دايما نقرأ في هذا المنتدى مشاكل للمتزوجات لا حصر لها, منها المشاكل البسيطه والمتوسطه والكبيره, والبيوت لاتخلو ابدا من المنغصات, حتى الزوجين المتحابين يمروا في هذه الحاله....ولكل من الطرفين طريقته في حل المشاكل .... والسؤال هنا كيف هي طريقتك في حل مشاكلك مع زوجك؟ تطنشي ولا كأن شي صار ؟ او تسكتي ولا تكلميه ابدا؟ او تناقشيه بهدوء وتبيني له الاسباب ؟ ابدي لنا رأيك في هذا الموضوع ...........
شوفي حبيبتي الحياة لازم الوحده تعيشها بحلوها وبمرها وملح الحياة المشاكل الزوجيه وطبعا المشكله وحلها على حسب اذا كانت المشكله كبيره او سخيفه اذا كانت كبيره والله اتعوذ من الشيطان واصلي ركعتين واهدي نفسي وبعدين افكر بحلها اما اذا كانت تافهة وسخيفه ادوور حل لها ليش طلعت هالمشكله السخيفه واحاااول انها ماتتكرر لانه المشاكل التافهه والسخيفه بعض المرااات تكبر وتكبر وماتلقين لها حل انا عن نفسي شكثر واااجهت مشاكل مه زوجي واهله بعض المرااات اطنش وهذا الي مصبرني وذااابحهم وبعض المرااات ولا والله اخلي ابويي وخوااني يتدخلون وهم بعض المرااات احلها بشكل ودي مع زوجي احاااول اني اكسبه لو انا غلطااانه ابوعيالي ومالي غيره فديت روحه
حسب المشكله يعني اذا هو الغلطان والله مااكلمه وشنو يصير اما اذا انا غلطانه انطر لين يهدى واطلع من الغرفة واحاول اني وايد اضحك مع اللي حولي فهو هني ينغاظ ويصير وده يكلمني او اسوي الشي اللي يحبه يعني اتحرش فيه اتكشخ واييبله عصير او شاي او مثلا اسوي روحي موغلطانه وناسيه السالفة وايي استشيره بشي او اقوله سالفة وبس
على حسب منو الغلطان إذا أهو الغلطان حرام بعد عمري يعني حتى لو يهاوش ويعصب أنا أسكت ما أتكلم تلاقينه شوي يجي يراضيني مايهون عليه يخليني زعلانه وأنا نفس الشي وهذي الحياة إذا أهو شد إنتي لازم ترخين وإذا إنتي شديتي لازم أهو يرخي وجذيه بالطول والا بالعرض الحياة ماشيه
على حسب المشكله اذا ضغيره اطوفهاا الانها ماتسوى اما اذا كبيره وانا الغلطانه لاوالله اروح اعتذرله واتأسف منه وبعدبن حبيبتي الريال يمل من كثر المشاكل فطنشيييها أحسن ولا دققين على كل كبيره وصغيره
على حسب المشكله انا عن نفسي اذا سكت شيصير فيني انغث وانغث وانغث وانغث وانفجر وتكبر المشكله الصراحه ماقدر اسكت لازم نتناقش سواء كانت المشكله كبيره ولا صغيره مايصير نتهرب من المشكله ونطنش لان بالتالي راح تكبر
انا احب اقطع عرق واسيح دمه على قولة المثل احب انهي المشكله بوقتهااا ودايم حتى لو انا غلطانه مااعترف بغلطتي واقلبهاا عليه
الموضوع حلو تسلمين اختي الاخوات ماقصروا ردوا بس احنا نبي ردج انتي شنو رأيج بالموضوع اللي كتبتيه انا لازم اناقش ما اطوف شي
احب اعطي كل شئ حقة المشكلة الصغيرة طااااااااااااااف ولا اوقف عندها وتستمر حياتي طبيعية اما الكبيرة طبعا لا احلها بنفس الوقت واذا تحتاج تدخل اطراف ثانية فالحمد لله التليفون فواتير والارقام الضرورية كلها مخزنة بالجهاز هههههههههههههههههه
أنا رايي إذا صارت مشكلة الزوجين يحلونها بانفسهم..صدقوني المشكلة ماراح تنحل لما يتدخلون الأهل إلا إذا ضربج أو هان كرامتج...ساعتها مافي تفاهم لأني رااااايحه بيت أهلي باااااااااااااااي!!
