : عايشه تعالي شيلي التليفوون
عايشه : ماما آنا في شغل وااجد إنته قرييب من تليفون
الجده : أبكيييش والله إني صادقه
عايشه : شنووو ماما
الجده : أقول إلبخي بس

وتقوم الجده و ترد على التليفون

غرام : ألوو
الجده : هلا
غرام : جدة تركي موجوده
الجده : وياش جدة تركي من إنتي
غرام : أنا غرام بنت إخت مشاعل
الجده : ونعم والله ياهلا ومرحبااا هلا ببنيتي
غرام : هلا فيس فديتس شخبارس
الجده : طيبه يابنتي إنتي شخبارش و شخبار خالتش
غرام : والله طيبين و بخير ونسأل عنس
الجده : سألت عنكن العافييه حيياكم البيت بيتكن و الله إني قاعدتن بروحي مع هالخدامه الكلب تركي خلاني وراح عند ربعه
غرام : رايح عند ربعه ليه ما مسكتيه
الجده : وأنا فيني حيل أمسكلي واحدن أطول مني ومهي بأول مره يروح للربع دايم يروحلهم ومافيها شي
غرام وصلت للي تبييه وقالت : أدري إن ما فيها شي لا راح عند ربعه بس بكره إمتحانات الفتره
الجده : وشوووو
غرام : إي والله
الجده وهي معصبه : أنا أوريييه الكلب ماعلمني إن إمتحاناته بكره يلا يلا فمان الله
غرام : هههههه فمان الكريم

غرام كاانت تحب تركي حيييل وكان هامها مستقبل تركي عشان كذا كانت تبيه يدرس ويهتم بدراسته عشان مستقبله


تركي كان همه ألحيييين بس شلون يفووز على عبدالله إللي حطه في راسه

ودق تليفونه ورد عليه وماشاف الرقم : هلا
الجده : الله لا يهلي راسك أنت ورااك ماتدرس ياالفاشل تدري إن بكره إمتحاان وأنت قاعدلي مع ربعك الفشله والخمه هذا بدال لا تدرس هاااا

كان صوت جدته عالي و طلع من السمااعه فطلع برا الدوانييه بسرعه و قال : يالربع شوي و جاااي
الجده : لا قسم بالله ماتردلهم تجيني ألحين يعني تجيني
تركي : يماا مايصير أطوف قيييم
الجده : قيييم وش الله يلعن إبليييسك
تركي : عندي قيم بالجنجفه عند الربع وما أقدر أطوفه
الجده : أقولك تعاااال
تركي : أجي شسووي
الجده : تعاال أدرسك
تركي : هههههههه شدرسين الله يخليش إمتحاني بكره كيمياء كله معادلات و فيه إنجلييزي شلون بدرسيني
الجده : لييه طايحتن من عينك أنا تراني أعرف إنجليزي أحسن من ثوم كروز
تركي : هههههههه إسمه توم كروز وش عرفش فيه
الجده : خابرته مترجم
تركي : ههههههههههههههه شحطه مترجم هذا ممثل
الجده : أقووول إسكت تعاال ألحييين وبسرعه
تركي : إنشاءالله ساعه و أجي
الجده : لك عشر دقاايق
تركي : بس ...
وتسكر الجده السماعه في وجهاا

الجده : والله بيذبحني هالولد ناقصه عمر أنا



ترخص تركي من الربع و طلع وركب سيارته


تركي : ألووو
غرام بنفسيه : شبغيييت
تركي : إنتي شبغيتي
غرام : إنتي إللي داق
تركي : إنتي شكنتي تبييين يوم إدقين علي وأنا عند الربع
غرام : ما أبي شي
تركي : أجل لييش دقيتي
غرام : كنت أبيك تدرس بس دامك ماتبي خلاص ماني غاصبتك
تركي : بس هذا إللي كنتي تبييينه
غرام : إي
تركي : أجل لييش إدقين أكثر من مره و مسببتلي إزعااج

إنحرجت غرام و حست إنه فشلها

غرام : أنا الغلطانه إللي داقه و أبيك تدرررس مع السلامه
تركي : ههههههههه تعالي تعالي أمزح معااش
غرام : شهالإسلوب إللي تكلمني فييه
تركي : أمزح معش كنت أبي أزعلش عشان أجيش لي غرفتش وأراضيش و أشوفش وتقولين الكلمه إللي قلتيها
غرام : إنت الظاهر إعجبك الموضوع ترا هذيك آخر مره إطب فيها غرفتي
تركي : تحديني أجي بيتكم ألحييين
غرام : لا لا يرحم آمك إنت رووح إدرس ألحيييين وإذا خلصت الإختبارات يصير خيير
تركي : يلا أنا وصلت ألبيت أكلمش بعديييين
غرام : فماااان الله
تركي : لحظه وين رايحه
غرام : بسكر مو تقول وصلت البيت
تركي : إي أدري إني وصلت وبسكر بس في شي بسمعه قبل لا أسكر
غرام : وشنو هالشي
تركي : كلمه قلتيها لي وأنا عندش وبتعيدينها ألحين يلا بسرعه
غرام : أي كلمه
تركي : لأنش قاعده تحطين نفسش ما تدرين راح تقولين الكلمه خمس مرات
غرام : هههههههه تركي شفيك
تركي : وتضحكييين بعد عقابن لش عشر مرات يلا
غرام : تررررررركي
تركي : يالبيييييييييه لا عاد تقولين إسمي قسم بالله أتهور وأجيش ألحين
غرام : أجل شلون أناديك
تركي : أقوووول لا تغيرين الموضوع
غرام : أي موضوع
تركي : بما إنش تستعبطين راح تقولينها وتقولين آخر شي في ذمتي يلا بسرعه
غرام منحرجه ساااكته : .......
تركي : بتقولين الكلمه ولاجيتش ألحيين
غرام : لا لا خلاص
تركي : يلا قولي صارلي ساعه واقف بالمصافط جدتي داخل تنطرني ومعصبه علي يلا بسرعه
غرام وهي منحرجه : أحبك في ذمتي
تركي وهو متخدر وفي قلبه آآآآه : يا لعنبووووو من لامني فيييش
غرام وجهاااا محمر : خلاص سمعتها يلا مع السلامه

وسكرت بسرعه لأنها كانت حدها منحرجه
وخدوودهاا حمرر

دخل تركي البييييت وهو مو على بعضه


تركي ركض فووق قبل لا تشوفه جدته

الجده : تعاااااااااال شفتك
تركي : هلاا
الجده : جيب كتاابك وتعاال
تركي : لا لا أنا بدرس لحااالي
الجده : يلا روح إدرس ولاا شوفك نازل من فوووق

صعد تركي غرفته ونااااام

وتفكييييره كله مع غرااام حس إنه أسعد إنسااان في الكون


الجزء العااشر

بعد الإختباارات بيوميين كان يوم تسليم الشهايد

طبعا تركي و خالد كان ودهم يهربون لأن من زمان ماهربوا و آخر مره كانت قبل الإختبارات بيوم بس ماكانوا يقدرون يهربون لأن الشهايد كانت آخر حصه


وزعوا الشهااايد وإثنينتهم كانوا ساقطين بمواد

تركي سقط بالإنجليزي و الفيزياء والعربي
و خالد بالأحياء والكيمياء والإنجليزي


أما غرام خذت ٨٩
ورهف ٨٢

الجده : حسبي الله عليك ياالفاشل ثلاث موااد و كل ما سألتك شخباار إختباراتك قلت لي سهله سهله و آخرتها ثلاااااث يا الظالم ثلااااااااث
تركي : إنتي شفيش مكبره السالفه عااادي ترى الدنيا مهي موقفه علي سقطت و لا نجحت
الجده : ماالت علييييك أنت ماعندك ضميير يأنبك
تركي : جده أنا ساقط في أمور الدراسه بس على الأقل متفوق في أمور الحياه
الجده : قسم بالله إني بمرض وأنت السبه
تركي : إسم الله عليييش لييه
الجده : ساقط بثلااااث و تقول لييييش

دق تليفون تركي و كانت غرام إللي داقه
طلع برا الصاله يكلمها



غرام : قووه
تركي : يقويش
غرام : شخبارك و شخبار النتايج
تركي : علي ثلاث
غرام : شنوووو
تركي : ثلااااااااااااث
غرام : شنو إللي ثلاث
تركي : ساقط بثلاث موااد
غرام : إحلف
تركي : وراسش الغالي
غرام : لييييش
تركي : عااادي ونااسه و الحياه مستمره
غرام : إنزين ليش سقطت مادرست
تركي : ههههههههههه ولا أدري وين كتبي
غرام : يعني يوم تقولي أدرس تكذب علي
تركي : والله شوفي الكذب خييبه مادرست و لا شي
طيب أنتي كم علييييش
غرام : ماعلي شي ناجحه
تركي : جويييييده
غرام : إذكر الله
تركي : ماشاءالله ماشاءالله بس ترى عيني مو حااره كم خذيتي ٧٠
غرام : ليش سبعين عندك وااجد
تركي : سبعين عندي متفووق
غرام : ههههههههههه أجل أنا عندك متفوقه مع أكبر وأشرف وأرقى مرتبة شرف
تركي : هههههههههه لييه كم ماخذه
غرام : ٨٩
تركي : عززززززززززززززز الله جويييييييييييييييييييييييييده
غرام : إذكر الله
تركي : لا إله إلا الله
غرام : والله إني خايفه أعيد السنه و أنت السبه
تركي : لاا يالمصريه والله ماتعيدينهااا


شهد : يمااا ماتدريين إذا ناجح أو لأ
ام شهد : والله مادري عنه دقي على بيتهم سلمي على جدتي و إسأليييها
شهد : والله فكره


عايشه : ألووو .... هلااا ماما .... ماما كبير فوق .... ناايم ... مني بس في تركي .... لحظه شووي


عايشه : بابا تركي تليفون يبي
تركي : من ؟
عايشه : مادري بنيه
تركي : يالبيييه أكيد غرام
عايشه : شنوووو
تركي : مالش شغل إذلفي عن وجهي


راح تركي بسرعه لسماعه

تركي : هلااااااا وغلااااااا
شهد بصوت كله دلع : هلااا فيك
إستغرب تركي الصوت وقال : من معي ؟
شهد : أنا شهد جارتكم
تركي : إي إي آمريني
إحقدت شهد لأن نبرة صوته تغيرت مو نفس أول ما كلمهاا : ما يامر عليك عدوو
بس بغيت أكلم جدتك من زمان عنهاا و ماخذيت أخبارها
تركي : مادري ويينها يمكن نايمه دقي بعدييين مع السلامه
شهد : لحظه ...
تركي : شنوو
شهد : شخبار الشهايد
تركي : حلووه حييل وعاجبتني
شهد : نااااااااجح
تركي : لا
شهد حبت إطول وهي تسولف معاه : شلون تقول حلو حييل و إنت مو ناجح
تركي : إي مو ناجح بس عاجبتني الشهاده
شهد : طيب كم نسبتك
تركي : ماحسبتها مع السلامه

عصبت شهد لأن يكلمها وماله خلق

ام شهد : هاا شخبار الجده
شهد : ما كلمتها
ام شهد : أجل
شهد : كلمة تركي
ام شهد : سولفتي معه
شهد : نوعا ما ..
ام شهد بعصبيه : يالخبببببل لييش تراه رجال ثقيييل ومايحب البنات الخفيفات وإنتي مسولفه معه
شهد : يماا شسوي ترى إحترت شلون أخلييه يحبني مثل ما أنا أحبه
ام شهد بخبث : والله مدري بس خليني أفكر بطرقه تجيب راسه وأقولج


الجزء الحادي عشرآ :

بعد شهرين ونص

بدت إمتحانات الفاينل وخلصت بعد إسبوعييين وكان خالد وتركي شاادين حيلهم لأنهم يبون ينجحون ويروحون لثالثه ثاانووي لكن ما كانوا شادين حيلهم بالدراسه كانو شادين حيلهم بالغش والبراشيم



وجا يوم إعلان النتايج


الجده : تررركي متى النتايج
تركي : بعد سااعه

كانت الجده على أعصاابهاا من خلصت الإمتحانات تحاتي نتيجة تركي

غراااام : ألوو
تركي : ياهلا فديت روحش
غرام : ماتدري متى النتايج
تركي : حنا ثانوية العيال بعد ساعه إنتوا ماأدري .... تبيني أروح أشوف
غرام : شتشوف
تركي : أروح ثانويتكم أشوف علقوا النتايج أو لأ
غرام : لا ما أبي أتعبك معاي
تركي : ههههههه أبوك يا الإسلوب يلا يلا مع السلامه بروح أشوف



الجده : ويييين رايح
تركي : أشوف النتايج
الجده : مو تقول بعد ساعه
تركي : ها ... إلا بعد ساعه بس بجيك يمكن نزلوها ألحين
الجده : والله إني أحاتيهاا خلني أروح معك
تركي : شوديييش معي مالش حاجه
لا طلعت النتايج بدق عليش
الجده : طيب عطني خبر بسرعه أنا أنطرك عند التليفون
تركي : ماشي فمان الله
في بيت أبو خالد

نوره : ماطلعت النتايج
خالد وهو يقلب بقنوات التلفزيون : وإنتي شعليش نسبتي ولا نسبتش
نوره : الشرها علي إللي أسأل عنك
خالد : مشكووره ما أبيش تسأليييين عني
نوره في قلبها : مالت عليك لابوووك لابوو نسبتك لابو كلب



في بيت أم شهد

شهد : يمااااا ابشرج ٨٠
ام شهد : صدق فديتج ألف ألف مبررررروك



تركي راح ثانوية البنات ولقى النسب طالعه دور إسم غرام وصفها
ولقى إسمها مع الناجحييين بنسبة ٨٦

تركي : غررررام
غرام : ها طلعت النتايج
تركي حب يخرعها : إي بس ...
غرام : بس شنو تراني على أعصابي
تركي : أنا أقول إنتي تعالي شوفي نسبتش أحسن
غرام وهي خايفه : ليش فيها شي
تركي : أنا متوقع إنها مراح تعجبش فتعالي إنتي إنصدمي بروحش أحسن

غرااام وقلبهاا بيوقف وحييييل متوتره

غرام : تررركي والله إن ما تكلمت أكبر زعل
تركي : هههههههههه حلوه أكبر زعل هذي
غرام : أحر ماعندي أبرد ماعندك
تركي : ههههههه فديت المتوتره شوفيني أنا ما طلعت نسبتي وعادي قاعد أضحك فليهاااا
غرام : يعني منت متكلم
تركي : وإذا ماتكلمت شبتسوييين
غرام : أحرمك من صوتي إسبووع
تركي : لاااااااااا خلاص أنا يوم ما أسمع صوتش أنجن ... أبشرش نجحتي ونسبتش ٨٦ مبرووووك ياقلبي وعقبالي إنشاءالله

