السلام عليكم ..ياناس انتو مو ملاحظين الغلا اللى صاير بالمنتديات .. ولا بس انا اللى الاحظ ... شنو وين قاعدين ..مصاصة ب15 مهاد ب60 اعشاب ب40 ؟؟؟؟؟اعشاب ب40 ..شنو خاف فيها شرايط ذهب..فطاير ب12 ..ترى كيس الطحين ب100 فلس :mskket: تاج ب20 ؟؟؟؟؟ شنو فية تاج من اب مية واللة يسلم بياع الورد قص ولزق.. وجنطة ب100 .. تقليييييييييييييييييييييييييييييد لو شنو تقليد ؟؟ احط عليها مية ثانية واشتري اصلي..يابنات في اشياء تسوا وفي اشياء ماتسوى يعني الواحد بيشترى بس ينصدم من الغلا..ولاتقولون غالين ...انا اعرف اغلب المواقع الاجنبية واللة وبلااااااااااااش ..اللى مومصدقة احطلها رابط المهادات والمصاصات والجناط ..بس الحريم يستغلونا لاننا مانعرف نجيبهم من برة..اوكى التجارة شطارة بس موجذي ..يعني المصاصة ب 9 دولار يعنى دينارين وشوى قولي مع الشحن 5 بيعيها ب7 اربحي دينارين ..لا هذا غير التوصيل؟؟ في ناس عندهم رخيص لان اللة مرههي عليهم الحمداللة زين والناس اللى على قد حالهم مالهم نفس .... واللة انا موضد احد لايقبون على التاجرات بس العدل زين..ولا انا غلطانة اللى شايفني غلطانة يقول؟؟ الله يرزق الجميع ..
أختي هذي وجهـ نظرج واتفقج وياج فيها يعني في بعض الشغلات فعلا مبالغ فيها وبعض الشغلات سعرها فيها خصوصا لما تكون ماركة معروفة .
والله انج صاجه واكبر مثال على هل شي اني بعت حفافات ب نص دينار وانا ربحانه فيهم والاخوات كانو بنفس الوقت يبيعونه ب 5 دنانير وبيقولون البضاعه تختلف لا والله ما تختلف وكلها من ايران وهناك اسعارهم معروفه
وجهة نظر صحيحه نوعا ما بس حبوبه بخصوص التوصيل احنا مالنا دخل لانه هذي تسعيرت اغلب المندوبييييين بس بخصوص البضاعه معاج حق
التوصيل حق المندوب مو لتاجره والاسعار فيه تفاوت بين تاجره وتاجره عشان جذية احب ادور على الارخص واذكر شفت استكرات مالت الأطوف تهبل بثلاث دنانير للحبه ولقيت وحده بمنتدى ثاني تبيعها ب 15دينار ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وتقول من برا ؟؟؟؟؟ شسالفة ليش اللي بالديرة مو من برا بعد ولا صناعه وطنيه واحنا ماندري؟ وفيه دراريع اسعارها حرررررررررررررررررررررررررام فيها وفيه اطباق حريم اسعارها حسااااااااافه فيها من قلب لو نسوي بالبيت سوينا احلى منها وفيه ناس الله معطيهم المقدره على الابداع بالشغل والفن والابتكار وتتميزين حدج اذا اخذتي منهم واسعارهم معقولة واولا واخيرا مهما تكلمنا او سكتنا او اعترضنا او او او الرزق بيد الله يوزعه كيف يشاء والتجاره ربح وخساره والربح القليل المستمر افضل من ان تصير اسعاري نار والناس تنحاش مني يالله الاقي وحده ثنتين يطلبون مني والقناعه كنز لايفنى مشكوره على الموضوع
يا قلبي انتي في زمن البيبسي بثلاث ريال مدري كم بالدينار و الفلس يعني إذا عجبك شيء حطي بخاطرج إنه بالسعر الفلاني و زودي شوية حق عشر دراهم وذي تروح بعضها نصب و بعضها تستاهل و بعضها اتعاب على قولتهم يعني دناريرج رايحه رايحه بس فتحي عيونج حق شيء يستاهل 00 و هي تجارة والكل يظهر شطارته بهالتجارة اقول لك و أنا بالسوبر ماركت و انا طالعة لقيت حرمه كبيرة بالسن و باسطة تبيع كل شيء و كان ريجي ناشف و حبيت اشرب شيء بارد و كان عندها ثلاجة صغيرونه فيها ثلج و عصرات و أخذت بيبسي ابو ريال و عطيتها الريال و جيب رايحة قالت : هي هي انتي يامره 0 قلت نعم - قالت : يابنيتي عيتيني ريال و بقي ريالين 0 قلت : حق شنو يعني ريالين انا شريت بيبسي بس 0 قالت : ايه ذالبيبسي بثلاث ريال 0 ضحكت انا و قلت لا يكون القوطي مرشوش بالذهب قالت : والله نبغى نكسب بتعطيني الفلوس و إلا رجعي البيبسي لمكانه عاد انا عصبت و رميت البيبسي بالثلاجة و قلت الله لا يجعلني احتاج لك صدق و الله الدنيا انقلبت الشيء اللي بريال صار بثلاث يلعن ام النصب تقبلي مروري يا ام الريش و شكري لكن الله يرزق الجميع و يعوضنا بخير
هلا حيااااااااااااااتي حطيتي ايدج ع الجرح وانا لي وجهة فالموضوع الحين السوق حده غالي فالتاجره راح يكلف عليها الشغل اللي تشتريه وهذا يخليها تبيع بسعر اغلى وفي تاجرات فيهن طمع وعندهن ان التجارة ربح وبس فتلاقينها ترفع بالسعر لي السما وفي ناس تضطر تشتري لانها محتاجه للمنتج بس اللي يقهر ويبط الجبد اذا المنتج ماينفع وانه بس دعاااااااااااااااااااااااااااااااااااايه وسعره غاااااااااااااااااااااااااااااااااااااالي صج شي يقهر واخيرا اقول مشكوووووووووووووووووووووورة خيتو
