رومانسيات [ شوفوا تجارب اخواتكم الموظفات وتعلموا وحدة تقول مره وصلني زوجي للمدرسه اللي كنت ادرس فيها الصباح قلت له وانا نازله: راح اشتاق لك ياحبي .. قال: انزلي انزلي لا تروح عليك الحصه الاولى .. آآآآآآه بغيت اصفعه بالمسطره عاد انا وش اقول والطويله اللي معاي -------------------------------- ووحده ثانيه تقول: زوجي موراعي هدايا ابد قلت ابشتري هدية له جهاز تلفونه الي يستخدمه قديم المهم غلفته وكاتبة في كرت شعر وكلاااام حلو وعطيته الهدية وكنت بجنبة فكه بشراسة وجهه فيه علامات استغراب وتعجب وانا مبتسمة طلعه قال: ليكون لي هذا قلت لك: حبيبي قال: شاريتة ب200 دينار يابنت الكلب هو بيطير من الفرحه بس شوفوالتعبير قسم بالله ذبلت ابتسامتي وهو يضحك يقول:شان عطيتيني المبلغ كاش -------------------------------- وهذي وحدة ثانية تقول انها حطت شموع من عند الباب الغرفة النوم والشموع طبعا على الارض وهي جلست في غرفتها وكاشخة وتنتظر زوجها المهم دخل الغالي ودعس الشموع برجلينه وقام يصارخ ويتألم وكفخ زوجته وتكلم عليها وماخلى شي ماسواه والمسكينة انهبلت من اللي شافته ماكانت رومنسية طلعت على ظهرها المهم الزوج دخل الغرفة وقفل الباب عليه ونام بلحاله والله هالحرمة مواقفها كثيرة وتضحك بس للاسف الحين تطلقت ماتنلام تطلب الطلاق -------------------------------- وحده من البنات ملت من الروتين اليومي في حياتها وحبت انها تسوي مفاجئه لزوجها بسهره رومنسيه ... المهم قامت واطلبت الكيكه من حلويات الخباز والعصيرات من ملك العصاير وخلت الاضاءه بالمجلس هاديه وولعت الشموع ونومت عيالها وتزينت عشان تهيئ الجو لسهره المهم جاء الزوج من الدوانية وريحته تفح دخان وشيشة وهي بغرفتها مقابلة الكيكه وتتراجف يدينها وهي تشب الشموع قبل لايدخل وتخرب المفاجئة المهم يوم بلع وخلص قالها: الحين وراك مجلستنا بالظلام حشى كأننا بقبر بجاخور تقول هي انها بلعتها وسكتت ماابي اخرب السهره قام وكمل ذا الماصخ وقالها: الحين وراك طالبه حجم كبير من الكيكه كان طلبتي حجم صغير وش هوله الاسراف يالله روحي قومي الجهال ياكلون منها عشان ماتنكب عاد هي حامت كبدها منه وطنشته وزعلت عليه تدرون المفروض انها تحط له خبز وفول ويخب عليه هذا موكفو ولاهو وجه تدليع (عساه لضربه هالبخيل) -------------------------------- هذي وحده من البنات توها متزوجه وحابه تسوي حركه لزوجها .. قامت وتزينت وتجهزت من مجاميعه وحطت الاضاءه هاديه وشغلت الدخان الصناعي وانتظرته لحد ماشرف المهم يوم دخل ويشوف الدنيا شبه مظلمه والدخاخين حاجبه الرؤيه قام يركض للصاله وجلس يناديها وهي ساكته ماترد عليه تتغلى عليه (على بالها حركه ماتدري مسيكينه انها بتروح في خبر كان) عاد هو طار للمطبخ وجاب جيك ماء وكبه عليها يحسبها انه مغمى عليها من الدخان عشان كذا ماترد عليه (جاء بيكحلها عماها) بالله وش تتخيلون موقفها ؟؟؟ المفروض انها صبت على راسه قاز -------------------------------- هذي وحده من البنات تزوجت وراحت للخارج مع زوجها بعثه للدراسه له ولها المهم شافت الحمران المزين ورومنسيتهم قالت خل اسوي مثلهم وخاصة انهم كلهم يدرسون وكل واحد فيهم وقت دراسته تختلف عن الثاني فما فيه وقت للجلسه الهاديه فقامت يوم من الايام قبل ماتروح للمعهد قالت خل افتح نفسه شوي لما يرجع تعبان ويبغى ينام شوي ونثرت على السرير ورود والعطورات الفواحه تفوح في الغرفه ومن هالحركات قالت: إذا رجع وشاف الحركات هذي اكيد بيستانس شوي المهم يوم رجعت من المعهد شافت زوجها نايم في الصاله عاد هي استغربت ليش مانام بغرفته على سريره ويوم صحى وسألته قال: الله يصلحك ناثره لي عشب على السرير وشلون انام عليه (الله يقلعه مايميز بين الورود والعشب) .. بالله مو المفروض