غرام من الفرحه سكرت بوجه تركي وراحت تركض تبشر خالتها


غرام وهي طق الباااب : خااااالتي خاااالتي
إفتحي الباب عندي لس خووش بشاااااره

بس ماجااهاا أي رد

تركي كان معصب على غرام لأن لو عندها أي سبب قوي ما كان له داعي تسكر في وجه وراح مدرسته ولقى نتايجهم طالعه

ولقى عليييه دور ثاني بالإنجليزي
وخالد عليه دور ثاني بمادتيييين فيزيااء وإنجليزي

طبعا يوم خيروهم بالأدبي ولا العلمي حق السنه الجااايه كلهم حاطييين أدبي لإنهم مايمشوون بالموااد العلميه كلش عكس غرام إللي كانت حاطه علمي لأن حلم حياتها إدش كلية الهندسه وتصير مهندسه

لكن هل راح يتحقق هالحلم
أو تركي بيرفض هالحلم


تركي : بو ولييد
خالد : هلا تركي
تركي : شفت النتايج
خالد : لا مالي خلق إذا ماعليك كلافه شوف نتيجتي لا شفت نتيجتك
تركي : توني طالع من المدرسه وعلقوا النتايج
خالد : ها بشششر
تركي : أنا دور ثاني بالإنجليزي وإنت دور ثاني بالفيزياء والإنجليزي
خالد : ههههههههههه كنت متوقع سبحان الله إحساسي ما يخييب يلا بروح أعلم إبوي وآخذلي كم زفه منه وأكييد بيطردني من البيت إفرشلي مكان بالدوانيه تراني بنام الليله عندك
تركي : هههههههههه ماشي حياك الله


تركي كان وده ينجح بس ما أثر عليه إن خذاا دور ثااني لأن كل شي عنده عاادي بس هو كان يحاتي جدته شلون بيقولها

تركي : ألوووو
الجده وهي متوتره : ها يما بششر
تركي : فدييييتش ما نجحت
الجده : حسبي الله عليك أنا داريييه أنت وين والنجااح ويين ياوجه النحس مقبس حتى في دراااستك لعنبوك مافكرت حتى لو بالغلط تنجح مالت عليييك من ولد
تركي : لحظه ..
الجده : ولا حررف يا الفاشل يا الساقط يلا بس يلا إقلب وجهك


طرش تركي مسج لخالد

( شكلي أنا بنام عندك اليوووم )


رد خاالد

( ههههههههه حتى أنت مطرود ياحبيبي أنا إنطردت لمدة إسبووع يا أخي مافي غير نحجز فندق )

كان بيرد تركي على خالد بس دق تليفونه

حبيتك غصبن عني
يتصل بك

مارد عليها تركي لأنه معصب عليها

شوي ولا يجيييه مسج منهاا

( تركي إلحق علي خالتي طايحه مادري شفيها )


تركي مارد على مسج غرام بسرعه راحلها البيت


وصل البيت و نزل بسرعه لقى الباب مفتوح دخل مالقى أحد تحت قعد ينادي غرام

تركي : غراااااااام غرااااااااااام

غرام كانت فوق وكانت تبكي لإنها تحرك خالتها و موقاعده تحرك

يوم سمعت صوت تركي قامت إدور عباتها وشيلتها مالقتها خذت عباة خالتها وشيلتها ولبستها ونزلت لتركي


غرام وهي ترتجف ودموعها على خدها : ت تر تركي خ خ خالتي ماتحررك

تركي إنصدم من شكلهاا عيونها حمر ودموعها على خدها وكان وجهاا وشفايفها صفر

تركي : تعوذي من إبليس مافيها إلا العاافيه
يلا ناديها بنوديهااا المستشفى
غرام بصرااخ : أناديها إنت صاحي أقولك ماتحرك

عصب تركي على غرام يوم سكرت في وجه ولا حسبت له أي قيمه بس إنه جاها عشان خالتها وألحيين قاعده تصارخ عليه فما قدر يمسك نفسه

وغراام كانت شوي وبتمووت من الخووف على خالتها إللي مالها في الدنياا غيرهااا

تركي بعصبيه : لا ترفعييين صوتش علي
وخالتش إسحبيها لي السيااره تصرفي إخلصي علي

غرام إرتجفت من صوت تركي وخافت منه و حست الدنيا إدور فيها لما تذكرت منظر خالتها يوم دخلت عليها وهي طايحه بالغرفه حست إنه بطيح تمسكت بيد تركي ووتعوذت من الشيطان وركضت فوق شالت خالتها وحاولت تنزلها بس ماقدرت بروحها لأنها كانت ثقييله نادت
تركي


تركي كان يسمع صوتها بس من الصدمه ماتحرك مو مستوعب إن غراااام مسكته
إي مسكته

شعر جسمه وقف

بس يوم مسكته كانت بطيييح

جعلها إطيييح أحسن عشان تعرف من تكلم مره ثااانيه ولا عاد ترفع صوتها علي ولا عاد تسكر في وجهي

كااان يكاابر عشان عزة نفسه بس هو من دااخل ماينكر حب غراام الكبييير إللي توزع داااخله

إستوعب إن غرام تناديييه فصعد بكل بروود
وكان معصب على موقف غرام


تركي يوم صعد هزه الموقف إللي شافه
كانت غرام تحاول تشيل خالتها بس مو قادره

حاوول يكابر عشان يرد ثار عزة نفسه
وقال لغرام بكل برود : خييير تناديني


غراام : حراااام عليك شغل سياارتك بنوديهاااا بسرعه

تركي وهو يشيل غترته من راسه ويحطها على كتفه و يشيل طاقيته ويدخلها بمخباته وبرود واضح : يلا جيبيها تحت أنا بالسياره

تركي حز بخاطره غرام شكلها حيل يكسر الخاطر و أول مره تطلب منه طلب بس عزة نفسه فوق كل شي وكان وااضح من عيونه إن يكاااابر

غراام و دموعهاا بعينهاا : شيلها معااي ما أقدر
تركي بنبرة إستهزااء : مو من متنها عاد

غرااام برجفه و دموعها بعينها : م ما أقدر
أ أنزلها من الد الدرج

تقدم تركي ومسك مشاعل ونزلها مع غرام وطلعوا من البيت وصعدوها السياره خلوها تمدد على الكشن إللي ورا و إستحت غرام تركب قدام فوقفت على الرصيف

ركب تركي صوب إللي يسوق ولف وراه لقى مشاعل متمدده وغرام على الباب

تركي : يا إستاذه غرام تبين بطاقة دعوه عشان تركبييين
غرام : م مافي مكان
تركي برود واضح : تعالي قدام
غرام : م مابي
تركي : خلاص وخري من الباب وسكريه بروح المستشفى
غرام : و خ خالتي بكون م معاه
تركي بعصبيه ونفاذ صبر : ترى أقسم بالله ماني فاضيلش بتركبين إركبي قدام ولا روحي إدبه
غرام : لا تصارخ علي ...
تركي : و أصارخ على امش بعد يلا وخري وسكري الباب
غرام : أنت لييه كذاا
تركي : أنا كذاا
غرام : خلاص نزل خالتي باخذ تا*** وبروح أنا وياها
تركي : بتركبييين ولا شلووون
و داس تركي بالبانزين شووي وتقدمت السياره
غرام بخوف ورجفه :ا خلاص بركب
وفتحت غرام الباب إللي جمب تركي وركبت جمبه وتفكيرهااااا كله بخالتهاا وكانت حاقده على تركي
وتركي كان يدور أقرب مستشفى عشان يدخل من عند الطوارئ وكان معصب على غرام ولا وده يشوفها


وصلوا المستشفى ونزلوا بسرعه

تركي : لو سمحت هاات كرسي بسرعه
العامل : إنشاءالله بابا


جاب العامل كرسي ونزلو خالتهم

ودخلو على الطوارئ بسرعه


الدكتوور : يا سستر العنااايه بسرعه
غرام وهي تبكي : ليه دكتور عسى ما شر
الدكتور : المره مو قاعده تنفس لازم نقلها للعنايه بسرعه
غرام إمسكت إيد الدكتوور : دكتور طلبتك تصرف سو أي شي بس خالتي لا تروح
إخذ أي شي مني جهازي التنفسي أي شي بس خلوها تنفس طلبتك دكتور

شبت الغيييييره عند تركي بس طبعا كان يكابر ومسك إيد غرام وقالها : فكي إيده

غراام ما كانت بوعيهاا ومن بين دموعها تقول : تركي الدكتور يكذب علي صح الدكتور ما قال إن خالتي ما تنفس هو قبل شوي قال خالتي طيبه وبخيير بنرخص لهاا صح ولا لأ

تركي ما عرف شلون يرد عليهااا بس إللي عرف يسوييه إنه هد إيدها وقف ورا الطوفه


ترررركي يالله حيه

لف تركي على إللي ناداه وإنصدم كان واحد معاه بالمدرسه

تركي بإرتباك : هلا محمد
محمد : هلابك كيف الحال
تركي : طيب طاب حالك
محمد : شخبار النتايج
تركي : د دور ثاني
محمد : الله يعينك عسى ماشر بالمستشفى
تركي : لا ب بس الأهل تعبانين
محمد : إيه ما يشوفون شر يلا تبي شي
تركي : لأ

طلع محمد من المستشفى وهو مستغرب : أي أهل أنا إللي أعرفه إن تركي ساكن مع جدته بس هالبنت المزيونه إللي معه شتطلع


تركي إنصدم من محمد لأن شافه وشاف غراااام جمبه وخاف من ردة فعله أو إن محمد ياخذ عنه فكره



طلعو مشاعل من غرفة الطوارئ إلى غرفة العنايه المركزه


وتركي وغرام وراهم

قعد تركي على كراسي الإنتظار وغرام واقفه إما رايحه ولا جااايه

تركي : ترى راسي خلقه يعورني إقعدي لا تفرين راسي
غرام : أنت أصلا ما عندك لا قلب ولا إحساس ما تحس
تركي بعصبيه من إسلوب غرام : خليت القلب والإحساس لش يأم قلب وإحساس
مرهف


طوووووط طووووط


دق تليفون تركي

دنيتي
يتصل بك


تركي : هلا يما
الجده : وووينك
تركي : إنتي مو طاردتني من البيت
الجده : ياولدي قهرتني أنا أبيك تنجح وأنت جايبلي ثلاث
تركي : خلاص صار إللي صار
الجده : طيب ماتبي غدا
تركي : لا ماني مشتهي
الجده : أفااا ... طيب بحطك
تركي : لا لتحطيلي تغدي ماعليش مني ... يما أكلمش بعدين جاني خط


تركي إنصدم من الخط إللي جاه

هذا آخر واحد توقعه يدق علييه

تركي : هلا عمي
فهد : شلونك ؟
تركي : طيب طال عمرك
فهد : شلون جدتك ؟
تركي : بخير وعافيه
فهد : إنتو عادكم بيت إبوي ماغيرتوه
تركي : لأ
فهد : خلاص عط امي خبر إني جايها
تركي : طيب بس أنا مو في البيت عندي شغل برا البيت ويمكن أطول
فهد : يكون أحسسن

ويسكر فهد في وجه تركي

حقد تركي عليييييه كان بدق على جدته ويقولها إن ولدها فهد بيجها بس الدكتور طلع من العناايه


غرااام : ها د دكتور بشر شخبار خا خالتي
الدكتور : البقاء لله
تركي : شنووو
الدكتور : إللي علينا سويناه بس المرأه توفت وأصلا المره متوفيه من جبتوها لنا حاولنا إن نخليها إتنفس لكن مافي فايده


طاحت غرام على الأرض : كذاااااااب كذاااااب خالتي ما مااات خالتي حيييه كذااااب هذا بس يبي يقهرني يكذب يكذب هذا أصلااا مو دكتوور ما يعرف شي جاايبينه من الشاااارع أصلاا هذاا دكتوور بيطري يعاالج حيواانااات وااجد عليييه

تركي مسك غرام وقومها : إستغفري ربش هذا يومهاا كل نفسن ذائقة الموت والموت حق

غرام كانت تبي إطيح في حضن أحد حضن دافي يقولها إن خالتهاا حيه وتنطرها بالبيت

بس هي ماعندهاا أحد في هالدنياا إلا خالتهاا ورااحت

لقت تركي قدامهااا

ضمت غرام تركي حييييل وقامت تصيييييح

تركي إنحررررج و قال : غراام بعدي عني تراني ماني محرم لش عشان تضميني كذااا


غرااام ماا كاانت مستوعبه إللي يصيير كانت تحااول تكذب إللي سمعته من الدكتور ماكانت بوعيها ولا إنتبهت لتركي شقااال لكنها صااااارخت صرررررخه هزت الممر
وهزت المستشفى بكبرره وطاااحت على الأرض

دخلوهاا الدكااتره الغرفه وعطوها أبر مهدئه عشاان تهدأ وفهموهاا إن الموت طريق راح نمشي في كلناا

بعد ربع ساعه

طلع من المستشفى وخذا غرام معه وراح بيته وغرام كانت منهاره على الآخر

تركي : إنزلي
غرام : أبي خالتي ردني لها ما أقدر أعيش من غيرهاا ردني لها ولا إحفر قبري جمبها أنا راضيه إنك تحفرني وأنا حيييه وربي رااضيه
تركي : إذكري الله وإنزلي عند جدتي على ما أروح المستشفى و أخلص أوراق الوفااااه

نزلت غرام وهي مو مستوعبه إللي صار


معقوووله خلاص ماراح أشوفهااا مره ثاانيه ماتت
إي ماتت أجل شمصلحة الدكتور يقص علي
وتركي قال بسوي أوراق الوفاااه

بس لا ما ماتت يكذبوون إي كلهم يكذبوون بس يبون يقهرووني أي أدري يبوون يقهرووني

يا موت تكفى رجع إللي أخذته
الصاحب إللي طيبته تبري الروح
شف حالتي ياموت جسمي نحلته
خله معي ياموت لو يوم و يروح
وين الصبر ياناس مشاعل فقدتها
راح الوفا راح الحب راحت الروح
وين الصبر ياناس قلبي فقدته
وشلي بدنيا مابها ضحك ومزوح
يبوني أنسى شخص مبطي سكنته
وهو سكني وصرنا إثنين في روح
مرحوم يا شخص عزيز خسرته
راح وتركني وحالي بالحيل مجروح
يهل دمع العين لامن ذكرته
طيفه معي من وين لاجيت و أروح
وصيتي يا تركي لو مت قبري دخلته
حطوني بجنبه من دون البكا والنوح
لاتذرفون الدمع كاني وصلته
خلوني بجنبه أسد جرح مفتوح


