حلمين

يعطيج العافيه ياقلبي عندي حلمين واتمني انج تفسرينهم حقي اول واحد صديق زوجي كان مسافر واول ما وصل حلم جنه زوجي دازله مسج يقوله الحقني اتصل فيه قاله انا بالمستشفى وان بنتي تعبانه فلم صاحب زوجي وصل المستشفى سأله عن بنتي جان يقوله توفت وعلى فكره بنتي صغيره قبل ججم يوم كامله سنه
الحلم الثاني يخصني انا جني رايحه مستشفى بروحي مامعاي احد ومكرم السامع كنت محصوره حيل بس وصلت قلت حق الممرضه ابي الحمام جان تقولي اقول حق الدكتوره اول بس اهي قالتلي لا تدخلين عشان حق السونار احسن اقدر اشوف الياهل بنت ولاولد قلت لها مااقدر جان تقولي اوكي بالغرفه نفسها كان في حمام فعدت وسكرت الباب والدكتوره كانت معاي لم خلصت افحصتني جان تقولي شوفي الياهل ترى فيج ولد فلت لها تاكدي جان تقولي اكيد ولد لم طلعت من الغرفه استقبلوني الممرضات يباركولي يقوليلي مبروك فيج توم واثنينهم اصبيان
ياليت ياقلبي تفسرينهم لي اذا كان الحلمين زينين او لا مع العلم اني منيت حياتي احلم بتوأم والحين ابي احمل بس مااقدر

اختي الغالية وفاة البنت تدل على طول العمر وانها ستكون
ذات عمر طويل والوفاة زوال هم لوالدها والله اعلم

بخصوص الرؤية الثانية فتدل على وجود هموم ومعاناة عندك لان الحصر هو متعب والحمل بذكور هموم
والتبول هو زوال الهم والراحة القادمة لكي من الله عزوجل وستنفرج احوالك ويزول تعبك ونكدك والله اعلم

جزاج الله الف خير ياقلبي وماتقصرين والله يسمع منج انشالله