روايه بقلمي: رومـانسـيه.. جريئه .. بعنوان (( ادمنت في حب غيرك )) واقـعـيـه

السلام عليكم ورحمة الله وبركاته
أحدااث القصه حقيقيه بس مغيره منها شويه
عنوان القصه: (ادمنت في حب غيرك )
المكان : الكويت
هالقصه راح تنزل اجزاء..
(البارت الاول)
قمر (بقلبها ): ليش مايرد علي انا شسويت ليش خلاني احبه وليش كل ما ابتعد عنه يردلي ليش ياربي ليش من الساعه 7 بليل وانا ادق عليه واللحين الساعه 3 الفير وانا شسويت بدنيتي علشان يصير فيني جذي
فيصل ( بعد الاف المكالمات من قمر ):شتبين اذيتيني
قمر:حرام عليك قاعده ادق عليك وانته ولاهامك
فيصل(مالى خلق):كنت قاعد مع الربع
قمر:خوش ربع من الساعه 8 بليل لي 3 الفير على اقل ليش ماتعبت نفسك ودزيتلي مسج
فيصل(بعصبيه):اقول مالي خلقج اذتيني( ويحط قمر تعليق وتتصل فيه وكله انتظار ..وحول تلفونه مغلق .. وتذكر قبل سنتين تقريبا)
قمر:فيصل تحبني ؟
فيصل:انا مو بس احبج انا اموووووووووووت فيج انا اعشقج
قمر(بخجل): احبك
فيصل(يعلي صوته):احبج اموووووووووووووت فيج
قمر(تضحك):اسكت الناس اطالعنا (تحط راسها على المخده وتبجي واهيه تذكر اسعد ايامها مع فيصل)
( اهل ابو خالد )
اخوها خالد عمره 28 متزوج وعايش بامريكا لانه شغله بالسفاره وقمر عمرها 23 حلوه بيضه شعرها نص ظهرها ملامحها ناعمه عيونها وساع مريم عمرها 21 سنه حلوه ولون بشرتها خمريه وشعرها نص ظهرها وشيطانه وايد حياتها كله عبط وضحك وناسه
(الساعه 6 الصبح )
قمر:اوووووف نايمه 3 ساعات كله منك يافيصل وانا خبله سهرانه علشانه واخر شي يحطني تعليق
(على صراخ امها )
ام خالد:قمر قعدي من النوم
قمر:يمه قاعده
ام خالد:قعدي اختج
(قمر رايحه غرفة اختها مريم وتبطل باب غرفتها وتسحب الفرااااااااش والمفااجأه)
قمر(تكلم نفسها):هذي وينها ماتيوز من سوالفها الوصخه امبيييييه شنوو اقول حق امي
(قمر تتصل على مريم)
قمر: الو ويعه انشالله انتي وينج
مريم: قمر المنقذه فديتج انا توني طالعه من ستار بكس
قمر : لا والله وماحلالج تروحين ستار بكس اللى الفير واي ستار بكس امبطل هالحزه
مريم: شفيج والله ستار بكس اللي بالمطار امبطل 24 ساعه مو مصدقتني تعالي..قمر بطلي الباب الداخلي اللي ورا بليززز
قمر: بتييبلي الجلطه من سوالفج انا اللي فيني كافيني هالمره اشيل همج
مريم:اسفه مره ثانيه ماعيدها احبج
قمر: سمعت هالحجي مليوم مره
( مريم تدخل البيت بهدوء وتصعد غرفتها وبسرعه تلبس وتروح الجامعه .. قمر تروح دوامها )
وبطريح تسمع اغنية ( لمني بشوق واحضني ) وتذكر فيصل