نزلت غرام عند جدة تركي

وراح تركي يخلص أوراق الوفاااه


عايشه : ماما في بنيه يدق جررس
الجده : ناديها خاف إنها شهد بنت ام شهد جيرانا


فتحت عايشه الباب لغرام ودخلت

الجده : غراااام هلا ببنيتي حياش الله
غرام : .....
الجده : يما شفيش ... فيش شي خالتش فيها شي ؟
غرام : خ خال خالتي
الجده : شفيهااا يماا
غرام : راحت
الجده : وين راحت
غرام : تحت
الجده مستغربه : وييين تحت
غرام : أ أ ألقبر
الجده : شنوووو
متأكده إنتي

غرام طاحت بحضن جدة تركي و هي
تبكي : إي مااتت وربي مااتت الدكتوور قالي إنهاا خلاص ماتت مراح أشوفهاا مره ثاانيه تعرفين شنو يعني مااتت يعني خلااص بعيش بروحي في هالدنياا خلااص أنا ضعت ضعت أنا من عقبها ولا شي





أصعب شعور إنك تفاااارق إنسان أنت ويااه عااايشين بروحكم تحت سقف واااحد و مااالكم غييير بعض و فجأه وااااحد يرووح شلوون الثاني وهو بعز شبااابه يكمل باقي طرريقه

من يعوض غيابك لاخذاك البعد عنيْ
أمة آدم في غيابك ماتساوي شي والله



خلص تركي أوراق الوفاه وحطوا مشاعل بثلاجة الموتى وقالو بكره دفنها


راح تركي البيت وهو نازل من السياره
إلا عمه فهد صااافط

فهد : ويين إللي عنده شغل
تركي وهو مرتبك من عمه عشان لا يدري إن غرام داخل : خلااص خلصته

وحاول تركي إنه يمشي بسرعه ويدخل داخل قبل عمه

دخل تركي لقى غرام نايمه بحضن جدته

الجده : يماا تركي إلحق علي مشاعل خالة غرام توفت
تركي : يما أدري و مو وقته هالكلام عمي فهد برااا
الجده وهي منصدمه : فهد شجاايبه
تركي : مدري أنا باخذ غرام فوق ولا تجيبين له طاري عنها

قوم تركي غرااام وصعدها فوق دخل غرفته وقالها : نامي على سريري أنا بنزل عندي ضيف وبجييش

غرام مو مستوعبه شي وطاحت على فراش وغمضت عينهاا وناامت من التعب

طفا تركي إلليت ونزل عند عمه

الجده : إي طلعت نتايجه اليوم
فهد : وش نتيجته أقص إيدي إذا كان ناجح طول عمره فاشل نفس إبوه
الجده بعصبيه : إذكروا محاسن موتاكم

تركي : السلام عليكم
فهد : وعليكم السلام ... أقول يما تراني مستعجل و أنا جايش أبيش بموضوع
الجده في قلبها : الله يستر منك إنت ماتجيني إلا وراك مصايب وماتذكرني إلا إذا تبيييه فلوس مع إن فلوسك أكثر من فلوسنا
الجده : ها وش موضوعك
صب تركي قهوه حق عمه
فهد خذا الفنجال من تركي وقال : ناخيك ياولد إخوي ما أشرب فنجالك وأنا في بيتك إلا وأنت قايلي تم
تركي بتعب من اليوم المتعب إللي مر علييه وحزن على مشاعل : تاامر على جثتي ياعم إطلب إللي تبيييه
فهد : أنا حاط عيني على بنت صغيره وماعندها إلا أبووو وإبوهاا تاجر وفلوسه
واااجد وهو ألحيين في مرض والإبو كاتب كل شي بسم بنته فأنا بغيتك تتزوج هالبنت عشان لا مات إبوها تورث الفلوس
و تعطيني إياه عشان أخشهااا لك لا كبرت
الجده بعصبييييه واضحه وبصوت عالي : شنووووو تركي بزر ولاني مزوجته والحمدالله مستوررييين ولا نبي فلوس عشان نورث خلق الله
فهد بحقد : وليش الولد ماله راااي
ولف على تركي : ها شراايك
تركي : إللي تشوفه يا عمي
فهد إلا ما قدر يخفي إبتسامته وفرحته واضحه من عيونه : فدييتك ياولد إخووي أصييييل والله أصييييييل

وطلع فهد من البيت وهو عند الباب : تركي إحسب إحسابك بكره بنروح نخطب


وطلع فهد من البيت

الجده وهي ماسكه أعصابها : وش سوييت
تركي : ما سويييت شي
الجده وهي رافعه صوتها : عاجبك إللي سويته
تركي : شسويت ما سويت شي غلط رجال جايني في بيتي وحالف ما يشرب فنجالي إذا رديته تبيني أرده ليه كمخه أنا والله لونه طالب جثتي في وقتها عطييييته
الجده : أقسم بالله إنك منت بصاحي ولا تعرف مصلحتك أنت بزر شتبي بوحده تخطبها وأنت توك بالمدرسه
تركي : لو إنها خدامه باخذها قلت لش الرجال طلبني وفي بيتي خلاص سكري الموضوع

صعد تركي لغرام ودخل لقاها قاعده

قعد جمبها وقال : يا غرام خلي إيمانش بالله قوي كلن يموت بيومه ترى الدنيا مراح توقف إذا أحد مات أو أحد حيااا الدنياا ماشيه تعوذي من إبليس وإمسكي نفسش وراش عزا ثلاث أياام وربي يقول : (( وبشر الصابرين الذين إذا أصابتهم مصيبه قالوا إنا لله وإنا إليه راجعون أؤلك عليهم صلوات من ربهم ورحمه وأؤلئك هم المهتدين )) البقره ١٥٥-١٥٧ و يمكن موت خالتش ألحيين خيره لش من إنهاا عايشه

ماردت علييييه غرام لأنها تحاول تقنع نفسها إنها كانت في حلم وإن خالتها ما ماتت

حط تركي إيده على راسها وقعد يقرا عليهااا

فجأه تكلمت غرام

غرام : أبي أقعد عندك
تركي منصدم : شلون تقعدين عندي مايصير العزا لازم يصير بيتكم
غرام : تركي أنا ما أعرف أحد غيرك ومنو بيجي عزانا حنا مانعرف أحد حنا حتى العيد نعيد بيتناا
تركي : بس مايصير تقعدييين عندي شتبين الناس يقولون
غرام : أجل تبيني أعيش بيت بروحي عشان الناس ما يتكلمون فيني أنا ماهمني كلام الناس
تركي : مايصير مايهمش كلام الناس إنتي عايشه بينهم
غرام : قوول إنك ماتبيني و خلاااص
تركي : أنا أبي مصلحتش ولا أبي الناس يسولفون فييش


نزلت غرام بسرعه تحت للجدة تركي

الجده ودموعها بعينها من موقف تركي وفهد : صح النوم فديتش

وحاولت تخفي دموعها

غرام : أنا طالعه تبين شي
الجده : وييين رايحه وإنتي ماعندش أحد
غرام بعصبيه : الشااااارع
الجده : إنتي صاحيه إقعدي عندنا اليوم وعيني من الله خييير
غرام : بخلي عندي باقي كرامه وأطلع بنفسي

وركضت غرام صوب الباااب


تركي : وووووقفي

لفت غرام لتركي : شتبي طرده وطردتني
تركي : ما طردتش إنتي شفيش ؟
غرام : أجل شتسمي الكلام إللي قلته لي فوق
تركي : حق
غرام : طيب فمااان الله
تركي : إصبرررري ويييييين رااايحه
غرام : إنت مو تقوول روحي بيتكم هذا أنا بروح بيتنااا
تركي : من إللي بودييش
غرام : رجولي
تركي : تعوذي من إبليس وتعالي إركبي معاي

وطلعت غرام ولحقها تركي


الجده طاحت على الغنفه تبكي من أشياااء وااجد من خطبة تركي بكره ومن موت مشاعل الفجأه ومن غرام إللي شلون بتعييش حياتها

مصايب بسرعه جاااات وحده ورا الثانييييه لكن يمكن تكون خييييييره لهم


الجزء الثاني عشرآ:

في السيااره بعد هدووء وصمت

غرام : إنت إنساان حقييييير
إنصدم تركي وحس إن الكلمه طالعه من قلبهاا فحب هو يطلع إللي بقلبه
تركي : وإنتي إنسانه أحقررر

غرام : ما أتوقع في أحقر منك
تخيل لما وحده تحب لها وااحد وماتشوف بالدنيا غيره فجأه تحتاااجه ويكون أول طلب تطلب منه و يجيها بكل برووود ويقعد يصارخ عليهااا بعدين تقعد هالوحده بروحهااا ما عاد يبقالها في هالدنيا شي إللي كانت عندها ورااحت تروح للي تحبه عقب كل إللي سواه فيهاا وتقول محتاجتلك
تدري شقالهااا : روحي بيتكم مالي خلق كلاام الناس
إنت شنوو من بشر شنو من إنساان حراام عليك أنا مالي سند في هالدنياا أنا مقطوعه من الشجره ليتني أنا إللي مت مو خالتي ليتني ولد مو بنت كاان دبررت عمري وإختفى صوتها من البكي

تركي : خلصتي

غرام من بين البكي وشهقاتهااا : ما أبي أسمع صوتك

تركي : طيب شرايش بواحد يحبله وحده دق عليها يبشرها بنسبتها يوم درت سكرت في وجها والولد هذاا ما يداني أحد يسكر بوجها فما بالس لا طلعت البنت إللي يحبها وفوق هذا كله إطلبته وراحلها وقف معها حتى بموت خالتهاا وفوق هذا كله يبي مصلحتها ومايبي الناس يتكلموون فيهاا فقالها إقعدي بيتكم عشان محد يتكلم فيهااا وعقب هذا كله تلووومه



بعد صمت طوييييل


تركي : وصلنا بيتكم إقعدي إهني ثلاث أيام يمكن يجيكم أحد يعزي وترا بكره بيحطون إسمها بالجريده


مرت ثلاث أيام على غرام كأنها ثلاث سنين


جوهم ناس يعزون وكانو أغلبيتهم جيرانهم وربع مشاعل بدوام وربع غرام بالمدرسه
كان طول أيام العزا واقفه معاها جدة تركي و غاليه رفيقة مشاعل ورهف رفيقتها


عزا الرياجيل كان شبه فاضي بس جيرانهم إللي جو وكان تركي هو إللي يستقبلهم


والخطبه تأجلت إلى بعد إسبوع لأن فهد إنشغل شووي بأوراق طلاق مرته

كان فهد دايما يتزوج و يتطلق لأنه فلوسه واااجد وكانت كلهااا فلوس أبو تركي بس يوم مات أبو تركي خذا فهد عم تركي كل الفلوس و قال : بخليها عندي لين يكبرر تركي

بعد ماخلص العزا

رهف كان ودها إن غرام تسكن عندها لأن رهف إبروحها بالبيت مع إبوها بس غرام مارضت عشان إبوها بالبيت ورهف ماكان ودها تخلي غرام بروحها بالبيت ودها تسكن عندها على طول بس ماتقدر تخلي إبوها بروحه

في بيت تركي

الجده : أنا ودي إن غرام تسكن عندنا
تركي : يماا من جدش ماله داعي تسكن عندنا شتبين الناس يقولون
الجده : حرااام مالها أحد ولا لها سند
تركي : عشان بكره الناس يقولون شوفو جدة تركي مسكنه بنت غريبه في بيتها وهي عندها ولد كبييييير
الجده : أجل وييين ترووح
تركي : تقعد بيتهم وإنتي زوريها كل يوم وأنا بشوف إذا ناقصها شي جبته لها و بس
الجده : الله يعينها ضاعت من عقب موت خالتها


دق تركي على خالد

خالد : آرررررحب بو جاسم
تركي : تبقى طال عمرك شحالك
خالد : يجمل حالك إنت شحالك عساك طييب
تركي : الله يسلمك فديتك أقوول مرني أبييك ضروري
خالد : عسى ماشر
تركي : خييييير إنشاءالله بس إنت مرني وبتعرف كل شي
خالد : صااار فماان الله
تركي : فمان الكريم



بعد ساعه في القهوه

خالد : طول السياره وأنت ساكت تكلم وش عندك
تركي : مشاعل
خالد : أي مشاعل
تركي : مشاعل خالة غرام
خالد : غرام مغيرها
تركي : إي
خالد : شفيها
تركي : توفت
خالد : شلون متى ويييين ...
تركي : طرشت لي مسج غرام إن خالتها طايحه يوم رحت لغراام و وديناها المستشفى إلا هي ميته
خالد : لا حول ولا قوة إلا بالله
تركي : وأنا ألحين متوهق في غرام
خالد : شلون متوهق فيهاا
تركي : البنت مالهاا غيري وتبي تسكن عندنا و أنا ما أقدر أسكنها عندي ماني ناقص كلام الناس والبنت أنا للحين أكلمها وكل ما كلمتها تكسر خاطري تحسسني إن مالها غيري وأنا ما أقدر أسكنها عندي ولا أقدر أسوي شي ودي أخليها ونتفرق هي بالطريق وأنا بالطريق عشان ماتعلق فيني أكثر وربي إني أحبها ومتعلق فيها بس هذا كله لمصلحتها
خالد : والله كلامك عدل بس أنت بتقدر على فرقاها
تركي : بحاول
خالد : والله مدري شقولك توكل على الله

ثاني يوم

طوووووط طووووووط

كانت غرام إدق على تركي

تركي : هلا غرام
غرام : .....
تركي : ألوووو
غرام : .....
تركي : غرام ردي فيش شي
غرام : .....
تركي : غرااام يرحم آمش ردي تراني على أعصابي
غرام : لهدرجه أهمك
تركي : وإنتي داقه تبين تحرقين أعصابي
غرام : لا بس ...
تركي : بس شنوو
غرام : إش إشتقتلك
تركي : تشتاقلش العافييه أقول غرام ممكن طلب وماتردييني
غرام : تآمر على عيوني
تركي : إنسيني وكملي طريقش بدوني


وسكر وطلع من البيت


غرام منصدمه مو مستوعبه آخر كلمه قالهاا لا أكييد يتهيألي
لا بس قالهاا إي قالهاا قال إنسيني يعني شنو أنساه شلوون أنسااه وين أنساااه متى أنسااااه لحظه هذا شيخربط

دقت عليييه مارد

طرشت له مسج

شنو يعني أنسااك ؟

رد عليهااا
( ماكان ودي أقول إللي قلته ولا أسويه بس مضطر الدنيااا مو راضيه نكمل مع بعض فمن ألحييين كل واحد بطريقه أحسن )

