السلام عليكم ورحمة الله وبركاته كيفيكم ياحلوووين اليوم حبيت انزل اول روايه لي واتمنى تعجبكم وتنال رضاكم والقى الدعم منكم والمتابعه وطلقت عليها اسم روعة الدنيا اول جزء راح ابتدي فيه بالتعريف على شخصيات القصه كمن حدث وأذا شفت ردود ومتابعه كملت واذا لا خلاص راح اقفلها بسم الله الرحمن الرحيم الشخصيات بيت الجد صالح الجد صالح متوفي من 15سنه وتعيش في البيت زوجته الجده أم يونس وهذي الجده من وفات زوجها جات لها حاله نفسيه ودايم مسكره عليها غرفتها ومالها مع احد علاقه الا نادر تطلع وتتكلم خفيف اذا شافت بناتها وحريم اولادها متجمعين ولا تسولف معهم تسولف مع البنات حفيداتها بس اذا تبي حاجه تكلم ولد ولدها ميثم اللي الكل يستغرب علاقتها العميقه معه وراح نتعرف عليه الولد الكبير لها اهو يونس ابو ميثم عمره45سنه متزوج من ملكه ام ميثم وعمرها 40سنه ميثم الولد البكر لها العمر 26سنه مخلص جامعه ويشتغل في ارامكو السعوديه شكله يشابه ابوه وااااجد طووويل وكتوفه عريضه وله هيبه اسمر وعيونه واسعه ونعسانه وخشمه طويل وضعيف ومبسم ثمه ناعم بس اذا ابتسم تبين اسنانه كلها يعني ابتسامته تحسونها تطلع من قلب متفهم وعاقل وملتزم بصلاته وبار في والديه وجدته بس مايرضا على خواته ولا يحب حركات شباب هالايام مغازل او غيره ماشي طريقه سيده وخاطب بنت عمته بس مابعد يملك عليها وهو خاطبها عن حب وبعد ميثم يجي مصطفى 24سنه يدرس سنه أخيره في جامعة البترول وهذا ينقال عليه المثل كل طويلآ هبيل طووويل اطول واحد فالعيله حنطي البشره عيونه مثل اخوه ميثم وسيعه بس ناعسه وخشمه بعد طويل لكن من الاخير فيه اشوي متن لكنه وسيم وحلو واللي يخرب هيبته هو ضعفه لونه امتن اشوي كان مع طوله طلع رزه مابعد رزه وقلت لكم انه يحب الهبال والضحك والنكت لكنه ذكي واذا بغى شيء ياخذه لو تحت الارض وكلمته مايحبها تنكسر لو حتى امه وابوه مايقدرون عليه وبعد مصطفى يجي دور البنات الاولى من البنات مروى 22سنه مخلصه ثانوي تدرس في الكليه قسم جغرافيا متزوجه ولد عمتها لها سنه من تزوجت بس مابعد تجيب عيال بنت طيبه بس كانت وهي بنت مشاغبه حييييل بس تزوجت وعقلت حنونه مره على الكل حتى على اللي يغلط عليها عندها كرامه تزعل بس اذا تأسف منها على طول تسامح وماتشيل في قلبها تحب اخوانها كلهم وماتبي شيء يفوتها لانها بعد ملقوفه وامها ماتسوي شيء بدونها الا لازم تاخذ رايها لانها بنتها الكبيره زوجهاصالح خطبوها له خطبه عاديه بس لما عرفها عدل وعرف شخصيتها وطيبتها صار يموت فيها مروى حلوووه حييييل وتشبه ميثم بشكل كبير مع ابوها دائرة الوجه مثلهم والخشم والعيون وهي طويله موهين طولها وجسمها مليان بس خطير على طولها ولا فيها كرش ومتناسق حيييل البنت الثانيه مياده 20سنه تدرس مع مروى في الكليه مروى سنه ثالث وهي سنه ثانيه قسم عربي هاذي الوحيده اللي فالعايله مالها صوت ولا كلمه ماتحب تحشر نفسها في شي ولا تتداخل مع احد دايم في حالها وشخصيتها غامضه حيييل لكنها طيبه بشكل كبير حتى اذا احد حاول يغلط عليها بشي ماترد غيرالله يسامحك واذا احد طلبها شيء تعطيه بدون اي نقاش لكن مستحيييل تفتح قلبها لأي أحد وساعات ابوها يخاف عليها أن تجيها حاله نفسيه مثل جدتها لانها اطوائيه حيييييييييل تطلع معهم بس ماتتكلم ولا فالبيت مااحد يدري عنها الا اذا راحو لها غرفتها وهي جسمه حليو اضعف من مروى بشوي لكن طويله بعد وساعات اذا مشت مع مروى