تنثر على السرير تين شوكي عشان يتأدب --------------هالخبل------------------ وهذي وحده تعشق شئ اسمه رومنسيه وكانت دائما تعزم زوجها في مطعم راقي على حسابها يعني تغير من جو البيت وروتينه وكانوا دائما يسون هذه الحركه وهو وجهه مغسول بمرق كل ماطلعوا يطلب كل مالذ وطاب على حسابها عاد هي جتها ام العبيد وقالت: انا اوريه عشان يتأدب ويعزمني بدال ما انا أعزمه قامت وعزمته زي كل مره ويوم خلصوا ماكلين قالت له: اكرمك الله ياابو فلان على العشى عاد هو شرق بالعصير من الروعه , قال لها: وشلون يعني ؟؟؟ قالت له: الله لايهينك ويسلمك الفاتوره ادفعها من جيبك من البوك الماركة الي شريته لك تقول عقبها طاح وجهه تأدب ورجعها عند اهلها وصار لها سنه عندهم (تعب نفسيتها) -------------------------------- ووحده لاهي ولازوجه يدلون الرومانسيه وكانت بيوم راح تنقل لبيت ملك المهم شارت عليها إختها إنها تشتري حركات فطلعت مره هي وزوجها يشرون شموع اشكال والوان وبعد فتره هي كان زوجها طالع وإستغلت الفرصه وإدهرت تضبط البيت وتكشخت وشغلت الشموع يوم جاء المحروس شاف الدنيا ظلام يوم دخل على زوجته ولع النور وطفى الشموع قالها: الله يهداك الحين أنا شاريهن حتى لاطفت الكهرباء نشبهم وزاد الطين بله انها اعتذرت له قمممممة التحطيم -------------------------------- هاذي وحده جتها فكرة البالونات عاد ذاك اليوم مصختها حطت بالونات من مدخل الباب الى غرفة النوم وشك شك هذا طبعا صوت مفاتيح الباب جاء المحترم ومن غير مقدمات يوم شاف البالونات فقعها وووهو معصب وقال لها: لايكون عبالك ماخذتلج جاهل تو ما بعد تخرج من الإبتدائي والله انه بايخ وحطم المسكينه -------------------------------- وحدة تقول أنا مدرسة وعندي في البيت أوراق كثيره هنا وهناك وإذا خلصت المدرسه ألمها وأجمعها في كرتون وإذا ما أبغاها أحرقها المهم ما أطول عليكم رحت وشريت لي كتاب رومنسيات زوجيه يعني بتثقف وأصير رومنسيه حتى أعجب أبوالشباب وأنا كنت بداية الاجازة أروح لأهلي وأطول عندهم كذا يوم وهو قاعد بالبيت قريت في الكتاب انه إذا سافر زوجك أو تركتي البيت اكتبي بطاقات حلوه ملونه فيها عبارات جميله للزوج وحطيها بين ملابسه عشان إذا جا يلبس يقرا البطاقات ويتذكرك حتى وانتي غايبه عن عينه واختكم في الله سوتها تتوقعون إيش كانت النتيجة لما رجعت البيت بعد اسبوعين لقيت البطاقات على طاولة الكمبيوتر حقي قمت ضحكت وأقول قراها بدون ما يعلمني الظاهر عجبته الحركة>>> زوجي كتوم جداً قلتله ياعيوني ياحبيبي عجبتك الحركة قالي أي حركة لا عد ترمين أوراقك منا ومنا وأنا ألقط وراك ليه شايفتني شغال عند أبوك تسنعي ياحرمه إيش رايكم فيه>>>>>> رومنسي صحيح . -------------------------------- هذا عااااد قمة وحدة تقول مره سويت لزوجي ليله رومانسيه على قولتكم وقمنا نرقص هذيك الرقصه وش اسمها ايه سلو الي تحطين يدك ورى ظهر زوجك وهو يحط ايده ورى خصري وكنت منسجمه مع الجو تخيلوا وش قال قال: تكفين تكفين حكي ظهري فوق شوي لالا تحت شوي وانا ميته من القهر ههههههههههههههههههه عجيييييييييييييييييييب __________________ يارب اوعد كل النساء بزوج روماانسي يعشق الرومانسية ولا يروح الجمال و يفنى الشباب لواحد حد الرومنسيه عنده يبغاني احكله ظهره ههههههههههههههه اشوفكم علي خير[/color][/size][/font][/center]
مشكورة وما قصرتي . . . في ازواج بصراحة مو مال رومانسية لكن هالحريم تقط راتبها وتسوي له جو وهدايا واهو ما يتعب نفسه يشكرها وإلا يبادلها نفس الشي هالنوعية حرام فيه الرومانسية
هههههههههههههههههههههههههه الله لايبلاني انشالله بواحد جذي ان سوت جوو رومانسي عيبوا ولا تحلطموا وان ما سوت ماتهتم فيني ماتعرف عيزت وانا افهمها الخ والله حالة