تركي كاان يحب غرام بس موت خالتها منعه يكمل حبه لأنه لو كمل معاها بتحسسه إن مالهاا غيره وإنه هو سندهاا الوحييد وهو مايقدر يسكنها عنده عشاان كلام النااس فكر بعقله ودرا إللي سوااه راح يضايق غراام وحاول يضغط على قلبه وشوقه لغرام لمصلحتها ولمصلحته


غراام مو مستوعبه شي

مر يومين كان تفكييره في غرام هو ماينكر إنه يحبهاا بس ما يقدر يكمل معاها


طرش لها مسج

شخبارش في هاليومين إنشاءلله نفسيتش تماام على العموم أتمنى إنش فكرتي في إللي قلته أنا أحبش بس ما أقدر أكمل معش
فكري بعقلش ولا تفكرين بقلبش إعتبرييينا
ربع أو إخوان و خلي رقمش عندي أي مساعده أنا موجود ...اخووش تركي العجمي ...
غرام إنهاارت يوم قرت المسج

ردت عليه بعد ساعه من البكي

خاب الرجا في فزعة فلان و فلان
وأكبر ضنوني تحتضر من قهرها
أصحاب لكن بعض الأحيان عدوان
لا شاف زله من خويه ذكرها
هذا وأنا والله أسميهم إخوان
دنيه رديه وأردي منها بشرها


رد عليهاا

( هذا إنتي قلتيها دنيا رديه هي إللي أجبرتني أخليش و لا لو علي ما خليتش حبنا كان شريييف وصح بس الدنياا غلط ما تبي شي صح لو حنا نحب بعض عشان غرض ولا مصلحه كان جمعتنا الدنيا ولا فرقتنا بس هذا طبع دنيانا.. لأن نحب بعضنا صح وحبناا شفاف وشريف فرقتنااا على العموم بنصير أقوى من الدنيا وبنكمل حياتنا وحنا نضحك كملي حياتش وماعليش مني و أقسم بالله إللي أسويه غصبن عني وماودي فيييه بس كلهاا عشانش ودوسي على قلبش وإنسيني ترى صدقيني يمكن خيره وربي يقول : وعسى أن تكرهوا شيئا وهو خيرا لكم وعسى أن تحبوا شيئا وهو شر لكم والله يعلم وأنتم لا تعلمون )

إخوش : تركي العجمي


ردت علييييه وهي تبكي

( ممكن الصداااقه والإخوه تتحول إلى الحب
لكن الحب مستحييييييييييييييييل يتحول إلى صداقه وإخوه )


كان بيرد تركي بس دق فهد عليه


فهد : هلا بالغااااااالي ولد الغااااااالي
تركي : هلاا عمي
فهد : هااا زاهب
تركي : إنشاءالله
فهد : آمرك ألحييين
تركي : إللي ريحيك
فهد : يلا فمااان الله

الجده : منوو تكلم
تركي : عمي فهد
الجده : لحووول شيبي هذا
تركي : يبينا نروح للعرب نخطب
الجده : حراااام عليك تضييع مستقبلك مع وحده عشان فلوس إبوهاا أصلا عمرك مو عمر زوااااج
تركي وهو واقف: مابي أتكلم بهالموضوع عن إذنش يما

طلع تركي وهو مو عارف شيسوي مع عمه أو مع غرام بس إللي شجعه على الخطبه إنه يمكن لا تزوج ينسى غرام ويخلي غرام تنساه


رااح تركي محل زينة سيارات وشرا بيت شعر وعلقه على سيارته من ورا


ليت ربي ما خلق حب وفراااق
ولا خلق حبن على غير فرقاا
طرش لغرام مسج

( تبي تشوف أشجع رجل في حياتك
شفني وأنا مقفي على كثر ما أغلييييك

غرام صدقيني حبناا صاادق بس وقتنا كذااااب )













ردت عليييييه

علمتني وشلون أحبك
علمني و شلون أنساك


الجزء الثالث عشر :

في بيت أبو رهف

فهد : والله يابو رهف حنا جايينك اليوم نخطب بنتك رهف لولدناا تركي
أبو رهف : ونعم فيك يا فهد وفي تركي بس أنا ماني بخابر إن عندي بناات للزواج
فهد : وأنا خبري إن ماعندك إلا بنت وحده ونبيها لولدنا
أبو رهف : صادق يا إخوي ماعندي إلا بنت وحده بس مهي في سن زوااج
فهد بكل خبث : وليه الزواج له سن محدد ترا هي مالها غيرك وأنت منت بدايملهاا والبنت ترى مهي بداايم نتخطب توكل على الله

أبو رهف كاان متردد بس حس إن كلمة فهد جااات على الجرح ( أنت منت بدايم لها )

وتذكر يوم قالها الدكتور : يا أبو رهف الورم إللي في راسك صعب إستئصاله لأنه وصل إلى أخطر مرحله والعد التنازلي لعمرك بدا

أبو رهف بعد صمت : توكل على الله يا فهد بس نبي العرس في هالشهر خبرك أبي أفرح في بنتي قبل موتي
فهد إللي مقدر يخفي فرحته : بعد عمرن طوييل إنشاءالله

في نفس البيت بعد ماراحوا فهد وتركي وبالتحديد في الصاله

رهف : ليييييييييه يباا سويت كذاا
أبو رهف : لا تلوميني أنتي تدرين بمرضي والمشكله إنج بنت منتي ولد عشان إدبرين عمرج بعد موتي وأنا مراح أدوملج
رهف : يبا محد بيموت قبل يومه
أبو رهف : يارهف يابنتي إذا كنتي تعزيني تزوجيييه أنا أبيج تروحين لواحد أنا أعرفه وتركي خوش وااحد وأبوها من أحسن الرياجيل لكن الله خذا أماانته
رهف : مستحييييييييييييييييل أتزوج وأنا بهالعمر حتى ما كملت ١٧ لا وآخذ واااحد كبرري مستحييييل

وركضت رهف فوووق وهي منهااره على الآخر وتبكي

أبو رهف في قلبه : الله يهديج يابنتي إنتي مو حاسه فيني أنا كل يوم أتعذب وإنتي السبه يومي قررب وإنتي ماعندج إلا خواالج من عقبي وخوالج قاطعييين فيييج وتبيني أرفض هالمعرس بتتزوجينه يعني بتتزوجينه


بعد إسبوع


في بيت ام شهد
الساعه ٦,٣٠م

شهد : يمااا زهقاانه أبي أطلع يكفي إن هالصيف ما سافرناا
ام شهد : بننطر معاش أبوج لا نزل بعد بكره طلعناا
شهد : شصبرني لبعد بكره أبي أطلع اليووم
ام شهد : وين تبين تروحين هالحزه
شهد : أبي أشوف تركي
ام شهد : يا هالتركي إللي جننتينه فيييه مو من زينه عااد
شهد : شنووووو كل هالزين وتقولين مو من زينه يما إنتي شاايفه جسمه شاايفه كبر عيونه شايفه رموشه الطوال
ام شهد : ......
شهد : يماااااا
ام شهد : صمااا
شهد وهي تتذكر : لحظه لحظه إنتي وعدتيني
ام شهد وهي تقلب قنوات التلفزيون : أي وعد
شهد : إنج تخليينه يحبني مثل ما أحبه

ام شهد وهي تفكر وبعد صمت طوييل قالت : قومي إلبسي نروح لجدة تركي بسرعه

شهد ماصدقت إللي سمعته وراحت بسرعه تلبس


في المستشفى
الساعه ٧.٠٠

الدكتور : والله أبوكي حالتوا خطيرره أوي أوي ودي إلوأتي هو في غيبوبه مانعرفش هو بيصحى ولا لأ

مختصر للساعتين إللي طافو

طااح أبو رهف على الأرض نقلته بنته بسرعه للمستشفى مع جيرانهم وكان أبو رهف يتنفس بصعوبه ويكلم رهف ويقولوها لا تتزوجيين إلا تركي

رهف كان تفكييره بس إبوهاا وكانت تبي تهديه فقاعد تقوول إنشاءالله بتقوم بالسلامه وبتحضر عرسي أنا وتركي

إبتسم الإبو بعد كلام بنته وحس برااحه كبيره إن بنته في إيدي أميينه وغااب في غيبوبته


بالنفس الوقت في بيت تركي

ام شهد وهي منصدمه : شنوووووو
شهد وإللي تحس إن حلمها تبخر : مستحييييييل لا توافقين
الجده بصوت تعبان : أنا من يوم خطبته ماكلمته لاهو ولا عمه لاشفت تركي أصد منه والله بيموتني هالولد
ام شهد بخبث : إنتي كذا تضيعين مستقبل ولدج قوليله إن تزوجتها لا إنت ولدي ولا أعررفك عشاان يهوون
الجدة: أنا ما أشوف في هالدنيا إلا تركي ولا أقدر أقوله هالكلام لو شيسوي
شهد إللي كانت منهاره من الداخل من حلم حياتها إللي تبخر : طيب منو هالبنت
الجده : بنت أبو رهف إللي في شارع ٧ إللي بيتهم مقابل المكتبه التاجر إللي ماعنده غير هالبنت
شهد عرفت البنت لأنها معاها بالمدرسه وبنفس دفعتها وتعرف عنها إنها مؤدبه ومحترررمه وخلوقه بس قالت بكل خبث اورثته من أمها : لاااااا تدرين هذي معااي بالمدرسه ومو مظبوطه ولاهي بمحترمه وماتستحي على وجهاا شلون ياخذها تركي
الجده وهي مصدومه : شنووو ياويل حالي عليك ياااتركي


في ديوانيه خالد

أنت مجنوووووووون

تركي : لا صاحي وبكامل قواي العقليه
خالد : لا والله مجنووون
تركي : أنا جاييك أبيك تخفف علي مو تزيد همي البنت دقت على عمي وقالت إنها موافقه وإن إبوها في غيبوبه


وطبعاا رهف ماكانت رااضيه بهالزوااج لكنها وافقت عشاان إبوهااا بس

خالد : بسيطه قول لعمك مابي أتزوجهاا
تركي : أقولك الرجال ناخيني تدري شنو يعني ناخيني وتبيني أرده ليه مجنوون
خالد : يعني إللي سويته ما يثبت إنك مجنون
إلا مجنون مع أرقى مرتبة شرررف ولا في واحد عمه يوم مات إبوه خذا كل فلوسه وقطه عند جدته ولعب بفلوسه لعب يتزوج ويطلق في اليوم سبع ويقوله أنا خاش فلوسك لين تكبر وبعدين يقوله تعال تزوج وحده إبوها بيموت عشان فلوس وإبوهااا وتواافق تضيع دراستك ومستقبلك ومراهقتك وهذي أهم شي وتتزوج وإنت بهالعمر إلا مجنووون و مجنوون
تركي وهو زهقان : طيب وش شورك
خالد : كانك بتاخذ شوري كنسل الخطبه وكمل دراستك وما باقيلك إلا سنتين وتخرج وإدرس سنتين دبلوم وتوظف وحزتهاا تزوج وفرح جدته قد عمرك عشرين أو واحد عشررين
تركي وهو قايم : عن إذنك
خالد : شكل كلامي ماعجبك
تركي : إلا زهقت من الموضوع

وطلع تركي وحس إن الدنياا مو شايلته ومتضاااايق

طلع تليفونه قعد يتعبث فيييه ولاشعوري دق على غرام

غرام بصوت تعبان : خييييير
تركي : غرام محتاجش
غرام : آسفه
تركي بحزن : أهوون عليييش
غرام : إي مثل ماهنت عليك وتخليت عني في الوقت إللي محتاجتك فيه فتهون علي
تركي : طيب عادي أمرش
غرام : لأ
تركي : طلبتش وربي محتاجش وأبي أكلمش موضوع أحس إني مو قادر أفكر

غرام إللي كانت مشتاقه لتركي وحست إن الشوق طفا وإرتاحت يوم سمعت صوته لكنه كااانت تكاااابر لأنه تخلى عنه وهي محتاجته

غرام : ماشي يا أخ تركي بصير أحس منك وبستقبلك بما إنك محتاجني ومراح أصير حقيره مثلك وأتخلى عنك مثل ماتخليت عني

تركي إنحرج وحززن بس شيسوي كل إللي سواه مو بيده

تركي بتعب : أوكي أنا جايش


في ام شهد

شهد : يماااا مايصير كذااا وربي قهر تصرفي بسرعه تركي ماياخذ رهف يعني ما ياخذ رهف
ام شهد بعصبيه : إي خلاص إنطمي قاعده أفكر

بعد صمت عشر دقاااايق

ام شهد : لقييتهاااا
شهد بلهفه : شنووووو يماا
ام شهد : إنتي تقولين رهف معاكم بالمدرسه صح
شهد : إي
ام شهد بخبث : تقدرين تجيبين رقمها ؟
شهد : ليييش يماا
ام شهد : بلا لقافه تقدرين ولا لا
شهد : ماعندي رقمهاا بس أعرف رقم رفيقتها
ام شهد : خلاص بسرعه دقي عليها وإخذي رقم رهف


في الشارع العام وهو يسوق سيارته دق تليفونه

تركي وماله خلق أحد : هلا
الجده : تررركي يماا تعاال بسرعه أبيك
تركي : يما أنا برح لرفيقي ولا طلعت منه بجيش
الجده : لا فديتك تعااال ألحيين ضروري
تركي : شنو هالشي الضروري
الجده : ررررهف
تركي منصدم : شفيهااا
الجده : شهد بنت ام شهد جارتنا طلعت تعرف رهف معاها بالمدرسه وماتمدحها وتقول عنها كلاام ماينقااال
تركي إنصدم وحس إن بدا يفكر ألحين

سكر تركي من جدته وهو يحس إنه صدق راح يتزوج إي صح بتزوج باخذ رهف بتصير أم لعيالي وأهلها خوال عيالي أنا راح أتزوج وحده مو مضبوطه إي صح جدتي قالت بكره عيالي تطلع هذي أمهم

من كثر التفكير طرش مسج لعمه

(( عمي رهف أنا بعيش معاها على طول ))

رد عمه

(( لا حبيبي لا مات إبوها وخذيت فلوسها طلقها وقطها بالشارع ))

تركي إنصدم شهالقساوه إللي على عمه
شلون أطلقها وهي ماعندها غيري لا مستحييييل لا تزوجتها بعيش معاها لااا أعيش مع وحده مو مضبووطه

قطع تفكيره إن وصل بيت غرااام حس بشوق ولهفه كان ميت بشوفها يبي يفضفض لحد


طووووووط طوووووووط

جرس بيت غرام يدق

غرام بعباتها وشيلتها فتحت الباب
طاحت عينها بعين تركي
دقيقتين سرحانين في عيون بعض من غير أي صووت