قمر : ليش مايرد
فيصل: نعم
قمر : انته شفيك على شنو تكرهني شمسويتلك انا
فيصل(مالى خلق) :اووووف ترا مالي خلقج
قمر (تبجي ) حرام عليك باللي تسوي فيني متى تتزوجني
فيصل (معصب ): انتي شفيييج كل شوي تقوليلي متى تتزوجني شنو انتي طايحه بجبد نفسج
قمر(تنصدم):انته تدري تقدمولي وانا ارفض وله نسيت سالفتك
فيصل:اوووووووووووو لوعتي جبدي خلاص .. صكري الموضوع متى اشوفج
قمر (تفكر وتقول لازم افاتحه بالموضوع بتلفون ماينفع ): وين
فيصل :كيييفج
قمر:خلاص اللبس ونتواعد بمطعم روبي تيوزدي
فيصل:ماشي عيل
(بعد ساعتين قمر توصل المطعم)
فيصل(يطالعها من فوق لي تحت ):واخيرا وصلتي
قمر: ليش اطالعني من فوق لي تحت شنو مو عاجبتك
فيصل(باستهزاء):اي لا لبسج وله شكلج اووووف امشي امشي جدامي خلصي
(وبعد سااعه يطلعون من المطعم ويتمشون بالسياره)
قمر(اطالع فيصل واهوا يسوق):فيصل تحبني؟
فيصل (وده يحذفه من الجام ):اي اي سكتي بسمع الاغنيه
قمر:احنا صارلنا مع بعض تقريبا4سنين متى تتزوجني
فيصل(يعصب): انتي شفيج كل ما اكلمج متى تتزوجني انته تحبني وله لا ترا لوعتي جبدي اقولج شيء حب ما احبج وانا اكرهج مللتيني عيشتي انتي حق ونااسه وبس زواج انسي اتزوجج
قمر(تصرخ ومصدومه):يعني شنو..يعني شنو
فيصل(يوصل سيارتها):يعني ذلفي وماابي اشوفج ولي بينا انتهى طلعي من سيارتي
قمر(تبجي):حرام عليك حسبي الله ونعم الوكيل فيك
فيصل (يبطل سيارته ويسحبها لي الشارع):تبين تعرفين ليش!لانج حالج حال الشارع اللي يبتج منه يالله ذلفي
يت ابوخالد ما خالد ورفيجتها ام حمد زايرتها)
ام خالد:هلا والله عاش من شافج
ام حمد:هلا فيج
ام خالد:يحاافظ وينج غاطه مانشوفج
ام حمد : تعرفين مشاغل الدنيا .. وانا بصراحه بدش بالموضوع
ام خالد:شنو هالموضوع!؟
ام حمد:انا ابي قمر حق ولدي حمد
ام خالد:خلاص اكلم ابو خالد واشور البنت
ام حمد : عيل عطيني خبر
ام خالد:انشالله
(وقعدو يسولفون وعلى طلعت ام خالد دشت قمر)
ام حمد:ماشالله عليج
قمر:هلا خالتي قعدي
ام حمد:والله مستعيله
قمر:عيل المره الثانيه اطولين عندنا
ام حمد:انشالله يالله مع السلامه
(وتطلع ام علي )
ام خالد: قمر ابيج بموضوع
قمر:هلايمه
ام خالد: يمه كبرتي وانتي اللحين بوقت زواج ام حمد تبيج حق ولدها خوش واحد واهما ناس طيبين
قمر(قلبها يطق):يمه لا انا ما اقدر اتزوج
ام خالد (مندهشه ):شنووووووو
قمر:لايمه انا ما افكر بزواج
ام خالد:على راحتج بس انا ابي اشوف عيالج
قمر:انشالله اللي الله كاتبه راح يصير
(تصعد قمر غرفتها واطلع صور فيصل وشوف الصور
قمر (قمر بقلبها): وتقول بقلبها وربي لا احرقك واحرق قلبي وادوس عليه وربي ماراح ارجعلك وراح اغير دربي
(وتبطل لابتوب اول مابطلت ودش على ايميلها ويدش عليها علي )
