للأمانة منقول مشكلة المسنجر و طريقة حلها - المؤشرنت وهذا كوبي منه>>>>>>>>>>> خلال اليومين الي فاتو ، وايد ناس اشتكو من ان المسنجر عندهم علق و ماقام يشبك أو انه يشبك بس مايقدرون يكلمون أحد. بعد التقحيص و التشفيط ... اكتشفت ان ميكروسوفت قررت انها تجبر كل مستخدمين المسنجر انهم يرقون النسخة مالتهم من 8.1 و 8.5 الي الغالبية تستخدمها الحين (و حتى النسخ الي قبل) الى النسخة 14 لأنهم اكتشفو ثغرة أمنية و مو عارفين يحلونها. لهالسبب قاعدين يجبرون الكل انه يحدث النسخة. من الحين حتى شهر 10 ، كل واحد عنده نسخة غير 14 راح يكون مجبر انه يطور المسنجر أو انه ماراح يقدر يشبك. شهر 10 ، كل الي عندهم نسخة 14 راح يكونون مجبورين يطورون للنسخة الأحدث (والي هي 14.مادري جم) المهم ... قحصت و شفطت زيادة و لقيت حل لهالمشكلة في احد المنتديات الأمريكية الحل طال عمركم هو كالتالي: 1) تسكرون المسنجر و حتى تسكرونه من تحت صوب الساعة (تسوونله exit) 2) تروحون على الآيكون مال مسنجر بالديسك توب و تسوون رايت كليك 3) لما تطلعلكم الخيارات ، اختارو properties 4) بالنص اكو 3 دقم ... واحدة منهم مكتوب عليها Find Target ... رعصوها 5) دورو الفايل الي اسمه msnmsgr و عليه صورة المسنجر (الشخصية الخضرة و الشخصية الزرقا) 6) سوو رايت كليك عليه و طقو على properties 7) من فوق اختارو compatibility 8) اول خيار لكم اسمه compatibility option 9) حطو صح على المربع الي يم run this program in compaitbility modr for 10) راح ينفتح الصندوق الي تحته 11) اختار windos 2000 12) طقو apply و عقبها ok و هذا راح يحل لكم المشكلة ، لأن المسنجر لما يبي يسوي upgrade راح يدور النسخ الحديثة حق windows 2000 و ماراح يلقى لأن نسختكم راح تكون أحدث نسخة <<<<<<<<<<<<<<< وللعلم سويت الطريقة المذكورة واشتغل معاي مثل اول وحبيت افيدكم ومابي منكم الا انكم ترفعون الموضوع بدعوة حلوة مثلكم عشان يستفيد الغالبية منه
