السلام عليكم حبيبــــاتي انا في مشكلة ومسببتلي ازمة كرهت دوامي فجـاة ماادري اشصار فيني مع اني والله شـاطرة ومن طبعي اذا سويت شي لازم ااديه بكل امانه والله ماامدح بنفسي بس متحسفه نوعا ما وللعلم انا ابلة روضه شنو في مجال اشتغل فيه غير التدريس؟؟ ؟؟ ؟؟ مع اني سمعت انه بيحطون التدريس ضمن المهن الشاقه وبيزيدون الرواتب ادري طولت عليكم بس انا حيل متورطة وعلى فكرة ماداومت من الكورس الثاني خذيت طبيات اللي عندها الحل لاتبخل علي انتظر ردودكـم الحلوة ولكم جميعا ارق واطيب تحيــة
" اذا كان تخصص رياض الاطفال لاتستطيع الندب الى المراحل الاخرى ولكن من بين الرياض مسموح اما النقل الى الابتدائي لا لان التخصص لايوجد في المرحله الابتدائيه وانما في الرياض فقط " " او ترك التدريس نهائيا والتحويل الى العمل الاداري بالمنطقه التعليميه مع فقدان كادر التدريس وعدم العوده الى المدارس للعمل الاداري فيها الى بعد مكوث سنتين بالمنطقه ( قرار وزاري ) "
انا في مشكلة ومسببتلي ازمة كرهت دوامي فجـاة ماادري اشصار فيني مع اني والله شـاطرة ومن طبعي اذا سويت شي لازم ااديه بكل امانه هلا وغلا بالطيبة : أتوقع ما تعانين منه هم ما نسميه بالعامية " فزه " لأن شغلج أنت شاطره فيه وتؤدينه بأمانه مثل ما قلتي وعليج بالرقية قبل الدهاب للدوام ... بس متحسفه نوعا ما وللعلم انا ابلة روضه شنو في مجال اشتغل فيه غير التدريس؟؟ ؟؟ ؟؟ العمل الإداري في المناطق التعليمية وعلى فكرة ماداومت من الكورس الثاني خذيت طبيات وهذه الطبيات ليست من صالحج لانه احتمال إدارة المدرسة تحولج مجلس طبي لكثرة طبياتج ولكم جميعا ارق واطيب تحيــة وموفقة بإذن الله لما فيه الخير لج
هلا اختي . . . حاولي تروحين تشتغلين في المنطقة التعليمية او ادارية في مدرسة . . . كلنا تحوشنا هالضيقة والغلقة باول ايام الدوااام وسبحان الله نتعود بعدين علي الشغل
مو شرط تكون عين يمكن انتي تعبتي لانج تعطين من قلبج وما يبين بعين احد وعشان جذي كرهتي الدوام على العموم ما يمنع تحولين ادارية وعليج بالرقية الشرعية
انا بالضببببط بالضبببط نفس حالتج و اللي فيني نفس الي قالته ام دعيج ست سنوات تعليمية اكرف و اعطي من قلبي و اخرتها ما بين بعين احد و انظلمت حسبي الله على اللي ظلمني عسا الله لا يوفقهم .. يا عل حوبتي ما تعداهم و اشوف فيهم يوم
