السلام عليكم شلونكم حبايبي :teeth_smile:، بصراحه انا عضوه يديده وحبيت هالمنتدى واللي فيه حيييل واتمنى أكون أخت وصديقه لكم ... خلونا ندش بالموضوع بصراحه آنا حيييل متضايقه :frown: خواتي اللي أكبر مني بيضيعون أو بالأصح ضاعوا :sad_smile: خلوني اشرحلكم السالفه من أولها بالاول احنا عايله مسالمه ما نطلع ولا شفنا الدنيا مكونه من 6 بنات و 3 اولاد عندي 3 خوات اكبر مني و اخو واحد اختي اللي تحت الكبيره كانت ملتزمه حيييل بس لما دشت الكليه تعرفت على شلة بنات فاسدات قلبوا حياتها جذرياً تعرفت على شباب وصار عندها علاقات لين تعرفت على واحد كبير بالسن وهذي اهي المصيبه صارت تروح أماكن والعياذ بالله شقق و .... أكيد فهمتوا علي وصارت تسكر (تشرب خمر) :mskket: والمصيبه ان اختي الثانيه توها دشت الكليه الكورس اللي فات وصارت نفسها ويمكن أكثر بعد وتطلع مع شباب وتشرب بعد والطامه الكبرى انهم يقولون لي شنو يصير معاهم بالتفصيل بس للأسف آنا ما أقدر أتحجى ولا أقول حق احد لان اخوي شديد شوي وأكيد بينذبحون ولا أقدر أسكت لاني خايفه عليهم وضميري يأنبني :71_71: تكفوووووووووووووووون أبي منكم الحل أقسم باللـه ان هالسالفه صج تكفوووون أبي نصايحكم
الله يهديهم يا رب الي عليج انج تكلمينهم وتنصحينهم يعني لما تيي تقوليج سويت وشربت نصحيهاااااااااااا وتقدرين تهددينها ان اذا ما تسنعتي بقول حق اخوي مجرد تهديد مو صج والله يهديهم يا رب ويخليكم حق بعض
الله يعينج ع المصيبه الكبيره بس براي لابد تبلغين اخوج بسرعه هذا شرف وسمعه مو لعبه ونار اخوها ولا جنه اللي اهي فيها لا وبعد صاروا ثنتين الله يعينج بس لازم تتحكمون في المصيبه قبل لا احد يدري غيرتش وماشالله الكويت كلها كأنها بيت واحد كبير والله يستر على اعراض المسلمااااااااااااااااااااااااااااااااااااااااااااااااااااااااات
الله يعينج نصيحه قولي حق احد يقدر يوقفهم عند حدهم لانه السالفه ماتخصهم بس العايله كلها راح تنضر وسمعتكم كلكم راح تنضر وانتو بنات وراكم زواج وانتو سمعه لاتسكتين لانه لو كبرت السالفه لاسمح الله راح تتحسفييين واااااااااااااايد والسالفه راح تنقلب عليج راح يقولولج دام كنتي تعرفين ليش ماقلتي توكلي على الله وقولي حق احد قبل لاتكبر السالفه اكثر من مااهيا كبيره ينطقون جم طقه ولا باجر الله لايقول احد يذبحهم لاتقولين كل شي بالتفصيل قولي الاشياء الخفيفه هذي نصيحتي وانشالله تتقبلينها وتاخذين فيها وتاخذين بنصايح البنات عشان لاتتحسفين السكوت مو اهوا الحل الله يكون معاج
انا اقول امسكي اللي كانت ملتزمه وذكريها بالله وحاولي تقارنين بين حالها اللحين وحالها اول وحاولي تحركين فيها هذا الشي ولا تملين مهما سوت معاك استمري بتذكيرها بعقاب اللي قاعده تسويه وانو هي ادرى وان شاء الله تهتدي وتتوب وهي تهدي اختكم الثالثه بعدالله سبحانه واكثري اختي من الاستغفار بنية عودة اخواتك لطريق الصواب الله يهديهم ويسترنا دنيا واخره ويصبر قلبك يارب
الله يعينج ....بس حاولي تنصحينهم واذا ما فاد بلغي اخوج لا تزيدين الطين بله.....وبعدين اخاف خواتج يتمادون زياده ويجبون شباب للبيت وانتي تراج بعد في خطر اخاف ياثرون عليج ....وين امج وابوج؟واخوج ما انتبهلهم يعني؟الساكت عن الحق شيطان اخرس
مشكوورين ع النصايح حبايب قلبي كلامكم كله صح وعين العقل أكثر من مره اخوي شك فيهم امي وابوي موجودين بس في وايد مشاكل بينهم وفوق كل هذا أمي متابعتنا بس أكو شغلات تصير برا البيت والله ماني قادره انطق بحرف مادري شسوي ياااااااارب فرج همي
الله يعينج حبيبتي بس انا مع الاخت الليدي جوجو كلامها صحيح وعندج ابوج لاتكلمين اخوج مهما كان ابوج ريال كبيروراح يتفهم الامر بس اخوج صغير ودمه حامي يمكن لافدر الله يذبحجم وكذيه لامن خولتج ولا اخوج كثري من الدعاء لهم ان الله يستر عليكم ولاتنسين الشيطان اعوذ بالله منه شاطريمكن يخلي خواتج باجر ييبولج بلوه انتي غنيه عنها حبيبة قلبي كثري من الاستغفار وذكريهم بالله وبالموت والله يسترعليكم وعلى بنات المسلمين
الله يهديــــــــــــــــــــــــهم عااااجلا غير اجلااااا ياارحم الرحمين .. انتي انصحيهم مره ومرتين وثلاث وان شاء الله تكون هدايتهم على ايدج وذكريهم بالموووت وعوااقب اللي قاعدين يسوونه وخافي على نفسج منهم ترى هذيلاا بلوه والعياااذ بالله منهم والله يهديهم وقوليلهم اذا ماتسنعتوو وماخفتو من ربكم لي تصرف ثاني ويااكم وراح اعلم اخوي عليكم مجرد تهديد والهااادي الله وادعي لهم دايم بالثلث الاخير من الليل سبحااانه يقلب القلووب من حال الى حاااااااااااال ..