تذكر غراااام تذكر مشاااااعل هي إللي خلته يوصل لحلم حياته غرام تذكر أيااام قبل تذكر يوم زعلت وجاها بيتهاا يراضيهااا

مازلت أعزك و أكتم الشوق بالجوف
ولازلت أعيش الشوق وأشتاق وأغليك

غرام من بعد سرحان : حيااااك بالصااله

دخل تركي الصاله وقعد على الغنفه

غرام : إسمحلي الثلاجه فاضيه فما عندي شي أقدمه لك
تركي : ليه ماقلت لي إنها فاضيه
غرام : شراح تسوي لا قلت لك
تركي : أوديش الجمعيه لأن ماعندكم سايق
غرام : ماله داعي
تركي : لا له ألف داعي أجل قاعده بروحش بالبيت والثلاجه فاضيه تبين تموتين
غرام : يالييييييييييت الله يسمع منك
تركي بعصبيه : أعووذ بالله جعل يومي قبل يومش
غرام بحزن : من قلبك هالكلام
تركي : إنتي ليش مو راضيه تفهمين إني أحبش لكن الدنيا فرقتنا والله مو بيدي شي
غرام : خلاص سكر الموضوع وإدخل بموضوعك إللي جاي عشانه

تركي تردد ماعرف من وين يبدا

تركي : تذكرين عمي فهد إللي سولفت لش عنه قبل
غرام تحاول تتذكر : إي شفيييه
تركي :أي والله مادري شقولش بس هو حاط عينه على وحده أبوها تاجر بس إنه تعبان وماعنده غير هالبنت وعمي يبي يخطبها عشان فلوسها بس يوم فكر فيها قال إن إبوها مراح يواافق على عمي فختاار..
غرام : منوووو إختاااار
تركي وهو متوتر على آخر : إخ إختار أ أ
غرام : تركي شفيك تكلم
تركي غمض عينه وجمع الأحرف كله وقالها : إختاارني أنا

غرام ماستوعبت شي وقالت بكل تناحه : مافهمت

تركي : عمي إختارني أنا أتزوج البنت عشان لا مات إبوها ياخذ عمي الفلوس وبعدين يبيني أطلقها


طبعاا كانت قنبله وإنفجرت بالنسبه لغراام

غراام : يعني بتتزوج
تركي : إي بيزوجني عمي هالوحده وأنا ما أبي أظلمهاا معااي ومحتاار دوريلي حل
غرام وحاولت تخفي دموعها : بسيطه قول ما أبيها
تركي : ما أقدر أقول لعمي لأ
غرام بعصبيه : أصلا عمك إنسان حقييير و واطي شلون يرضى يسوي بالبنت كذا وياخذ فلوس إبوها ويقطها ماعنده ضمير ماعنده إحسااس مايخاف ربه بنااات النااس يرضاها لوحده من بناته
تركي : ماعنده بنااات وأنا جايش أبيش تخففين عني مو تزيديني
غرام : شخفف عنك حراام تسوي في البنت كذاا البنت مالها إلا إبوهااا قول لأ وخل عمك يسوي إللي يسويييييه
تركي : ياغرام إفهميني ما أقدر أقوله لأ والبنت ماني بظالمه بععاامله أحسن معامله بس ...
غرام بعصبيه : بس شنو لا مات إبوها بطلقهااا صح

ودق تليفوون تركي

رد تركي وهو كاره نفسه وماله خلق أحد

فهد : وييييينك إنت
تركي : عند وااحد من ربع
فهد : وييين بيته بمرك
تركي : هاا لأ أنا أنا بجيك بس بس شبغيت
فهد : أبيك ضروري يلا تعال بيت جدتك

غرام بحزن : عمك صح
تركي : إي يبيني ضروري على العموم بدق عليش اليوم بالليل وردي أوكي
غرام حست إن تركي صدق متوهق ومحتاجها ولازم تساعده

غرام : من عيوني
تركي وهو مبتسم : فديت عيونش

الجزء الرابع عشر :

في المستشفى

رهف قاعده على كراسي الإنتظار وهي تبكي

فهد وتركي وصلواا

فهد : السلام عليكم
رهف وهي منهاااره : و وعليكم السلام
فهد : مايشوف شر إنشااءالله
رهف : الشر مايجيك والدكتور يقول حالته أخطر من قبل

فهد إنقهر لأن يبي الزواج يتم قبل موت الأبو

فهد : طيب والزواج
رهف إنقهرت : إنت ماتحس أقولك إبوي حالته خطره تقولي زواج
تركي حب يتدخل : إذكري الله رهف إنشاءالله مافيه إلا العاافيه ويقوم بالسلامه وبيرد بيته طيب وأحسن من قبل بس إنتي تفائلي بالخير وتلقينه إنشاءالله هذا إمتحان لش من ربي
رهف إرتاحت من كلام تركي حست إن صدق تبي أحد يهديهااا فطالعت تركي بنظره إنها محتاجه أحد جمبهاا ودرت إن أبوها صادق يوم قال لا تاخذين إلا تركي

تركي مافهم نظرااتها


غرام كانت تبي إدق على رهف تقولها كل إللي صاار لكن دقت عليها وماردت

رهف ماردت لأنها ناسيه تليفونها بالبيت لأن الدكتور دق عليها بسرعه وقالها إن إبوهاا حالته خطره وإحذفت التليفون وبسرعه راحت الطبيب ودقت على فهد يجي

في بيت ام شهد
الساعه ١٠.٠٠م

شهد : قهرررررر قهرررررر مايصيييير يماا مايصيررر مو على كيفهم يزوجووونه
ام شهد : إنطمي بفكر
شهد : أي تفكير يما تفكيرج مافادنا بشي
ام شهد : إنزين علميني شسوي أقوله لاتزوج هذي إللي إسمها رهف وتعال تزوج بنتي
شهد إنقهرت من أمها لأنه تكلمهاا ببرود
فرااحت غرفتهاا وطرت عليهاا فكره جهنميييه وبسرعه نزلت تنفذهاا

في بيت تركي

دخل تركي البيت وحده تعبان ومرهق ولقى جدته بغرفتها نايمه كان يبي يصعد الدرج فوق بس دق تليفون البيت


تركي بصوت تعبان : ألو
شهد : هلا والله
تركي : منو
شهد : أفاا ماعرفتني أنا شهد جارتكم
تركي : هلا شهد دقي بكره لأن جدتي ألحين نايمه
شهد إنقهرت منه : منو قال بكلم جدتك
تركي : أجل
شهد : بكلمك أ أنت
تركي : آمريني إختي
شهد : بغيت أ أكلمك بموضوع فاضي ألحين
تركي : لا والله تعبان ومالي خلق أتكلم دقي بكره

وسكر السماعه ولا فكر مجرد تفكير شنو موضوع شهد
ومن كثر التعب حط راسه على السرير وناااام ونسى يدق على غراام

بالنفس الوقت في بيت غرام

كانت غرام قاعده بالصاله ومقفله كل البيبان ومسويه كابتجينو وتنطر تركي يدق

لكن خااب ظنهاا ومحد دق فقاامت تحاتييه دقت عليييه مارد وزااد توترهااا وقالت خاف فيه شي دقيت على بيتهم هم محد رد فقررت تروح بكره تشوف شفييييه

في بيت أبو خالد
الساعه ٤.٠٠م

أبو خالد : شووف يا ولدي أنا بسافر مع نوره إسبوع وبنجي أوكي
خالد ببرود : الله وياكم بس عطني فلوس لا سافرت
أبو خالد : إنشاءالله بعطيك بس دربالك على البيت لا طلعت منه قفله
خالد : وين بتسافرون
أبو خالد : أربع أيام بسوريا وثلاث أيام بتركيا
خالد : تروحون وتردون بالسلامه


في بيت تركي
الساعه ٤,٣٠م

ترررررررن ترررررررن

الجده : ياااتركي قوم إفتح الباب
تركي : يمااا راسني ذابحني خليني منسدح
الجده : عاااايشه يااا عااااايشه

عايشه وهي طالعه من المطبخ : ها ماما
الجده : ماتسمعيين الباب

راحت الخدامه وفتحت الباب

غرام : ماما تركي موجود ؟
عايشه : إي داخل

الجده : منوووو على الباب يا عايشه
عايشه : في بنيه

يوم سمع تركي إن الخدامه تقول في بنيه تذكر شهد قال خاف إنها جات يلييييييييييييل مالي خلق لها

لكن إللي شافها دخلت مو شهد كانت غرام

قام بعد ما كان منسدح وقال يالبييييييييييه


دخلت غرام وسلمت على جدة تركي

الجده : ياهلااااا ومرحباااااا يالله حي القاطعه
غرام : إلسموحه إنشغلت بالدنياا
تركي بصوت تعبان : شلونش غرام

الجده : أنت وش مقعدك معانا ماتسحي إطلع البنت بتااخذ رااحته وخلني إقعد معاها بروحنا عندنا سوالف حريم

تركي إللي إنقهر من كلام جدته وماكان وده يطلع : جده أنا تعباان وماني متحرك من مكاني بعدين أتعب زياااده ولا تبين تعبي
الجده : لا مابي تعبك بس أبيك تطلع برا مو حلوه إنت قاعد مع البنت في صاله وحده
تركي : يماا عاادي غرام ماهي بغريبه
ويلف تركي على غرام : صح

غرام ماردت كانت سرحانه بتركي من أول ما دخلت كان صوته متغير ووجه أصفر إلظاهر إنه منشول أو داشه برد

تركي : غراام شفيش أكلمش
غرام : هاا
تركي : إللي ماخذ عقلش يتهنا به
الجده : وجع وإنت شكو منو إللي ماخذ عقلهاا يلا إطلع برا وإستح على وجهك

طلع تركي وهو وماوده يطلع بس كان مغصوب لأن لو قعد ثانيه بس بتجيه العصا على راسه فطلع غرفته يغفي شوي

وقبل لا ينام طرش مسج لغرام

زرعت الشوق كله بإنتظارك ..
وأخذت الإنتظار وجيت عاني ..
نسيت الناس ... ولاعمري نسيتك ..
عجزت أنساك حتى لو ثواني ..
غيابك صعب والأصعب وجودك ..
وأنا في الحالتين أتعب وأعاني ...
"حبيبي لا تواخذني"
ولكن..
أبيك تحط نفسك مكاني..
أنا ياعمري ترى أصعب حكاية..
كتبني الوقت لكن ماقراني..
مضى عمري وتقدر تعتبرني نهاية
نهاية غريب ..في زمن ماهو زماني..
زماني راح مع نصفي..
ونصفي نسى نفسه مع الوقت ونساني..
((تعال))
وطف بيدينك حنيني..
حبيبي تملكني وأنا أشعل لك حناني..
((تعال))
وضمني ياتاج راسي..
دخيلك لاتخليني عشاني..
,,, ولو موتي دريت إنه بيدك...
أموت ألفين مرة ما كفاني..

الجده كانت تسولف مع غرام وفاتحتها بموضوع خطبة تركي وشلون إن هي متضايقه من هالخطبه لكن مافي شي بيدها وقالت لها إن البنت بياخذها تركي مو زييينه

غرام : طيب شدراكم إنها مو زينه وإنتوا ماتعرفوونها
الجده : بنت جيرانا تعرفهاا معاها بالمدرسه وماتمدحها قالت عنها كلام ما ينقال
غرام : أوكي منو هالبنت
الجده : رهف بنت التاجر إللي بيتهم في منطقتنا بس شارع ٧ إللي بيتهم مقابل مكتبه

في غرفة تركي فووق

كان يحااول ينام بس ماجاه نوم وقرر ينزل يقعد مع غرام تحت وماله شغل في جدته رضت ولا مارضت


نزل تركي و إنصدم من إللي شافه تحت

كانت في حرب بين غرااام والجده

غراام بعصبيه : حرررررام علييكم إنتووو ماتخافون ربكم تشوهون سمعة البنت وإنتو ماتعرفونها رهف أعز رفيقاتي أعرفها أكثر من عشر سنييين وأعرفها أكثر من نفسي
الجده : يابنتي مو أنا إللي قايله هالكلام بنت جارتنا قايلته
غرام بصوت عالي : تخسي بنت جيرانكم تنطق بكلمه وحده مو زيينه عن رهف رهف أحسن منها بمية مره

تركي مو مستوعب شي قرب من غرام وقالها : غررام شسالفه شفيش معصبه ماعاش من يزعلش
غرام بإستهزاء : تعااال وإسمع آخر الأخبااار
تركي : أي أخباار فهميني شسالفه
غرام ببرود : تعال إسمعهم شقولون عن رهف
تركي مو فاهم شي وإنقهر لأن غرام تتكلم ببرود فقال بعصبيه : بتفهميني السالفه ولا شلون
الجده : ياولدي إنت تعبان إهدا وأنا أفهمك السالفه
تركي وهو ماسك أعصاابه : تكلمووو إخلصو علي
الجده : شفت رهف إللي عمك بخطبها لك
صح شهد جارتنا تقول تعرفها ومعاها بالمدرسه وقالت عنها كلام ماينقال يوم قلت لغرام عصبت بس
لف تركي على غرام : وليييش عصبتي رهف سبوها ولا مدحوها إنتي شكو فيهاا
غرام بصوت عالي : إنت تدري منو رهف هذي إللي بتاخذهاا
تركي : لأ شعرفني
غرام : هذي رهف منصوور رفيقتي إللي أشرف من بنت جيرانكم هذي إللي ماتخاف ربها ومطلعه عنها كلام

إنصدم تركي وتذكر غرام قبل كانت تسولف عن رفيقتها رهف وإنها أعز رفيقتهاا

تركي في قلبه : آآآآآه يا هالدنيااااا الوصخه يوم حبيتلي البنت إللي أنا أبيها فرقتنا وجمعتني في رفيقتهااا آآآه ياالقهررر دنياااا وصخه لييييش رفيقتهااا بالذااات لييش لييش ماجمعتني معى وحده ماتعرفهااا غراام ليييش حظي كذاااا لييييييييشش

هذا حظي من على الدنيا وعيت
كل ما أضوي شمعة بدربي إنطفت
مع جميع الناس ياربي وفيـــت
ليه بس اللي معي الدمـــعه وفـــت

لييييه يازمن ليه تسوي فيني كذااا شمعنى أنا آخذ رفيقتها الروح بالروح ولا آخذها والله لوني حبيتهاا لمصلحه ولا لغرض كان مافرقتينااا يادنياا كان جمعتينااا للأبد لكن لأنش تدررين يالدنيااا إن حبنااا شرريف وصاادق فرقتيناااا أنا شذنبي إذاا حبي صادق بس زمنااا كذااب


