حلمي ببنت خالتي الله يرحمها

السلام عليكم ورحمة الله وبركاته



حلمت اني بمطعم كباين بوسط الصحرا انا وولدي ناكل وكانت الكبينه اللي جنبنا فيها بنات يسولفون المهم سمعت صوت اعرفه عز المعرفة وحاولت اطل عليهم عشان اتأكد وفعلا طلييت الا بنت خالتي ( ميته الله يرحمها ) تسولف ولفت وناظرتني وكنت بطيير من الفرحه لمن شفتها ونطرت ليما راحت تودع صديقاتها وطلعت لها الا كانت راكبة سوبرمان تسوق وكانت واقفه بجنبي امها اللي هي خالتي ومبتسمه وتقول لي صدقي هاذي فلانه بنتي وانزلت من السياره ورحت على طول ضميتها حيييل وكنت ما ابي ابين لها اني ابكي وكنت امسح دموعي وتضحك هي وتقول عادي يا --- ابكي وبكيت بصوت عالي ودموعي كانت تنزل وكنت فرحانه انها حيه ما ماتت وبقلبي ودي اقول لها انا اسفة اني ماعزيتك بولدك وزوجك مع العلم انها هي اللي ماتت وولدها مات قبلها بشهر وقلت وين بتروحين قالت لبيتنا بتروحيين معاي قلت اي وانتهى الحلم

المهم قمت من الحلم وانا ضامتها لدرجة اني كنت اقول ياربي هي اللي ماتت او زوجها




معلوماتي

انا متزوجه
وعندي ولديين
وربة بيت

وحالتي الدينية عادية ملتزمه بالصلاة والحمدلله

وحالتي قبل النوم عادي ماكنت افكر فيها

وقت الحلم الصبح تقريبا بعد الفجر