بنات ساعدوني ولكم الجنه ولا بنساكم من الدعوات الطيبه ...........خطبة اختي ما اعرف ايش انواع الحلويات اقدر اسويها .....بليز مساعده واذا امكن مقادير والل عندها حركات او طريقة تضيف حلوه تقولي ...............وعقبالكم وان شاء الله
حبوووبة شنو نوع الحلو بعلمج طريقة حلوة قبل فترة سوينتها حق يمعه بيت اهل زوجي والكل راح يسألج عنها و حدها سهله و ما تاخذ منج وقت و مقاديرها سهله حيل المقادير : جبن كيري علبة كبيرة ام 12 حبة - حليب نستله مركز الثقيل - عجيبنة سمبوسة - طحين و ماي علشان تسكير العجينة - فستق مطحون للتزيين بسسسسس قصي عجينة السمبوسة بالنص لنها طويله فقصيها علشان تصير نصين و حشيها بجبنه كيري شويه نتفه يعني مو وايد قصي الجبنه 4 أرباع و حطي ربع و سكريها لفييها على طريقة رول و سكري الجوانب و انتي تلفيينها يعني لما تلفيينها جفسي الطرفين بعدين ردي كملي علشان لايطلع الجبن برة سهله و الله و بس وسكريها بالطحين مع الماي و بس حطيييهم بصححن و صفييهم بعدين حطييهم بالفريزر ساعه بعدين قليهم مثل السمبوسة و شفييهم ببايركس حلو أبيض و صبي فوقها الحليب خلييه يتشربها و رشي عليه الفستق و ادعييل سهله حدهاااااا
مرحبا اختي عندي كذا طريقه حلوه وشكلها ذرب مارشميلو بالاوريو بالاعواد وحلوى الملاعق وتمر بالطحينيه والله اسوي بعد شغلات واجد بس انتي قوليلي شتبين وانا اكتبلش الطريقه ان شاالله
حبيبـــــــــــــــــــــــــــــــــاتي مشكورات وايد ما تقصروا ...والله ما خيبتوا ظني الحمد لله ..السالفه انا اول مره تصير عندنا خطبه ..والمشكله اهلي ما يحبوا الحلا كثيرا ..من كذا ما اعرف ...اختي العزيزه btbtاذا عندج انواع حلويات خبال وروعه لا تبخلي علينا
نصيحة اخت : شوفي حبيبتي كثري من الموالح والكبب والورق عنب اما الحلو خليه نوعين بس اخذي من الصحون البرسلان لون ابيض مستطيل او بيضاوي او مربع خلي كل الموالح نفس الصحون ووزي صحون فاضيه على كل الموجودين وافتري بالموالح وكل وحده تاخذ على ذوقها اللي تبي الحين اكثر الناس هابين بهالطريقه وترى في محلات تبيع الموالح بالصحون البرسلان وموفقين انشالله