تررركي كان منقهر من حظه في هالدنياا
من صحى على هالدنياا فقد أعز الناس أمه وإبووه وعاش مع جدته من غير أهل وإخوان كان مقطوع من الشجره فقد جمعة الأهل فقد حب الإخواان فقد حناان امه فقد صووت إبووه وألحييييييين يفقد أول حب له

كنت اقول لزماني كم حبيب سرا
كم عزيز وغالي يازماني خذيت
كنت اقول بحياتي وش بقى ياترى
واثرها سالت دموعي وانا مادريت
صعب اوصف لك شعوري يوم طيفك طرى
بس عندي يقين اني ضحكت وبكيت

ترركي كاان منهااار من الداخل ومن قبل لا تجي غرام كان تعبان جسدياا وألحيين تعب نفسياا طلع من البيت متضاايق ولا يشووف إللي قداامه وغراام طلعت تبكي من القهرر عن الكلام إللي سمعته عن إخت دنياها ورفيقة عمرهااا الجده قعدت الغنفه وهي متوتره ومو قادره تكلم


بعد إسبووع

إعلن وفاة أبو رهف

بعد العزا شالت رهف أغراضهاا وراحت لخوالها تسكن عندهم وصدق إنهم قاطعيين فيهاا لكن ماعندها غييرهم

طبعاا كان رد خوالهاا الرفض إنهاا تسكن عندهم ردت رهف بيت إبوها وهي منهااره على الأخر دقت على فهد وقالته يجي يتملك طبعآ عرفت انه مالها احد بالدنيا غير غراام وشالت اغراضها وسكنت بيت غرام

وفرحت غرام يوم درت انه بتسكن عندها بس ماقالت لها انه تركي هو اللي تحبه


رهف من يوم جاها تركي بالمستشفى يوم إبوها كانت حالته خطره وهي مرتاحه لتركي ويوم طردوها خوالها قالت مافي إلا تركي رهف بس كانت شارطه شرط وقالت مايتم الزواج الا بهالشرط

فهد: حنا موافقين على هذا الشرط
رهف :اسمعوا الشرط
تركي : قولي شنو ؟؟
رهف : انا ابي اختي تسكن عندي ؟؟
تركي: ليه انتي عندج اخت؟؟
رهف : الزواج مراح يتم الا اذا و وافقتوو وبنكتب بالعقد
فهد: منهي اختج؟
رهف : رفيقتي ومالها غيري
فهد : بس خلااص حنا موافقين
تركي: نعم نعم نعم شنو يقولون عنى الناس مسكنين رفيقة زوجتي في البيت
رهف : كيفكم ؟ انا قتلكم وينحط بالعقد
فهد : مواااافقيييييين
تركي : عمي !
فهد :انتهى المووضووع


تملك تركي على رهف وعطاها المهر
طبعاا إللي دفع المهر عمه فهد وماكان وده يدفع المهر بس قال ربي بيعوضني بفلوس إبو رهف

شرطت رهف إن العرس بعد سنه عشان إبوهاا يتم على وفاته سنه

الجده كانت تبكي طول الليل ماناامت عشاان ملكة تركي

خالد مو مصدق للحين إن تركي تملك

فهد كااان طااااااير من الفرحه والأرض مو شايلته

لكن الأهم حال تركي وغرااام


تركي كااان يوم ملكه بالنسبه له إعداااام كان يمشي بلا شعور ولا إحساااس كان يمشي لا إرادي ماكان مستوعب إللي صار كله

غرااام من يوم هوشتها مع تركي والجده ما بينت من هذااك اليوووم

ويوم درت غرام بملكة رهف كانت محتااره شتسوي
تقول لرهف إن عقب ماياخذ عم تركي فلوسها كلهاا يطلقهاا ولا تقولها إن تركي إللي بتاخذه هو تركي حبيبهاا

بعد مانزلت دمووع غررام

قررت ماتقولها ولا شي عشان ماتجرح رهف ولا تصدمها اتصلت رهف على غرام:
رهف: انا ملكت وخلصت وشرطت انه العرس مايتم الا بعد سنه وشرطت شرط ثاني
غرام : شنوو
رهف : انج تسكنين عندي بالبيت وكتبته بالعقد
غراام:نعم
رهف : انا قلتج وكيفج واذا ماصار الشي هذا والله يا غرام وما اكلمج ولايطب اللساني باللسانج عرفتي
غرام وافقة على الشرط لانه مالها بالدنيا غير رهف وماتبي تخسرها مثل ماتخسر اعز الناااس وهم بعد فكرت انها عايشه بروحها


في غرفة تركي
الساعه ٧,٣٠

دق تليفون تركي
الله يسامحك
يتصل بك

فهد : شفيك ساعه على ماترد
تركي بصوت كله نوم : هلا عمي كنت نايم
فهد : قووم صحصح أبيك بموضوع
تركي في قلبه : أي موضوع الله يهديك أنت ماوراك إلا الهم والمصايب
تركي : أوكي ساعه ومرني
فهد : أي ساعه أنت ووجهك أنا تحت
تركي في قلبه : ياليييييييل
تركي : خلاص عشر دقايق ونازلك

بنفس الوقت في غرفة غراام

غرام : قوه خالتي
غاليه : هلا والله بالغاليه بنت إخت الغاليه
غرام تذكرت خالتها مشاعل ولا شعوري دمعه نزلت : هلاا فيس خالتي ممكن طلب
غاليه : آمريني فديتج
غرام : بغيتس تمريني نروح السوق بغيت أغراض من الجمعيه
غاليه : ياغالي والطلب رخيص العصر بمرج أوكي
غرام : تسلمين فديتس تعبتس معاي
غاليه : لا عادي ياحياتي

الجزء الرابع عشر :
في الصاله في بيت تركي

تركي : صبااح الخيرر
فهد : صبااح النور حياك
تركي : الله يحيك شعندك من صبااح الله خير
فهد : أبد مترخص من الدواام ومريتك
تركي : آمرني
فهد : بكلمك عن رهف
تركي بان على وجها الضيق : شفيهاا رهف
فهد : إسمعني عدل وسو إللي أقولك إيااه بالحرف الواحد
تركي : تفضل
فهد بكل وقاحه : أبيك لما تتزوجها تعاملها أحسن معامله ولا تبين لها إنك داخل على طمع وحسسها إنك تعشقهاا وتموت فيهاا وخلها تثق فيك وتسويلك توكييل عام
ولاسوتلك توكييل عاام نكوون خلصنا
مهمتنا فتعطيني أنت هالتوكيل أو إنت تسويلي أنا توكيل عام بفلوس رهف وإنت عاد عقبها كيفك تبي تطلقها ولا تخليها على ذمتك كيفك بس شوووف دربالك تصررف عليها فلس وااحد خلها هي إللي تصرف على نفسها وتصرف عليك لأن فلوسها واجد
تركي بعصبيه : شنووو أخلي بنت تصرف علي ليه شقالولك...
فهد : إي تصرف عليك شفيهاا يعني
تركي : أصلا ماني متزوجها لين أتوظف عشان أصرف عليهاا وعلي
فهد بصوت عالي : مو على كيفك بتتزوجها بعد سنه
تركي بعصبيه : لاا و ألف مره لا ماتصرف علي بنت لاتوظفت بتزوجها جدتي من يوم الملكه وهي ماتكلمني ومو راضيه عني وأنا مالي في الدنيا غيرها ولا أقدر أزعلهاا وقلتلك لا توظفت بتزوجها وإذا ماعجبك ترى بهوون على العرس وهذا الكلام إللي عندي بس
فهد بحقد : هييين ياتركي يصير خيييير

وطلع فهد من البيت معصب

تركي مايدري شلون صاارخ على عمه وقاله لأ بس رضى جدته فووق كل شي


الجده : عسى ماشر شهالصرااخ
قال تركي السالفه لجدته
الجده : صدق يانظر عيني زييين سويت الله يريحك دنيا وآخره أشهدنك ريحتني
تركي حب راس جدته : إللي يرضيش يا يما هو إللي بصير

طلع تركي فوق غرفته ودق على غرام

في غرفة غرام

دق تليفونها وترددت إترد أو لأ

وقررت ترد

غرام : ألووو
تركي : السلام عليكم
غرام : وعليكم السلام
تركي : ممكن طلب
غرام : آمرني
تركي : كم رقم رهف
غرااام بصدمه :و ش شبغيت في فيها
تركي حس إن غرام تغار فقال : أنا محدد العرس بعد سنه بقولها بخليه بعد خمس سنين على ماتوظف
غرام : أول شي بسألها إذا عادي أعطيها أو لأ
تركي : أوكي ورديلي خبر

في بيت رهف

غرام : ألووو
رهف : هلا ياحياتي
غرام : شلونس رهووف

بعدين تذكرت غرام إنها ماتبي تقول لرهف إن تركي إللي بتتزوجه هو حبيبهاا فتداركت الموقف وقالت

غرام : بس حبيت أطمن عليس
رهف : فديتج والله تسلمين ماودج تجيني اليوم
غرام : العصر أنا بطلع السوق بعد المغرب بكون عندس
رهف : أوكي عندج أحد يقطج
غرام : لا طرشيلي سايقكم
رهف : خلاص أوكي

في بيت تركي
الساعه ١،٣٠م
الجده كانت تغدا مع تركي

الجده : والله ياتركي أحس الإرض مو شايلتني
تركي : لهدرجه يماا
الجده : وأكثثر فدييتك

دق تليفون تركي

تركي : يالله حيه
غرام : الله يحيك آممممم
تركي : شفيش
غرام : م ما قلت لرهف الموضوع
تركي : ليش ماكلمتها
غرام : إمبلى كلمتها بس ماقلت لها
تركي : ليييش
غرام بحزن : لأن من أول يوم عرفتك فيه وكنت أقول لرهف كل شي يصير بينا فمابيها تدري إنك إنت نفسه إللي تملكها
تركي حز بخاطره كلام غرام وقال : ماشي فديتش عطني الرقم وأنا أكلمها
غرام : بطرشه لك مسج

في القهوه
فهد يطق الطاوله بقوه وتطيح القهوه : ألعن أبوو القهر البزر هذاا يتحكم فيني والله ماخلييييك ياتركي تبيني أنطرك لين تتوظف بموت ماتوظفت بتتزوجهاا بعد سنه يعني تتزوجها بعد سنه


في بيت رهف

رقم غريب دق عليها

رهف : ألو
تركي : السلام عليكم
رهف : وعليكم السلام منوو
تركي : معآش تركي
رهف بصدمه : هلا تركي
تركي : شلونش
رهف : تمام
تركي : عساش طيبه
رهف : زينه
بعد صمت قصير
تركي : مافي شلونك ولا شخبارك
رهف : أسفه ش شلونك
تركي : بخير الله يسلمش أنا داق أبي آخذ رايش بشغله
رهف : تفضل
تركي : بأجل الزواج إلا أربع سنين سنتين على ما أخلص المدرسه وسنتين على ما آخذ شهادة دبلوم وأتوظف وعلى ماتكونين إنتي خلصتي المدرسه و تكونين جهزتي حق العرس
رهف : إللي ريحك
تركي : خلاص صار تبين شي
رهف : بغيت طلب
تركي : آمريني
رهف : ما يامر عليك عدو أنا ما أقدر أسكن أربع سنين بروحي بالبيت فـ ببيع بيتنا وأسكن عند وحده من رفيقاتي إسمها غرام ساكنه بروحها لأن خالتها متوفيه
تركي : على راحتش ورقمي عندش متى مابغيتي شي لآ يردش إلا لسانش


بيت ام شهد


شهد : يمااا فيصل بيسكن عندنا على طووول
ام شهد : إي على طول حنا عندنا غرفه فاضيه خليه ياخذهاا
شهد : يماا مراح أخذ راحتي بالبيت
ام شهد : شنو ماتاخذين راحتج ولد خالج هذا ومن بعد وفاة أهله بحادث ماله غيرنا تبينا نطرده من البيت عشان تاخذين راحتج

قربت السنه الجديده وبداية الدواماات وجات إمتحانات الدور الثاني وقدمو تركي وخالد إختبارات الدور الثاني ونجحوا فيها وراحوا حادي عشر

بعد مرور سنتين على هذي الأحداث
وكان فهد طول هالسنتين حاقد على تركي شلون مشى كلامه علييه
وفيصل تعود على الوضع الجديد في بيت خالته
ورهف تعودت على الوضع الجديد ببيت غرام


وتركي وغراام مازالت بقايا الحب والشوق موجوده ويكلمون بعض بالكثير مرتين بالإسبوع وتركي نهائيا بهالسنتين ما كلم رهف بالتليفون كان قلبه يميل لغرام ولا يفكر بغيره
ورهف ما كانت تحس بمكالمات غرام لتركي
وغرام ما كان ودها تكلم تركي الأيام إللي طافت لأنه متملك رفيقتها وهذي تعتبر خياانه بس شوقها لتركي ينسيها كل هالأشياء ويخليها تكلمه

تخرجت غرام من المدرسه بالنسبة ٨٤ علمي
ورهف بالنسبة ٨١ علمي
وشهد ٨٣ أدبي
و تركي٧٢ أدبي
وخالد ٧٠ أدبي
وفيصل إللي كان كبرهم تخرج ٦٩ علمي


تركي دخل سجل الظبااط لرغبة جدته إن تشووفه ضابط وأجل عرس سنتين زياده وصار العرس أربع سنين عشان يمديه يتخرج من الكليه