بالعابايات مايفرقون بينهم عيونها خطيره اجمل من مروى بناحية العيون لان عيونها واسعه ولونهم عسلي فاااااااااتح وهم كلهم عيونهم مثل بعض بس هي لون عدستها غير وبشرتها بيضه ابيض وحده من اخوانها عشان كذا صايره مميزه بينهم بس كلهم حلوين وبعد مياده تجي ميساء اخر العنقود من البنات 18سنه ثالث ثانوي قسم علمي رجه هالبنت كل شي تبي تسويه ولاتخاف من احد لكنها حساسه اقل كلمه تأثر عليها وطبعا قلبها ابيض ونظيف ماتشيل ولا تحقد على احد ومتعلقه بأخوها الكبير ميثم بشكل كبير وهو بعد يحبها ويطاوع كلامها لكن سااعات يعصب عليها لانها عنيده اشوي وهي حنطيه وعيونها واسعه وفيها براءه وجها دائري ومليان خدود وجميله حيييل حيل خشمها ضعيف وطويل وتحب الكشخه واللبس والحركات والرقص والهبال وبنات المدرسه يموتون عليها وعلى جمالها وسوالفها اللي تموت ضحك وبعدها اخر العنقود مازن 16سنه اول ثانوي هذا مجنن البيت كله وخواته بعد واكثر شي مياده لانها هاديه وساكته له وماتحب تصارخ عليه ولا تهذر فوق راسه وهو مستقل طيبتها ويطلع اهباله كله فيها وعليه حركات تعصب في اخوه ميثم وابوه اللي اهو سوالف البنات في الجوال ودايم يتكسر الجوال على راسه وامه دايم تقول دلعتك لانك اخر العنقود وطلعت ماتستحي ومو مثل اخوانك خلصنا عايلة يونس الولد الكبير لا ام يونس وصالح ابوه الله يرحمه نجي لبيت العمه سميره هذي ام بنات العيله كلهم لان ماعندها بنات بس اولاد والولد الكبير سمته على ابوها صالح صالح عمره 25سنه صديق ميثم الروح بالروح وزوج مروى وهو موظف بعد في ارامكو وسيم حيييل وطويل وطيب مثل امه ويحب زوجته وامه وعادل بينهم ومرتاح لان زوجته طيبه وتحب امه وامه بعد طيبه وتحب زوجته ولان ماعندها بنات فصارت مرت ولدها الكبير بنتها الكبيره وماتخطي خطوه الا اذا اخذت رايها وهو صالح يحب رياضي حيييل دايم يشترك في رفع اثقال ومخلي جسمه معضل لكنه بسرعه يتنرفزويعصب لكن اول مايهدا يضحك ويفرفش ويحب الطلعات والتمشيات والجمعه بين الشباب والاخو الثاني لصالح عادل 20سنه خلص دراسه ثانوي واخذ شهادات دورات في ماليزيا واشتغل مع ابوه اللي هو عندهم شركه للانابيب وهذامايشوفونه الا في المناسبات واذا صارت جمعه للاهل بالغلط يجي وطيب حيييل ولا يغلط على احد وفي حاله وقليل كلام ويطاوع كلام امه وابوه في كل شيء ماعمره قال لا شكله حلو مره اسمر وفيه غمازات وعيونه موواسعه حيييل بس حلوووين لانها طويله ومايحب يروح مكان فيه بنات لان معنده خوات يخاف اذا راح مكان مايعرف يتصرف معهم ومعجب بينه وبين نفسه في مياده بنت خاله ويحسها من نفس نوعية شخصيته من كلام امه ومرت اخوه عنها لانها اختها بس تو الناس على الزواج وهو خايف اذا خطب ترفضه لانها كبره ويخاف تبي زوجها يكون اكبر منها وهو اكبر من مياده ب4شهور بس والولد الثالث للعمه سميره اهو علي 16سنه كبر مازن ونفس الحركات والهبال بس هذا مسكين دايم البنات مايعطونه وجه لان يشوفون مازن واشلون حلو ومملوح وهذا لا لانه اسمر حيييل ووجهه مليان حب شباب لكنه طيب ويفدي بعمره لامه وابوه وطبعه يحب يشارك في اللي عنده مع ربعه وخصوصا مازن بعد سميره تجي العمه ليلى أم سلمان ولدها الكبير سلمان عمره 27سنه موظف في شركة زوج عمته سميره ومخلص جامعه وبيتزوج في الصيف لانه خاطب بنت خالته اللي راح نتعرف عليهم بعد عايلة ليلى سلمان يشابه خاله ابو ميثم اللي هو يونس ويشابه ميثم حيييييييل اذا شافوهم