حبيباتي ابي حل لزوجي مع ولدي زوجي خمسيني ولدي خمس سنوات مافي ود بين هلاثنين انا اقولكم ولدي شيطان بس طبيعيه بسنه وريلي ما يحب الشطانه المشكله ان صارت نجره بيني وبينه سبت هالولد مايبيه يتحرك ولا يسوي شي ابي حل مع الابووووووووووووو:sad_smile:
ياااأختي ولدج عمره خمس سنوات يعني يعرف الصح من الغلط..؟ اذا من اولهـ ماشاف حزم كل مايكبر راح يذيكم اكثر.. فهميهـ اذا شاف ابوه لا يقل ادابهـ حطي لهـ عقاب من الاول لا تندمين بااجر اذا كبر الابو مايكرهـ اكيد في غلط بالولد هو يبي الحل وانتي تقولين طبيعي اللي بسنه ؟؟؟
ريلج شكله مايحب اليهال ولا وايد اكو اجداد اكبر من سن زوجج صحبه مع احفادهم والياهل مسكين يبي يلعب مايصير تحكرونه خل يعيش عمره بس مو الشطانه البايخه وديه حق عيال عمامه او خواله او شركيه نوادي والصراحه او حطيله البلي ستيشن و اذا ريلج ماله خلق كيفه محد قاله ييب ياهل على كبر اهو ولده او من زواج سابق ولا تتناجرين ولا شي اذا صرخ قوليله ياهل شلون بعد يبي يلعب انت شبعت لعب احد كلمك _اهم شي الصراحه شعور ولدج توه عوده طري لا يتعقد
حبيبتي حاولي توجهين ولدج باحترام وجود ابوه والمحافظه علي الهدوء في البيت وحاولي انج تخلينه ينشغل بالعاب تلفزيونيه مثل البلاي ستيشن اثناء تواجد ابوه بالبيت واذا طلع الابو خليه يطلع كل طاقته ........وهم فهمي وشرحي للاب الطبيعة العمريه وسماتها للولد ان بهالسن يكون اكثر نشاط وفضول للتعرف علي المحيط اللي حواليه.....والله يهديهم ان شاءالله...
مشكورين حبايبي علي المرور المشكله زوجي اول حياته متعود علي تربية البنات خلفتنه كانت بنات الاولاد يونه علي كبر يمكن علشان جذي مو فاهم ان تربية الاولاد غير والبنات غير والاهم من جذي الولد متعلق فيني حيل دائما يقوله ياولد امك
انا رايي من راي اختي ام فاطمه الياهل لازم يلعب وخاصه بعمر ولدج الله يحفظه يبي يبرز مهاراته افضل انج تقعدين مع زوجج وتفهمينه هالشي لان مشكلتج ترى مو بسيطه مشكله وااايد كبيره اذا ما كان في انسجام بين الاب وولده قوليله انا اتضايق من طريقة معاملتك مع ولدك ودي انكم تكونون على قلب تقعد تلعب معاه وانت بنفسك تنصحه الياهل بهالسن يسمع ترى وانتي قعدي مع ولدج وفهميه قوليله اذا بابا بالبيت لازم نكون هاديين ومن هالحجي انتي عارفه واوعديه اذا تم عاجل راح اتييبين له هديه ومن هالنوع حتى لو انج تاخذينه حق الفرع يشتري اللي بخاطره انا بنتي والله مشيت معاها على هالموال مو عشان شي بس عشان لا تتشيطن وفعلا ياب نتيجه قمت اوديها المكتبه اشتري لها الوان وكرسات حاولي تواعدينه بالاشياء اللي يحبها لانه مهما كان هذا لي الحين طفل اتمنى اني افدتج
خليه يتقرب من ابوه مثلا قوليله اذا قعدت هادي عند بابا اليوم اوديك باجر الحديقه او اذا حبيت راس بابا اوديك الجمعيه او اعطيك فلوس
لا اختي مسووكه مو عشان خلفتج كانت كلها بنات وبعدها اولااد والله الزمن تغير والتربيه تغيرت صاروو الجهال اهما يربوون نفسهم تطقين اتعصبين يرتفع ضغطج نفس الشي اللي براسهم مسوينه مسوينه الله يهديهم ويصلحهم انا عاد عكسج ولدي بجري اقدره واحسه يعرفني اذا عصبت مايسوي شي بس بنتي عكسه تماما الله يصلحها .. يعني صدقيني موشرط بنت والا ولد .. وانتي عاقبيه وعلميه اذا ابووه موجود يتعود ع الهدوء والا صدديه عنه يعني لاتخلينهم يتواجهون واجد .. وسلامتج وتعيشين وان شاء الله اني فديتج ..