خالد دخل الكهرباء والماي

رهف دخلت التربيه إللي بالجامعه تخصص أحياء

فيصل دخل التكنلوجيا

شهد سجلت جامعة الكويت علوم إجتماعية
تخصص علم نفس

غرام كان حلم حياتها الهندسه وسجلت فيهاا

دق تركي على غرام يباركلها بالنجاح

غرام دق تليفونها وطلعت غرفتها فوق عشان ماتسمعها رهف


تركي : مبرووووووك النجاح والنسبه ياحياتي تساهلييين كل خيير
غرام : الله يباارك فيك ياقلبي وإنت بعد ألف مبروووك
تركي : الله يبارك فيش
غرام : ها وين سجلت
تركي : كلية الظباط يعني بعد أربع سنين ما تناديني إلا الظابط تركي
غرام : الله يوفقك
تركي : وإنتي فديتش وين ناويه تسجلين
غرام : إنشاءالله هندسه
تركي بصدمه : شنوووو
غرام : كلية الهندسه إللي بجامعة الكويت
تركي بعصبيه : على كيفش إنتي
غرام بإستغراب : شفييييك ؟
تركي : وإنتي مستانسه إنش بتصيرين مهندسه
غرام : ليييييش شفيهااا حلم حياتي أصير مهندسه
تركي : حلم حياتش ولا حلم حياة غيرش أنا هالكلام مايمشي عندي هندسه ماتدخلينها يعني ماتدخلينهاا
غرام : لا والله
تركي : إي والله
غرام : مستقبلي ولا مستقبلك
تركي بعصبيه : السالفه عنااد يعني
غرام : مو عناااد بس إنت شكو في مستقبلي روح تحكم في مستقبل رهف هي زوجتك مو أنا
تركي : بسس خلاص لا تذكريني إنتي تدرين العرس غصبن عني ولا لو بيدي كان خذيتش إنتي مو هي
غرام : خلاص صار إللي صار وأتوقع خلاص ماعاد لك شغل في حيااتي هذا مستقبلي وأنا راح أكمله بروحي فمالك شغل فيني
تركي : أفااا ماعاد لي شغل فيش ماهقيتها منش ياغراام
غرام : بس ..
تركي : بس شنو
غرام : أنا أبي أصير مهندسه
تركي : وأنا مابيش تصيرين مهندسه
غرام : بس إنت ماعاد لك شغل فيني إنت على ذمتك مره
تركي بعصبيه : هذيك على ذمتي بس إنتي غيير تعرفين شنو يعني غير لو على ذمتي
خمسمية مره وأجيب من كل وحده مية بزر إنت تظلين غييييير تفهمين شنو يعني غييير
غرام ودموعها بعينها : خلااص بس إنت بهالكلام تعذبني خلاص ..
تركي بهدوء : يعني مافي هندسه
غرام : ما أقدر حلم حياتي الهند ...
تركي : بس خلاص لا تكملين إن كان لي خاطر عندش أو معزه لا دشينه فماان الله

سكر تركي وخلى غرام تفكر


الجزء الخامس عشر :

بعد مرور أربع سنين


توظفت شهد إخصائيه نفسيه بالمدرسه إللي بمنطقتهم وتقدملها واحد من جماعتهم ويوم شافت إن مافي أمل بتركي وإن عرس تركي بعد شهر وافقت على إللي تقدملها

خالد توظف موظف في شركة الكهرباء والماي

رهف توظفت مدرسة أحياء وكانت مجهزه للعرس وخالصه

تركي توظف ضابط وحجز صالة عرس وضبط كل شي وعرسه بعد شهر بالضبط

غرام توظفت محاسبه في وزارة العدل

لأنها مادخلت الهندسه ودخلت علوم إداريه تخصص محاسبه لأنها ما كانت تبي تزعل تركي

طبعا الجده فرحت بتركي يوم تخرجه من الكليه وقبوله بالوظيفه والأرض ماكانت شايلتها من الونااسه ولأن تركي رااح يتزوج وهو كبير وفي سن زواج كان عمر تركي يوم توظف ٢٢
طبعاا عم تركي طول هالأربع سنين مابيين

بقى على عرس تركي ورهف أقل من ثلاث أسابيع

الجده مختبصه مافي أحد من شارعهم ماعزمته مافي أحد من جيرانهم ماعزمته
ومافي أحد من معارفهم ما طرشتله بطاقه

الجده : يوووووو
تركي : شفيش يما
الجده : شلون طافتني
تركي : شنو إللي طافش
الجده : عزمت إللي أعرفهم كلهم ماعدا غرااام نسيتها فشله أخاف تزعل علي

تركي بان حزن على وجه وماكان وده بالعرس والدليل ماجهز نفسه للعرس ولا شرا شي بعكس رهف إللي كانت مستانسه بالعرس وجهزت وخلصت طبعاا إللي ساعدها بتجهيزهاا غرام وكانت غرام كل ماراحت مع رهف السوق تجهزلها كانت تبكي على حظها وتقول المفروض رهف تجهزلي حق عرسي أنا وتركي ليييش يادنيياا ليش شضريتس فيه عشان تسوين فيني كذاا وكل ماقالت
وكانت رهف مستانسه انه غرام بتعيش وياهاا
وغرام :كانت تحاتي انه شلون بعيش انا وتركي والجد ورهف بيت وااحد..

تركي : ماله داعي تعزمينها عرس رفيقتها أ أكيد بتجي
الجده : ولو لازم أعزمهااا

ودقت الجده على غرام وعزمتهاا

تركي طرش مسج لغرام

(( بتجين عرسي فديتش ؟؟ ))


ردت عليه :

(( بحضر زفافك يا حياتي
بحضر زفاف إللي هويته
وبرزف عشانك لا تحاتي
وبهديك كل إللي بغيته
بهديك دمعي وعبراتي
والهم إللي فيني رميته
بحضر ولو في عرسك مماتي
شايل معي قلبن نسيته
وأجمل قديم الذكرياتي
والضيم إللي منك خذيته
وبذكر الليالي الماضياتي
كنت الوليف إللي إهتويته
كنتي إللذي لجله أباتي
ساهر ونومي ماهتنيته
بهديك في ليلة وفاتي
حلم الليالي إللي طويته
وأعطيك من قلبي أمنياتي
تلقا الهنا في دربن مشيته
وتعيش في راحه وسباتي
ويا اللذي عقبي خذيته
بحضر زفافك ياحياتي
بحضر زفاف إللي هويته ))


ولأول مررره تنزل دمعه من عيين تركي
ولأول مره يبكي
نزلت دمعة قهر دمعة حزن دمعة إستسلام للواقع المر دمعة عدم إقتناع بلي قاعد يسويه دمعة من ضعيف حكم عليه القوي بزوااج دمعة مظلووم
بس الدمووع ماتفييد لكن الأهم إن مافي أصعب من دمعة ذكر إنزلت عشان أنثى

اليوم الخميس
اليوم كان عرس تركي ورهف

تركي كان كااره عمره كان واقف بالصاله ببشته يمينه عمه ويساره خالد وأبو خالد
كان يحس إنه مخنوق وإنه مو قادر يتنفس كل وااحد يسلم عليه يقط عليه قنبله كاانت القنبله هي كلمت مبرووك كان كاره هالكلمه بشكل مو طبيعي

بصالة الحريم كان رقص وطق وأغاني والجده كانت تبكي بس كانت تبكي من الفررح

وجات حزة دخلة العروس

ودخلت رهف الصاله

وقعدت على الكوشه

وغراام طول العرس ماسكه نفسهاا لا تبكي وتحاول إنها تبتسم للناااس ولا تبين لهم شي كااانت سرحاانه بررهف وشكلها على الكوشه كانت تقول مفرووض أنا بدالهاا لااا إستغفر الله شهالكلام خلاص هذي تظل رفيقة عمري الله يوفقهاا مع تركي ويسعدهاا

قطع سرحاان غرام صووت يقول :

تغطو ياحرييييم المعرس بيدخل

كانت هالجمله مثل الصاعقه إللي جت على راس غرام تغطت وقعدت بمكان بعييد لكن لاحظت رهف تلفت دور غرام

رهف برجفه : غرام وينج وين الرداء
غرام : لحظه

جابت غرام رداء العروس وغطت رهف

رهف برجفه : غرام عفيه خلج جمبي والله إني خايفه ومتوتره

دخل المعرس ومعاه عمه ومعااه خالد

قعد المعرس جمب العروس والجده قامت ترقص مع فهد

وطلعواا فهد وخالد

و شالت غرام الرداء عن رهف

تركي كان متوتر كانت عيونه يمين ويسار كان يدور غرام قطع عليه صوت يقول : رهف أنا طالعه البيت تبين شي

ترركي يعرف هالصووت لف بسرعه صوب الصوت كان يشوف وحده متغطيه درا إنهاا غراام من صوتهاا كان يحتررق من الداخل ويتقطع مفروض إنتي إللي قاعده وهي إللي واقفه مو العكس آآآآه ياعمي الله يسامحك

رهف وهي ترجف : لالالا تروحين
غرام إللي كانت مو متحمله الموقف وإللي تشوفه قدامها ترركي رااااح إي خلااص راااح راااااح لغييييييري
لفت على تركي وقالت له : مبروووك وطلعت بسرعه البيت ما كانت متحمله دقيقيه وحده
تركي كان هالكلمه من بداية االيوووم لكن ألحييين كرهاا بقوووه

راحوا المعااريس الفندق كان حاجز الفندق عمه وحاجزلهم سفر لسويسرا إسبوع
وكاان عمه يقول كل هذاا بعوضني عنه ترركي بفلوس أبو رهف

في بيت تركي

ردت الجده تعباانه ونامت على الغنفه من غير لا تبدل ومستانسه حييييييل لتركي

غرام في غرفتها كانت شبه ميتة نفسياا كانت منهااااره

في الفندق
الساعه ١٢,٠٠م

رهف كانت قاعده بملابس العرس على الكرسي

تركي قط بشته على الغنفه وقط غترته وعقاله والطاقيه فوق البشت
تركي بكل برود : تعشيتي
رهف بحياا : شبعانه
تركي : على العموم أنا طالب عشا وموجود بالمطبخ وأنا مو مشتهي شي تعشي لأني بناام وتعبان
إنصدمت رهف من إسلوب تركي وماقدرت تمسك دموعها
راح تركي للسرير وإنسدح حاول إنه يناام مااقدر كاان جوعاان بس مومشتهي ياكل شي

قام راح المطبخ لقى الأكل بمكانه محد حاشه فتحه وقعد ياكل طلع حرته كلهاا بالأكل

رهف مازالت على الكرسي ودموعها تنزل قالت في قلبها يمكن هو إسلوبه كذاا أو يمكن عشان مو متعود علي أنا لييش أبكي وربي غبيه مفروض ما أخرب علي هالليله

لقت جمبها كلنكس إخذته ومسحت دموعها وقامت عدلت مكياجها لأنه خرب ولبستلها قميص نوم أبيض طويييل وراحت المطبخ

لقت تركي قاعد يتعشى
رهف : ممكن أقعد
تركي : ها لا إي إمبلى حياش

قعدت رهف قباله

رهف ببتسامه : تقول مو مشتهي
تركي وماله خلق أحد : ألحيييين إشتهيت عندش مانع
رهف بصدمه : لا عادي علي عليك بالعافيه
تركي في قلبه : يارربي ليييش إن حظي نحس يعني معقوله لو إن ماخذ غرااام بصير هذاا حالي

رهف : مكن س سؤال
تركي وهو ياكل : شنوو
رهف : بنساافر
تركي : إي
رهف : متى
تركي : لييش
رهف : لأن قبل لا أسافر أبيك توديني لرفيقتي بسلم عليها قبل لا أروح
تركي : يصير خير بكره
رهف : ليش السفره بكره
تركي : إي بكره الساعه ٧ ولازم نكون بالمطار من الساعه ٥
رهف : طيب عن إذنك تبي شي
تركي : لأ ماتبين عشا
رهف : مشكور

طلع تركي تليفوونه كان بيدق على غرام بس تردد وطرش لها مسج

تعال وجدّد الفرحه جعل من لامني يفداك
تـعال بـ كلّ ما عندك وأجيك بـ كلّ ما فيني
أنا إللي حافظن قدرك وأنا إللي حالفن ما أنساك
ما دام إنك سكنت القلب ترى إحساسك يكفيني

غرام يوم شافت المسج بكت زياااده ودقت علييه

تركي : أررررررررررررررحبي
غرام : .........
تركي : ألو
غرام : مبروك
تركي بحزن : الله يبارك في حياتش
غرام : تركي
تركي : ياقلب تركي
غرام : إسمعني عدل
تركي : يالبى والله آمري
غرام : إنت على ذمتك مره فلا يطري عليك إدق علي أو إطرش لي مسجاات
تركي : ما أقدر وربي غصبن عني أطرش والله ياغرام إن القلب عيااا يميل لغيرش

سكرت غرام بوجه لأنها ماقدرت تمسك نفسهااا وقامت تبكي على تركي وعلى حظها وعلى رفيقتهاا وقررت تنسى تركي وتغير رقمها من بكره

الجزء السادس عشر :
ثاني يوم الصبح

الجده : عاااااااااااايشه وصمخ
عايشه : ها ماما
الجده : بسرعه سوي قهوه وشاي تركي ومرته بيجووون
عايشه : إنزين ماما إنزين

في الفندق
بالصاله بالتحديد
تركي : ساعه تلبسين إخلصي
رهف في قلبها : هذا بصباحية عرسي ويكلمني كذا شلون بعد إسبوع
تركي : رررررهف أكلم منوو أنااا
رهف : جااايه

في محل التليفونات

غرام : إي إخوي عطني هالرقم لو سمحت
راعي المحل : أوكي
غرام : كم حسابك

بعد ساعه في بيت تركي

الجده : يالله حييييييهم
تركي وهو يضم جدته : الله يحيش فديتش أشهدني مشتاقلش
الجده : فديت راسك والله شخبارك
تركي : والله بخير دامني شفتش
الجده : إلا وين مرتك
تركي : بالسياره خلي الخدامه تقولها تنزل
الجده : الله يفشلك فشلتناا ليش مخليها بالسياره
تركي : قلت خاف عندش أحد فقلت لها إقعدي بالسياره على ما أشوف منو داخل
الجده بإستغراب : أحد ؟؟
منو بجيني هالحزه
تركي إنت فيك شي
تركي : ها لأا
الجده درت إن بين تركي ورهف شي وتأكدت إنهم متزاعلين : أقول روح نادها لا بالعصا على راسك
تركي وهو قايم : إنزين إنزين

بالسياره

رهف : أوووووف هذا شفيه نقعني

تركي وهو جاي من بعيد ماكان له خلق يكلمها مع إنها ماسوتله شي ولاضرته لكن بس يتذكر إن رهف رفيقة غراااام وإنهم عايشين بيت وااحد أربع سنين تجيه حالة جنووون

أشرلها من بعيد تنزل ودخل داخل

الجده : حسبي الله عليييه من ولد بيفشلنااا الله لا يوفقه
تركي وهو داش البيت : يما طيارتنا الساعه ٧ لازم نكون بالمطار الساعه ٥
الجده تضايقت ماكان ودها تركي يسافر هي يوم نام بالفندق ماقدرت على فرقاه هالمره إسبوع صدق إن تركي قبل لا يتزوج ماكان يقعد بالبيت وااجد بس يكفي وجوده بالبيت
الجده بضيق : تروحون وتردون بالسلامه
تركي وعيونها طايره ومو مصدق إللي يسمعه : وأنا إبن إبوووي قسم بالله دام مالش بالسفر والله ما أركب الطياره لا أنا ولا رهف
الجده : وجع وإنت ماصدقت على الله
تركي: لا بس أنا قصدي دامش ماتبين فرقاي فأكنسل السفر
إلا وعلى دخلة رهف البيت
الجده : ياااااهلااااا ومرحباااااا تو مانور البيييييت هلاا بالغاااليه مرت الغاااااالي

