شخباركم ارجو كل واحدة تشارك لمن زوجك يزعل شنو بتسوين عشان تراضية اكيد كل واحدة ولها طريقتها عشان الكل يستفيد
يأحياتي شكلج كل يومين مزعله زوجج إذا علي أنا اتاسف منه بكلمه وبس. تبين الصج هو اللي دايم مزعلني ويراضيني بطريقته يعني الله يعين عليئيئييهم
اذا هو مزعلني هووو يجي يرضيني 00 اما اذا انا اروح ارضيه 000 ودايم زعلنا ورضانا بالمسجااات الله يخليهم لنااا مالنا الا هم بهالدنياااا 000
والله احاول اني ما ازعله والمشكله ياكثر يزعل وانا ازعل بس اهوا يراضيني قلييييل ومايطول يعني اذا طولت مارضيت يسحب اعتذاره ويزعلني زياده،،، عاد انا انقهر واهوا طبعا وده انا الي كل مرة اراضيه.. لا ويقولي كبري عقلج واهوا مادري ليش ما يكبر عقله!!
واسلوب المسجات ماااا ينفع مع زوجي نهائيا وكل هواشنا بالمسجات واهوا يخوره بالمسجات يقعد يقط كل شي بقلبه،،، عاد انا قررت اشيل المسجات بينا احسن
اذا انا مزعلته ماعندي اي مانع اراضيه وابوس ريله بعد علشان يرضى بس............. اذا كان هو اللي مزعلني يتغير الموقف اخليه يكره حياته لغاية مايراضيني ومع العشره ماعاد يصير بينا زعل خلاص تعودنا على بعض ربي يحفظه لي ويحميه
اول شي اذا انا غلطانة اتاسف لة بمسج لان مالي وجة اكلمة وعلى طول يدق واكلمة عادي اذا اهوا غلطان لو يموت ماتاسف لة ليما يتاسف واكلمة بنفسية وكاني مالي خلقلة بس يوم وبعدين عادي واذا ابي شي ادز مسج ابي فلوس او بطلع من غير ياقلبي بس مايقدر حدة نص يوم ويراضيني وانا بالمثل لان مالي غيرة ومالة غيري ليش اكبر المسالة دام فيها عذر عندي تسوى الدنيا ومافيها ومو حلو الزعل يطول عشان اذا تصرف تصرف ثاني لاتلومينا
