رجيم تجربتي مع السمنه وشلون نحفت وانشد جسمي وتعب خفيف حمية دايت Diet - Regimen

وصفات رجيم و حمية و رشاقة - رجيم سريع المفعول - رجيم التمر واللبن - رجيم صحي - رجيم دشتي - رجيم فصيلة الدم - رجيم الماء - رجيم سريع - حمية البطن المسطح - حمية لتخفيف الوزن
http://forum.mn66.com/f9/


السلام عليكم حبوبات

بنات الموضوع طويل شوي بس بصراحه اللي تبي تنحف وتعرف الحقيقه تقرا للاخر وان شاء الله تستفيدون
بالبدايه انا كنت نحيفه وجسمي زين ماعمري انتبهت له انه يبيله تغيير او انه شين وكان وزني ( 50) كيلو لايطلع ولا ينزل على ماجات ايام الثانويه وطلعلي حب شباب واستخدمت دوا (رو اكتن لحب الشباب) واللي سمني باقل من شهر 5 كيلو وعلى اخر الشهر 10 كيلو يعني ابتديت اتعالج على شهر 7 بدايته على اخره كان وزني 59 كأني بلونه منتفخه حدها اول شي سويته رحت الصيدليات وماخليت دوا يمدحونه حق النحافه الا وجربته الدوا الفلاني ينحفني كيلو والثاني ينحفني 2 كيلو واللي بعده ماينحفني خير شر لين يأست قلت يابنت مالك غير الاعشاب الله يكرمكم يجيني اسهال موب صاحي بس الوزن اللهم ياعافي نفس الشي مايتغير ويالله يالله نص كيلو باحسن الحالات جربت الرجيمات طفشت خاصه الرجيم اللي يقعد شهر يوم اهلي يشترون حلويات وشبسات وكوافي اضطر اخرب الرجيم وابتدي من جديد ومره شديت حيلي علاخر نحفت 5 كيلو ورديت سمنتهم باقل من شهر
المهم على ما يوم شفت حلقه لاوبرا بصراحه اعتبرها غيرت شوي من مجرى حياتي ، وهذي صورة الدكتور اوز اللي ماخذه المعلومات منه حق اللي مايعرفونه

وهو انه اصلن نظام التغذيه فحياتنا غلط ولازم نتبع نظام مرتب فحياتتنا عشان نظمن انه لو نحفنا مانرجع نسمن ثاني موب حابه اطول اكثر من كذا
اول شي لازم تسوينه: تشيلين من راسك فكره اعشاب خلطات ادويه رجيم معين وانا اتكلم عن الرجيم اللي يقعد شهر كامل لانك الا بتخربينه بلاخر
ثاني شي: شيلي من راسك فكره انك تنحفين من غير رياضه (وان حصلتي رجيم ولا شي ينحفك من غير رياضه ارميه لانك بتنحفين وبتترهل عندك البشره وبتقولين ياليتني مانحفت ياليتني تميت سمينه وبشرتي مترهله شوي ولا اني نحفت هالكثر وترهلت بشرتي ( طبعن الكلام حق اللي بينحفون اكثر من 7 كيلو ) اللي وزنها اقل من كذا ممكن مايأثر عليها بس بعد مانصحها لانه الرياضه تسوي عضل وهالشي بتكلم عنه بعد شوي ومانبي اشكالنا تصير بهالمنظر ذه :

نبي بطن مسطحححححححح
الادوات المطلوبه او الاجهزة او المتطلبات :
1- جهاز مشي أو اذا كان عندكم حوووش يفي بالغرض بس لازم المشي
2- البلونه الرياضيه هذي بعد وايد ضروريه وبتشوفونها بعد شوي مع الفيديو المرفق وهذي الصورة بس ان شاء الله تبان

3- بنحتاج اوزان(7 باوند) بعني3كيلو لو ماعندك وزن ينفع تشيلين كتابين ثقال وبنفس الحجم