تركي حز بخاطره كلمة (مرت) وحس ألحين صدق إن متزوج






رهف : تسلمين فديتج وحبت راس الجده وقعدت جمبها
الجده : شخبارش فديتش شخبار تركي معااش ترااه شووي عصبي
رهف بحيا : بخييير
تركي : الله وأكبر يا يماا أنا ألحيين عصبي
الجده : إي عصبي أصلا أنت منبع العصبيه لولاك ما إنتشرت عند العصبيه
رهف كانت تضحك بصوت واطي على إسلوب الجده
تركي بحقد : شلي يضحك حكيني معااش
رهف بصدمه : ولا شي
الجده : وإنت شحاااارك ضحكت ولا ما ضحكت وليش حرام عليها الضحك
تركي : ......
الجده : ماتكلم
ويقوم تركي معصب ويروح غرفته
رهف : آ آسفه كل إللي صار بسبتي
الجده : لا فديتش بس هو يبيله تأدييب خليني أصعدله
رهف : لا خالتي أنا بروحله بس دليني وين غرفته

طق طق طق

تركي : منوو

فتحت رهف الباب ودخلت
رهف : أ أنا
تركي إللي كان منسدح على السرير قام : ليش وجايه
رهف : آ آسفه إذا جيتي ل لك ضايقتك بس حبيت أعتذر عن إللي صا صار تحت
تركي : يعني عاجبش تضحكين علي وتخلين جدتي تزفني عشانش وجايه بكل بساطه أبي أعتذر
رهف : ماكان قصد قصدي وأوعدك ما تكرر
تركي : ماشي إطلعي وسكري الباب وراش
رهف : راضي عني
تركي : أوووف قلت لش إطلعي وسكري الباب

في الصاله
الساعه ٤,٠٠م

الجده : ههههههههههههه
رهف : عساه دوم خالتي
الجده : ياحلو سوالفش والله إن القعده معش ماتنمل إلا الساعه كم ألحين
رهف : أربع وخمس
الجده : يوووو لا تأخرون على طيارتكم
رهف إللي ماكان ودها تقوم وعجبتها قعدة الجده : تو الناس
الجده : إي بس المطار بعيد وتركي من صعد مانزل يمكنه نام على مايقوم وعلى مايلبس روحي شوفيه يما
رهف بحزن : إنشاءالله


في بيت غرام

غرام وهي تغير بالرموت

غرام : أووووف زهقه من رااحت رهف وأنا مالي نفس للبيت


بالنفس الوقت في غرفة تركي

تركي وهو يلف الجه الثانيه ويسحب الكمبل
تركي : شتبيييييين شنو الواحد ماينااام مايرتااح
رهف : ب بس الساعه أربع وربع
تركي : أربع وربع أربع وأربعين أربع وربعميه أنا شكوووو وخري عني بناام
رهف : و والطياره إنت أمس قلت لي لازم ٥ نكون بالمطار و و عش عشان يمدي نمر رفيقتي نسلم عليهااا
تركي يوم سمع رفيقتها درا إنها غرام ونط من سريره
تركي : أفااا علييييش ألحيييين نروحلها يلا إلبسي

إستغربت رهف شلون تغير فجأه بس إستانست لأنها بتروح لغراام لأنها متلهفه عليهااا حيييييل


بعد ربع ساعه

جا مسج لرهف من غرام

مساءالخير ياحلوه
شخبارس
هذا خطي الجديد

وبسرعه دقت رهف على غرام

رهف : يالله حيها
غرام : هلااا وغلااااا الله يحيس
رهف : شخبااارج فديتج
غرام : والله بخير الحمدالله إسمحيلي مادقيت عليس قلت يمكن وقتي غلط ولا مشغوله أو شي
رهف : لا شدعوه إنتي عاد غير لو كنت حدي مشغوله أفضالج
غرام : لبى روحس ها متى طيارتس
رهف : لازم خمس أكون بالمطار وبرد بعد إسبووع
غرام : بشتااااااقلس مووت
رهف : فديتج والله أنا خمس دقايق وبكون عندس أوكي
غرام وهي متستانسه : حيااااااااااااااس الله فديت عينس

تركي وهو يسكر جنطته

تركي : عااااااااااايشه عااااااااايشه

رهف كانت قاعده تقهوى مع الجده

الجده : يما فديتش روحي شوفي تركي شيبي مدري شعنده ينادي الخدامه
رهف : إنشاءالله
تركي : عاااااااااااايشه و وجع

رهف : بغيت شي
تركي بقلبه : يالييييييييييل شتبي هذي
تركي : كنت أبيها تنزل جنطتي تحت بس دامش جيتي نزليها إنتي
رهف : أي جنطه
تركي : أوووووف أي جنطه يعني جنطتي مالت السفر
رهف بربكه : أناا
تركي : شفيش بعد إنطرمتي
رهف : أ ما
تركي : شفيش إنتي أحرف متقاطعه وأنا أجمعها
رهف بربكه : مامسويت ماسويتها
تركي : ياليييييل ماطولك بتكلمين ولا لا
رهف وخايفه إن تركي يزفها ومنزله راسها بالأرض : ماسويت جنطتي السفر
تركي : شنووووو وشتنطرين يا آنسه أنا أسويها لش
رهف : مافضيت
ويمسك تركي كتف رهف وهزه بقوه : ولييش إنشاءالله مافضيتي شكنتي مشغوله فيه يا آنسه
رهف بخوف : كن كنت أسولف مع مع خالتي
تركي بصراخ : إذلفي ألحيين سويها وأنا بنزل السياره دقيقه وحده إن ماجيتيني أقسم بالله بيجيش شي طيب
رهف ودموعها بعينها : إن إنش إنشاءال ...
طلع تركي وصفق الباب وراه بقوه وما خلاها تكمل كلامهااا
طاحت رهف على السرير وقعدن تبكي على حظهااا وعلى زواجهااا

غرام كانت مختبصه مره تنظيف الصاله ومره تبخر الصاله ومره تزهب الحلو ومره تزهب العصيير والأرض موشايلتها من الفرحه كانت متلهفه على رهف

تركي وهو يسكر باب السيااره

تركي : أوووف شهالحظ النحس أنا ليش طعت عمي هذا زواج ومستقبل ظيعت مستقبلي وظيعت نفسي وظيعت هالخبله معاااي أووووووف مافي غيرهااا والله مافي غيرهااا صوتهااا يرد الروح بس أسمعه أحس إني بخييييير آآآه وربي مشتاقلهااااا

ياشين طول البعد وياشين فرقاك
وياشين وقتن ماسمحلي أشوفك

مافي غير أدق عليهاا إي لازم أسمع صوتهاا
وبسرعه طلع تليفونه ودق وكان قاعد على الناار وينطر يسمع صوتها وتطفي هالنار
لكن خاب ظنه لما سمع
(الرقم اللذي طلبته مفصول حاليا )
لااا من صدقهاا هذي فاصله خطهاا إستجنت إي صح هي قالت لي لاعاد دق علي وربي مو صاحيه هالبنت عبالها بكيفي أدق ولا ما أدق غصبن عني أدق


عسى حكم القدر
يرفق بقلب مابغى فرقاك
و عسى الأيام تجمعنا
و أحطك داخل عيوني

الجزء السابع عشر :
رهف قامت ومسحت دموعها وسوت جنطتها على السريع ونزلت سلمت على الجده وراحت السياره بسرعه عشان ماتحصلها زفه ثانيه من تركي
بالصاله

الجده : الله يحفظكم إنشاءالله ويردكم بالسلامه ويصبر قلبي على فرقاكم

في بيت غرام

غرام : غريبه شعندها تأخرت أدق عليها ولا فشله لا لا بنطر إذا تأخرت زيااده بدق


رهف وهي تركب السياره : آسفه ع على التأخير
تركي وهو يشغل السياره : تووو الناااس كان ماجيتي ونمتي فوووق بعد تدرين كم الساعه ماعاد بقى على الطياااره شي الساعه ألحين خمس وشي ولازم نكون خمس بالمطار وعندش خبر إن المطار بعيد من منطقتنا ولا لا
رهف في قلبها : أوله أوله كل هالمحاضره عشان قلت آسفه على التأخير لو مو متأسفه شبقولي ياربي
تركي : شفيش ساكته تبين تأخرينا فوق ماحنا متأخرين إركبي إخلصي علي
رهف : وجنطتي منو بيحطها بالدبه
تركي : ياليييييل حتى جنطه تحطينها بالدبه ماتعرفين شتعرفيين إنتي
رهف : ....
تركي : إي جات حالتها ألحين وإنطرمت

وينزل تركي وياخذ جنطتها ويحطها بالدبه

ويركب السياره ويطلع من المصافط
وطول الطريق وهو يغني مقطع من إغنية عبدالمجيد عبدالله

يآرب رجع كل حبيب لحبيبه دام الحياه بعدهم حيييييييل صعبه

رهف بقلبها : يااربي أقوله يمر غراام إذا قلت له وربي يقلب السيااره علي ويزفني عاد هو توه معطيني محاظره يارربي شسوي بس لازم أمرها مايصير أقول بجيج وأكسر فيهاا بقولهاا وإللي فيها فيهاا وإذا بيزفني عاادي تعودت على الزف

رهف بخوف : تركي
تركي سمعها بس طوفها وقعد يغني ماكان له خلقهاا
رهف : تركي إ إنت وعدتنيي بش بشغله
تركي وهو يطالع قدام
و من غير لا يلف عليها : شودعتش فيه
رهف : نمر ..
تركي : نمر منو بعد إنتي تدرين إن حنا متأخرييييين وإنتي رااايقه نمر ونمر ...
رهف : خلاص خلاص
تركي : إذا تكلمت لا تقاطعيني سامعه
رهف : إنت مرات وأنا أتكلم إتقاطعني حلال عليك وحرام علي
تركي : بعد تراددين أصلا أنا غييير وإنت غييير سمعتي
ويسوق سيارته بسرعه

فجأه
تذكر تركي

شي خلهااا يتحسف قد شعر جسمه

إي إي مااغيرهاا هي كانت تبي تمر رفيقتهاا إي صح هي مالها إلا غراام شهالغبااء إللي علي

ويعكس تركي طريق ويروح بيت غرام

رهف : هذ هذا مو طريق المطار
تركي : أدري مو تبين تروحين لرفيقتش
رهف يلفت عليه وقالت بفرحه كبيره : إيييييه
تركي : مو إنتي وياها ساكنين بيت وااحد
رهف : إييييييه
تركي : خلاص هذا أنا رايح لها
رهف إللي شوي وتنقز من مكانها : فدييييييتك والله مشكور وماتقصر
تركي حس إن كلامها طالع من قلب آآه لا لا مستحيل أخليها تقولي فديتك مره ثانيه أو أخليها تحبني لأن نهايتهااا طلاااق
رهف كانت مستانسه عشان تركي واافق وحست إنه صدق إنسان عصبي لكن حيييييييييل طيب وحبوب

في بيت غرام عند المصافط بره

رهف : مارااح أطول إنشاءالله عشر دقايق بس أسلم عليها وأجي
تركي : نعم نعم ومنو قالش إنش بتنزلين بروحش
رهف بإستغراب : أ أجل بتنزل معاي
تركي : شرااايش
رهف : بس البنت ماتعرفك ولا راح تاخذ راحتها وأنا أحسها فشله
تركي : وإنتي إللي تعلميني الشي إللي يفشل من الشي إللي مايفشل وثانيا أنا شلي يضمن إللي إن البيت مافي أحد غير رفيقتش
رهف : تركي من صدقك تكلم يعني منو بيكون بالبيت غير غرام
تركي : والله هذا آخر كلام عندي تبين ولا إمشي المطار
رهف : بس البنت مراح تاخذ راحتها
تركي : الشرهاا علي إللي مار بيت رفيقتش إركبي بس إركبي آخرتينا على الفاضي
رهف : خلاص
تركي إللي بينت الفرحه على وجه : يلا إدخلي

طق طق طق طق

غرام : أكييييد رهف عاد توني بدق عليها

فتحت الباب

غرام : هلااااااا والله
رهف : غرام لبسي ملفعج وعباتج
غرام بربكه : تركي
رهف : إي بسرعه فديتج لبسيهم وتعالي لأنه بيدخل
غرام : شدخله
رهف : غرام بلا أسئله يلا
غرام : إنتي من صدقس بيدخل
قطع عليهم كلامهم صوت تركي يتنحنح

فصخت رهف عباتها وملفها ولبستهم غرام وغرام واقفه مصدومه

دخل تركي ومن دخل مانزل عينه عن غراااام

غرام كانت منزله عينها بالأرض لكنها ماقدرت تخفي شوقهااا له

رهف ماكانت تقدر تاخذ راحتها وتركي موجود

تركي حب يصرف رهف

تركي : يووووه نسيت تليفوني بالسياره رهف تقدرين تجيبن لي إياااااه
رهف إنصدمت من تركي مفروض هو إللي قوم يجيبه : ها إي تليفون
تركي : إي ياحياتي روحي جيبي لي إياه

كانت كلمة حياتي بالنسبه لغرام مثل السيف إللي دخل بقلبهاا

رهف إستانست من الكلمه وحست إن بدا يميل لهاا فرااحت بسرعه تجيب التليفون

وتركي كان قصده من الكلمه إنه يشجع رهف إنها تقوم
أول ما طلعت رهف

تركي : إسمعيني إنتي أول بنت دخلت حياتي وبتظلين الأخيره لو إدش في حياتي مليون وحده إنتي غير فهمتي وأصلا رهف نهايتها بتطلق وبتجين إنتي مكانهاا
غرام : مستحييييييل مستحيييييل وربي إن طلقت رهف لا أعرفك ولا تعرفني
تركي : إنتي تدرين إني أبيش إنتي ولا أبي غيرش وهم تدرين ليش أنا مااخذه غراام حراام عليش وربي ماقد ضعفت قدام أحد إلا أنتي ولا قد حبيت أحد مثلش إنتي غيييير غييير إنتي إللي خليتي للحياتي طعم حرام عليش تحرميني منش
غرام ودموعها بعينها : إذا كنت صدق تحبني لا تطلق رهف كمل معااهاا شذنبهاا تطلقهاا عشاان فلوس يا تركي فلوس ماهقيتك كذاا ودام الدنياا ماجمعتماا خلاص على الأقل وااحد يعيش فيناا مرتاااح ....

قطع كلامهاا صوت رهف وهي تقول : ترركي مالقيته

تركي : خلاص أنا بروح أدوره بس لاتأخرييين بروحنا متأخرين
رهف : أوكي