موبيدي شي الا الدعاااااء لهم بالهدايه وان الله يفرج همج بشوفتهم ملتزمات تائبااات والله يكافيهم شر هالشباب وشر هالطريج اللي مايجيب الااا خراب البيوت...الله يسترنا بستره..ويحفظ بناتنا..هدديهم انج راح تعلمين ابوج ولا اخوج وامسكي عليهم مكالمه ولا صور ولا اي شي يخليهم يخافون ولا يتجرؤن يسوون هالشغلات ذكريهم بالله وان طريق التوبه مفتوح والله غفور رحيم وسمعيهم محاضرات دينيه اسعي واجتهدي لا تسكتين عن الغلط..والله يكون بعونج..ويثبتج على الخير
حبيبتى انا اقول دورى واحد من العايلة كبير وفاهم وبلغية يساعدج عليهم ولا تيبين طارى لبوج ولا لخوج لان راح يحترون تطلع عليهم بشياء جايدة حليها معاهم واذا بليتم فستترو واللة يهديهم هداية وتوبة
اولا اللهم اهدهم واحفظهم يارب . ثانيا ان اراء الخوات جدا عقلانية ومناسبة اختارى ايهما الانسب لوضعج كونج ترين مالا نرى ! ثم انا استغرب ولا تزعلين اشلون خواتج يبوحون بمثل هذة الاسرار الخطرة جدامج دون اى اعتبار !؟ من اين اتتهم الجرأة !!!!!!!!!!! على العموم باب التوبة والحمدلله مفتوح مالم تغرغر النفس او تطلع الشمس من مشرقها الى مغربها . اعقليها وتوكلى بما يملية عليج دينج اولا ثم اسم العائلة (( ومن يتوكل على الله فهو حسبة )) الامر جدا خطير ويحتاج قرار صائب وسريع . توضئى بالسحر وذرفى الدمعوع بعين الى ماتغفل عينة وناجية والحى بالدعاء فأن الله يستحى ان يرد يدا عبدة صفرا ( اى بلا شئ ) فماذا تنتظرين ... انزعى الخوف جانبا وابدأى حياة جديدة مشرقة بالامل حتى لو كلفج الموقف ( الكثير ) فضيحة بين العائلة افضل من فضيحة بين العالم ..!
الله يكون بعونج هذه صج مشكله بس أنتي ما يصير تسكتين عليج بالنصيحه ولازم تقولين حق شخص فاهم من العايله غير أخوج يقدر يحل الموضوع ويوقف معاج وما تكبر السالفه اكثر من جذي لازم مساعدة شخص والله يهديهم ان شاء الله
والله من الصدمه مب عارفه شقول بس لازم ادخلين حد من اهلج بالموضوع عسب يرمسهم لانها سالفه شرف وسمعه تمس الكل عادي ماتتزوجون ع لعبان خواتج هذا ..
طمنينا اختنا كويتية ان شاء الله تعدلت الامور الى الاحسن ؟ بما اننا عرفنا البداية نتمنى ان نعرف النهاية كونج اخت عزيزة علينا بالمنتدى وطلبتى المشورة . الله اصلح الاحوال
قوولى حق أخووج والمفرووض من الاول ما تسكتين لأنه السالفه صار فيها شبااب وسكر ولاتترددين إنج تقوولين حق اخووج لأنه السالفه قويه الله يستر عليهم ويستر علينا ويستر على بنات المسلمين