4- اختياري : ان حبيتي تجيبن جهاز البطن وانا ماستغني عنه لانه امتع واحسن من اني انام واسويها من غير جهاز عالعموم اللي تحب تشتري انصحها بالهجهاز :
بصراحه كلمه روعه قليله عليله واللي تبي عنه معلومات وطريقه الاستعمال انا حاضرة

5- اخر شي واهم شي في الموضوع طبعا الرجيييييييييييم او النظام اللي بتمشون عليه


والحين نبدا التنفيذ مع ترتيب الوقت كل وحده بوقتها عاد
احلى شي فهالرجيم انه مايحتاج ادوات ولا يحتاج تفاحه عالريق ولا علبه زبادي طريقه الرجيم ذه تتبعينه لمده اسبوع واحد فققققققط يعني لو ابتديتي السبت الاحد اللي اللي بعده توقفين رجيم وطبعا توقفين معاه الرياضه وكثر ماتقدرين تاكلين اكلي الله يكرمكم بيجيكم اسهال لاتخافون وكل ماكثرتوا كان احسن وبنبهكم لشي انا اضطريت اني ارتاح لمده اسبوع كامل لانه يوم وقفت يومين ماستفدت كثير واخو زوجي نفس الشي على عكس اختي وقفت يومين ونفع معاها اليوم الثالث خربت اسمنت نص كيلو فخليكم بالسليم وجربو اول شي يومين
نجي للفطور ابتعدي طول فتره الرجيم عن الكاتشب والمايونيز والخردل ( المسترده) والحلويات ممنوعه والشبس والكوافي وهالنوعيات
الفطور مسموحلج تشربين شاهي مع السكر الدايت او نسكافيه مع حليب او من غير لج حريه الاختيار هاي بالنسبه للسوائل بالنسبه للاكل امه قطعه توست مع اي شي تبينه حتى لو برغر او صصج بس يكون مشوي ومن غير الاشياء الممنوعه ( كاتشاب مايونيز وخردل) او تونه او بيض او جبن اللي يريحكم اكلو بس مو تسوين توست وتحطين جبن وفوقه بيض لاء نوع واحد بس بعد 3 ساعات لك حريه الاختيار اما يكون موعد الغدا او تختارين وجبه خفيفه وتكون عباره عن ( سلطه فقط) او ( فاكهه) فقطاو( شوربه ) الثلاث وجبات ذول بيكونون السنيك بغيتي تاكليهم براحتك مابغيتي حبيتي تكنسليهم هم بعد براحتك بس تراهم بيملون معدتك يعني انا بصراحه كنت افطر وبعد 3 ساعات اشرب شوربه وبعد 3 ساعات او ساعتين يكون موعد الغدا اتغدا وبعد الغدا بساعتين اكل فاكهه احس معدتي مليانه ماتعشى ولا اضطر اكل السلطه اتمنى انكم فهمتو قصدي
بالنسبه حق الغدا: لو مسووين رز أو مكرونه اختاري صنف واحد بس اوحطي بصحنك مقدار 7 ملاعق مليانه مو تاكلين 7 ملاعق لا تفرق حطي بالصحن 7 ملاعق مليانه وان كنتوا مسوووين لحم اخذي قطعه وان كنتوا مسووين دجاج اخذي الصد مع شوربه وسلطه ، السلطه ان كانت مع الرز مايبيلها تحسبين اما لو لحالها وحتى لو فيها ميونيز مايخالف بيكون شي [URL="http://forum.mn66.com/t176208.html"] خفيف [/URL] اخذي 4 ملاعق خفيفه مو مليانه مره لاتغشووون
العشا: اما تختارين نفس الفطووور او تكتفين بشوربه او كاسه نسكافيه او لو بغيتي سندوتش اكلي نص يعني لو شاورما لو جبتو شي من برا اكلي نص سندوتش او نفس الفطووور .
بالنسبه حق الرياضه : لازم كل يوم لمده نص ساعه تمشين سواء عالسير الكهربائي او بالحوووش لالالالالالالالالالالالازم المشي لانها الرياضه الوحيده اللي تصقل الجسم بالكامل بدون استثناء ولو عندك بطن تمشين مع جهاز البطن يسهل عليكي الموضوع وايد
وبعد كذا كل منطقه بجسمك تحتاج تمرين معين انا بحطلكم روابط الفيديو وتشوفونه كل منطقه بالجسم لها تمرين معين لازم تسوونه عشان يشد المنطقه بطريقه صحيحه ورياضيه حلوة

