ذكريات وحلم

تعب , والحلم يبني فـي وسْـط هـذا الصـدر مبنـاه
قهـر يستوطـن الذكـرى ، حسايـف تسكـن بحلمـي
توسدّ حبري أوراق الوله بـ/ اقصى الـورق ثـم تـاه
مثل دمع اليتيـم اللـي ينـادي : ( وينهـا أمّـي ) ..!
أنـا ذاك ( اليتـيـم ) فـ/ غيبـتـك والله ثــم والله
أنا صبـر الثوانـي فـ/ الغيـاب اللـي كسـر عزمـي
لبسـت الصمت.مليتـه ، أبــي بوحي.لفـظـت الآه
تهـاوت دمعتـي وآصـدّ أكفكفهـا بـطـرف كـمّـي
تذكّـرت المكـان اللـي جمعـنـا والــذي ســوّاه !!
صـدى صوتـك يرافقنـي ينـادي يــردد بأسـمـي
واجمّـع فـي كفوفـي ذالحنيـن لشـوفـه ولامــاه
واقدمها ، عسى يكفي ، أقـول : ( تفضلي.سمّـي )..!
دروبـه والرسايـل والعـتـاب ودفـتـره واشـيـاه
أنا مـن ويـن مـا الـدّ بعيونـي شفتهـا قدْمـي ..!
طريق الانتظار أمسى وهـو ( يطـرب علـى ليـلاه )
رسمته وجهـه الشاحـب يصـوّت : ( التفـت يمّـي )
تجاعيـده تغـايـت فالمـلامـح والـحـزن عـنّـاه
حكى : ( يكفي تعذّبني ) ، نطق راجي : ( كفى ظلمـي )
جفيتـك ؟ إيـه يـا درب الوصـال وحدّنـي فـرقـاه
وحيـد آتـي وأعـود مـن غيابـه ناحـل ٍ جسـمـي
ينـام الليـل باحضـان السمـاء , والقافـلات ؟ فـداه
وتبـدا رحلـة الظلمـا ، تـوارى نجمهـا ونجـمـي
خلاص وراحـت الطفلـة ، عتابـي ؟ مرتحـل بخطـاه
بـ/ اصحّي ذكرياتي والحنين وبـ/ اصحى من حلمي ..!


((منقووووووووووول لعيونكم))

تسلمييييييييييين على النقل الروووعه

يعطيييييييييج العاافيه غلاتي

ابيااات رووووووعه.. لاهنتي ..

صح لسآآآنك والله روووووووووعة
لاتحرمينا جديدك
تقبلي طلتي

الاروع من الابيات هو مرورك على موضوعي

هلا مليون بهالطلة
صح بدنج يالغالية

صح لسانج يا الطيبة ... وننتظر جديدك

صح بدنج اختي الامل
يسلمو عالمرور