فكروهم اخوان ويحب الضحك والفرفشه وصارت له مسكين سالفه مع وحده حبها وراحت عنه واحييين امه خطبة له بنت اختها ايمان له وهو مومقتنع حيييل بس مايقدر يعارض عليها وهي بعد ماعليها كلام ويحاول يأجل الملكه لأنه نفسأ مو مستعد لها التجربه وبعد سلمان تجي ساره 25سنه متزوجه واحد من بعيد عن العايله وعايشه معه سعيده في الجوف لانه شغله هناك وعندها بنت منه اسمها شهد عمرها4سنين وولد مشاري عمره سنيتن وبعد ساره تجي عيون ميثم وروحه وقلبه اللي هي بشاير 23سنه تدرس مع مروى نفس القسم جغرافياسنه ثالث وهي بنت مرحه وحبوبه وسوالفها توسع الصدر وطولها حلو وجسمها بعد مليان وخدودها تخليها تجنن بشرتها صااااااااافيه وبيضه وعيونها واسعه وسووده حيييل وبعد شعرهاولكنها اذا زعلت مو بسهوله ترضا وهي بعد تحب ولد خالها ميثم وملكتهم قريبه وبعد بشاير العنود والهنوف تؤام 20 سنه في جامعة الطب ووحده منهم تحب عادل ولد خالتهم ومع الاحداث راح نعرفها وهم تؤام في كل شيء اذا لبسو مثل بعض مااحد يفرق بينهم بشرتهم بيضه وشعرهم طووويل ونفس الطول والجسم جسمهم ضعيف بس مو حيل يعني فيهم لحم اشوي ويضحوكين ويحبون سوالف النكت والفرفشه وطيبين حيييل واسرارهم مع بعض وكل وحده ماترضا على الثانيه اكثر من نفسها وفي الجامعه الدكاتره مايفرقون بينهم وماشءالله عليهم شطار حيييل وبعد هذا التؤام يجي سلطان 18سنه ثالث ثانوي وهذا بعد اهبل من شلة مازن وعلي ونفس الحركات والكل معصب على هبالهم وكم مره اكلو طق من ميثم وسلمان وصالح وسلطان بعد مملوح لكن ملامحه ملامح بناتيه لانه ابيض وبشرته ناعمه وخشمه صغير وضعيف وعيونه وساع وشفايفه ورديه وناعمه ههههه يعني شفايف بنت وبعد سلطان عبدالعزيز 14سنه ثاني متوسط هالولد اهو الوحيد اللي في بيتهم مسالم وهادي ويطاوع حتى لو قصو عليه وسلطان متأمر عليه ويخليه يسوي له كل شيء يبيه وهو بعد عبدالعزيز مسكين ماعنده احد الا اخوه وشلت سلطان علي ومازن ويروح وراهم وهم يصرفون فيه عشان لايعلم عليهم وهو دلوع الماما والبابا وأخر شي من عيال أم يونس بنتها نوال أم محمد محمد 24سنه مع مصطفي في جامعة البترول وصديقه الروح بالروح ومحمد طيب مره ويحب الهيصه والتفحيط والسباقات وعنده سيارتين سبورت وهو مره وسيم طوله وسط مو طويل حيييل وعريض اكتوفه عريضه واسمر وعيونه موصغيره لكنها طويله ومليانه رموش وخشمه طويل ومبسمه عريض اشوي مو حييل وبعد محمد أيمان اللي هي خطيبة سلمان 22سنه مع مروى تدرس وبشاير لكن هي قسم عربي وقمه في الادب والاخلاق ولا احد عمره سمع منها كلام يزعل ولا يجرح وخالتها ليلى تموت عليها عشان كذا اول وحده فكرت فيها لولدها هي اللي يجلس معها يحس براحه نفسيه ويحسهاطيبه وشفافه من داخل لبرا وهي طولها وسط وجسمها حلو ومتناسق مع بعض بشرتها بيضه وصافيه وخشمها ناعم وضعيف وعيونها دائريه ووساع وولونهم عسلي فااااتح ورموشه كثيفه وطويله وشفايفها مليانه وورديه وناعمه وهي كيوووت مره ومعجبه ف يولد خالتها اللي هو خطيبها سلمان بس ياليته يحس فيها وينسى الماضي اشوي وبعد ايمان تجي انوار 17سنه ثاني ثانوي قسم علمي ايمان هبله حدها مثل بنت خالها ميساء وصديقتها دايم معها حتى في المدرسه وهي حبووبه لكن مفترسه اذا تبي شي ولا اخذته تجي للواحد اشوي وتكفخه وعصبيه بعد لكنها جميله حيييل وتشبه أيمان واجد مثل العيون المدوره والخشم والشفايف يعني نسختها بس اصغر وبكذا خلصنا شخصيات القصه