* مجرد معلومه: بعض البنات تخاف انها تربي عضل لاتخافين حنا مانقولج سوي جسمج مثل المصارعين المقصود عضله خفيفه ماتبان لانه يابنات اللي تكون عضله فجسمها بصعوبه بالغه تسمن المنطقه وهذا مايعني انك تعطين نفسج الضوء الاخضر بلاكل خاصه منطقه البطن لانه بعد الحمل كثييييييييير تترهل عندهم المنطقه لو في عضله مشدوده صدقوني ماراح تترهل ولا تبرز على برا بس مع المتابعه
ملاحظة: الرجيم ينحف 3 كيلو بلاسبوووع اذا نحفتي ووصلتي للوزن المطلوب بعد كذا خلك على النظام لانه مايجوع وتاكلين من اكل البيت موب مضطره تجيبين شي من برا وشي يقرف ويلوع الكبد اطبخي اللي تحبينه اذا خلصتي الرجيم بعد كذا استمري عليه اسبوع ايه واسبوع لا وخلي الرياضه 3 مرات بالاسبوع بس ( طبعا الكلام حق اللي يبون اجسامهم تكون مثل عارضات الازياء مصقوله ونحيفه ومشدوده موب ينحفون وبس) واللي تقول ماقدر وماتحمل طبعا هالشي يرجع لها
وهذي الروابط:
تمارين الخصر وعلى فكره المدربه تقول انه الكره الرياضيه ذي تخل قياسك ينزل من لارج لميديوم وسعرها مايتعدى ال(10)دولارات يعني تقريبا 40او 50 ريال



خلني اعطيكم معلومات زياده يمكن تفيدكم ان شاء الله
بكتب لكم نوعيه الاكل والاماكن اللي تأثر فيها مثلا:
الارداف والفخدين: الكوافي- الحلويات- الشبس بجميع انواعه( سواء بطاطس اوذره) والبسكوت والمكرونه والخبز
المؤخره: المايونيز- الكاتشاب- الخردل (المسطرده)
بالنسبه للاكتاف: يعني يخلي الاكتاف مثل كأنه عريضه اللي هو تقريبا من الظهر ورا اتمنى فهمتوني اللي هو الخبز
الخصر والبطن : طبعن بما انه المعده فالبطن فمالها اي نوع محدد عادتا ممكن اي شي فيه دهووون تحسونه دسم ممكن يأثر خلني اقلكم بالذات الوجبات السريعه والحلويات تساعد انها تبرز البطن اكثر من الرز والخبز والكربوهيدرات بالنسبه للخصر: نفس الشي نفس البطن

* معلومه: على فكره يابنات طول مانتي مسويه النظام كثري من الحليب وحطي معاه نسكافيه يطلع طعمه حلو او الزبادي والالبان حتى الجبن بس يكون [URL="http://forum.mn66.com/t176208.html"] دايت [/URL] عشان الدهون اللي فيه لان الكالسيوم اللي فيه من اهم العناصر اللي تساعد على النحافه لانها تنشط الجهاز الهضمي وتحث على حرق الدهون

*معلومه ثانيه: تبين تعرفين عضمك ان كان نحيف ومايشيل لحم او العكس من عظمه اليد اللي فوق الكف مباشره اللي فيها النبض سعات تكون عريضه وساعات تكون مره نحيفه يعني انا يوم يصير وزني 58 او او 57 احس البشره ابتدت تبي تترهل هذا معناها انه العضم مايشيل لحم كثير عندكم بنت خالتي وزنها 60 وماشاء بشرته مشدوده مره عظمت يدها عريضه وجسمها يتحمل .