(خلوني اعرفكم على علي قبل مانبدي علي تعرفه من سنه عمره 24 يشتغل بشركة ابوه حلو وكل مايشوفونه
ينبهرون بجماله متواضع خلوق محترم واكبر اخوانه وعنده 4 اخوان )
علي: هلا وينج صارلج يومين موداشه على الايميل
قمر:هلا علي موجوده شلونك شخبارك
علي: تمام بخير دامجج بخير يالغاليه
قمر:دوم
علي:قمر مرت السنه بسرعه وانا اعرفج .. قمر ليش كل ما اقولج ابي اتعرف عليج اكثر ..تتهربين قمر والله انا معجب باسلوبج وبسوالفج ..قمر فهميني ليش
قمر:علي لوسمحت غير الموضوع
علي :مايصير كل. مااكلمج تقوليلي غير الموضوع
فهميني قوليلي ليش
قمر:ما ابي اكلمك .. انته تدري اانا ما احب هالسوالف
علي : انزين بس عطيني رقمج انتي يومين ماتشبكين او اسبوع ما ادري عنج وانا اكون ناطرج الله يخليج بس يكون بيني وبينج مسجات
قمر(بعد تفكير ): خلاص اوكي
(واسبوعين وقمر وعلي على هالمسجات)
(مريم و ابرار بالجامعه )
مريم:ويييييييييييييييييييع شيبي هذا ياي الجامعه صج مايستحي
ابرار: انتي مطنشته اسبوع
مريم :يامعوده مليت منه وماابي
(يقرب من مريم)
حمد:مريم ابي اكلمج
مريم:وانا ما ابي اكلمك
احمد (بعصبيه ):اقولج ابي اكلمج ركبي معاي السياره
مريم:اقول لاتصدق عمرك اني احبك يبا انا ما احبك وكنت ماخذتك تقزيره انته اللي لازق فيني يبا شنو انته ماعندك كرامه يالله اقلب ويهك
(احمد يمسكها من شعرها بيركبها السياره بالغصب وله واحد يمسك احمد ويدزه ويتهاوش معاه)
احمد:انته شتبي منو انته
الشخص:انا خطيبها انته اللي منو وشلون تمسكها جذي
مريم مصدومه .. احمد اعتفس ويها ومايدري شنو يرد عليه من الخرعه ركب سيارته وداااس )
الشخص:ديري بالج مره ثانيه
مريم(مصدومه):انته شلون قلت جذي ماخفت هالانسان يصيرلي
الشخص(يقرب منها):لاني اعرف عنج كل شيء واعرف خوالج وعمامج عدل
مريم(بخوف):شنووو!
الشخص:لاتخافين محد راح يدري بلي صار
(ويمشي هالشخص)
ابرار (مندهشه):اقول هذا اللي يشوفج من بعيد طلع يعرف عنج كل شيء من بعيد شلون يعرف عنج كل شي شلووون!

انشالله تعجبكم
لي عوده

مشكوؤره ياقلبي فديتج ،،


رواايه ممتعه صرااحه


يعطيج العاافيه ،،

الله يعافيج وشاكرتلج خيتي : )

روعه الروايه ياقلبي
كمليها ......

قمة في الروعة حياتي..
بأنتظار التكملة..

وايد حلوه الروايه
شلون اذا بقرا البارتات بليز علموني لان ماعرف توني عضوه يديده بالمنتدى

‘
‘‘

روع‘ـــه / تسلمين يآالغــآليـــــــه ,,,


كمليـهآإ شوقتيــني ...~


‘‘
‘

روووعـــه
بــليييز كملي !

واايد قصير البارت
يلا حبيبتي بليز

مشكوره حبيبتي

القصه بصراااحه جنااان

تسلم ايديج على طرح هالقصه

تقبلي تحيااتي

خواطر الغلا....

قصة مشوقة

وأسلوب راقي

شكراً لكـِ

wain eltakmela