* اخر شي: هم دايم يقلك الجسم المثالي اللي يكون الوزن مشابه للطول ابدن عمري ماشفت وحده وزنها مثل طولها وتقول [URL="http://forum.mn66.com/t176208.html"] جسمي [/URL] حلو يمكن تتفاجأون من كلامي والبعض يقول تبالغين بس التجربه خير برهان بس الصحيح انه الوزن يكون اقل من الطول ب(10)كيلو عشان يتوزع عالعظم بطريقه حلووة حق اللي يبون اجسام رشيقه
لكن من ناحيه طبيه انه اذا كان الوزن يماثل الطول مافي مخاطر صحيه لكن مجرد مايبتدي الوزن يتعدا الطوول الله يبعد عنه الشر يبتدى مؤشر الخطر بالنسبه حق القلب والكوليسترول

بعطيكم مثال على طولي ووزني : طولي ( 160) لو قلت انه وزني (50) اعرفي انه رشيقه وماعاني من ترهل وشكل جسمي حلو ، ابتداء من (55) لين(60) خلينه نقول بيبتدي شكل الجسم يبان عليه [URL="http://forum.mn66.com/t176208.html"] السمنه [/URL] ومن ناحيه طبيه مافي مشاكل ابدا ان شاء الله .
ولو قلت انه طولي (160) ووزني (60) اعرفي انه شكل جسمي مليان وتحسين الناس تقول جسمك حلو بس لو تنحفين بيصير احلى ومن الناحيه الطبيه مافي مشاكل .
مجرد ماقول طولي (160) ووزني (61) هنا عاد يبتدي الدكتور يقلك لاء خففي من وزنك كذا غلط عالقلب والكلسترول بسويلك مشاكل

وبنات للتنويه انا مشاركه بمنتدى ثاني وحبيت انقل لكم موضوعي هنا عشان تستفيدون منه انتو بعد وكانت وحده من البنات سألتني سؤال وايد حلو بكتبه لكم وبكتب الجواب معاه :

(بصراحه نظام ميه ميه
نويت اسووويه بصراحه لانه وزني 130 تقريبا وعندي مناسبه بعد شهرررر

تتوفعين يبان علي ؟؟؟

من جد محتاجه اغير جسمي


وبالنسبه للرياضه انا بصراحه مااحب امارس التمارين غير المشي يعني مستعده امشي كل يوم نصف ساعه بدل 3 مرات بس الاهم مااسوي التمارين الثانيه

ودي اعرف رااايك قلبي ؟؟؟؟


والشوربه وش هو مقدارهااا بين الوجبات يعني كوب صغير كبير والا وسط ؟؟؟)

وهذا كان الرد :


(ممتاز ردك وايد حلو شوفي ياعمري اول شي خلني اشجعك شوي انا اخو زوجي سمين حبه وزنه 120 على ماعتقد سوا النظام نحف (5) كيلو بلاسبووووع لانه سمين فجسمه يحرق بسرعه وبان عليه فاسبوعين طبعا بدون مانحسب البريك لانه سوا اسبوع وارتاح اسبوع والاسبوع البعديه كمل كان نحف 9 كيلو لانه تكاسل شوي بالاسبوع الاخير وكان له صديقه من جبنوب افريقيا يوم رد يقله وايد نحفان عن قبل حتى وجهه ماشاء الله
بالنسبه حق الرياضه زين اللي جيتي على طاري الموضوع ان كان الوزن كبير بالطريقه هذي حق اللي مايحبون الرياضه طبعا هو الافضل انك من البدايه تسويين تمارين عشان لايترهل الجسم بس دامك ماتبين مايخالف سوي كل يوم نص ساعه مشي لمده اسبوعين لين تنحفين اوك اسبوعين اللي بعديهم زيدي عشر دقايق بس لاتزيدين مره وحده والا جسمك راح يتعود على الرياضه ويصير الحرق بطئ لانه يبتدي الجسم يفكر يبني عضل الين توصلين لمده ساعه فاليوم
بس شوفي عشان ابري اذمي اول مايوصل وزنك (70) نصيحتي لك اختي ابتدي سوي تمارين الشد لانه الجلد الله يعافيكي من الشر بينزل وبيتدلى وبيصير شكله مقرف اعذريني عالتعبير

بس بما انه وزنك فوق السبعين مايخالف عشان ماتجهدين عضل القلب او اسم الله علييكي يجيكي شد عضلي قووووي يوم توصلين السبعين لازم تبتدين تمارين الشد

بالنسبه للشوووربه بالعكس اكلي الكميه اللي تبين بس ياليت تحطينلي مكوناتها عشان اعرف ليكون تحطين فيها لحم وتغشين
واذا بغيتي اعطيكي طريقه شوربه بالبشاميل مع الخضار طعمها لذيذ مرره بس الكميه مفتوحه لانها بالاخر شوربه
وابي تعلميني الوزن اللي ودك توصلين له)
ادري اني طولتها عليكم مره بس بعد خلني اقلكم اخر شي على هالمعلومتين
الاولى
حاولي كل يوم تاكلين حبه طماطم وحه عالاقل عشان الطماطم يقوي عضله القلب وبما انه بنسوي رياضه محتاجين القلب معانا خخخخخخ
ثاني شي
بنات اللي تبي تشرب مويه تكون كثر ماتقدرين بارده موب حاره وانا بفسرها لكم من ناحيه علميه عشان بس لحد يتكلم وطبعا الدكتور اوز اللي متكلم عنها
اول شي لو عرفتي السعر الحراري بيكون معناه الجهد المبذول لرفع درجه حرارة الماء لدرجه حراره الجسم درجه سيلولوزيه وحده لو جينا نقولها بلغتنا العاميه يعني شكثر جسمك محتاج يبذل مجهود عشان يحافظ على توازن الحرارة فالجسم سواء البارده او الحاره ويوم تقولين حق وحده الاكله الفلانيه فيها كذا سعر حراري مثلا صحن الكبسه مثلا (300)سعر كأنك تقولينها صحن الكبسه ذه يعطيكي طاقه تساعدك بتنظيف البيت والمشي مسافه كذا فيوم تشربين ماي بارد الجسم يبذل مجهود اكبر عشان يرفع درجه حرارته لدرجه حرارت جسمك

اتمنى انه الكلام يكون واضح والسموحه علاطاله يابنات واي استفسار او طلب انا حاضرة
وعلى فكره اللي تبي تنقل الموضوع انا مسامحتها رغم اني انكسرت يدي وانا اكتب بس عشان الفايده واللي عندها اي معلومه او تشوف انه في معلومه غلط مامانع انها تصححها رغم انه كل الكلام حافظته عن دكتور اوز ودكتوره تغذيه سودانيه كنت اروح لها بس جل من لايسهو .


[COLOR=Red]منقول اعجبني كثير وحبيت افيدكم [/COLOR]
[/SIZE]

[URL]http://forum.mn66.com[/URL]
الحمية - تخفيف الوزن - الرشاقة - ريجيم - وصفات ريجيم - تمارين - دايت شوب , الحمية , تخفيف الوزن , الرشاقة , تجارب الرجيم , وصفات واطعمه خاصه

للإشراك في القناة الرجيم و الحمية، أرسلي الرقم 4 كرسالة جوال SMS إلى الرقم 81428
[CENTER]المصدر: [URL="http://forum.mn66.com"]منتديات عالم المرأة[/URL][/CENTER]